Birinsi sinifdə tədris prosesi, arxiv şəkli

Yaş məhdudiyyətinin qaldırılmasını gözləyənlərin diqqətinə: Bu, mümkün deyil

908
(Yenilənib 16:33 16.03.2018)
Sentyabradək 6 yaşı tamam olmamış uşaqların məktəbə qəbulu mümkündürmü?

Xalid Məmmədov, Sputnik Azərbaycan

BAKI, 16 mart — Sputnik. Ümumtəhsil müəssisələrinin I sinfinə ancaq 15 sentyabr tarixinədək 6 yaşı tamam olan uşaqlar qəbul edilir. Dövlət ümumtəhsil məktəblərində yaradılmış məktəbəhazırlıq qruplarına isə həmin il 5 yaşı tamam olmuş uşaqlar qəbul olunurlar. Qaydalara görə, I sinfə vaxtından əvvəl qəbul isə hər il 16 sentyabr-31 dekabr müddətində 6 yaşı tamam olan xüsusi istedadlı uşaqlara şamil edilir.

Эксперт в области образования Кямран Асадов
© Sputnik / Murad Orujov
Эксперт в области образования Кямран Асадов

Maraqlıdır, mövcud məhdudiyyəti aradan götürüb, I sinfə 6 yaşı senytabrın 15-dək tamam olmayan uşaqların qəbul edilməsi mümkündürmü? Sputnik Azərbaycan məsələyə təhsil ekspertlərinin münasibətini öyrənib.

Təhsil eksperti Kamran Əsədov bildirib ki, dünya praktikasında birinci sinfə qəbul 6 yox, 7 yaşından həyata keçirilir: "Bu yaş həddi də boş yerə müəyyən edilmir. Burada uşaqların psixoloji və fiziki hazırlığı əsas götürülür. Onların müəyyən olunmuş dərs müddətində parta arxasında oturmaq bacarığı araşdırılır".

"Bizdə də əvvəllər belə idi. Ancaq sonradan 6 yaşa endirildi. İndi I sinfə 15 sentyabr tarixinədək 6 yaşı tamam olan, eləcə də Təhsil Nazirliyi tərəfindən müəyyən edilmiş qaydada xüsusi istedadlı uşaqların vaxtından əvvəl I sinfə qəbulu üzrə müsahibədən uğurla keçmiş, həmin ilin 16 sentyabr tarixindən 31 dekabr tarixinədək olan dövrdə anadan olmuş uşaqlar qəbul edilir", — deyə ekspert əlavə edib.

K.Əsədovun fikrincə, qəbul qaydalarını dəyişib, 16 sentyabr tarixinədək və ya sentyabrın sonunadək 6 yaşı tamam olan uşaqlara şamil etsələr, o zaman valideynlər tələb edəcək ki, bu, oktyabrda 6 yaşı tamam olan uşaqlara da şamil edilsin. Ekspert mövcud məhdudiyyətin düzgün tətbiq olunduğu fikrindədir.

"Burada intervallar qorunur. Məsələn, hərbi xidmətə çağırış aparılır, yəni hər il 4 dəfə hərbi xidmətə çağırış olur. Və bu müddətlərdə yalnız 18 yaşı tamam olanları hərbi xidmətə aparırlar. Əgər şəxsin 18 yaşı aprel ayında tamam olacaqsa, onu əlbəttə ki, yanvar ayında hərbi xidmətə çağırmayacaqlar. Yəni, bu, normaldır və bu məhdudiyyət anlaşılandır. Hesab edirəm ki, bu məhdudiyyəti saxlamaq lazımdır" — həmsöhbətimiz bildirib.

Əsədov onu da əlavə edib ki, 6 yaşı tamam olmuş bütün şagirdlərin fiziki və psixoloji olaraq məktəbə hazır olduqlarını da demək doğru deyil: "6 yaş elə də böyük yaş deyil. Ona görə də bütün uşaqları məktəbəqədər təhsil müəssisələrinə cəlb etmək lazımdır ki, rahat oxuya bilsinlər. Hətta elə uşaqlar olub ki, I sinfə qəbul olublar, amma müəyyən müddətdən sonra valideyninin istəyi ilə təhsilini dayandırıblar. Bu hallara da rast gəlinib. Ona görə də bu yaş məhdudiyyəti normaldır, başa düşüləndir".

