Məktəb

Bakı məktəbləri barədə əmr verildi

311
(Yenilənib 12:33 18.01.2018)
Dərslərdə ilk olaraq xalqımızın azadlığı uğrunda canlarını qurban vermiş qəhrəman Vətən övladlarının xatirəsi bir dəqiqəlik sükutla yad ediləcək

BAKI, 18 yanvar — Sputnik. Bakı Şəhəri üzrə Təhsil İdarəsinin tabeliyində fəaliyyət göstərən təhsil müəssisələrində yanvarın 19-da ilk dərslər 20 Yanvar – Ümumxalq Hüzn Gününə həsr ediləcək. Bu barədə Sputnik Azərbaycan-a Bakı Şəhəri üzrə Təhsil İdarəsinin mətbuat xidmətindən məlumat verilib.

Bildirilib ki, Təhsil Nazirliyinin əmri ilə təsdiqlənmiş "20 Yanvar faciəsinin iyirmi səkkizinci ildönümünün keçirilməsi barədə Tədbirlər Planı"na və Bakı Şəhəri üzrə Təhsil İdarəsinin müvafiq əmrinə əsasən tədris olunacaq dərslər şagirdlərdə Vətənə məhəbbət hissinin daha da möhkəmləndirilməsi, onların Vətənə layiqli övlad kimi yetişdirilməsi və əsil vətəndaş mövqeyinin məktəblilərə çatdırılması məqsədlərinə xidmət edir.

Dərslərdə ilk olaraq xalqımızın azadlığı uğrunda canlarını qurban vermiş qəhrəman Vətən övladlarının xatirəsi bir dəqiqəlik sükutla yad ediləcək. Dərsləri tədris edən müəllimlər Azərbaycanın azadlığı və ərazi bütövlüyü uğrunda mübarizə tarixinə qəhrəmanlıq səhifəsi kimi daxil olmuş 1990-cı ilin 20 Yanvar hadisələri barədə söhbət açacaqlar.

Eləcə də 20 Yanvar hadisələrinin nəticələrindən, şəhid kimi əbədiyyətə qovuşan Vətən övladlarının şücaətindən bəhs olunacaq. 20 Yanvar faciəsinin iyirmi səkkizinci ildönümü ərəfəsində paytaxt məktəblərinin pedaqoji kollektiv və şagirdlərinin Şəhidlər xiyabanına ziyarəti də təşkil olunur.

311
Teqlər:
20 Yanvar – Ümumxalq Hüzn Günü, Bakı Şəhəri üzrə Təhsil İdarəsi, dərs, məktəb
Əlaqədar
Mürşüdlü: “Dərsliklərdəki nöqsanlara görə məsuliyyət nəşriyyatların üzərindədir”
Əsədov: “Şagirdlərin elektron dərsliklərdən istifadəsi biabırçı vəziyyətdədir”
Qubada inşa edilmiş modul tipli məktəbdən reportaj
2018-ci ildə ali məktəblərə qəbul imtahanlarının vaxtı açıqlandı

Mars səthində nəhəng burulğanlar - VİDEO

27
(Yenilənib 00:20 28.02.2021)
Marsın cənub yarımkürəsindəki kraterin dibində hərəkət edən burulğanlardan birinin sürəti saniyədə 4, digərinin isə saniyədə 8 metrdir

BAKI, 28 fevral - Sputnik. ExoMars-2016 missiyasının Trace Gas Orbiter Rusiya-Avropa kosmik aparatı Mars planetinin səthində nəhəng burulğanların şəklini çəkib. 

Sputnik Azərbaycan bildirir ki, şəkilləri "Roskosmos" paylaşıb.

"Nəhəng toz burulğanları Mars səthində daimi hadisədir. 2021-ci il fevralın 27-də Trace Gas Orbiter aparatındakı CaSSIS kamerası ilə 45 saniyə fərqlə çəkilmiş bu iki şəkildə iki hərəkət edən burulğan görünür", - dövlət şirkətinin saytında deyilir.

Məlumat verilir ki, parlaq ləkələr Marsın cənub yarımkürəsində, 70 kilometrik kraterin dibi ilə hərəkət edərək özlərindən sonra tünd rəngli zolaqlar buraxır. İki toz sütununun hərəkət edən kölgəsi də görünür. Burulğanlardan birinin sürəti saniyədə 4, digərinin isə saniyədə 8 metrdir. 

