Məktəb, arxiv şəkli

Bakıda etiraz: valideynlər direktorun müdafiəsinə qalxdılar

998
(Yenilənib 13:43 21.09.2017)
"İki aydan çoxdur ki, məktəbdə komissiya var, güclü yoxlamalar aparılır"

BAKI, 20 sentyabr — Sputnik. Bakının Nərimanov rayonunda, "Gənclik" metrostansiyasının yaxınlığında yerləşən 200 və 43 saylı məktəblərdə (iki məktəb eyni məktəb-lisey kompleksinə daxildir) valideynlər etiraz aksiyası keçirirlər. Bu barədə Sputnik Azərbaycan-a jurnalist Esmira Qasımova məlumat verib.

O bildirib ki, valideynlər, məktəb direktorunun işdən azad edilməsinə etiraz edirlər: "Uşaqlarım "Gənclik"dəki 43 saylı məktəb-lisey kompleksində təhsil alırlar. Qızım 7, oğlum 4-cü sinifdə oxuyur. Bu illər ərzində nə müəllimlərdən, nə dərs sistemindən, nə də məktəb rəhbərliyindən narazılığım olub. Məktəbdə pul yığımı, sıxışdırılma kimi hallarla qarşılaşmamışam".

"Bu il oğlumun sinfini növbəarası salıblar. Yəni ilk dərsi saat 11.20-də başlayır. Bunun çətinliyini hər bir valideyn başa düşər, yəqin ki. İki uşağı ayrı-ayrı vaxtda aparmaq və ayrı-ayrı vaxtda götürmək çox çətindir. Başqa valideynlər də bu növbədən narazıdırlar" — jurnalist bildirib.

E. Qasımova qeyd edib ki, hazırda direktorun işdən çıxarılmasına yönəlik tədbirlər başlayıb: "İki aydan çoxdur ki, məktəbdə komissiya var. Güclü yoxlamalar aparılır. Bəzi siniflərin növbəarası salınması da, komissiyanın qərarı ilə olub və direktoru gözdən salmağa hesablanıb".

"Məktəbin direktoru, filologiya elmləri doktoru Qafar Hüseynov uzun illər pedaqoji sahədə çalışıb, hamının hörmətini qazanıb. Düşünürük ki, bəzi siniflərin növbəarası salınması direktoru gözdən salıb, işdən çıxarmaq məqsədi daşıyır. Biz isə onun işdən azad edilməsini, başqası ilə əvəz edilməsini istəmirik" — jurnalist vurğulayıb.

998
Teqlər:
"Gənclik" metrostansiyası, direktor, Nərimanov rayonu, valideyn, etiraz, məktəb, jurnalist
Əlaqədar
Cabbarov: “Çinin məktəblərimizə İKT dəstəyini yüksək qiymətləndiririk”
Yeni dərs ili: məktəbliləri hansı yeniliklər gözləyir
Məktəb yarmarkaları barədə maraqlı faktlar
Ekspert: “Azərbaycanda məktəbəqədər təhsilə maraq azdır”
Təcili yardım avtomobili

Şah Qacarın nəslindən olan alim Bakıda vəfat etdi

4228
(Yenilənib 14:21 12.06.2021)
Çingiz Qacar Azərbaycanda yüksəkixtisaslı elmi kadrların hazırlanmasında da böyük xidmətlər göstərib. O, nüfuzlu spektroskopçular məktəbi yaradıb, yüksəkixtisaslı fiziklər yetişdirib.

BAKI, 12 iyun — Sputnik. Azərbaycanlı alim, fizika-riyaziyyat elmləri doktoru, professor, akademik, AMEA Fizika İnstitutunun Molekulyar spektroskopiya laboratoriyasının müdiri Çingiz Oveys oğlu Qacar dəfn edilib.

Sputnik Azərbaycan xəbər verir ki, mərhum II Fəxri xiyabanda torpağa tapşırılıb. Mərasimdə mərhumun ailə üzvləri, yaxınları və ictimaiyyət nümayəndələri iştirak ediblər.

Azərbaycan Prezidenti İlham Əliyev və birinci xanım Mehriban Əliyeva akademik Çingiz Qacarın dəfn mərasiminə əklil göndəriblər. Əklil mərhumun məzarı üzərinə qoyulub.

---------

11:46

Azərbaycanlı alim, fizika-riyaziyyat elmləri doktoru, professor, akademik, AMEA Fizika İnstitutunun Molekulyar spektroskopiya laboratoriyasının müdiri Çingiz Oveys oğlu Qacar bu gün 92 yaşında vəfat edib. Sputnik Azərbaycan xəbər verir ki, alim bu gün son mənzilə yola salınacaq.

Qacar nəslinin nümayəndəsi

Çingiz Oveys oğlu Qacar 1929-cu il iyunun 6-da Bakı şəhərində anadan olub. Akademikin ulu babası məşhur Qacarlar nəslinin ziyalı və vətənpərvər nümayəndələrindən olan Bəhmən Mirzə Qacar idi. Ç.Qacar 1953-cü ildə Leninqrad Politexnik İnstitutunun texniki fizika sahəsində mühəndis - tədqiqatçı fakültəsini bitirib. İnstitutu bitirdikdən sonra Ç.O.Qacar Azərbaycan Milli Elmlər Akademiyası (AMEA) Fizika-Riyaziyyat İnstitutunun Radiofizika laboratoriyasında işləməyə başlayıb. 1980-ci ildə AMEA-nın müxbir üzvü, 2001-ci ildə isə həqiqi üzvü seçilib. Ç.O.Qacar institutun fizika-mexanika fakültəsində oxuduğu illərdə dünyanın tanınmış alimlərindən sayılan A.F.İoffe, J.İ.Frenkel, D.N.Nasledov və başqalarından dərs alıb. O, tələbəlik illərində Avropa mədəniyyətinə maraq göstərib.