Əjdər Ağayev, təhsil eksperti
© Photo : STR
Əjdər Ağayev, təhsil eksperti

"Çünki uşaqlar 1 yaşdan 3 yaşadək körpələr evinə, 3 yaşdan 5 yaşadək bağçalara, yəni məktəbəqədər təhsil müəssisələrinə cəlb edilirlər. Amma 5 yaşdan 6 yaşadək isə məktəblərin özündə fəaliyyət göstərən məktəbəqədər təhsil müəssisələrinə cəlb olunurlar. Hər hansı bir güzəşt olacaqsa, bütün yaş kateqoriyaları aylar üzrə özlərinə güzəşt istəyəcəklər. Ona görə də bu məhdudiyyəti normal qəbul etmək olar", — deyə Əsədov vurğulayıb.

Azərbaycan Təhsil Şurasının sədri, professor Əjdər Ağayev isə deyib ki, bu məsələdə müxtəlif yanaşmalar ola bilər, amma qəbul edilən qaydalar var: "Konkret olaraq 6 yaşı tamam olanlar I sinfə qəbul olunur. Əgər 6 yaşının tamam olmasına 2-3 ay qalıbsa, onlar yoxlamadan, müsahibədən keçirlər. Bilik, fiziki sağlamlıq, intellektual, dünyagörüş cəhətdən səviyyələri çatırsa, qəbul edilirlər. Bu qayda ən sadə, ən yaxşı yoldur. İndi burada müəyyən nüanslar nəzərə alınır".

Ə.Ağayevin fikrincə, həmin il sentyabrın 15-dən 5-10 gün sonra 6 yaşı tamam olmuş uşaqlar da I sinfə qəbul edilməlidir: "Əgər 2-3 ay vaxt keçirsə, 6 yaş tamam olursa, o zaman həmin uşaq müsahibədən keçməlidir. Əslində belə olmalıdır".

"Bunu dünya təcrübəsi ilə uyğunlaşdırmaq mümkün deyil. Hər bir ölkənin öz qayda-qanunları var. Məsələn, Yaponiyada 5 yaşdan uşaqları məktəbə götürürlər. Biz bunlara uyğunlaşa bilmərik. Biz öz inkişafımıza uyğun olaraq və həm də əlverişli mühit yaradaraq bunu tətbiq etməliyik. Burada ictimai fikir rol oynamır. Burada maddələr, əmrlər, onların icrası məsələsi var. Başqa bir yanaşma burada təsirli rol oynamır", — professor vurğulayıb.

908
Teqlər:
6 yaş, 5 yaş, məhdudiyyət, I sinif, Əjdər Ağayev, ümumtəhsil müəssisələri, 15 sentyabr, Kamran Əsədov, təhsil, məktəb, Təhsil Nazirliyi, professor, ekspert, tarix
Əlaqədar
Məktəblər üçün son 3 gün
Ali məktəb tələbələrinə yeni güzəşt tətbiq edilir
Məktəblilərin tətil günlərinin sayı açıqlandı
Bu kənddə uşaqlar məktəbə babalarının çiynində gedir
Nazir müavini məktəblərdəki yenilikdən danışdı
Teledərs, arxiv mşəkli

Müharibə bitib, problem isə həll olunmayıb - heç pulsuz paket köməyə çatmır

88
(Yenilənib 18:51 16.01.2021)
Cəbhəyanı zonalarda müəllim və şagirdlər üçün pulsuz mobil internet paketləri təqdim olunsa da, onlayn təhsilə qoşulmada problem hələ də qalmaqdadır

