Həbib Əlizadə dərs vaxtı

Azərbaycan təhsilində qeyri-adi yenilik

546
(Yenilənib 10:09 14.11.2017)
"Şagirdlərimi tarix fəninə daha da həvəsləndirmək üçün bu üsuldan istifadə edirəm"

Rahim Zakiroğlu, Sputnik Azərbaycan

BAKI, 14 noyabr — Sputnik. Elm insanı ucaldır və insanı Allaha bağlayır. İnsanın əldə etdiyi ən dəyərli peşələrdən biri də müəllimlikdir. Müəllim isə dərs dediyi fənni yaxşı bilməklə yanaşı, həm də şagirdləri ilə münasibət qura bilməli, onlarda tədris etdiyi dərsə sevgi və hörmət yaratmalıdır.

Astaranın ucqar dağ kəndindən olan və tarix dərsi vermək üçün Lənkəranın ucqar dağ kəndinə — Gəgirana köçən, 26 yaşlı Həbib Əlizadə maraqlı üslubdan istifadə edir. O, Sputnik Azərbaycan-ın bölgə müxbirinə deyir ki, kurikulum tədris metodu müəllim və şagirdlərə bir çox yeniliklər yaratmağa imkan verir.

Kurikulum artıq 10 ildir ki, ölkəmizdə də tətbiq edilir. Həbib Əlizadə isə Azərbaycanda tarix fənnini rep üslubunda tədris edən ilk və yeganə müəllimdir.

  • Lənkəran rayonu Gəgiran kənd orta məktəbi
    Lənkəran rayonu Gəgiran kənd orta məktəbi
    © Sputnik / Rahim Murad
  • Lənkəran rayonu Gəgiran kənd orta məktəbi
    Lənkəran rayonu Gəgiran kənd orta məktəbi
    © Sputnik / Rahim Murad
  • Gəgiran kənd orta məktəbində tədris prosesi
    Gəgiran kənd orta məktəbində tədris prosesi
    © Sputnik / Rahim Murad
  • Gəgiran kənd orta məktəbində tədris prosesi
    Gəgiran kənd orta məktəbində tədris prosesi
    © Sputnik / Rahim Murad
1 / 4
© Sputnik / Rahim Murad
Lənkəran rayonu Gəgiran kənd orta məktəbi

Müsahibimiz 1991-ci ildə Astaranın ucqar dağ kəndində doğulduğunu deyir: "2008-ci ildə Şüvi kənd tam orta məktəbini bitirdim və elə həmin il də Lənkəran Dövlət Universitetinin Humanitar fakültəsinə qəbul oldum. 2012-ci ildə Tarix və İctimaiyyət ixtisasi ilə universiteti bitirdikdən sonra öz ixtisasım üzrə deyil, kompüter sahəsi üzrə işlərdə çalışdım, paralel olaraq bölgəmizin və xüsusən də Astaramızın qədim tarixini araşdırmaqla məşğul oldum".

"2015-ci ildə müəllimlərin işə qəbulu imtahanında uğurlu nəticə əldə edərək Lənkəranın Gəgiran kəndi orta məktəbində təyinat aldım. Dərslərimiz kurikulumla proqramı ilə keçirilir. Tarix fənni olduğu üçün şagirdlərlə daha çox müzakirələr aparıram" — o bildirir.

H. Əlizadə bir sıra tədris üsullarından istifadə etdiyini qeyd edir: "Xarici, xüsusən də Türkiyə mediasını çox izləyirəm. Bir dəfə qardaş ölkədə müəllimin rep üslubunda dərs dediyini gördüm və bu, mənim marağıma səbəb oldu".

"Ötən il ilk dəfə Astarada məktəbə yay hazırlığı vaxtı rep vasitəsilə uşaqlara tarixi başa salmağa başladım. Həmin vaxt bu üslubun şagirdlərin xoşuna gəldiyini və tarixi daha maraqla öyrəndiklərini gördüm. Beləcə, ara-sıra dərsləri replə deməyə başladım" — həmsöhbətimiz vurğulayır.

"İlk dəfə tam geniş formatda isə bu ilin may ayında Gəgiran kənd məktəbinin 6 və 7-ci siniflərində, 28 May Respublika Gününə həsr edilən tarix dərsini "Rap Battle" üslubunda keçirdik. Nəticə gözlədiyimdən də əla oldu, bütün uşaqlar dərsdə iştirak etdilər. Dərsi tam rep kimi demirəm. Yəni, "beat music" səsləndirilir və mən tarixi xronologiyanı, başqa tarixi hadisələri rep formasında deyirəm" — müəllim əlavə edir.

Həbib Əlizadə bildirir ki, bu ilin iyun ayında tələbələrə paylanılması üçün çoxlu kitablar hədiyyə edilib. Lakin dərs ili başa çatdığına görə, şagirdlər məktəbdə olmayıblar və o, bu kitabları öz velosipedi ilə uşaqlara paylamağa başlayıb.

