Azərbaycan Respublikasının Təhsil Nazirliyi

Təhsil Nazirliyindən vacib yenilik: təfərrüatlar açıqlandı

1534
Təhsili yarımçıq qalan uşaqların hansı şərtlərlə yenidən təhsil ala biləcəkləri məlum olub

Təranə Xudabaxşiyeva, Sputnik Azərbaycan

BAKI, 13 iyul — Sputnik. Təhsil naziri Mikayıl Cabbarov yeni əmr imzalayıb. Bu əmrə əsasən, uzun müddət təhsildən kənarda qalmış şəxslərin fərdi təhsilinin təşkili və tənzimlənməsini təmin etmək məqsədilə fərdi təhsil üzrə nümunəvi tədris planı təsdiq edilib.

Təhsil Nazirliyinin ümumi təhsil sektorunun baş məsləhətçisi Əhliyət Adıgözəlov Sputnik Azərbaycan-a müsahibəsində yeni təhsil planı ilə bağlı bir çox məsələlərə aydınlıq gətirib.

Təhsil Nazirliyinin ümumi təhsil sektorunun baş məsləhətçisi Əhliyət Adıgözəlov
© Photo : ARTN
Təhsil Nazirliyinin ümumi təhsil sektorunun baş məsləhətçisi Əhliyət Adıgözəlov

- Əhliyət müəllim, uzun müddət təhsildən kənarda qalmış şəxslərin fərdi təhsilinin təşkili necə olacaq və hansı yaşa kimi olan şəxslər bu proqram üzrə təhsil ala bilərlər?

— "Təhsil haqqinda" Azərbaycan Respublikasi Qanununun 13.2-ci maddəsi və "Ümumtəhsil məktəbinin Nümunəvi Nizamnaməsi"nin 3.8-ci bəndinə görə, uzun müddət təhsildən kənar qalmış uşaqların yenidən təhsilə cəlb olunması ilə bağlı müəyyən qaydalar hazırlanıb. Onlardan biri də fərdi təhsilin təşkili haqqında qaydadır. Bu qaydalara görə, belə təhsil 2015-ci ildən tətbiq olunmağa başlayıb və hal-hazırda da davam edir. Yeni təhsil ilində də eyni qaydada təhsildən geri qalan uşaqların təhsil alması davam edəcək. Burda əsasən ümumi təhsilin iki səviyyəsi nəzərdə tutulub. Birinci səviyyə ibtidai fərdi təhsildir, ikinci səviyyə isə 5-9-cu siniflər üzrə orta təhsildir. İbtidai fərdi təhsilə 15 yaşına kimi təhsili yarımçıq qalan uşaqlar cəlb olunur. Ümumi orta təhsilə isə 5-ci sinifdən 9-ci sinfə kimi təhsilini yarımçıq qoymuş 15-25 yaşında şəxslər cəlb edilir. Onlar 8-ci sinfə kimi təhsil alırlar. 8-ci sinfi bitirəndən sonra müstəqil şəkildə imtahan verərək ümumi təhsil haqqında attestat ala bilirlər.

- Müraciətlər necə olur? Təhsil Nazirliyinin əməkdaşları belə insanları axtarıb təhsilə cəlb edirlər, yoxsa həmin şəxslər özləri Təhsil Nazirliyinə müraciət edirlər?

— Belə şəxslər özləri təhsil şöbələrinə və ya yaxınlıqda olan məktəblərə müraciət edirlər. Məktəb sənədlərə baxır və həmin şəxsin yaş həddinə uyğun gəlirsə, təhsil almaq üçün qəbul edilir. Hər təhsil ili üçün fərdi təhsil planı hazırlayırıq. İbtidai təhsil pilləsində 5 fənn, ikinci təhsil pilləsində 9 fənn tədris olunur. Həftədə 4 gün dərs günüdür.

- Belə təhsilə daha çox hansı regionda müraciətlər olub?

— 2016-2017-ci il tədris ilində 1012 qrupda 1242 nəfər fərdi şəkildə təhsil alıb. Paytaxtda 159 qrupda 223 uşaq olub. Regionlardan isə Masallı və Şəmkirdə digər rayonlara nisbətən daha çox uşaq təhsilə cəlb olunub.

- Belə uşaqlar üçün təhsil pulludur, yoxsa pulsuz?