Zülfiyyə Quluyeva, Sputnik Azərbaycan

BAKI, 16 yanvar — Sputnik. Azərbaycanda koronavirus pandemiyasına görə ötən ilin mart ayından etibarən ənənəvi təhsil onlayn təhsillə əvəzlənsə də, sentyabr ayında Ermənistan-Azərbaycan arasında başlayan müharibə səbəbindən cəbhəboyu zonalarda məsafədən təhsildə ciddi problemlər yaranıb. Həmin dövrdə cəbhə bölgəsində 1200-dən çox məktəb fəaliyyətini dayandırmışdı. Müəllim və şagirdlər müxtəlif yerlərə yerləşdirildiyindən onlayn təhsilə qoşulmaq imkanını da itirmişdilər. Sputnik Azərbaycan müharibə dövründə cəbhə zonası hesab olunan ərazilərdə şagirdlərin təhsil imkanlarının bərpa edilib-edilmədiyini araşdırıb.

© AR Ministry of Education

Cəbrayıl rayonunun Cocuq Mərcanlı qəsəbə sakini Şahəddin Hüseynov Sputnik Azərbaycan-a açıqlamasında bildirib ki, müharibə dövründə qəsəbə artilleriya atəşinə tutulduğundan sakinlər ətraf rayon və qəsəbələrə köçmək məcburiyyətində qalıblar. Həmin dövrdə onların övladları tamamilə təhsildən kənar qalıblar. Çünki yerləşdirildikləri ərazilərdə bütün müəllim və şagirdlərin internetə çıxışı mümkün olmayıb. Ş.Hüseynov bu günlərdə övladlarının onlayn dərslərə qoşula bildiyini söyləyir. Onun sözlərinə görə, bu isə bütün şagirdləri əhatə etmir. Evləri dağıdılan sakinlər hələ də müxtəlif ərazilərdə yaşadığından onların övladları onlayn dərslərə qoşula bilmirlər.

Problemin qaldığını müharibə dövründə cəbhəyanı ərazi hesab olunan rayonların təhsil şöbəsindən də təsdiqləyirlər. Ağdam Rayon Təhsil şöbəsinin müdiri Mətanət Misirxanova Sputnik Azərbaycan-a açıqlamasında bildirib ki, hər gün distant təhsilə qoşulan şagirdlərin siyahısı hazırlanır. O bildirir ki, Ağdam rayonu üzrə təxminən 56 faizə yaxın şagird onlayn təhsilə cəlb olunub: "Müharibədən sonra müəllimlərlə şagirdlər arasında artıq bir vasitə var. Amma müəyyən qisim şagird hələ də təhsildən, müəllim təmasından kənardadır. Bunlar Ağdam rayonu ərazisindəki Səfərli, Alıbəyli, Ayaqqərvənd qəsəbələrinin şagirdləridir.

Burada yaşayan şagirdlərlə təmas qurmaq mümkün deyil. Çünki bu ərazilərdə telefon xətti yoxdur. Mobil internetdən istifadə etməyə isə maddi baxımdan imkanları çatmır. Amma biz həmin qəsəbələrdə yaşayan şagirdlərlə daima əlaqə qururuq. Məktəb direktorları və sinif rəhbərləri şagirdləri teledərslərə yönəldirlər ki, onlar teledərsləri izləsinlər. Bununla belə, biz nəzərdə tutmuşuq ki, məktəblər açıldıqdan sonra onlayn dərslərə qoşula bilməyən şagirdlər üçün həmin dərslər sıxlaşdırılmış formada keçirilsin. Bunun üçün də əlavə dərs və məşğələ cədvəlləri hazırlanır".

Təhsil Nazirliyi yanında İctimai Şuranın Sədr müavini Nadir İsrafilov da problemin olduğunu təsdiqləyir. O bildirir ki, koronavirus pandemiyası Azərbaycanda ənənəvi təhsilin dayandırılmasına əsas səbəbdir. Amma sentyabr ayında müharibənin başlanması cəbhəboyu ərazilərdə təhlükəsizlik baxımından şagirdlərin onlayn təhsildən də kənarda qalmasına səbəb olub: "Düzdür, bəzi ərazilərdə insanlar evlərinə qayıdıblar, həyat öz axarına düşüb. Şagirdlərlə müəllimlər arasında onlayn əlaqəni qurmaq mümkün olub. Amma müharibə zamanı dinc sakinlərin hədəfə alınması cəbhəyanı zonalarda evlərin və infrastrukturun dağılmasına səbəb oldu. Dağılan evlər bərpa olunmayana qədər o insanların evlərinə qayıtması mümkün deyil. Bu səbəbdən də cəbhə zonasında hələ də onlayn təhsildən kənarda qalan şagirdlər var. Bu zonalarda müəllim və şagirdlər üçün pulsuz mobil internet paketləri təqdim olunsa da, onlayn təhsilə qoşulmada problem hələ də qalmaqdadır. Amma bizim üçün əsas olan insanların təhlükəsizliyi və sağlamlığıdır. Azərbaycanın qazandığı qələbə sayəsində biz bu problemlərin də öhdəsindən gələcəyik".

