Birinsi sinifdə tədris prosesi, arxiv şəkli

Kişi müəllimlərin olmaması məktəblilərin psixologiyasına zərbədir...

214
(Yenilənib 17:07 23.02.2018)
“Məktəbdə nümunəvi bir kişi obrazı olsa, evdə bu obrazı olmayan uşaq onu gəlib məktəbdə görsə, şüuraltına yeridəcək ki, kişi belə olar”

İradə Cəlil, Sputnik Azərbaycan

BAKI, 23 fevral — Sputnik. Son dövrlərdə məktəblərdə kişi müəllimlərin sayı kəskin şəkildə azalmağa başlayıb. Bu gün 4500 orta məktəbimizdə çalışan 151 min müəllimin 122 mindən çoxunu qadın müəllimlər təşkil edir.

Mütəxəssislərə görə, məktəblərdə kişi müəllimlərin az olması uşaqların psixologiyasına öz mənfi təsirini göstərir. Çünki günün çox hissəsini məktəbdə olan uşaq qadın tərbiyəsi ilə yanaşı kişi tərbiyəsi də görməlidir. İndiki durumda isə bu, sual altındadır. 

Azərbaycan Respublikasının Prezidenti İlham Əliyev
© Official website of President of Azerbaijan Republic

Təhsil eksperti Kamran Əsədov Sputnik Azərbaycan-a açıqlamasında deyir ki, məktəblərdə kişi müəllimlərin sayının azalması da bu tendensiyanın möhkəmlənməsinə, xüsusən ibtidai və orta məktəb sistemində zəif cinsin nümayəndələrinin aşkar dominantlığına səbəb olub. 

K.Əsədov bildirir ki, kişilərin bu sənətə üstünlük verməməyinin müxtəlif səbəbləri var: “Bura məktəbdə əmək haqlarının az olması, müəllimliyə daha çox qadın məşğuliyyəti kimi baxılması və s. təsir göstərir. Əmək texnologiyası, fizika, bədən tərbiyəsi, tarix kimi fənlərdə sovet vaxtı çoxluq təşkil edən kişi kontingenti son illər ərzində azalmağa doğru gedir”.

Ekspert qeyd edir ki, xüsusən şəhər məktəblərində qadın müəllimlərin çoxluğu gözə çarpır. Və bu hal təkcə Azərbaycanda deyil, bütün dünyada qeyri-rəsmi formada müəllimliyin, pedaqogikanın "qadın peşəsi" olması ilə bağlı təsəvvürlər möhkəmlənib.

"Rusiya məktəblərində qadın pedaqoqların sayı orta hesabla 87,4% təşkil edir. Maraqlıdır ki, orta məktəblərdə bu göstərici 92%, ibtidai siniflərdə isə 98,2%-lik mütləq çoxluğa malikdir. ABŞ-da isə ibtidai və orta məktəb kontingentinin 65%-ni qadınlar, 35%-ni isə kişilər təşkil edir. Maraqlıdır ki, 1980-ci ildə bu göstərici 50% idi", — deyə Əsədov bildirir. 

K.Əsədovun sözlərinə görə, Avropa qitəsində də vəziyyət ənənəvidir. Belə ki, bu ölkənin ibtidai məktəblərində hər 10 müəllimdən biri, orta məktəblərdə isə hər 4 müəllimdən biri kişidir.

Əsədov hesab edir ki, kişi müəllimlərin mövcudluğu məktəb sistemi üçün çox önəmlidir. Belə ki, qadınların pedaqoji modelində güc və enerji azlıq təşkil edir. Kişi müəllimlər həm oğlan, həm də qız şagirdlər üçün sosial həyata uğurlu addım atması, cinslər arası münasibətləri anlamaq üçün çox lazımdır.

“Azərbaycanda müəllimlərin məvacibində zaman-zaman artımlar olsa da, yenə də bu sahədə çatışmazlıq öz həllini tapmır. Ölkəmizdə müəllim 1 ştat üçün 180 manat, yalnız pedaqoji stajı 18 ildən çox olan müəllim isə 450 manat məvacib alır. Müəllim kimi yeni işə başlayan gənc, təbii ki, bu maaşla dolana bilməyəcəyinin fərqindədir və müəllimlik diplomunu bır kənara atıb, normal maaşlı iş axtarmağa məcbur olur”, — deyə ekspert əlavə edir.