— Əlbəttə, təhsil pulsuzdur. Biz, hətta bu təhsil üçün Maliyyə Nazirliyindən də əlavə xərc tələb etmirik. Təhsil Nazirliyi öz büdcəsinə qənaət etməklə bu planı həyata keçirir. Bir sözlə, belə uşaqlar pulsuz təhsil alırlar.

- Təhsil saatları necədir?

— Bu təhsildə cəmi 3 saat 45 dəqiqə dərs vaxtı düşür. 15 yaşa kimi uşaqlar işləmirlər. Amma daha böyük yaşlı şəxslər işləyirsə, bu zaman dərs saatları razılaşdırma yolu ilə keçirilir. Hətta belə şagirdlərin iş yerlərinə arayış da təqdim edə bilirik.

- Belə gənclər gələcəkdə ali təhsil ala bilərlər?

— Belə uşaqlar 8-ci sinfi bitirib imtahan verirlər və təhsil haqqında şəhadətnamə alırlar. Daha sonra onlar kolleclər, peşə litseylərində təhsillərini davam etdirə bilirlər. Sonrakı illərdə imtahan verib tam attestat alaraq universitetə imtahan vermələri mümkündür. Eyni zamanda, peşə məktəbini və ya kolleci bitirərsə, bu zaman universitetə imtahan verə bilərlər. Praktikamızda bu məktəbi bitirib kolleclərdə və peşə litseylərində təhsilini davam etdirənlər az deyil.

1534
Teqlər:
Əhliyət Adıgözəlov, şagird, təhsil, məktəb, Mikayıl Cabbarov, Təhsil Nazirliyi, təhsil naziri, uşaq
Əlaqədar
Ekspert: “Peşə təhsilinə münasibət dəyişilməlidir”
Təhsil ocaqlarının qeyri-rəsmi qazanc mənbələri qapadılır
Təhsil eksperti tədris ilinin yekunları barədə danışdı
Universitet təhsilinin start nöqtəsi
Təhsil haqlarının ödənilməsi qaydası dəyişdirilir
Təhsildə inqilabi dəyişiklik: qəbul imtahanı ləğv olunur
Təhsil nazirindən kiril əlifbasına qayıtmaq təklifi
Müəllimlərin imtahanı, arxiv şəkli

Müəllimlərin imtahanına tələbələr nəzarət edəcəklər

1
(Yenilənib 14:20 14.08.2020)
Müəllimlərin işə qəbulu üzrə test imtahanlarının təşkilində hər il Təhsil Nazirliyinin tələbə-könüllüləri fəaliyyət göstərirlər

BAKI, 14 avqust — Sputnik. Müəllimlərin işə qəbulu üzrə müsabiqənin Bakı və Sumqayıt şəhərlərində keçiriləcək test mərhələsinin təşkilində könüllü olmaq üçün 400-dən çox tələbə müraciət edib. Sputnik Azərbaycan Təhsil Nazirliyinin məlumatına istinadla xəbər verir ki, sosial izolyasiya qaydalarına uyğun olaraq, müsabiqədə iştirak edəcək tələbə-könüllülərin seçimi onlayn müsahibələr vasitəsilə baş tutub. İlkin seçim mərhələsindən sonra keçirilən müsahibələrdə iştirak edən 189 nəfərdən 66-sı tədbirdə nəzarətçi qismində iştirak hüququ əldə edib.

Həmçinin, müsabiqənin test mərhələsində fəaliyyət göstərəcək tələbə-könüllülərə nümayəndələr tərəfindən təlimlər keçirilib. Təlimlər onlayn şəkildə müsabiqənin təşkilatçıları və "Bir" tələbə-könüllü proqramının koordinatorları tərəfindən keçirilib.

Qeyd edək ki, müəllimlərin işə qəbulu üzrə test imtahanlarının təşkilində hər il Təhsil Nazirliyinin tələbə-könüllüləri fəaliyyət göstərirlər.

1
Əlaqədar
Bu gün növbəti qəbul imtahanları keçirilir
İmtahanların nəticələri ilə əlaqədar müraciət edənlərin nəzərinə
Abituriyentlərə ikinci şans verildi, amma topladıqları bal aşağı olacaq
DİM kolleclərlə bağlı abituriyentlərə müraciət etdi
 Pandemiya zamanı imtahan, arxiv şəkli

DİM kolleclərlə bağlı abituriyentlərə müraciət etdi

5
(Yenilənib 12:20 14.08.2020)
İmtahanlar təsviri sənət, musiqi sənəti və teatr, kino və xoreoqrafiya sənəti istiqamətləri üzrə keçiriləcək. Ümumilikdə 15 Yaradıcılıq Qabiliyyətinin Yoxlanılması Komissiyası (YQYK) təşkil ediləcək

BAKI, 14 avqust — Sputnik. Dövlət İmtahan Mərkəzi 9 illik orta təhsil bazasında kolleclərin xüsusi qabiliyyət tələb edən ixtisaslarına qəbul olmaq istəyən abituriyentlərə müraciət edib. Bu barədə Sputnik Azərbaycan-a DİM-dən məlumat verilib.