Nüfuzlu məktəb

Ç.Qacar Azərbaycanda yüksəkixtisaslı elmi kadrların hazırlanmasında da böyük xidmətlər göstərib. O, nüfuzlu spektroskopçular məktəbi yaradıb, yüksəkixtisaslı fiziklər yetişdirib. Onun çoxsaylı yetirmələrinin bir çoxu Avstraliya, Rusiya, Amerika, Türkiyə, ölkəmizin nüfuzlu ali məktəblərində və elmi-tədqiqat institutlarında çalışıb. O, Azərbaycanda molekulyar spektroskopiya elmi istiqamətinin rəhbəri olub.

Molekulyar spektroskopiya sahəsində elmi əsasların yaranmasında kompleks işlər gördüyünə və geniş istifadəli elektron cihazların istehsal texnologiyasına görə Ç.O.Qacar 1982-ci ildə Azərbaycan SSR-in Dövlət Mükafatına və SSRİ EA-nın S.İ. Vavilov adına mükafata layiq görülüb, 2004-cü ildə isə Azərbaycan Respublikasının "Şöhrət" ordeni ilə təltif olunub.

18 aprel 2014-cü ildə aka­demik Çingiz Qacar fizika elmi sahəsində fundamental tədqiqatları və nailiyyətlərinə görə Nəsirəddin Tusi adına mükafata layiq görülüb.

4228
Teqlər:
fizika, vəfat, alim
Dövlət İmtahan Mərkəzinin binası

Dövlət İmtahan Mərkəzi buraxılış imtahanlarının nəticələrini açıqladı

1142
Ümumi orta təhsil səviyyəsi üzrə iyunun 9-10-da keçirilmiş buraxılış imtahanlarının nəticələri məlum olub.

BAKI, 11 iyun — Sputnik. Ümumi (9 illik) orta təhsil səviyyəsi üzrə 9-10 iyun 2021-ci il tarixlərində keçirilmiş buraxılış imtahanlarının nəticələri elan olunub.

Dövlət İmtahan Mərkəzindən verilən məlumata görə, imtahanda iştirak edən 9-cu sinif şagirdləri verilmiş keçidə (https://eservices.dim.gov.az/2021/netorta/) daxil olaraq iş nömrəsi və şəxsiyyəti təsdiq edən sənədin nömrəsindən (və ya FİN kodundan) istifadə etməklə öz imtahan nəticələri, cavab kartının qrafik təsviri ilə tanış ola bilərlər. İmtahan iştirakçıları iş nömrələrini buradan öyrənə bilərlər.

Şagirdlər imtahan nəticələri haqqında məlumatı (hər fənn üzrə ümumi balı), həmçinin mobil operatorlar (Azercell, Bakcell, Nar, Naxtel) vasitəsilə “iş nömrəsi”ni 7727 nömrəsinə göndərməklə öyrənə bilərlər.

Bu imtahanlarda iştirakı nəzərdə tutulan 43638 nəfərdən 762 nəfər imtahana gəlməyib. Tələb olunan imtahan qaydalarını pozduğu üçün 7 nəfərin nəticəsi ləğv olunub.

İmtahan nəticələri ilə bağlı müraciətlərə baxılması üçün DİM tərəfindən 17 iyun tarixindən etibarən onlayn ("Zoom" proqramı və ya telefon əlaqəsi vasitəsilə) apellyasiya prosesi təşkil ediləcək. Apellyasiya komissiyasına müraciət etmək istəyənlər 14-16 iyun tarixlərində DİM-in saytında yerləşdiriləcək elektron ərizəni doldurmaqla qeydiyyatdan keçə bilərlər. Göstərilən müddət ərzində qeydiyyatdan keçməyənlər sonradan apelyasiya üçün müraciət edə bilməyəcəklər. Elektron ərizədə müraciətin məzmunu qeyd olunmadığı halda ərizə qəbul edilmir, həmin müraciət araşdırılmır və onun üçün apelyasiya təşkil olunmur.

Apellyasiya müzakirəsində şagirdin iştirakı vacibdir. Şagird ilə yanaşı valideynlərindən biri müzakirədə iştirak edə bilər. Bir şagirdin ərizəsi (müraciəti) üzrə ən çox 15 dəqiqə müzakirə aparıla bilər. Ayrılan vaxt bitdikdə, kənar şəxs müzakirəyə qoşulduqda və ya etik davranış qaydaları pozulduqda müzakirə prosesi dayandırılır.

 

1142
Rusiya millisinin hücumçusu Artyom Dzyuba (ön planda) və Belçika millisinin müdafiəçisi Tobi Alderveyreld

Rusiya millisinin futbolçuları AVRO-2020-nin startında Belçikaya uduzdular

0
(Yenilənib 01:10 13.06.2021)
Romelu Lukakunun dublu və Tom Menyenin qolu sayəsində belçikalılar AVRO-2020-də ilk oyunu qazanaraq B qrupunun lideri oldular.

Rusiya millisinin futbolçuları Avropa çempionatının qrup mərhələsindəki start oyununda Belçika komandasına uduzublar.

Sankt-Peterburqda keçirilən B qrupunun oyunu belçikalıların 3:0-lıq qələbəsi ilə yekunlaşıb.

Romelu Lukaku dubl edib (10-cu və 88-ci dəqiqələr), bir qol da Tom Menye (34-cü dəqiqədə) vurub. 

Rusiya turnirdəki növbəti matçını Sankt-Peterburqda iyunun 16-da Finlandiyaya qarşı keçirəcək. Belçikalılar bir gün sonra Kopenhagendə Danimarka millisi ilə oynayacaqlar.

 

0