K.Əsədov vəziyyətin əvvəlki illərlə müqayisəsini də aparır, həmçinin səbəbini izah edir: “1980-ci illərə nəzər salsaq, görərik ki, bu rəqəm 50/50 vəziyyətindədir. Bəzi bölgələrimizdə isə kişi müəllimlərin say faizi daha üstün idi. Azərbaycan müstəqilliyini bərpa etdikdən sonra ölkədə baş verən hadisələr, Qarabağ müharibəsi, iqtisadi çətinlik müəllim kimi fəaliyyət göstərən böyük sayda kişini bu sahədən uzaqlaşdırdı. 1995-ci ildən sonra isə ölkədə sabitlik yarandı, müəllimin əmək haqqının azlığı bu sahədən üz döndərən kişi müəllimlərin sayını azaltmadı". 

Məktəblilər
© Sputnik / Konstantin Chalabov

Əsədov hesab edir ki, bu sahəyə yenidən kişi müəllimlərin cəlb edilməsi üçün zəruri addımların önündə müəllimlərə dövlət qulluqçusu statusunun verilməsi dayanır: "Dövlət büdcəsinin vəsaiti imkan vermir ki, müəllimin əmək haqqı ciddi şəkildə artırılsın. O zaman, müəllimi müəyyən olunmuş xərclərdən azad etmək lazımdır. Yəni müəllim işıq, qaz, su kimi xərclərdən azad edilməlidir ki, aldığı az əmək haqqını sosial rifahına yönəldə bilsin".

Psixoloq Fərqanə Mehmanqızı isə bildirir ki, bu gün bir çox ailələrdə zorakılıq müşahidə edilir. Bu da uşaqların nəzərində "kişi" obrazının dağılması ilə nəticələnir: "Hər hansı obrazı necə yaradırsansa, uşaq təxəyyülündə elə də qalır. Aqressiv ata obrazı uşaqların şüurunu zədələyir. Beləliklə, uşaqların yaddaşında nümunəvi kişi obrazı yox olur”.

“Məktəbdə nümunəvi bir kişi obrazı olsa, evdə bu obrazı olmayan uşaq onu gəlib məktəbdə görsə, şüuraltına yeridəcək ki, kişi belə olar. Bu da xüsusən oğlan uşaqları üçün çox vacibdir. Məktəbdə ideal obraz görən oğlan uşaqları ona bənzəməyə çalışacaq. Qızlar isə, gələcək həyat yoldaşlarının o müəllimə bənzəməsini arzulayacaq”, — psixoloq əlavə edir. 

Psixoloq hesab edir ki, məktəblərdə nizam intizamın qaydasında olması, uşaqların kişi obrazını mənimsəməsi, özlərini normal apara bilməsi üçün kişi müəllimlərin olması vacibdir: "Müəllim uşağa öz insani keyfiyyətlərini də göstərir. Bu da uşaqlara nümunə olur. Məktəbdə müəllimlərlə ünsiyyətdə olduğu zaman kişi və qadının necə olduğunu öyrənir”.

F.Mehmanqızı deyir ki, bu gün məktəblərdə kişi müəllimlərinin olmaması o deməkdir ki, uşaqların pərəstiş etdiyi kişi obrazı yoxdur: “Uşaqlara nümunə ola biləcək kişi yoxdur. Bu səbəbdən də məktəblərdə problemlər yaşanır. Uşaqlar məktəb və ev görür. Məktəbdə kişi müəllimi olmayanda kişi etikasını qavramır".

Mütəxəssislər hesab edir ki, məktəblərdə kişi müəllimlərin olması cəmiyyət üçün vacib məsələdir. Əks halda bütün gün məktəblərdə, evdə qadın görən oğlan uşaqlarının psixologiyası ciddi şəkildə zədələnə bilər.

