Azərbaycan Respublikasının Təhsil Nazirliyi

Nazirliyin favorit onluğu: onlara niyə xüsusi imtiyaz verilib?

387
(Yenilənib 14:37 26.05.2017)
Ekspert: "Bu, obyektiv yanaşma deyil. Bütün müəllimlər Azərbaycan vətəndaşları olaraq eyni hüquqlara, vəzifələrə malikdir və iş şəraiti hamı üçün uyğun, müvafiq olaraq qurulur".

BAKI, 26 may — Sputnik. Təhsil Nazirliyi müəllimlərin işə qəbulu və yerdəyişməsi ilə bağlı tətbiq olunacaq yeniliklərin detallarını açıqlayıb. Nazirliyin İnsan resursları şöbəsinin müdir əvəzi Eşqi Bağırov jurnalistlərə açıqlamasında bildirib ki, yeniliklərdən biri də bəzi müəssisələrə müsabiqədənkənar müəllim işə qəbul etmək hüququnun verilməsidir.

"Bu müəssisələrin siyahısı artıq təsdiqlənib. Sayı 10-dək olan müəssisələrin hamısı Təhsil Nazirliyinin tabeliyindədir. Həmin müəssisələr müəllimi müsabiqədənkənar qəbul etmək imkanına malik olsa da, namizədin təyinatını Təhsil Nazirliyi ilə razılaşdırımalıdırlar" — Bağırov bildirib.

Seçilmiş müəssisələrin respublikada ən yüksək akademik göstəricilərə malik olduğuna diqqət çəkən nazirlik rəsmisi əlavə edib ki, bu müəssisələrə işə qəbul olunmaq istəyən müəllimlər üçün mərkəzləşdirilmiş imtahanda iştiraka ehtiyac yoxdur: "Sadəcə olaraq, həmin namizədlərin siyahısı nazirliyə təqdim olunacaq və onlar müvafiq komissiya tərəfindən araşdırılacaq".

Əjdər Ağayev, təhsil eksperti
© Photo : STR
Əjdər Ağayev, təhsil eksperti

"Gələcəkdə Təhsil Nazirliyi, tabeliyində olmayan, ancaq yüksək akademik göstəricilərə malik olan digər müəssisələrə də belə bir səlahiyyətin verilməsi məsələsinə baxa bilər. Məktəblərin akademik göstəricilərinə müxtəlif olimpiadalarda, yarışlarda yüksək nəticə əldə etmək və s. aiddir. Bu müəssisələrə işə qəbul olunmaq istəyən müəllimlər üçün işə qəbul üzrə qoyulan tələblər digər məktəblərdən daha yüksək olacaq. Həmin namizədlər sözsüz ki, ən yüksək bal toplayanlar olmalıdır. Namizədin yalnız müsabiqədə yüksək bal toplaması tələb olunmur" — TN təmsilçisi vurğulayıb.

Azərbaycan Təhsil Şurasının sədri, professor Əjdər Ağayev məsələ ilə bağlı Sputnik Azərbaycan-a açıqlamasında deyib ki, müsabiqədənkənar müəllim işə qəbul etmək hüququ verilən müəssisələrdə çox keyfiyyətli təlim aparılır və müəyyən yeni texnologiyalardan istifadə olunur. Bununla belə, ekspert, T.Həsənov adına 23 nömrəli tam orta məktəbin bu siyahıya niyə daxil edildiyini başa düşmür.

"Ümumi mənada təhsil sisteminə kompleks, ədalətlə və hamıya eyni gözlə baxılırsa, onda bu məktəblər niyə xüsusi icazəli, imtiyazlı olmalıdır? Bu, obyektiv yanaşma deyil. Bütün müəllimlər Azərbaycan vətəndaşları olaraq eyni hüquqlara, vəzifələrə malikdir və iş şəraiti hamı üçün uyğun, müvafiq olaraq qurulur. İşə qəbul ilə bağlı müəllimin bacarığı varsa, yüksək qiymət ilə qəbul et, bacarığı zəifdirsə, təkmilləşdir. Bunu məqbul hesab etmirəm" — Ə. Ağayev bildirib.