Bildirilib ki, abituriyentlər "qabiliyyət imtahanına buraxılış vərəqəsi"ni çap edə bilərlər.

Dövlət İmtahan Mərkəzi tərəfindən 17-21 və 24 avqust tarixlərində 2020/2021-ci tədris ili üçün ümumi orta təhsil bazasında orta ixtisas təhsili müəssisələrinin xüsusi qabiliyyət tələb edən ixtisaslarına qəbul olmaq üçün qeydiyyatdan keçmiş abituriyentlərin qabiliyyət imtahanları keçiriləcək.

İmtahanlar təsviri sənət, musiqi sənəti və teatr, kino və xoreoqrafiya sənəti istiqamətləri üzrə keçiriləcək. Ümumilikdə 15 Yaradıcılıq Qabiliyyətinin Yoxlanılması Komissiyası (YQYK) təşkil ediləcək. 8 komissiya üzrə qabiliyyət imtahanları ilk dəfə olaraq onlayn keçiriləcək.

İmtahanlar Bakı, Naxçıvan, Gəncə və Bərdə şəhərlərində 7 binada təşkil ediləcək.

Abituriyentlər 14-18 avqust 2020-ci il tarixlərində DİM-in saytından "qabiliyyət imtahanına buraxılış vərəqəsi"ni çap edə bilərlər.

Qabiliyyət imtahanları təsviri sənət istiqaməti ilə başladığına görə bu istiqamət üzrə imtahan verən abituriyentlərə buraxılış vərəqələrini avqustun 16-na qədər çap etmək tövsiyə olunur.

İştirakçılar imtahana tibbi maska ilə gəlməli və onlardan düzgün (burun, ağız və çənə nahiyəsini tam örtməklə) istifadə etməlidirlər. Maskanı çıxarmaq qadağandır və bütün proses (buraxılış rejimi, imtahan müddəti, imtahan binasının tərk edilməsi) boyu istifadə olunmalıdır.

Xatırladaq ki, kütləviliyin və təmas hallarının qarşısının alınması məqsədilə imtahan iştirakçıları üçün imtahan binasına müxtəlif daxilolma vaxtları müəyyən edilib və imtahan iştirakçısının buraxılış vərəqəsində həmin vaxt göstərilib. Ona görə də imtahan binasına buraxılış vərəqəsində qeyd olunan vaxtda gəlmək lazımdır.

Abituriyentlər imtahana aşağıdakı sənədləri gətirməlidirlər:

- qabiliyyət imtahanına buraxılış vərəqəsini;

- Sağlamlıq haqqında bəyannaməni (buraxılış vərəqi ilə birlikdə çap edirsiniz və imzalayırsınız);

- şəxsiyyəti təsdiq edən sənədin əslini:

a) Azərbaycan Respublikasının vətəndaşları (16 yaşı tamam olmayan iştirakçılar da daxil olmaqla) şəxsiyyət vəsiqəsini;

b) əcnəbilər və vətəndaşlığı olmayan şəxslər Dövlət Miqrasiya Xidməti tərəfindən verilmiş icazə vəsiqələrini, qaçqın statusu almış xarici vətəndaşlar və onların ailə üzvləri isə qaçqın vəsiqələrini;

- Şəxsiyyət vəsiqəsində şəkli olmayan iştirakçılar digər sənədlərlə yanaşı, təhsil müəssisəsi tərəfindən verilmiş və fotoşəkilləri yapışdırılmış arayışı (arayışa iştirakçının 3x4sm ölçülü şəkli yapışdırılır və şəkil möhürlə təsdiqlənir).

İmtahana buraxılış vərəqəsi abituriyentin özündə saxlanıldığı, sağlamlıq haqqında bəyannamə isə imtahan nəzarətçisinə təhvil verildiyi üçün hər iki sənəd ayrıca vərəqdə çap olunmalıdır.

