Rusiya Federasiyasının Belqorod Dövlət Milli Tədqiqat Universitetinin nümayəndə heyəti UNEC-də səfərdədir

Ruslar Bakıya təcrübə öyrənməyə gəliblər

16
(Yenilənib 12:46 17.11.2017)
Rusiyanın nüfuzlu universiteti UNEC təcrübəsini öyrənmək istəyir

BAKI, 17 noyabr — Sputnik. Rusiya Federasiyasının Belqorod Dövlət Milli Tədqiqat Universitetinin nümayəndə heyəti UNEC-də səfərdədir. UNEC-in mətbuat xidmətindən Sputnik Azərbaycan-a verilən məlumata görə, universitetin rektoru, professor Ədalət Muradov qonaqlara universitetin inkişaf strategiyasının istiqamətlərini açıqlayıb.

O bildirib ki, dünya səviyyəli universitetlər sırasında olmağı hədəfləyən UNEC, xaricdə filialı olan və dörd dildə təhsil verən yeganə Azərbaycan ali təhsil müəssisəsidir. Rektor UNEC-in QS-in "İnkişaf Etməkdə olan Avropa və Mərkəzi Asiya" regionu üzrə reytinq cədvəlində regionun 161-170 ən yaxşı universiteti arasında qərarlaşdığını, iqtisadyönümlu universitetlər sırasında isə regionun 4-cü ən yaxşı universiteti olduğunu diqqətə çatdırıb. Ə.Muradov qonaqlara UNEC-də tətbiq edilən Elektron Universitet Modeli və Differensial Əməkhaqqı Sistemi barədə ətraflı məlumat verib.

  • Rusiya Federasiyasının Belqorod Dövlət Milli Tədqiqat Universitetinin nümayəndə heyəti UNEC-də səfərdədir
    Rusiya Federasiyasının Belqorod Dövlət Milli Tədqiqat Universitetinin nümayəndə heyəti UNEC-də səfərdədir
    © Photo : UNEC-in mətbuat xidməti
  • Rusiya Federasiyasının Belqorod Dövlət Milli Tədqiqat Universitetinin nümayəndə heyəti UNEC-də səfərdədir
    Rusiya Federasiyasının Belqorod Dövlət Milli Tədqiqat Universitetinin nümayəndə heyəti UNEC-də səfərdədir
    © Photo : UNEC-in mətbuat xidməti
  • Rusiya Federasiyasının Belqorod Dövlət Milli Tədqiqat Universitetinin nümayəndə heyəti UNEC-də səfərdədir
    Rusiya Federasiyasının Belqorod Dövlət Milli Tədqiqat Universitetinin nümayəndə heyəti UNEC-də səfərdədir
    © Photo : UNEC-in mətbuat xidməti
  • Rusiya Federasiyasının Belqorod Dövlət Milli Tədqiqat Universitetinin nümayəndə heyəti UNEC-də səfərdədir
    Rusiya Federasiyasının Belqorod Dövlət Milli Tədqiqat Universitetinin nümayəndə heyəti UNEC-də səfərdədir
    © Photo : UNEC-in mətbuat xidməti
1 / 4
© Photo : UNEC-in mətbuat xidməti
Rusiya Federasiyasının Belqorod Dövlət Milli Tədqiqat Universitetinin nümayəndə heyəti UNEC-də səfərdədir

UNEC-də yaradılan Rus İqtisad Məktəbində 9 ixtisas üzrə kadr hazırlığının həyata keçirildiyini bildirən rektor tələbələrin Rusiyanın nüfuzlu korporativ strukturlarında istehsalat təcrübəsinə göndərildiklərini diqqətə çatdırıb. UNEC-in qabaqcıl Rusiya universitetləri ilə əlaqələrinin müsbət istiqamətdə inkişafına diqqət çəkən rektor, yüksək keyfiyyətli rusdilli iqtisadçı kadrların hazırlanması üçün Rusiya federasiyasının digər universitetləri ilə əməkdaşlığa hazır olduğunu bildirib.

UNEC-lə tanışlıqdan məmnunluğunu ifadə edən Belqorod Dövlət Milli Tədqiqat Universitetinin beynəlxalq əməkdaşlıq üzrə prorektoru Vladislav Kuçmistıy universitetin beynəlxalq əlaqələr sahəsində əldə etdiyi uğurları müsbət dəyərləndirib. O, UNEC-in dünyanın tanınmış universitetləri ilə ikili diplom proqramı sahəsində uğurlu təcrübəsini yüksək qiymətləndirərək, bu sahədə əməkdaşlıqda maraqlı olduqlarını bildirib.

Rus İqtisad Məktəbi və Beynəlxalq İqtisadiyyat Məktəbində keçirdiyi görüşlərdən söz açan V.Kuçmistıy UNEC tələbələrində çox yüksək akademik səviyyə müşahidə etdiyini diqqətə çatdırıb.