Ekspert istəyir ki, bütün ümumi təhsil məktəblərində diaqnostik imtahan tətbiq olunursa, eyni səviyyədə, qaydada tətbiq olunsun və iş təminatı eyni qaydada yerinə yetirilsin.

Təhsil eksperti Nadir İsrafilov isə Sputnik Azərbaycan-a açıqlamasında bu yeniliyi müsbət qiymətləndirib: "Azərbaycanda 2000-ci illərədək müəllimlərin, direktorların işə qəbulu yerli təhsil orqanları tərəfindən həyata keçirilib. Sonra isə bu məsələ ilə bağlı qaydalarda 15-dən çox dəyişiklik edilib. 1999-cu ildə hazırlanmış və mərhum prezident tərəfindən təsdiq olunmuş İslahat Proqramında göstərilib ki, təhsildə səlahiyyətlər, funksiyalar yerlərə verilməlidir. Təhsil naziri Mikayıl Cabbarov dəfələrlə belə bir ifadə işlədib ki, müəllimlərin işə qəbulunun məktəb direktorlarına, məktəb direktorlarının işə təyinatının yerli təhsil idarəetmə orqanlarına həvalə etmək üzərində iş gedir".

Nadir İsrafilov
© Sputnik / Murad Orujov
Nadir İsrafilov

Onun fikrincə, birdən-birə bunu tətbiq etmək olmaz: "Ona görə də, bu, mərhələlər üzrə, yəni pilot şəklində həyata keçirilir. İlkin olaraq 10 məktəbə belə bir səlahiyyət verilir. Bu müəssisələr göstəricilərinə, nüfuzuna görə hələ ki, özlərini doğruldur. Biz təhsildə həddindən artıq mərkəzləşdirmə aparmışıq. Çalışmalıyıq, bu məsələlər ərazi üzrə həll olsun. Yəqin gələcəkdə səlahiyyətlərin yerlərə verilməsi istiqamətində addımlar atılacaq".

Qeyd edək ki, 2017-2018-ci tədris ilində vakant yerlərə müsabiqədənkənar qaydada müəllimləri işə qəbul etmək hüququ olan ümumi təhsil müəssisələrinin siyahısı açıqlanıb. Təhsil Nazirliyindən APA-nın sorğusuna cavab olaraq bildirilib ki, siyahıda 10 təhsil müəssisəsi yer alıb. Buraya Bülbül adına orta ixtisas musiqi məktəbi, Bakı Avropa Liseyi, İ.Əfəndiyev adına Elitar gimnaziya, T.İsmayılov adına 6 nömrəli məktəb-lisey, akademik Zərifə Əliyeva adına orta ümumtəhsil Məktəbi, 132-134 nömrəli Təhsil Kompleksi, Fizika-riyaziyyat və İnformatika Təmayüllü Respublika Liseyi, Kimya-biologiya Təmayüllü Respublika Lisey, Azərbaycan Milli Konservatoriyasının nəzdində İncəsənət Gimnaziyası və T.Həsənov adına 23 nömrəli tam orta məktəb daxildir.

387
Teqlər:
Azərbaycan Təhsil Şurası, işə qəbul, Eşqi Bağırov, yerdəyişmə, Əjdər Ağayev, Sputnik Azərbaycan, Nadir İsrafilov, Təhsil Nazirliyi, ekspert, müəllim
Əlaqədar
Ən yaxşı məktəblərimiz bunlardır
Bakıda məktəbdə zəhərlənmə: səbəb bilindi
İnternat məktəbinin direktoru kimsəsiz uşaqlara olmazın işgəncələr verib
Ekspert: “Orta məktəblərdə xeyli müəllim öz fəninin tədrisinə laqeyd yanaşır”
Müəllimə dərs zamanı dünyasını dəyişib
Təhsil sistemimizdə böyük qalmaqal: "Müəllimlərin əmək haqqı kəsilməlidir"
Müəllimləri yeni sınaq gözləyir

Həftənin sonunadək üç nəhəng asteroid "qonağımızdır"

12
(Yenilənib 20:27 26.01.2021)
Bu gün 2021 AL və 2021 BD3 asteroidləri də planetimizin yanından ötüb. Onlarla aramızdakı məsafə Yerdən Ayadək olan məsafənin 10 qatına bərabər olub.

