ELM

Azərbaycandakı qaraçılar məktəbə gedirlərmi?

© Sputnik / Vladimir Vyatkin / Mediabanka keçidQaraçı xalqının nümayəndələri, arxiv şəkli
Qaraçı xalqının nümayəndələri, arxiv şəkli - Sputnik Azərbaycan
Abunə olmaq
İcra Hakimiyyəti: “Oturaq qaraçı”lar 7-ci sinfə qədər təhsil alırlar"

BAKI, 9 dekabr — Sputnik. Qaraçı uşaqlarının çoxu təhsil almır.

Sputnik Azərbaycan xəbər verir ki, bunu Trend-ə Azərbaycanda qaraçıların daha çox məskunlaşdığı Yevlax Rayon İcra Hakimiyyətinin Yetkinlik yaşına çatmayanların işləri və hüquqlarının müdafiəsi üzrə Komissiyanın məsul katibi Fəxrəddin Zeynalov deyib.

O bildirib ki, çox nadir hallarda qaraçı uşaqlar arasında təhsil alan olur: "Onların bir qrupu "oturaq qaraçı"lardır. Belə qaraçılar heç olmasa, 7-ci sinfə qədər təhsil alırlar. Dilənçiliklə məşğul olan qaraçıları isə tapmaq mümkün deyil. Onların yeri yalnız hüquq-mühafizə orqanları tərəfindən cinayət törətdikdə aşkar olunur".

Qeyd edək ki, Ailə, Qadın və Uşaq Problemləri üzrə Dövlət Komitəsinin Uşaq problemləri şöbəsinin böyük məsləhətçisi Pərviz Əliyev də Trend-ə açıqlamasında qaraçı uşaqların böyük əskəriyyətinin təhsildən kənarda qaldığını söyləyib.

Onun sözlərinə görə, həmin uşaqların çoxu polis orqanları tərəfindən avaraçılıq və dilənçiliklə məşğul olduğu aşkarlanan uşaqlar olub.

2016-cı ildə polis orqanları tərəfindən dilənçiliklə məşğul olan 512 uşaq aşkarlanıb.

Xəbər lenti
0