Lənkəranda buraxılış imtahanları, arxiv şəkli

9-cu sinif şagirdləri yenə imtahan verəcəklər

141
İmtahanlarda iştirak edəcək şagirdlər “İmtahana buraxılış vərəqəsi”ni internet vasitəsilə martın 9-dan etibarən çap edib götürə bilirlər

BAKI, 15 mart — Sputnik. Dövlət İmtahan Mərkəzi (DİM) 18 mart 2017-ci il tarixində Bakı (xüsusi məktəblər) və respublikanın 28 şəhər və rayonunda ümumtəhsil müəssisələrinin 9-cu sinif şagirdləri üçün buraxılış imtahanının birinci mərhələsini keçirəcək. Həmin gün ümumilikdə 35012 şagirdin imtahan verəcəyi nəzərdə tutulur. Bu barədə Sputnik Azərbaycan DİM-in mətbuat xidmətinə istinadən məlumat verir.

İmtahanlarda iştirak edəcək şagirdlər “İmtahana buraxılış vərəqəsi”ni internet vasitəsilə martın 9-dan etibarən çap edib götürə bilərlər. Buraxılış vərəqəsi ilə yanaşı onlara “Yaddaş kitabçası” da təqdim olunacaq. Kitabçada şagirdlərə imtahan prosesi ilə bağlı vacib tövsiyələr, onların əməl etməli olduqları qaydalar və digər zəruri məlumatlar çatdırılır. 

DİM bir daha imtahan iştirakçılarının nəzərinə çatdırıb ki, imtahan materialları (sual kitabçası, cavab vərəqi, inşa vərəqi) imtahanın sonunda nəzarətçilərə təhvil verilməlidir. Əks halda şagirdin imtahan nəticələri ləğv edilir. Materialların hər hansı vasitə ilə kütləvi informasiya vasitələrində, sosial şəbəkələrdə yayımlanması da qadağandır. Belə hal baş verdikdə imtahan materiallarını yayanlar haqqında müvafiq tədbirlərin görülməsi üçün hüquq mühafizə orqanlarına müraciət ediləcək.

İmtahan saat 11:00-da başlanır.

Şagirdlər imtahana aşağıdakı sənədləri gətirməlidirlər: 

— imtahana buraxılış vərəqəsini;

— şəxsiyyəti təsdiq edən sənədin əslini:

a) Azərbaycan Respublikasının vətəndaşları (16 yaşı tamam olmayan şagirdlər də daxil olmaqla) şəxsiyyət vəsiqəsini; 

b) əcnəbilər şəxsi pasportları və  icazə vəsiqələrini, vətəndaşlığı olmayan şəxslər şəxsiyyət vəsiqələrini və  icazə vəsiqələrini, qaçqın statusu almış xarici vətəndaşlar və onların ailə üzvləri isə qaçqın vəsiqələrini;

— Şəxsiyyət vəsiqəsində şəkli olmayan  şagirdlər  digər sənədlərlə yanaşı, təhsil müəssisəsi tərəfindən verilmiş və fotoşəkilləri yapışdırılmış arayışı (arayışa şagirdin 3x4sm ölçülü şəkli yapışdırılır və şəkil möhürlə təsdiqlənir).

İmtahanların keçirilməsi üçün ümumilikdə 96 imtahan mərkəzi ayrılıb. 

9-cu sinif buraxılış imtahanının birinci mərhələsində 35012 (Yasamal rayonunda 251, Səbail rayonunda 216, Xətai rayonunda 20, Xəzər  rayonunda 109, Nərimanov rayonunda 15, Sabunçu  rayonunda 209, Nəsimi rayonunda 54, Qaradağ rayonunda 37, Nizami rayonunda 42, Pirallahı rayonunda 10, Gəncə şəhərində 3292, Daşkəsən rayonunda 294, Şəmkir rayonunda 2489, Göygöl  rayonunda 915, Samux rayonunda 687, Gədəbəy rayonunda 882, Qazax rayonunda 975, Ağstafa rayonunda 899, Tovuz  rayonunda 2059, Şamaxı şəhərində 1000, Mingəçevir şəhərində  1180, Naftalan şəhərində 80, Goranboy rayonunda 1363, Yevlax şəhərində 1344, Şəki şəhərində 1982, Zaqatala  rayonunda 1379, Balakən rayonunda 908, Qəbələ rayonunda  1357, Qax rayonunda  615, Oğuz  rayonunda 570, Göyçay şəhərində 1272, Ağdaş rayonunda 1256, İsmayıllı rayonunda 1039, Quba rayonunda 1942, Qusar rayonunda 1096, Xaçmaz şəhərində 2017, Şabran şəhərində 675, Siyəzən rayonunda 482 nəfər)  şagirdin  iştirakı nəzərdə tutulur.

141
Teqlər:
Buraxılış imtahanı, Dövlət İmtahan Mərkəzi, Ağdaş rayonu, Şəmkir rayonu, Goranboy rayonu, Mingəçevir, Nizami rayonu, Bakı
Əlaqədar
İmtahan ödənişlərinin yekun məbləğləri açıqlandı
Bu gün 40 minədək şagird buraxılış imtahanı verir
Bu gün 40 mindən artıq şagird imtahan verib
Onlayn təhsil, arxiv şəkli

"Dərs vaxtı"nın mayın 26-na olan cədvəli açıqlandı

16
(Yenilənib 16:28 25.05.2020)
"Mədəniyyət" və "ARB Günəş" kanallarında yayımlanan "Dərs vaxtı" proqramının mayın 26-na olan cədvəli açıqlanıb

BAKI, 25 may — Sputnik. Təhsil Nazirliyinin təşkilatçılığı ilə "Mədəniyyət" və "ARB Günəş" kanallarında yayımlanan "Dərs vaxtı" proqramının mayın 26-na olan cədvəli açıqlanıb.