BAKI, 26 yanvar - Sputnik. Bir neçə asteroid bu həftənin sonunadək Yerin yanından keçəcək. 

Sputnik Azərbaycan bildirir ki, bu barədə NASA-nın Yerətrafı Obyektlərin Öyrənilməsi Mərkəzi məlumat yayıb. 

Məlumata görə, yanvarın 28-də Yerdən Ayadək olan məsafənin 5,5 qatı qədər uzaqlıqdan (təxminən 2,2 milyon km) 2021 BZ asteroidi keçəcək. Onun ölçüsü 29-65 metr arası təxmin edilir. O, Bakı vaxtı ilə təxminən 8:12-də Yerə ən yaxın məsafədən keçəcək. 

Bir qədər iri (47-110 m) 2021 AG7 asteroidi isə cümə günü "qonağımızdır". Onun Yerə ən yaxın məsafədən Bakı vaxtı ilə 12:50-də keçəcəyi təxmin edilir. Bu məsafə planetimizdən Ayadək olan məsafədən 11 dəfə çoxdur. Cümə günü axşam üçüncü bir asteroid - 2021 AF7 - daha da uzaq məsafədən keçəcək. Onun ölçülərinin 24-53 m olduğu təxmin edilir. 

Qeyd edək ki, bu gün 2021 AL2021 BD3 asteroidləri də planetimizin yanından ötüb. Onlarla aramızdakı məsafə Yerdən Ayadək olan məsafənin 10 qatına bərabər olub. Təxminən 67 m böyüklükdə olan asteroid Yerin yaxınlığından  5:01-də, balaca asteroid (19-43 m ölçüdə) isə 13:58-də keçib. 

12
Teqlər:
Yer, asteroid
Azərbaycanda koronavirus infeksiyasına qarşı vaksinasiya

Vaksinasiya məcburi olmayacaq - Nazirlik

24
(Yenilənib 16:26 26.01.2021)
Nazirliyin qurum rəhbəri Facebook hesabında bildirib ki, vaksinasiyada heç bir məcburetmə halı olmayacaq

BAKI, 26 yanvar — Sputnik. "İlkin olaraq yaşı 50-dən yuxarı olan müəllimlərin vaksinasiya olunması tövsiyə edilir".

Sputnik Azərbaycan-ın məlumatına görə, bu barədə Təhsil Nazirliyinin İctimaiyyətlə əlaqələr sektorunun müdiri Cəsarət Valehov "Facebook"da yazıb.

O qeyd edib ki, Bakı, Abşeron və Sumqayıtda 16 min 698, bölgələrdə isə 32 min 657 müəllimin yaşı 50-dən yuxarıdır, müəllimlərin vaksinasiyasında heç bir məcburetmə halı olmayacaq.

24
Teqlər:
Azərbaycan, vaksinasiya, müəllimlər, Koronavirus, COVID-19
Mövzu:
Azərbaycanda COVID-19 əleyhinə vaksinasiya
AŞPA-da plenar iclas, arxiv şəkli

Ermənistanın düzəlişlərini AŞPA rədd edib - Azərbaycan XİN

0
AŞPA-dakı Ermənistan nümayəndə heyətinin qətnamə layihəsinə əsassız düzəlişlər irəli sürmək cəhdləri uğursuzluqla nəticələnib. Ermənistan tərəfinin düzəlişləri həm Monitorinq Komitəsi, həm də Assambleyanın plenarı tərəfindən rədd edilib

BAKI, 27 yanvar - Sputnik. Bu il yanvarın 25-də Avropa Şurası Parlament Assambleyasın Monitorinq Komitəsinin “AŞPA Monitorinq prosedurunun 2020-ci il üzrə tərəqqi hesabatı” adlı qətnamə qəbul edilib. Hər il ənənəvi hazırlanan hesabat ilə əlaqədar qətnamə layihəsində monitorinq proseduruna və ya monitorinqdən sonrakı dialoqa cəlb edilmiş ölkələrdə, o cümlədən Azərbaycan və Ermənistanda baş vermiş əsas hadisələr qiymətləndirilir və müvafiq tövsiyələr verilir.