546
Teqlər:
Gəgiran, Həbib Əlizadə, tarix fənni, rep, Sputnik Azərbaycan, dərs, şagird, təhsil, məktəb, elm, Lənkəran, müəllim
Əlaqədar
Şagirdlərlə sekslə məşğul olan müəllim saxlanıb
Gələn aydan müəllimlərin maaşları artırılacaq
"Cəbiş müəllim" Azərbaycanın cəsur oğlu Əhmədiyyə Cəbrayılov haqqında danışır
Gəncədə müəllimi bıçaqladılar
Saxta diplomla 19 il müəllim işlədi
Məktəblərdə müəllimlər üçün pul yığılır - SİYAHI
Teledərs, arxiv mşəkli

Müharibə bitib, problem isə həll olunmayıb - heç pulsuz paket köməyə çatmır

12
(Yenilənib 18:51 16.01.2021)
Cəbhəyanı zonalarda müəllim və şagirdlər üçün pulsuz mobil internet paketləri təqdim olunsa da, onlayn təhsilə qoşulmada problem hələ də qalmaqdadır

Zülfiyyə Quluyeva, Sputnik Azərbaycan

BAKI, 16 yanvar — Sputnik. Azərbaycanda koronavirus pandemiyasına görə ötən ilin mart ayından etibarən ənənəvi təhsil onlayn təhsillə əvəzlənsə də, sentyabr ayında Ermənistan-Azərbaycan arasında başlayan müharibə səbəbindən cəbhəboyu zonalarda məsafədən təhsildə ciddi problemlər yaranıb. Həmin dövrdə cəbhə bölgəsində 1200-dən çox məktəb fəaliyyətini dayandırmışdı. Müəllim və şagirdlər müxtəlif yerlərə yerləşdirildiyindən onlayn təhsilə qoşulmaq imkanını da itirmişdilər. Sputnik Azərbaycan müharibə dövründə cəbhə zonası hesab olunan ərazilərdə şagirdlərin təhsil imkanlarının bərpa edilib-edilmədiyini araşdırıb.

© AR Ministry of Education

Cəbrayıl rayonunun Cocuq Mərcanlı qəsəbə sakini Şahəddin Hüseynov Sputnik Azərbaycan-a açıqlamasında bildirib ki, müharibə dövründə qəsəbə artilleriya atəşinə tutulduğundan sakinlər ətraf rayon və qəsəbələrə köçmək məcburiyyətində qalıblar. Həmin dövrdə onların övladları tamamilə təhsildən kənar qalıblar. Çünki yerləşdirildikləri ərazilərdə bütün müəllim və şagirdlərin internetə çıxışı mümkün olmayıb. Ş.Hüseynov bu günlərdə övladlarının onlayn dərslərə qoşula bildiyini söyləyir. Onun sözlərinə görə, bu isə bütün şagirdləri əhatə etmir. Evləri dağıdılan sakinlər hələ də müxtəlif ərazilərdə yaşadığından onların övladları onlayn dərslərə qoşula bilmirlər.

Problemin qaldığını müharibə dövründə cəbhəyanı ərazi hesab olunan rayonların təhsil şöbəsindən də təsdiqləyirlər. Ağdam Rayon Təhsil şöbəsinin müdiri Mətanət Misirxanova Sputnik Azərbaycan-a açıqlamasında bildirib ki, hər gün distant təhsilə qoşulan şagirdlərin siyahısı hazırlanır. O bildirir ki, Ağdam rayonu üzrə təxminən 56 faizə yaxın şagird onlayn təhsilə cəlb olunub: "Müharibədən sonra müəllimlərlə şagirdlər arasında artıq bir vasitə var. Amma müəyyən qisim şagird hələ də təhsildən, müəllim təmasından kənardadır. Bunlar Ağdam rayonu ərazisindəki Səfərli, Alıbəyli, Ayaqqərvənd qəsəbələrinin şagirdləridir.

Burada yaşayan şagirdlərlə təmas qurmaq mümkün deyil. Çünki bu ərazilərdə telefon xətti yoxdur. Mobil internetdən istifadə etməyə isə maddi baxımdan imkanları çatmır. Amma biz həmin qəsəbələrdə yaşayan şagirdlərlə daima əlaqə qururuq. Məktəb direktorları və sinif rəhbərləri şagirdləri teledərslərə yönəldirlər ki, onlar teledərsləri izləsinlər. Bununla belə, biz nəzərdə tutmuşuq ki, məktəblər açıldıqdan sonra onlayn dərslərə qoşula bilməyən şagirdlər üçün həmin dərslər sıxlaşdırılmış formada keçirilsin. Bunun üçün də əlavə dərs və məşğələ cədvəlləri hazırlanır".

