ELM

Elmi müəssisələrin özəlləşdirilməsi qadağan olunub

© Photo : Qulu XalilovDövlət əmlakının özəlləşdirilməsi üzrə növbəti hərrac baş tutub
Dövlət əmlakının özəlləşdirilməsi üzrə növbəti hərrac baş tutub - Sputnik Azərbaycan
Abunə olmaq
"Dövlət əmlakının özəlləşdirilməsi haqqında" qanuna dəyişikliklər edilib

BAKI, 31 oktyabr — Sputnik. Parlamentin bu gün keçirilən iclasında "Dövlət əmlakının özəlləşdirilməsi haqqında" qanuna dəyişikliklərə baxılıb. Sputnik Azərbaycan xəbər verir ki, dəyişikliklər "Elm haqqında" qanuna uyğunlaşdırma məqsədi daşıyır. Dəyişikliyə əsasən, fundamental və strateji əhəmiyyətli elmi tədqiqatlar aparan dövlət elmi müəssisələri də özəlləşdirilməsi qadağan edilən dövlət mülkiyyətində saxlanılan əmlak növlərinin siyahısına əlavə olunub.

Qeyd edək ki, "Elm haqqında" qanunun 30-cu maddəsinin birinci bəndində göstərilib: Dövlət elmi müəssisələri müvafiq icra hakimiyyəti orqanının qərarı əsasında, profilini saxlamaq şərti ilə özəlləşdirilməyə açıq elan oluna bilər. İkinci bənddə isə qeyd olunub ki, fundamental və strateji əhəmiyyətli elmi tədqiqatlar aparan dövlət elmi müəssisələri özəlləşdirilə bilməz.

Qanun layihəsi səsə qoyularaq qəbul edilib.

Xəbər lenti
0