Azərbaycan Xarici İşlər Nazirliyindən Sputnik Azərbaycan-a verilən məlumata görə, sözügedən qətnamədə Ermənistan və Azərbaycan arasında baş vermiş döyüşlər kontektsində müvafiq bəndlər yer alıb. Belə ki, qətnamənin 5-ci bəndində komitənin “27 sentyabr 2020-ci il tarixində Ermənistan və Azərbaycan arasında Dağlıq Qarabağ bölgəsində baş verən hərbi döyüş əməliyyatları ilə bağlı hadisələri izlədiyi, bu mövzuda cari məsələlər üzrə debat irəli sürdüyü, hər iki tərəfdən deputatların iştirakı ilə fikir mübadiləsi təşkil etdiyi, Ermənistan və Azərbaycan üzrə həmməruzəçilərin münaqişənin sülh yolu ilə həllinə çağırışlar etdiyi” qeyd olunur. Qətnamənin 11-ci bəndində isə aşağıdakı fikirlər yer alıb:
“Dağlıq Qarabağ münaqişəsi ilə əlaqədar olaraq, Assambleya bütün tərəfləri siyasi dialoqa mane olan iltihablı ritorikadan çəkinməyə, Ermənistanı və Azərbaycanı üçtərəfli bəyanatın humanitar məsələlərlə bağlı müddəalarını ən qısa müddətdə həyata keçirməyə, bütün tərəfləri dərhal hərbi əsirlərin və cəsədlərin mübadiləsini həyata keçirməyə, mədəni irsə hörmət etməyə çağırır və Monitorinq Komitəsini parlament səviyyəsində sülh prosesi üçün əlverişli bir atmosferə töhfə vermək üçün yolları araşdırmağa dəvət edir. Assambleya bu münaqişə zamanı bütün tərəflərin humanitar və insan hüquqları qanunlarını pozduğuna dair məlumat və iddialar, bəzi dini yerlərin və abidələrin deqradasiyası, eləcə də xüsusi mülkiyyətin dağıdılması iddialarından ciddi narahatlığını ifadə edir və bu məlumatların tam araşdırılmasını və pozuntuların aradan qaldırılmasını və günahkarların mühakimə olunmasını gözləyir”.

​Qeyd olunmalıdır ki, AŞPA-dakı Ermənistan nümayəndə heyətinin sözügedən qətnamə layihəsinə əsassız düzəlişlər irəli sürmək cəhdləri uğursuzluqla nəticələnib. Ermənistan tərəfinin düzəlişləri həm Monitorinq Komitəsi, həm də Assambleyanın plenarı tərəfindən rədd edilib.

​Bundan başqa, Ermənistan nümayəndə heyəti sessiya çərçivəsində cari məsələlər üzrə debat proseduru əsasında “Avropa Beynəlxalq İnsan Hüquqları Standartlarının pozulması kimi Azərbaycan hakimiyyət orqanları tərəfindən erməni əsirlər və digər saxlanılan şəxslərin qaytarılmasının əsassız olaraq gecikdirilməsi” mövzusunda müzakirənin keçirilməsini istəyib. Bu xüsusda, Azərbaycan nümayəndə heyəti tərəfindən AŞPA Prezidentinə məktub ünvanlanaraq məsələ üzrə mövqeyimiz onun diqqətinə çatdırılıb və belə bir debatın keçirilməsinin məqbul olmadığı vurğulanıb. Nəticə etibarı ilə, qurumun Bürosu tərəfindən bu mövzuda debatın keçirilməsi məqsədəuyğun hesab edilməyib.

"​Eyni zamanda vurğulamaq istərdik ki, 25 yanvar tarixində Avropa Şurasının Baş katibi Mariya Peyçinoviç Buriç qış yarım-sessiyasında AŞPA üzvləri qarşısında çıxışında təşkilatın mövqeyini bir daha ifadə edərək Ermənistan və Azərbaycan arasında imzalanmış 10 noyabr tarixli üçtərəfli bəyanatı alqışladıqlarını söyləyib. O, AŞ-nin səlahiyyətləri çərçivəsində hər iki ölkəyə post-konflikt dövründə dəstək verməyə hazır olduqlarını və bu məqsədlə tərəflərlə məsləhətləşmə apardıqlarını bildirib", - XİN-in məlumatında deyilir.

0