Marsdakı burulğanların hündürlüyü 8 kilometrə çata bilər. Onlar özlərindən sonra onlarla, yüzlərlə kilometr enində izlər qoya bilir. Qırmızı planetin burulğanlarının öyrənilməsi son dərəcə vacib hesab olunur. Çünki bu, onların zaman keçdikcə planetin iqliminə necə təsir etdiyini anlamağa kömək edər.

27
Teqlər:
burulğan, toz, planet, Mars
Tələbələr, arxiv şəkli

Qızlar oxumaqda oğlanları üstələdilər

16
(Yenilənib 20:46 24.02.2021)
Rayon və şəhərlər ayrı-ayrılıqda müqayisə edildikdə ən yaxşı nəticəni Sumqayıt şəhəri (76,8 faiz), ən aşağı nəticəni Saatlı rayonu (54 faiz) göstərib.

BAKI, 24 fevral — Sputnik. Dekabrın 19-da onlayn keçirilmiş milli qiymətləndirmənin nəticələri Təhsil İnstitutu tərəfindən təhlil edilib. 

Təhsil Nazirliyindən Sputnik Azərbaycan-a bildirilib ki, ölkədə fəaliyyət göstərən 3500-ə yaxın məktəbdə aparılan tədqiqatda IV, VI və IX siniflərdə təhsil alan 189445 şagird iştirak edib. Məktəblilər tədris dili, riyaziyyat və xarici dil fənləri üzrə qapalı test suallarını cavablandırıblar. Qiymətləndirmədə iştirak edən şagirdlərin 53 faizini oğlanlar təşkil edib. İştirakçıların 88 faizi Azərbaycan bölməsi üzrə təhsil alanlar olub. Gender üzrə müqayisəyə nəzər salsaq, qızlar bütün fənlər üzrə daha yaxşı nəticə göstəriblər. Siniflər üzrə müqayisədə isə IV sinif şagirdləri (37 faiz) daha fəal olub.

Ərazi vahidləri üzrə müqayisə zamanı şəhər məktəblərində təhsil alan şagirdlərin nəticələrinin rayon məktəblərində təhsil alan şagirdlərlə müqayisədə daha yüksək olduğu qeydə alınıb. Belə ki, şəhər məktəbləri üzrə orta müvəffəqiyyət göstəricisi 73,7 faiz, rayon məktəbləri üzrə 64,7 faiz olub. Rayon və şəhərlər ayrı-ayrılıqda müqayisə edildikdə isə ən yaxşı nəticəni Sumqayıt şəhəri (76,8 faiz), ən aşağı nəticəni Saatlı rayonu (54 faiz) göstərib.

16
Teqlər:
Təhsil Nazirliyi
İranda edam, arxiv şəkli

İranda ağızlarını tikən məhbuslar edam olundular

0
(Yenilənib 11:58 02.03.2021)
Edam olunan şəxslərdən üçü bu ilin yanvar ayının 28-də ailələri ilə görüşə imkan verilmədiyi və onlarla normal davaranılmadığı səbəbindən həbsxanada ağızlarını tikərək etiraz aksiyası keçirmişdi

BAKI, 2 mart — Sputnik. İranın cənub-qərbindəki Xuzistan əyalətinin Əhvaz şəhərində 4 nəfər "üsyan qaldırmaq" ittihamı ilə edam edilib. Sputnik Azərbaycan-ın TRTHaber-ə istinadla yaydığı xəbərə görə, bu barədə İran İnsan Haqları Fəalları Agentliyi (Hrana) məlumat yayıb. Məlumatda bildirilir ki, Əhvazdakı Sepihar həbsxanasında Casım Heydəri, Əli Hosarçı, Hüseyn Silavi Nasir Hafacıyan bazar ertəsi edam olunublar.

Sözügedən şəxslərin 2017-ci ildə təhlükəsizlik qüvvələri tərəfindən Əhvazdakı iki polis bölməsinə hücum ittihamı ilə tutulduqları və Əhvaz İnqilab Məhkəməsi tərəfindən edam cəzasına məhkum edildiklər bildirilir. Məhkumlara ailələri ilə qısa görüş veriləndən sonra məhkəmənin qərarı icra edilib.

Qeyd edək ki, edam olunan şəxslərdən üçü bu ilin yanvar ayının 28-də ailələri ilə görüşə imkan verilmədiyi və onlarla normal davaranılmadığı səbəbindən həbsxanada ağızlarını tikərək etiraz aksiyası keçirmişdi.

Hökumətə yaxın media qurumları isə sözgüden şəxslərin "terror fəaliyyəti"nə görə edam olunduqlarını bildiriblər.

0
Teqlər:
məhbus, edam, İran