142, 143, 342-ci komissiyaları (xoreoqrafiya və rəqs müəllimliyi) seçən abituriyentlər qabiliyyət imtahanına gələrkən komissiyaya çəkisi, boyu, onurğa sütunu, ürəyi, ağ ciyərləri, görmə qabiliyyəti haqqında tibbi arayış təqdim etməli­ və özləri ilə rəqs paltarı gətirməlidirlər.

Sərtləşdirilmiş xüsusi karantin rejiminin tətbiq olunduğu şəhər və rayonlara giriş-çıxışa məhdudiyyət qoyulduğu üçün imtahan iştirakçıları haqqında məlumat bazası aidiyyəti qurumlara təqdim ediləcək, imtahan iştirakçılarının və ehtiyac olarsa, iştirakçını müşayiət edən bir nəfərin imtahan binasına gedib və imtahandan sonra qayıtmasına icazə veriləcək. İmtahan iştirakçısına "İmtahana buraxılış vərəqəsi" ilə bir yerdə onu müşayiət edəcək 1 nəfər üçün arayış da çap etmək imkanı yaradılıb. Arayış imtahan iştirakçısı tərəfindən doldurulmalı və imza ilə təsdiqlənməlidir. Arayış yoxlama zamanı şəxsiyyət vəsiqəsi ilə birlikdə təqdim edilir və imtahan iştirakçısının özü iştirak etdikdə (imtahan binasının yaxınlığında gözləmək istisna olmaqla) və onun müvafiq sənədləri (şəxsiyyət vəsiqəsi, imtahana buraxılış vərəqəsi) təqdim edildikdə etibarlıdır.

Diqqət! Bir imtahan iştirakçısını birdən artıq şəxs müşayiət edə bilməz.

5
Məmur, arxiv şəkli

Mədəniyyət Nazirliyində yeni təyinat - Rüfət Həsənov direktor oldu

0
(Yenilənib 15:13 14.08.2020)
Bundan əvvəl həmin vəzifəni icra edən şəxs Cahangir Məmmədov olub. O, yaş həddi ilə əlaqədar vəzifəsindən uzaqlaşdırılıb.

 

BAKI, 14 avqust — Sputnik. Həsənov Rüfət Rauf oğlu Mədəniyyət Nazirliyinin Kinematoqrafiya şöbəsinin müdiri vəzifəsinə təyin edilib.

Sputnik Azərbaycan bildirir ki, Mədəniyyət nazirinin birinci müavini, nazirin səlahiyyətlərini müvəqqəti icra edən Anar Kərimov bu barədə əmr imzalayıb.

Qeyd edək ki, Rüfət Həsənov 1987-ci ildə Bakı şəhərində anadan olub. 2009-cu ildə Amerika Birləşmiş Ştatlarının Men ştatında fəaliyyət göstərən Beyts Kollecini (Bates College) rejissor ixtisası üzrə bitirib.

Sənət fəaliyyətinə ABŞ-ın Nyu-York ştatında fəaliyyət göstərən "Vice Media" şirkətində montaj rejissoru olaraq başlayan rejissor Rusiyanın Moskva şəhərində yerləşən "Vita Aktiva" Kommunikasiya İnstitutunda post-prodakşn meneceri kimi fəaliyyətini davam etdirib.

R.Həsənov 2013-2017-ci illərdə Litvanın Vilnüs şəhərində yerləşən "Lupa Q" prodakşn şirkətində rejissor və Rusiyanın Moskva şəhərində yerləşən "Lemon Films" studiyasında montaj rejissoru kimi işləyib.

2017-ci ildən Cəfər Cabbarlı adına "Azərbaycanfilm" Kinostudiyasının rejissoru kimi fəaliyyətini davam etdirən Rüfət Həsənov son təyinatadək "Debüt" studiyasının direktoru vəzifəsində çalışıb.

Xatırladaq ki, bundan əvvəl həmin vəzifəni icra edən şəxs Cahangir Məmmədov olub. O, yaş həddi ilə əlaqədar vəzifəsindən uzaqlaşdırılıb.

0
Əlaqədar
Anar Kərimov nazirliyin üç işçisini vəzifədən azad etdi
Qarabağın adıyla halal pul qazanmaq olar - gərək başı da, ürəyi də işlədəsən
Mədəniyyət nazirinə yeni müşavir təyin edildi
Coğrafiya müəlliminin pencəyinin sorağı Türkiyədən gəldi