Məktəbdə dərs

Təhsil sistemində böyük fırıldaq: gizlinlər aşkara çıxır

1701
"Niyə müəllimlər işdən azad edilir, amma vakansiyanı gizlədənlər işdən çıxarılmır?"

BAKI, 22 may — Sputnik. "Bu il Azərbaycanda müəllimlərin işə qəbulu qaydalarına edilən dəyişikliklərdən biri də müəllimlərin daxili yerdəyişmələrinin Təhsil Nazirliyi tərəfindən həyata keçirilməsidir. Əvvəlki illərdə bu səlahiyyət yerli təhsil şöbələrində idi".

Bunu jurnalistlərə açıqlamasında Təhsil Nazirliyinin (TN) İnsan resursları şöbəsinin müdir əvəzi Eşqi Bağırov deyib. O bildirib ki, bu il proqram təminatı yenidən təmin ediləcək: "Bəzi yerlərdə vakant müəllim yerlərinin gizlədilməsi belə bir zərurət yaradıb. 2015-2016-cı illərdə rayonlarda aparılan yoxlamalar nəticəsində daxili yerdəyişmələrdə bəzi ciddi nöqsanlar aşkarlanıb. Diaqnostik qiymətləndirmə zamanı müəllimlərin sənədləri araşdırılarkən bu faktlar üzə çıxıb. Ona görə də bu il ilk dəfə olaraq müəllimlərin daxili yerdəyişməsini nazirlik həyata keçirəcək".

Nazirlik rəsmisi qeyd edib ki, aşkarlanan nöqsanlar arasında ən çox müəllimlərin sıxlığı olan ərazilərə yerləşdirilməsi, vakansiya olmadığı halda müəllimin kənd məktəbindən şəhər məktəbinə köçürülməsi olub: "Vakansiyaların gizlədilməsi ilə bağlı həmin gizlədilən vakansiyaya işə götürülən müəllimlərin də yerləri tərəfimizdən müəyyən olunub. Həmin yerlərin hamısı müsabiqəyə çıxarılacaq. Bu il əvvəlki illərdən daha çox vakant yer elan olunacaq. Nazirlik tərəfindən vakant yerlərlə bağlı yaradılan sistem daim işləyir və təkmilləşdirilir".

Kamran Əsədov, təhsil üzrə ekspert
© Photo : APA
Kamran Əsədov, təhsil üzrə ekspert

Məsələ ilə bağlı təhsil eksperti Kamran Əsədov Sputnik Azərbaycan-a açıqlamasında deyib ki, 2011-ci ildən sonra regionlarda kifayət sayda müəllim mərkəzləşmiş qaydada deyil, vakansiyaların gizlədilməsi yolu ilə işə qəbul olunub: "İndiyədək rayon daxilində müəllimlərin yerdəyişməsini məktəb direktorunun razılıq ərizəsi ilə rayon təhsil şöbəsi həyata keçirib. Bu zaman daha çox müəllimlər rayon mərkəzlərində cəmləşiblər. Ona görə də müəyyən qədər dərs saatları gizlədilib".

"Bunun vahid halda Təhsil Nazirliyinə tabe olması yaxşıdır və mənfi hallar aradan qalxacaq. Amma burada həmin vakansiya yerlərinin müəyyən olunması məsələsi var. Müəllimlərin işə qəbulu haqqında qaydalarda göstərilib ki, dərs saatı 18 saatdan çox olarsa, həmin yer vakansiyaya çıxarılır. Əgər 17 saatdırsa, bu, məktəbin müəllimləri arasında bölüşdürülür. Yəni, məktəbdə riyaziyyat, xarici dil müəllimi yoxdur, amma bu fənlər üzrə 17 saat dərs var. Bu zaman həmin dərs saatları qeyri-ixtisas müəllimləri arasında bölüşdürülür" — Əsədov bildirib.

Ekspertin fikrincə, hətta dərs saatı 1 saat belə, boş olarsa, mütləq oraya yeni müəllim gətirilməlidir: "İstər Bakıda, istər regionlarda kifayət qədər qeyri-ixtisas müəllimləri var ki, öz fənnini deyil, digər fənni tədris edir. Məsələn, əmək müəllimi tarix, coğrafiya, xarici dil fənnini tədris edir. Və yaxud biologiya müəllimi Azərbaycan dili fənnini tədris edir. Bu, qeyri-peşəkar yanaşmadır".

Onun sözlərinə görə, mənfi halları müəyyən etmək o qədər çətin proses deyil: "Hazırda ölkədə 4481 orta ümumtəhsil məktəbi var və 1,6 milyon şagird təhsil alır. Hər məktəbin nə qədər şagirdi olması barədə məlumat elektron bazada var. Onu da bilirik ki, məktəbin nə qədər müəllimə ehtiyacı var. Bu zaman müəyyən edilir ki, vakansiya yeri gizlədilib, yoxsa yox. Bunu müəyyən etmək üçün yenidən "Amerikanı kəşf etməyə" ehtiyac yoxdur".

