Elcan İsayev

İlin ən gənc tələbəsinin arzusu

257
(Yenilənib 23:18 24.09.2017)
O 15 yaşında universitet tələbəsi adını qazandı

İlham Mustafa, Sputnik Azərbaycan

BAKI, 24 sentyabr — Sputnik. Tovuz rayon Dondar Quşçu kənd sakini Elcan İsayev orta məktəbi yaşıdlarından 2 il tez bitirib. Nəticədə 15 yaşında tələbə adını qazanıb. O 279 balla Azərbaycan Dövlət Aqrar Universitetinin Meşəçilik fakültəsinə daxil olub. Fəhlə ailəsində dünyaya göz açan Elcan hələ kiçik yalarından həm görünüşü, həm qabliyyətilə yaşıdlarından fərqlənib. Hələ 4 yaşı olarkən oxumağı, yazmağı bacaran övladını, atası şagird kimi görmək istəyib. Müsabiqədən keçməyi bacaran azyaşlı 4 yaşından məktəb partasının arxasında əyləşmək şansı qazanıb. Əsasən dəqiq fənnləri sevən Elcan orta məktəbdə yaxşı oxumaqla yanaşı bütün həmyaşıdları kimi hazırlıq kurslarına da gedib. 11-ci sinifdə I ixtisas qrupu üzrə hazırlaşmağa başlasa da sonradan maddi imkansızlıq onu repititor yanına getməkdən ayrı salıb. Bu haqda o, Sputnik Azərbaycan-ın bölgə müxbirinə danışıb:

"Orta məktəbi yaxşı oxumuşam. Kimya, fizika fənlərinə marağım daha böyük olub. O səbəbdən də I qrupa üstünlük verdim. 11-ci snifdə 5 fənn üzrə hazırlığa başlasamda artıq yanvar ayında maddi çətinliyə görə riyaziyyat, Azərbaycan və xarici dillərdən hazırlığı dayandırmalı oldum. May ayından isə bütün hazırlıqları saxlayaraq evdə müstəqil məşğul olmağa başladım."

Elcan və nənəsi
© Sputnik / Ilham Mustafa
Elcan və nənəsi

Müəllimlərini onu ödənişsiz olaraq hazırlamaq təklif etdiklərini danışan Elcan utandığınnan buna razı olmayıb. Hazırlıq və ailəyə yardım etmək üçün isə eyni zamanda işləməyə başlayıb. Müəyyən günlərdə rayon mərkəzindəki restoranlarda günəmuzd ofisiant kimi fəaliyyət göstərib. Nəticəsinin zəif olmasına da bu amilin səbəb olduğunu deyir.

Elcan İsyaev hazırda qəbul olduğu ixtisas üzrə oxuyub bitirdikdən sonra təhsilini xaricdə davam etdirmək niyyətindədir.

257
Teqlər:
fizika, kimya, müsabiqə, Azərbaycan Dövlət Aqrar Universiteti, Elcan İsayev, Dondar Quşçu kəndi, Tovuz rayonu
Əlaqədar
Tələbə köçürülməsinin təfərrüatları açıqlandı
Tələbə faciəsinə səbəb olan sürücü ilə bağlı elə faktlar ortaya çıxdı ki...
Azərbaycanda daha bir kütləvi tələbə faciəsi
Tələbə faciəsi qaranlıqda gizlənən acı həqiqətləri ortaya çıxardı
Ali məktəblərimiz tələbə üzünə həsrət qalacaq

Əyani təhsil başlayanda şagirdləri nələr gözləyir?

4
(Yenilənib 16:26 20.01.2021)
Yanvarın 18-dən sonra karantin qaydalarının yumşaldılması təhsilə də sirayət edəcək. KİV-də məlumat yayılıb ki, Təhsil Nazirliyi məktəbləri açmağa hazırlaşır, ancaq konkret vaxt deməyə hələ tələsmir

Məlumdur ki, respublika üzrə təhsil müəssisələrində əyani dərslər 2020-ci il noyabrın 2-də koronavirus pandemiyası ilə bağlı vəziyyətin pisləşməsi səbəbi ilə dayandırılmışdı. Hazırda gündəlik yoluxma statistikası payızdakı göstəricilərədək azalıb. Eyni zamanda Azərbaycanda əhalinin müəyyən qrupunun da peyvəndlənməsinə başlanılıb. 

Sosial şəbəkələrdə isə məktəblərin fevralın 1-dən, yaxud da 15-dən 5-9-cu sinif şagirdləri üçün açılacağı aktiv müzakirə olunur. 

Təhsil müəssisələrinin yenidən açılması ilə şagirdləri nələrin gözlədiyi, təhsil prosesinin necə qurulacağı və onlayn dərslərlə uşaqların məktəbə gəlməsini necə uyğunlaşdıracaqları barədə sualları yanvarın 25-i saat 12:00-da Sputnik Azərbaycan-ın Multimedia mətbuat mərkəzində təhsil eksperti, Təhsil.biz maarifçi-informasiya portalının baş redaktoru Kamran Əsədov cavablandıracaq.

Spikerə sualları öncədən ivelizade@gmail.com elektron ünvanına göndərə bilərsiniz. Tədbir Sputnik Azərbaycan-ın Facebook səhifəsində canlı yayımlanacaq.