Təhsil Nazirliyi yanında İctimai Şuranın Sədr müavini Nadir İsrafilov da problemin olduğunu təsdiqləyir. O bildirir ki, koronavirus pandemiyası Azərbaycanda ənənəvi təhsilin dayandırılmasına əsas səbəbdir. Amma sentyabr ayında müharibənin başlanması cəbhəboyu ərazilərdə təhlükəsizlik baxımından şagirdlərin onlayn təhsildən də kənarda qalmasına səbəb olub: "Düzdür, bəzi ərazilərdə insanlar evlərinə qayıdıblar, həyat öz axarına düşüb. Şagirdlərlə müəllimlər arasında onlayn əlaqəni qurmaq mümkün olub. Amma müharibə zamanı dinc sakinlərin hədəfə alınması cəbhəyanı zonalarda evlərin və infrastrukturun dağılmasına səbəb oldu. Dağılan evlər bərpa olunmayana qədər o insanların evlərinə qayıtması mümkün deyil. Bu səbəbdən də cəbhə zonasında hələ də onlayn təhsildən kənarda qalan şagirdlər var. Bu zonalarda müəllim və şagirdlər üçün pulsuz mobil internet paketləri təqdim olunsa da, onlayn təhsilə qoşulmada problem hələ də qalmaqdadır. Amma bizim üçün əsas olan insanların təhlükəsizliyi və sağlamlığıdır. Azərbaycanın qazandığı qələbə sayəsində biz bu problemlərin də öhdəsindən gələcəyik".

N.İsrafilov işğaldan azad edilmiş ərazilərimizdə də təhsilin təşkili üçün Təhsil Nazirliyinə təkliflər verildiyini bildirib.

Təhsil Nazirliyindən isə Sputnik Azərbaycan-ın sorğusuna cavab olaraq bildirilib ki, cəbhəyanı bölgələrdə yaşayan şagirdlərin distant dərslərdə iştirakı tədricən genişlənir: "Bununla yanaşı, həmin şagirdlərin artıq rahat şəkildə teledərslərdən yararlanmaq imkanı da var".

Nəqliyyat, Rabitə və Yüksək Texnologiyalar Nazirliyindən isə bildirdilər ki, müharibə dövründə telefon rabitəsinə zərər dəyən ərazilərdə bərpa işləri, demək olar ki, başa çatdırılıb. Telefon xətti olmayan ərazilərə isə telefon xətlərinin çəkilməsi işi mütəmadi olaraq davam etdirilir. 

12
Teqlər:
dərs, onlayn, internet, cəbhəyanı bölgələr, təhsil

Azərbaycanda məktəblər açılacaq

146
(Yenilənib 12:09 16.01.2021)
Nazirlər Kabibeti yanında Operativ Qərargah ölkə ərazisində xüsusi karantin rejimini aprelin 1-dək uzatsa da, yanvarın 18-dən mərhələli şəkildə müəyyən yumşalmalar olacaq

BAKI, 16 yanvar — Sputnik. Məktəblərdə ənənəvi təhsilin bərpası nəzərdə tutulur. Sputnik Azərbaycan-ın məlumatına görə, bunu Nazirlər Kabibeti yanında Operativ Qərargahın brifinqində Prezidentin köməkçisi, Prezident Adminstrasiyasının İqtisadi Məsələlər və innovativ inkişaf siyasəti şöbəsinin müdiri Şahmar Mövsümov bildirib. Ş.Mövsümov deyib ki, detallar barədə növbəti həftə ərzində Təhsil Nazirliyi tərədindən brifinq keçiriləcək: "Bu barədə detalları Təhsil Nazirliyi özü açıqlayacaq. Məktəblərin açılması ilə bağlı müəyyən addımlar atılacaq".

146
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Manat, arxiv şəkli

Yardım dayandırılmayıb - Şahmar Mövsümov

0
(Yenilənib 20:07 16.01.2021)
"Bunun üçün vəsaitlər ayrılıb, proses gedir. Məsələ ilə İqtisadiyyat Nazirliyi məşğul olur" - Prezidentin köməkçisi

BAKI, 16 yanvar — Sputnik. Sahibkarlara dəymiş ziyanın ödənilməsi ilə bağlı tədbirlər planı üzrə proseslər davamlı olaraq həyata keçirilir. Sputnik Azərbaycan-ın məlumatına görə, bunu jurnalistlərə açıqlamasında Prezidentin köməkçisi, Prezident Administrasiyasının İqtisadi Məsələlər və innovativ inkişaf siyasəti şöbəsinin müdiri Şahmar Mövsümov bildirib.

Ş.Mövsümov deyib ki, müxtəlif sahələr və istiqamətlərdə sahibkarlara yardım nəzərdə tutulub:

"Bunun üçün vəsaitlər ayrılıb, proses gedir. Məsələ ilə İqtisadiyyat Nazirliyi məşğul olur. Ümumilikdə zərərçəkmiş sahələrdə çalışanlara yardım heç vaxt dayandırılmayıb".

0