214
Teqlər:
Qarabağ müharibəsi, Fərqanə Mehmanqızı, Kamran Əsədov, Avropa, ABŞ, Azərbaycan
Əlaqədar
ABŞ-da yenidən məktəbdə silahlı insident oldu
Yadigar Məmmədli beynəlxalq multikulturalizm qış məktəbinin əhəmiyyətindən danışır
Prezidentdən məktəb binaları ilə bağlı sərəncam
Məktəblilərin nəzərinə: Simulyatorlarla çempionat keçiriləcək
ABŞ-da məktəb ərazisində atışma nəticəsində ölənlərin sayı sürətlə artır - VİDEO
Ali məktəblərə tələbə qəbulu qaydaları dəyişdi

Təhsil Nazirliyi dərs cədvəlinə dəyişiklik etdi

175
Cəbhə bölgəsində yerləşən 468 məktəbdə hərbi əməliyyatlar səbəbindən həftəlik dərs cədvəllərinə dəyişiklik edilib

BAKI, 29 sentyabr — Sputnik. Cəbhə bölgəsində yerləşən 468 məktəbdə hərbi əməliyyatlar səbəbindən həftəlik dərs cədvəllərinə dəyişiklik edilib. Bu barədə Təhsil Nazirliyindən Sputnik Azərbaycan-a daxil olan məlumatda bildirilir. Xəbərdə qeyd edilir ki, işğalçı Ermənistan silahlı qüvvələrinin Azərbaycana qarşı təxribatları davam edir.

Ordumuzun qarşısında aciz qalan düşmən mülki əhalini, o cümlədən uşaqları, qadınları və qocaları hədəf alır. Mülki əhali arasında itkilərimiz olub, çoxsaylı evlərə və mülki obyektlərə, o cümlədən cəbhə bölgəsində yerləşən təhsil müəssisələrinə ciddi ziyan dəyib. Bu, həmin ərazilərdə yerləşən təhsil müəssisələrində tədris prosesinə də öz təsirini göstərib. Cəbhə bölgəsində yerləşən 468 məktəbdə hərbi əməliyyatlar səbəbindən həftəlik dərs cədvəllərinə dəyişiklik edilib. Ötən gün Bakı şəhərində əyani formada dərslərə davamiyyət 85-90 faiz təşkil edib. Bölgələrdəki ümumi təhsil müəssisələrində əyani formada təhsil davam edir. Distant (məsafədən) dərslərə gəldikdə isə, ölkə üzrə internetin verilməsində məhdudiyyətlərin tətbiq edilməsi səbəbindən mümkün fasilələrin olmasını anlayışla qarşılamağınızı xahiş edirik. Şagirdlərimizin hazırkı vəziyyətdə "Mədəniyyət" və "Arb Günəş" televiziya kanalları vasitəsilə yayımlanan və bütün fənləri əhatə edən teledərsləri izləməyi tövsiyə olunur. Bu gün də cəbhədən xoş xəbərlər eşitmək diləyi ilə müzəffər ordumuza və igid əsgərlərimizə uğurlar arzulayırıq!

175
Mövzu:
Azərbaycan və Ermənistan arasında müharibə
 Distant təhsil, arxiv şəkli

Distant təhsil bir müddət dayandırılsın - ekspert səbəbi açıqladı

1587
(Yenilənib 18:30 28.09.2020)
VPN texnologiyadan istifadə edərkən trafik digər bir tanınmayan şirkət üzərindən ötürüldüyündən həm ölkənin informasiya təhlükəsizliyi üçün və həm də fərdi məlumatların təhlükəsizliyi üçün müəyyən risklər yaranır.

BAKI, 28 sentyabr — Sputnik. "İnternetə və bəzi sosial media resuslarına tətbiq olunan məhdudiyyətlərlə bağlı ali və orta təhsil pilləsində distant təhsilin bir müddət dayandırılması doğru olardı".

Sputnik Azərbaycan xəbər verir ki, bu barədə Azərbaycan İnternet Forumunun prezidenti Osman Gündüz danışıb.

O, qeyd edib ki, bu həm də "WhatsApp"dan istifadə edən valideynlərin, müəllimlərin və təhsil alanların kütləvi olaraq VPN yükləməsinin qarşısını alardı.