Əlaqə: 

Telefonlar: 404-13-84/85

Ünvan: Mətbuat prospekti, 529-cu məhəllə, 23 M, BMM-in binası, 4-cü mərtəbə, Sputnik Azərbaycan Multimedia Mətbuat Mərkəzi

4
Məktəbdə dərs prosesi, arxiv şəkli

Müəllimlərin nəzərinə: Qiymətləndirmə qaydası açıqlandı

7
(Yenilənib 15:47 20.01.2021)
Bu barədə Təhsil Nazirliyinin "Xüsusi karantin rejimi dövründə ümumi təhsil müəssisələrində təhsilalanların attestasiyasının (məktəbdaxili qiymətləndirmənin) aparılmasının müvəqqəti qaydaları"nda bildirilib.

BAKI, 20 yanvar — Sputnik. Xüsusi karantin rejimində summativ qiymətləndirmə zamanı suallar hər sinif və fənn üzrə 4 müxtəlif səviyyədə tərtib edilir. Sputnik Azərbaycan-ın məlumatına görə, bu, Təhsil Nazirliyinin "Xüsusi karantin rejimi dövründə ümumi təhsil müəssisələrində təhsilalanların attestasiyasının (məktəbdaxili qiymətləndirmənin) aparılmasının müvəqqəti qaydaları"nda bildirilib.

1-ci səviyyə üzrə suallar qiymətləndirmənin 20 faizini (20 bal), 2-ci səviyyə üzrə 30 fazini (30 bal), 3-cü səviyyə üzrə 30 faizini (30 bal) və 4-cü səviyyə üzrə 20 faizini (20 bal) təşkil edir. Qiymətlər "2", "3", "4" və "5" olaraq müəyyənləşdirilir. 30 baladək suallar (30 da daxil olmaqla) "2", 30 baldan 60-dək (60 da daxil olmaqla) "3", 60 baldan 80-dək (80 də daxil olmaqa) "4", 80 baldan 100-dək (100 də daxil olmaqla) "5" kimi qiymətləndirilir.

7
Teqlər:
Təhsil Nazirliyi, məktəbli, məktəb, müəllimlər, müəllim
Reza Deqati, arxiv şəkli

Əcnəbilər üçün tarix dərsi: "Maşınların pəncərəsindən gizli şahidlik etdim" - FOTO

0
(Yenilənib 17:01 20.01.2021)
"Şəhər jurnalistlər üçün qapalı idi. Ancaq Moskvadan qatara minərək qırx səkkiz saat orada gizləndim, Bakıya gəldim. Bunun sayəsində bəzən bu üsyan cəhdinin ciddi təzyiqi altında maşınların pəncərəsindən gizli  şahidlik edə bildim"

Şahpəri Abbasova, Sputnik Azərbaycan

BAKI, 20 yanvar — Sputnik. Fransada yaşayan məşhur fotojurnalist Reza Deqati 20 Yanvar faciəsi ilə bağlı paylaşım edib. Sputnik Azərbaycan xəbər verir ki, dünyaca məşhur fotoqraf qanlı gecə haqqında özünün "Facebook" səhifəsində yazıb: "Əfqan sərkərdələri ilə dağlarda döyüşdükdən sonra dünyanın ən böyük ordularından biri təslim oldu. Şərq Blokunun parçalanması başladı - Berlin divarından yıxılacaq ilk beton parçasının simvolizə etdiyi bir proses. 19-cu əsrdən bəri Rusiyanın nəzarətində olan bir ölkədə - Azərbaycanda siyasi ixtişaşlar Kremlə qarşı üsyana çevrildi. Bu cəsarəti cəzalandırmaq üçün rus tankları 19 yanvar 1990-cı ildə gecə Azərbaycanın paytaxtı Bakıya girdi və insanları qətlə yetirdilər".

Məşhur fotoqraf həmin faciə vaxtı Bakıya gəldiyi haqqında da danışıb: "Qırğın yüzlərlə ölü və yaralıya səbəb oldu. Şəhər jurnalistlər üçün qapalı idi. Ancaq Moskvadan qatara minərək qırx səkkiz saat orada gizləndim, Bakıya gəldim. Bunun sayəsində bəzən bu üsyan cəhdinin ciddi təzyiqi altında maşınların pəncərəsindən gizli şahidlik edə bildim".

Deqati qanlı günlərin simvolu olan qərənfil haqqında da danışıb: "Milli çiçək artıq ölkəni təmsil etmək üçün deyil, o lənətə gəlmiş gecə istifadə edildi. Qırmızı qərənfillər indi yalnız cənazə üçün istifadə olunur və müstəqillik uğrunda mübarizə zamanı ölənlərin xatirəsini yad etmək üçün məzar daşlarının üzərinə qoyulur. Ağrılı keçmişin əbədi qalıqları, yerdəki çiçəklər insanları öz tarixi ilə barışığa, nəhayət azadlığa qovuşmağa dəvət edir".

Məşhur fotoqraf həmin gecə ilə bağlı "Məsumların qırğını" (The Massacre of the Innocents) adlı kitab dərc edib. R.Deqati izləyicilərini həmin kitabı oxumağa dəvət edib.

Qeyd edək ki, Reza Deqati 40 ildən çoxdur dünyanı gəzib dolaşır. O, Qarabağda dəfələrlə olub. Otuzdan çox kitabın müəllifidir. Bir sıra beynəlxalq mükafatlar alıb. Missuri Universitetinin "Şərəf" medalına layiq görülüb, Parisin Amerika Universitetinin fəxri doktorudur. Fransa hökuməti onu Milli Cəngavərlik Ordeni ilə təltif edib. Parisdə "Mühacirin düşüncələri", "Kəsişən talelər", Vaşinqtonda "Bir dünya, bir tayfa", Normandiyada "Müharibə+Sülh" və Dohada "Ümid" adlı sərgiləri təşkil olunub. Fotoqraf ümumilikdə 250 sərginin iştirakçısıdır.

0
Teqlər:
fotoqraf, tarix, 20 Yanvar