"Qanunsuz vakansiyanı gizlədənlər hazırda da çalışırlar. Niyə onlarla bağlı tədbir görülmür? Vakansiyanın gizlədilməsi müəllimin günahı deyil. Bu, aidiyyəti qurumların günahıdır. Niyə müəllimlər cəzalandırılır, işdən azad edilir, amma vakansiyanı gizlətmiş rayon təhsil şöbələrinin müdirləri işdən çıxarılmır? O zaman ədalətli olacaq ki, vakansiyanı gizlədənlər vəzifəsindən azad edilsinlər. O zaman deyəcəyəm ki, bu, müsbət addımdır. Çünki bu, narazı elektorat yaradacaq" — K. Əsədov vurğulayıb.

Təhsil eksperti Almaz Həsrət
© Photo : PUBLIC DOMAIN
Təhsil eksperti Almaz Həsrət

Respublikanın əməkdar müəllimi, təhsil eksperti Almaz Həsrət də Sputnik Azərbaycan-a açıqlamasında bunu bir sıra mənfi halların, anlaşılmaz hadisələrin qarşısının alınması üçün atılan addımlardan biri kimi qiymətləndirib: "Bu addımlar dəstəklənməlidir. Bəzən orta məktəblərdə olan vakant yerlər, müəllim çatışmazlığı ilə bağlı məlumatlar təhsil şöbələri tərəfindən gizlədilirdi. Yəni, yuxarı instansiyalara məlumatlar ötürülmürdü. Bu işi Təhsil Nazirliyi üzərinə götürürsə, bu məsələdə obyektivlik, şəffaflıq olacaq".

Ekspertin sözlərinə görə, hər hansı bir yerdə müəllim çatışmazlığı olacaqsa, bu barədə məlumat artıq nazirliyin aidiyyəti orqanı və ya şöbəsində qeydə alınacaq: "Bu zaman müəllimlərin həmin məktəblərdə yerləşdirilməsi daha asan, real olacaq. Bu, müəllimin istədiyi məktəbə düşmək şansını daha çox artıracaq. Nazirliyin bu addımını müsbət qiymətləndirirəm".

1701
Teqlər:
Azərbaycan, nöqsan, müəllimlərin işə qəbulu, Təhsil Nazirliyi, vakansiya, Kamran Əsədov, Sputnik Azərbaycan, təhsil eksperti, yerdəyişmə, Eşqi Bağırov, müsbət addım
Əlaqədar
“Ali məktəblərin təhsil haqqını endirməsi gözlənilən idi”
Ekspert: “Ali təhsilli adamlar nə qədər çox olsa, o qədər yaxşıdı”
Təhsil sistemimizdə böyük qalmaqal: "Müəllimlərin əmək haqqı kəsilməlidir"
Təhsil Nazirliyindən qorxunc statistika
Təhsil sistemimizdə yenilik
Yeni ali təhsil ixtisasları yaradıldı
Azərbaycan hərbçiləri, arxiv şəkli

Sinif otağını səngərə dəyişən müəllimlərimiz

1519
(Yenilənib 11:26 27.09.2021)
Qırx dörd günlük müharibədə 760 təhsil işçisi iştirak edib. Onlar qəhrəmancasına döyüşərək şücaət göstəriblər.

BAKI, 27 sentyabr — Sputnik. Təhsil Nazirliyi Anım Günü ilə bağlı Vətən müharibəsində şəhid olan təhsil işçiləri barədə sosial şəbəkələrdə paylaşım edib. Nazirliyin paylaşımında Vətən müharibəsində iştirak edən və şəhid olan təhsil işçilərinin sayı açıqlanıb.

Məlumatda qeyd olunur ki, 44 günlük müharibədə 760 təhsil işçisi iştirak edib. Onlar qəhrəmancasına döyüşərək şücaət göstəriblər. Müharibədə iştirak edən təhsil işçilərindən 20 nəfəri şəhadətə qovuşub.

Qeyd edək ki, Vətən müharibəsi zamanı sinif otağını səngərə dəyişən müəllimlər arasında da şəhidlik zirvəsinə ucalanlar oldu. Onlar Vətən yolundakı bu qəhrəmanlıqları ilə bütün şagirdlər üçün əsl vətənpərvərlik nümunəsinə çevrildilər.

Eləcə də oxuyun:

1519
Teqlər:
Qarabağ, Vətən müharibəsi, şəhidlər, müəllimlər, Təhsil Nazirliyi, Anım Günü
Mövzu:
Anım Günü
Çay kənarında mağara uşağı, arxiv şəkli

Amerikalı alimlər tarix elminin səhvini üzə çıxardı: Ən qədim insanın vətəni bəlli oldu

579
(Yenilənib 13:23 26.09.2021)
Arxeoloji qazıntılar qədim dövrlərə aid sübutları göstərməklə yanaşı, eləcə də ən qədim insanların Şimali Amerikanın cənubunda mövcud olduğunu ortaya çıxarır.