Görüşdə təhsil və elmi-tədqiqat sahəsində əlaqələrin genişləndirilməsi istiqamətində fikir mübadiləsi aparılıb. Qonaqlar UNEC təcrübəsini öyrənməkdə maraqlı olduqlarını bildiriblər. Müzakirələrdən sonra tərəflər arasında elmi və tədris sahəsində əməkdaşlıq müqaviləsi imzalanıb. Sənədə əsasən, tərəflər müəllim-tələbə mübadiləsi həyata keçirəcək, birgə yay və qış məktəbləri təşkil edəcəklər. O cümlədən elmi əməkdaşlığın qurulması və tədrisdə qabaqcıl metodların inkişafı istiqamətində birgə addımlar atılacaq, elmi seminar və konfranslar təşkil olunacaq.

16
Teqlər:
Belqorod Dövlət Milli Tədqiqat Universiteti, UNEC, Rusiya Federasiyası, rektor
Əlaqədar
UNEC Rusiyada beynəlxalq sərgidə çıxış edib
UNEC magistrləri daha bir cəlbedici təklif
UNEC-dən tələbələrə inanılmaz fürsət – 4 ilə 2 diplom!
Fransalı rektor: "UNEC çox yaxşı universitetdir"
UNEC Avropa təhsil məkanına inteqrasiyanı genişləndirir
Teledərs, arxiv mşəkli

Müharibə bitib, problem isə həll olunmayıb - heç pulsuz paket köməyə çatmır

14
(Yenilənib 18:51 16.01.2021)
Cəbhəyanı zonalarda müəllim və şagirdlər üçün pulsuz mobil internet paketləri təqdim olunsa da, onlayn təhsilə qoşulmada problem hələ də qalmaqdadır

Zülfiyyə Quluyeva, Sputnik Azərbaycan

BAKI, 16 yanvar — Sputnik. Azərbaycanda koronavirus pandemiyasına görə ötən ilin mart ayından etibarən ənənəvi təhsil onlayn təhsillə əvəzlənsə də, sentyabr ayında Ermənistan-Azərbaycan arasında başlayan müharibə səbəbindən cəbhəboyu zonalarda məsafədən təhsildə ciddi problemlər yaranıb. Həmin dövrdə cəbhə bölgəsində 1200-dən çox məktəb fəaliyyətini dayandırmışdı. Müəllim və şagirdlər müxtəlif yerlərə yerləşdirildiyindən onlayn təhsilə qoşulmaq imkanını da itirmişdilər. Sputnik Azərbaycan müharibə dövründə cəbhə zonası hesab olunan ərazilərdə şagirdlərin təhsil imkanlarının bərpa edilib-edilmədiyini araşdırıb.

© AR Ministry of Education

Cəbrayıl rayonunun Cocuq Mərcanlı qəsəbə sakini Şahəddin Hüseynov Sputnik Azərbaycan-a açıqlamasında bildirib ki, müharibə dövründə qəsəbə artilleriya atəşinə tutulduğundan sakinlər ətraf rayon və qəsəbələrə köçmək məcburiyyətində qalıblar. Həmin dövrdə onların övladları tamamilə təhsildən kənar qalıblar. Çünki yerləşdirildikləri ərazilərdə bütün müəllim və şagirdlərin internetə çıxışı mümkün olmayıb. Ş.Hüseynov bu günlərdə övladlarının onlayn dərslərə qoşula bildiyini söyləyir. Onun sözlərinə görə, bu isə bütün şagirdləri əhatə etmir. Evləri dağıdılan sakinlər hələ də müxtəlif ərazilərdə yaşadığından onların övladları onlayn dərslərə qoşula bilmirlər.

Problemin qaldığını müharibə dövründə cəbhəyanı ərazi hesab olunan rayonların təhsil şöbəsindən də təsdiqləyirlər. Ağdam Rayon Təhsil şöbəsinin müdiri Mətanət Misirxanova Sputnik Azərbaycan-a açıqlamasında bildirib ki, hər gün distant təhsilə qoşulan şagirdlərin siyahısı hazırlanır. O bildirir ki, Ağdam rayonu üzrə təxminən 56 faizə yaxın şagird onlayn təhsilə cəlb olunub: "Müharibədən sonra müəllimlərlə şagirdlər arasında artıq bir vasitə var. Amma müəyyən qisim şagird hələ də təhsildən, müəllim təmasından kənardadır. Bunlar Ağdam rayonu ərazisindəki Səfərli, Alıbəyli, Ayaqqərvənd qəsəbələrinin şagirdləridir.

Burada yaşayan şagirdlərlə təmas qurmaq mümkün deyil. Çünki bu ərazilərdə telefon xətti yoxdur. Mobil internetdən istifadə etməyə isə maddi baxımdan imkanları çatmır. Amma biz həmin qəsəbələrdə yaşayan şagirdlərlə daima əlaqə qururuq. Məktəb direktorları və sinif rəhbərləri şagirdləri teledərslərə yönəldirlər ki, onlar teledərsləri izləsinlər. Bununla belə, biz nəzərdə tutmuşuq ki, məktəblər açıldıqdan sonra onlayn dərslərə qoşula bilməyən şagirdlər üçün həmin dərslər sıxlaşdırılmış formada keçirilsin. Bunun üçün də əlavə dərs və məşğələ cədvəlləri hazırlanır".