N.İsrafilov işğaldan azad edilmiş ərazilərimizdə də təhsilin təşkili üçün Təhsil Nazirliyinə təkliflər verildiyini bildirib.

Təhsil Nazirliyindən isə Sputnik Azərbaycan-ın sorğusuna cavab olaraq bildirilib ki, cəbhəyanı bölgələrdə yaşayan şagirdlərin distant dərslərdə iştirakı tədricən genişlənir: "Bununla yanaşı, həmin şagirdlərin artıq rahat şəkildə teledərslərdən yararlanmaq imkanı da var".

Nəqliyyat, Rabitə və Yüksək Texnologiyalar Nazirliyindən isə bildirdilər ki, müharibə dövründə telefon rabitəsinə zərər dəyən ərazilərdə bərpa işləri, demək olar ki, başa çatdırılıb. Telefon xətti olmayan ərazilərə isə telefon xətlərinin çəkilməsi işi mütəmadi olaraq davam etdirilir. 

88
Teqlər:
dərs, onlayn, internet, cəbhəyanı bölgələr, təhsil

Azərbaycanda məktəblər açılacaq

274
(Yenilənib 12:09 16.01.2021)
Nazirlər Kabibeti yanında Operativ Qərargah ölkə ərazisində xüsusi karantin rejimini aprelin 1-dək uzatsa da, yanvarın 18-dən mərhələli şəkildə müəyyən yumşalmalar olacaq

BAKI, 16 yanvar — Sputnik. Məktəblərdə ənənəvi təhsilin bərpası nəzərdə tutulur. Sputnik Azərbaycan-ın məlumatına görə, bunu Nazirlər Kabibeti yanında Operativ Qərargahın brifinqində Prezidentin köməkçisi, Prezident Adminstrasiyasının İqtisadi Məsələlər və innovativ inkişaf siyasəti şöbəsinin müdiri Şahmar Mövsümov bildirib. Ş.Mövsümov deyib ki, detallar barədə növbəti həftə ərzində Təhsil Nazirliyi tərədindən brifinq keçiriləcək: "Bu barədə detalları Təhsil Nazirliyi özü açıqlayacaq. Məktəblərin açılması ilə bağlı müəyyən addımlar atılacaq".

274
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
İsraildə epdimioloji vəziyyət

İsraildə “Pfizer” vaksini vurulan 13 nəfər üz iflici olub

0
Ötən ilin 20 dekabr tarixində İsraildə yeni növ koronavirus (COVID-19) infeksiyasına qarşı kütləvi vaksinasiya prosesinə başlanılıb.

BAKI, 17 yanvar - Sputnik. İsraildə yeni növ koronavirus infeksiyasına qarşı “Pfizer” vaksini ilə peyvənd olunan 13 nəfər üz iflici olub.

“Report”un məlumatına görə, bu barədə “The Jerusalem Post” İsrail Səhiyyə Nazirliyinin hesabatına istinadən xəbər verib.

Nazirlik bildirib ki, üz iflici olanların sayı daha çox ola bilər.

Qeyd edək ki, ötən ilin 20 dekabr tarixində İsraildə yeni növ koronavirus (COVID-19) infeksiyasına qarşı kütləvi vaksinasiya prosesinə başlanılıb. İlk olaraq İsrailin Baş naziri Binyamin Netanyahu peyvənd olunub.

0