"VPN texnologiyadan istifadə edərkən trafik digər bir tanınmayan şirkət üzərindən ötürüldüyündən, həm ölkənin informasiya təhlükəsizliyi üçün və həm də fərdi məlumatların təhlükəsizliyi üçün müəyyən risklər yaranır. Ümid edirəm, Təhsil Nazirliyi bunları nəzərə alaraq zəruri tədbirlər görəcək" - Osman Gündüz qeyd edib.

1587
s-300 ZRK

Rəsmi Bakı "S-300"lərlə bağlı Yerevana xəbərdarlıq etdi Anında məhv ediləcək

49
"Son döyüşlər bir daha göstərir ki, Ermənistan ordusunun məğlubedilməzliyi barədə yaradılan mif əsassızdır" - Azərbaycan MN

Eldar Tanrıverdiyev, Sputnik Azərbaycan

BAKI, 29 sentyabr — Sputnik. "Döyüşlərdə tətbiq edilməsi üçün Ermənistandan hərəkət edən S-300 ZRK işğal onunmuş ərazilərimizə daxil olduğu anda məhv ediləcək". Sputnik Azərbaycan xəbər verir ki, bunu Müdafiə Nazirliyinin Mətbuat Xidmətinin rəisi polkovnik Vaqif Dərgahlı bildirib.

Əldə etdiyimiz kəşfiyyat məlumatına əsasən, Yerevanın hava məkanını müdafiə edən S-300 zenit-raket kompleksləri (ZRK) döyüş növbətçiliyindən çıxarılaraq işğal onunmuş ərazilərimiz istiqamətində hərəkət edir.

Bildiririk ki, onları da Ordumuz tərəfindən Dağlıq Qarabağda Ermənistan ordusunun məhv edilən digər döyüş texnikalarının aqibəti gözləyir.

Son döyüşlər bir daha göstərir ki, Ermənistan ordusunun məğlubedilməzliyi barədə yaradılan mif əsassızdır.

Qeyd edək ki, sentyabrın 27-də saat 06:00 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub.

Düşmən tərəfindən Tərtər rayonunun Qapanlı, Ağdam rayonunun Çıraqlı və Orta Qərvənd, Füzuli rayonunun Alxanlı və Şükürbəyli və Cəbrayıl rayonunun Cocuq Mərcanlı kəndlərinin intensiv atəşə tutulması nəticəsində mülki əhali arasında həlak olan və yaralananlar var. Mülki infrastruktur obyektlərinə ciddi ziyan dəyib.

Mülki əhali və hərbi qulluqçular arasında itkilər və yaralılar barədə məlumat dəqiqləşdirilir.Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür.

Müdafiə Nazirliyinin mətbuat katibi, polkovnik-leytenant Anar Eyvazov isə açıqlamasında qeyd edib ki, Azərbaycan Ordusunun uğurlu əməliyyatı nəticəsində bir sıra kəndlərimiz azad edilib. A.Eyvazov bildirib ki, hazırkı məlumata görə, Füzuli–Cəbrayıl istiqamətində Qaraxanbəyli, Şərvənj, Kənd Horadiz, Nüzgar, Yuxarı Abdurrəhmanlı, Aşağı Abdurrəhmanlı, Böyük Mərcanlı kəndləri azad edilib. Bundan əlavə, Ağdərə rayonu və Murovdağ istiqamətlərində düşmən postları darmadağın edilib, Talış kəndi ətrafındakı əlverişli yüksəkliklər nəzarətə götürülüb.

49
Mövzu:
Azərbaycan və Ermənistan arasında müharibə
Əlaqədar
Çavuşoğlu: "Azərbaycanın yanındayıq. Bu məsələni kökündən həll etmək istəyirik"
Müdafiə Nazirliyi: Ermənistan ordusunun alay komandiri ağır yaralanıb
Füzuli istiqamətində Ermənistan SQ-nin əks-hücum cəhdi dəf edilib
Ermənistanın "Uraqan" yaylım atəş sistemi məhv edilib
MN: Azərbaycanın F-16 qırıcısı yoxdur, Ermənistanın yaydığı məlumat yalandır