Təhsil Nazirliyi yanında İctimai Şuranın Sədr müavini Nadir İsrafilov da problemin olduğunu təsdiqləyir. O bildirir ki, koronavirus pandemiyası Azərbaycanda ənənəvi təhsilin dayandırılmasına əsas səbəbdir. Amma sentyabr ayında müharibənin başlanması cəbhəboyu ərazilərdə təhlükəsizlik baxımından şagirdlərin onlayn təhsildən də kənarda qalmasına səbəb olub: "Düzdür, bəzi ərazilərdə insanlar evlərinə qayıdıblar, həyat öz axarına düşüb. Şagirdlərlə müəllimlər arasında onlayn əlaqəni qurmaq mümkün olub. Amma müharibə zamanı dinc sakinlərin hədəfə alınması cəbhəyanı zonalarda evlərin və infrastrukturun dağılmasına səbəb oldu. Dağılan evlər bərpa olunmayana qədər o insanların evlərinə qayıtması mümkün deyil. Bu səbəbdən də cəbhə zonasında hələ də onlayn təhsildən kənarda qalan şagirdlər var. Bu zonalarda müəllim və şagirdlər üçün pulsuz mobil internet paketləri təqdim olunsa da, onlayn təhsilə qoşulmada problem hələ də qalmaqdadır. Amma bizim üçün əsas olan insanların təhlükəsizliyi və sağlamlığıdır. Azərbaycanın qazandığı qələbə sayəsində biz bu problemlərin də öhdəsindən gələcəyik".

N.İsrafilov işğaldan azad edilmiş ərazilərimizdə də təhsilin təşkili üçün Təhsil Nazirliyinə təkliflər verildiyini bildirib.

Təhsil Nazirliyindən isə Sputnik Azərbaycan-ın sorğusuna cavab olaraq bildirilib ki, cəbhəyanı bölgələrdə yaşayan şagirdlərin distant dərslərdə iştirakı tədricən genişlənir: "Bununla yanaşı, həmin şagirdlərin artıq rahat şəkildə teledərslərdən yararlanmaq imkanı da var".

Nəqliyyat, Rabitə və Yüksək Texnologiyalar Nazirliyindən isə bildirdilər ki, müharibə dövründə telefon rabitəsinə zərər dəyən ərazilərdə bərpa işləri, demək olar ki, başa çatdırılıb. Telefon xətti olmayan ərazilərə isə telefon xətlərinin çəkilməsi işi mütəmadi olaraq davam etdirilir. 

14
Teqlər:
dərs, onlayn, internet, cəbhəyanı bölgələr, təhsil

Azərbaycanda məktəblər açılacaq

146
(Yenilənib 12:09 16.01.2021)
Nazirlər Kabibeti yanında Operativ Qərargah ölkə ərazisində xüsusi karantin rejimini aprelin 1-dək uzatsa da, yanvarın 18-dən mərhələli şəkildə müəyyən yumşalmalar olacaq

BAKI, 16 yanvar — Sputnik. Məktəblərdə ənənəvi təhsilin bərpası nəzərdə tutulur. Sputnik Azərbaycan-ın məlumatına görə, bunu Nazirlər Kabibeti yanında Operativ Qərargahın brifinqində Prezidentin köməkçisi, Prezident Adminstrasiyasının İqtisadi Məsələlər və innovativ inkişaf siyasəti şöbəsinin müdiri Şahmar Mövsümov bildirib. Ş.Mövsümov deyib ki, detallar barədə növbəti həftə ərzində Təhsil Nazirliyi tərədindən brifinq keçiriləcək: "Bu barədə detalları Təhsil Nazirliyi özü açıqlayacaq. Məktəblərin açılması ilə bağlı müəyyən addımlar atılacaq".

146
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Manat, arxiv şəkli

Yardım dayandırılmayıb - Şahmar Mövsümov

0
(Yenilənib 20:07 16.01.2021)
"Bunun üçün vəsaitlər ayrılıb, proses gedir. Məsələ ilə İqtisadiyyat Nazirliyi məşğul olur" - Prezidentin köməkçisi

BAKI, 16 yanvar — Sputnik. Sahibkarlara dəymiş ziyanın ödənilməsi ilə bağlı tədbirlər planı üzrə proseslər davamlı olaraq həyata keçirilir. Sputnik Azərbaycan-ın məlumatına görə, bunu jurnalistlərə açıqlamasında Prezidentin köməkçisi, Prezident Administrasiyasının İqtisadi Məsələlər və innovativ inkişaf siyasəti şöbəsinin müdiri Şahmar Mövsümov bildirib.

Ş.Mövsümov deyib ki, müxtəlif sahələr və istiqamətlərdə sahibkarlara yardım nəzərdə tutulub:

"Bunun üçün vəsaitlər ayrılıb, proses gedir. Məsələ ilə İqtisadiyyat Nazirliyi məşğul olur. Ümumilikdə zərərçəkmiş sahələrdə çalışanlara yardım heç vaxt dayandırılmayıb".

0