BAKI, 26 sentyabr - Sputnik. ABŞ-ın Nyu-Meksiko ştatında aparılan arxeoloji qazıntılar nəticəsində sonuncu buz dövründə yaşayan insanların qalıqları aşkar edilib.

Sputnik Azərbaycan Report-a istinadla xəbər verir ki, bu barədə "Science" jurnalında məqalə dərc olunub.

Arxeoloji qazıntılar qədim dövrlərə aid sübutları göstərməklə yanaşı, eləcə də ən qədim insanların Şimali Amerikanın cənubunda mövcud olduğunu ortaya çıxarır.

Amerikanın ilk sakinlərinin meydana çıxma vaxtı 13-20 min il əvvəl arasında dəyişir.

Arxeoloqların araşdırmasının dəqiqliyinə bir sıra metodlardan istifadə etməklə zəmanət verilir: çöküntü təbəqələrinin analizi və hər təbəqədə bitki toxumlarının qalıqlarının radiokarbon analizi.

Qeyd edək ki, tarix elmi ən qədim insanların izlərinin Afrika va Asiyada aşkar edildiyini bildirir.

579
Sputnik peyvəndi, arxiv şəkli

"AstraZeneca" "Sputnik Light" kombinasiyası üzrə tədqiqat haqda ilkin məlumat açıqlandı

0
(Yenilənib 22:41 27.09.2021)
Aralıq təhlillərin nəticələrinə görə, 57-ci müşahidə günündə könüllülərin 85%-də "SARS-CoV-2" virusunun "tikanvari" zülalına (S-zülalına) qarşı neytrallaşdırıcı antitellərin dörd və ya daha çox dərəcədə artması müşahidə olunub.

BAKI, 27 sentyabr — Sputnik. Azərbaycanda birgə tədqiqat çərçivəsində koronavirusa qarşı "AstraZeneca" və "Sputnik Light" peyvəndlərinin  kombinasiyası S-zülalına qarşı antitellərin yüksək artımını göstərib. Bu barədə Rusiya Birbaşa İnvestisiya Fondu (RBİF) məlumat verib.

"Rusiya Birbaşa İnvestisiya Fondu... "AstraZeneca" və "R-Farm" şirkətləri Azərbaycan Respublikasında klinik tədqiqat çərçivəsində "AstraZeneca" şirkətinin peyvəndi ilə (Oksford Universiteti ilə birlikdə hazırlanıb) koronavirusa qarşı "Sputnik V" vaksinin ilk komponentinin birgə istifadəsinin virusneytrallaşdırıcı aktivliyi ilə bağlı ilkin məlumatları açıqlayıb", - deyə məlumatda bildirilib.

"Aralıq təhlillərin nəticələrinə görə, 57-ci müşahidə günündə könüllülərin 85%-də "SARS-CoV-2" virusunun "tikanvari" zülalına (S-zülalına) qarşı neytrallaşdırıcı antitellərin dörd və ya daha çox dərəcədə artması müşahidə olunub", - deyə fond əlavə edib.

Məlumatlar tədqiqatın kombinasiyanın hər iki komponentinin vurulduğu ilk 20 iştirakçısının müşahidələrinin nəticələrinə əsaslanır. Birinci komponent kimi "AstraZeneca" peyvəndi, ikincisi kimi isə "Sputnik Light" istifadə olunub. Dozalar arasındakı interval 29 gün təşkil edib.

Azərbaycanda tədqiqatlar 2021-ci ilin fevral ayında başlanıb. Bu günə qədər tədqiqatlarda 100 könüllü iştirak edir.

Azərbaycandan əlavə, Birləşmiş Ərəb Əmirlikləri və Rusiyada da qlobal proqram çərçivəsində vaksinlərin kombinasiyasının klinik tədqiqatı həyata keçirilib. Belarusda tədqiqat aparmaq üçün tənzimləyicilərdən icazə alınıb.

İlk dəfə olaraq koronavirusa qarşı "Sputnik V" peyvəndi əsasında heterogen busterləşdirmə yanaşması (birinci komponent olaraq insanın 26-cı, ikinci komponent olaraq 5-ci serotip adenovirusunun istifadə olunduğu "peyvənd kokteyli") tətbiq edilib. RBİF "Sputnik V"nin ilk komponentinin xarici dərmanlarla kombinasiyasının birgə araşdırılması təşəbbüsü ilə dünyada ilk olub.

2020-ci ilin dekabrında Rusiya Prezidenti Vladimir Putinin iştirakı ilə RBİF, N.F.Qamaleya adına Milli Epidemiologiya və Mikrobiologiya Tədqiqat Mərkəzi, "R-Pharm" şirkətlər qrupu və "AstraZeneca" şirkəti "AstraZeneca"vaksini və "Sputnik V" peyvəndinin birinci komponentinin immunogen kombinasiyası və təhlükəsizliyi ilə bağlı birgə klinik tədqiqatlar aparmaq üçün əməkdaşlıq memorandumu imzalayıblar.

 

0