Nazirlikdən Sputnik Azərbaycan-a verilən məlumata görə, Azərbaycan bölməsi üçün sabah saat 10:00-da - Fiziki tərbiyə; 10:10-da VIII sinif - Biologiya, Kimya, İngilis dili, Coğrafiya; 10:55-də VII sinif - Biologiya, Kimya, İngilis dili, Coğrafiya, İnformatika-Rəqəmsal bacarıqlar; 11:40-da IV sinif - Azərbaycan dili, Riyaziyyat, Təsviri incəsənət; 12:15-də III sinif - Azərbaycan dili, Riyaziyyat, Təsviri incəsənət; 12:55-də II sinif - Riyaziyyat, Təsviri incəsənət; 13:20-də I sinif şagirdlərinə Azərbaycan dili, Təsviri incəsənət; 13:50-də Məktəbdənkənar fəaliyyət olacaq. Rus bölməsi üçün 14:05-də - Rus dili, Riyaziyyat, Həyat bilgisi; 14:35-də VIII sinif - Rus dili, Riyaziyyat, Fizika; 15:10-da IX sinif - Rus dili, Riyaziyyat, Fizika; 15:50-də X sinif şagirdlərinə Kimya, Riyaziyyat, Coğrafiya dərsləri olacaq.

16
Əlaqədar
Azərbaycan məktəblərində şagirdlərə gələcəyi görməyi öyrədəcəklər: bu, mistika deyil
Baş Nazir təhsillə bağlı yeni qərar imzaladı
Real olmasa da, məktəb: Şagirdlər hər gün dərsə necə "gedirlər"
Təhsil nazirindən təhsil haqqı ilə bağlı açıqlama
Ceyhun Bayramov

Təhsil nazirindən təhsil haqqı ilə bağlı açıqlama

16
(Yenilənib 12:24 23.05.2020)
Bir çox hallarda onlar üçün məsafədən məzmunun təqdim edilməsi ənənəvi formada təqdim edilmədən daha çətin olur

BAKI, 23 may — Sputnik. Təhsil naziri Ceyhun Bayramov bəzi universitetlər tərəfindən tələbələrdən təhsil haqqının tələb edilməsinə münasibət bildirib.

Sputnik Azərbaycan xəbər verir ki, nazirin sözlərinə görə, pandemiya dövründə tələbələrin məsafədən bilik əldə etməsi üçün bütün işlər ali təhsil müəssisəsinin işçiləri tərəfindən görülüb. Məktəblər tərəfindən qısa müddətdə məzmunun çatdırılması üçün elektron xidmətlər göstərilib: "Ona görə də təhsil haqqının tələb edilməsini normal qəbul etməliyik. Bu işlərin hamısını məktəblərin professor-müəllim heyəti, orada çalışan texniki heyət təqdim edib. Bir çox hallarda onlar üçün məsafədən məzmunun təqdim edilməsi ənənəvi formada təqdim edilmədən daha çətin olur. Çünki ənənəvi formada məzmunun təqdim edilməsi onların uzun illər ərzində öyrəşdikləri ünsiyyət formatıdır. Amma onlayn formada məzmunun çatıdırılmasının özünün özəlllikləri, standartları var.

Bu halda məzmun yığcam təqdim edilməli, interaktivlik formatı olmalıdır. Bu işlər davamlı olaraq, görülüb. Əgər bu işlər görülməsəydi, 100 minlərlə tələbəmiz onlayn dərslərə cəlb edilə bilməzdi. Mən deyə bilmərəm ki, ali məktəblərdə çalışan insanların iş həcmi azalıb. Əksinə, bu iş onlar üçün daha mürəkkəb olub. Çünki onlar öyrəşdikləri formatdan daha fərqli formatda fəaliyyət göstərirlər".

16

Kürdəmirdə avtomobil yoldan çıxaraq aşıb

0
Hadisə zamanı müxtəlif bədən xəsarətləri alan sürücü təcili tibbi yardım maşının köməyi ilə Kürdəmir Rayon Mərkəzi Xəstəxanasına çatdırılıb.

BAKI, 27 may - Sputnik. Kürdəmir rayonu ərazisində yol-nəqliyyat hadisəsi baş verib.

“Report” xəbər verir ki, hadisə Ağsu-Kürdəmir-İmişli yolunun rayonun Atakişili kəndindən keçən hissəsində qeydə alınıb.

Belə ki, sürücü, 30 yaşlı Kürdəmir rayon Pirli kənd sakini Məhərrəmov Anar Ağaələsgər oğlu “BMV” markalı avtomaşınla İmişli rayonu istiqamətində hərəkətdə olarkən qəflətən idarəetməni itirib.

Nəticədə avtomobil yoldan çıxaraq aşıb. 

Hadisə zamanı müxtəlif bədən xəsarətləri alan sürücü təcili tibbi yardım maşının köməyi ilə Kürdəmir Rayon Mərkəzi Xəstəxanasına çatdırılıb.

Faktla bağlı araşdırma aparılır. 

0