İmtahanın gedişi

Tarif Şurasının açıq buraxdığı sual: hər kəs ona cavab axtarır

596
Hazırda cəmiyyət "Doktoranturaya veriləcək imtahanların qiyməti nə qədər olacaq" sualı üzərində baş sındırır

BAKI, 15 mart — Sputnik. Tarif (qiymət) Şurası Azərbaycan Respublikası Dövlət İmtahan Mərkəzi (DİM) tərəfindən göstərilən ödənişli xidmətlərin tariflərinin tənzimlənməsi məsələsinə baxıb və müvafiq qərar qəbul edib. Dövlət İmtahan Mərkəzinin müraciəti və təklifləri nəzərə alınmaqla tələbə qəbulu ilə bağlı ödənişli xidmətlərin tarifləri Azərbaycan Respublikası Nazirlər Kabinetinin 2017-ci il 8 fevral tarixli müvafiq qərarları ilə təsdiq edilən qaydalara uyğun 9 qrup üzrə təsnifatlaşdırılmaqla imtahanın növündən asılı olaraq 10-100 manat arasında müəyyənləşdirilib. Belə ki, qərara əsasən, orta ixtisas məktəblərinə, ali təhsilin bakalavr pilləsinə, magistr və baza ali tibb təhsili əsasında rezidenturaya qəbul üçün ödənişlər nəzərdə tutulur.

Xəbər dərc olunandan sonra Sputnik Azərbaycan-ın redaksiyasına gələn çoxsaylı suallar arasında "Doktoranturaya veriləcək imtahanların qiyməti nə qədər olacaq" sualı da olub. Sputnik Azərbaycan-ın əməkdaşı bununla bağlı DİM-in mətbuatla iş və elektron kommunikasiya sektorunun müdiri Xanlar Xanlarzadə ilə əlaqə saxlayıb. X. Xanlarzadə qeyd edib ki, doktorantura imtahanlarına onlar cavabdeh deyillər: "Bu pillədə imtahan universitetlər tərəfindən apardığı üçün qiymətləri də onlar müəyyən edəcək".

Sputnik Azərbaycan-ın əməkdaşı məsələ ilə bağlı Azərbaycanın bir neçə böyük universitetinə üz tutub. Azərbaycan Texniki Universitetinin (ATU) mətbuat xidmətinin rəhbəri Nicat Abdullayev qeyd edib ki, doktoranturaya qəbul imtahanları pullu deyil və hələlik bu haqda heç bir yeni qanun qəbul edilməyib: "Bir sözlə, doktoranturaya imtahan pulsuzdur".

Azərbaycan Dillər Universitetinin (ADU) İnformasiya Departamentinin müdiri Araz Ağayev da bildirib ki, hələ bu məsələ ilə əlaqədar ADU-nun Elmi Şurasının hər hansı bir qərarı yoxdur: "Qərar qəbul edildikdə bu barədə KİV-ə məlumat veriləcək".

Azərbaycan Memarlıq və İnşaat Universitetinin (AMİU) Magistratura və doktorantura şöbəsinin rəhbəri Zöhrab Xəlilov deyib ki, universitetlərində ödənişli imtahan yoxdur: "Bu günə kimi bizdə heç vaxt ödənişli imtahan olmayıb. İmtahanlar oktyabr ayında olacaq. O vaxta kimi hansı qanunlar qəbul ediləcək, bilmirəm. Hələ ki, belə bir məsələ gündəmdə deyil".

Azərbaycan Dövlət Pedaqoji Universitetinin (ADPU) Magistratura və doktorantura şöbəsinin müdiri, professor İbrahim Bayramovun sözlərinə görə, gələcəkdə Nazirlər Kabineti, Təhsil Nazirliyi ümumi rəyə gələrsə və Tarif Şurası qərar qəbul edərsə, doktorantura pullu ola bilər: "Amma indiki vəziyyətdə doktoranturaya qəbul imtahanları pulsuzdur".

Bakı Mühəndislik Universitetinin (BMU) mətbuat xidmətinin rəhbəri Rəcəb Rza məsələni belə şərh edib: "Universitet yeni yaranıb. Bu haqda hələlik konkret bir qanun yoxdur. Tezliklə Elmi Şurada toplantı olacaq və orada bu məsələyə də baxılacağı gözlənilir".

BDU-nun mətbuat xidmətinin rəhbəri Pərvanə İbrahimova qeyd edib ki, təhsilin doktorantura pilləsinə qəbul universitet daxilində həyata keçirildiyinə görə, Dövlət İmtahan Mərkəzinin tətbiq etdiyi pullu imtahan prosesinin bu prosesə aidiyyəti yoxdur: "BDU-da Doktoranturaya qəbul imtahanları pulsuz həyata keçirilir. Gələcəkdə maddi problem yaranarsa, bu məsələyə baxılacaq".

Azərbaycan Dövlət İqtisad Universitetinin (UNEC) mətbuat xidmətindən Sputnik Azərbaycan-a verilən məlumata görə, UNEC-də doktoranturaya qəbulun ödənişli olması müzakirə edilməyib.

596
Teqlər:
Tarif (qiymət) Şurası, DİM, qəbul imtahanları, doktorant, Sputnik Azərbaycan, Dövlət İmtahan Mərkəzi, universitet, doktorantura, tələbə, Azərbaycan
Əlaqədar
9-cu sinif şagirdləri buraxılış imtahanı verib
Buraxılış imtahanlarının tarixi məlum oldu
İmtahan prosesini cəmiyyətə etibar edən universitet
Dövlət İmtahan Mərkəzinin nümayəndəsi: "Monitorinqin nəticələri ürəkaçan deyil"
Deputatlar dil imtahanından keçəcək: Kim onu verə biləcək, kim yox?
Müəllimlərin imtahanı ilə bağlı böyük qalmaqal
Məktəb

Yarıbayarı azalan Qubadlı məktəbləri qayıdış həsrətində

18
(Yenilənib 14:39 26.10.2020)
Qubadlı rayonunda məktəblərin sayı 62, müəllimlərin sayı 1193, şagirdlərin sayı 5 414 olub. 2020-2021-ci ildə isə məktəblərin sayı 32, müəllimlərin sayı 747, şagirdlərin sayı 6 320 olub

BAKI, 26 oktyabr — Sputnik. Təhsil Nazirliyi Qubadlı rayonunun təhsil statistikası ilə bağlı infoqrafika hazırlayıb. Nazirlikdən Sputnik Azərbaycan-a verilən məlumata görə, 1992-1993-cü tədris ilində Qubadlı rayonunda məktəblərin sayı 62, müəllimlərin sayı 1193, şagirdlərin sayı 5414 olub. 2020-2021-ci ildə isə məktəblərin sayı 32, müəllimlərin sayı 747, şagirdlərin sayı 6320 olub.

18
Mövzu:
Azərbaycan və Ermənistan arasında müharibə
Əlaqədar
Qubadlı şəhəri işğaldan azad edildi - Prezident
Qubadlı, Zəngilan və Cəbrayılın daha bir neçə kəndi işğaldan azad edildi - Prezident
Qubadlı quş uçuşundan - FOTO
Sumqayıtda Qələbə gecəsi: Qubadlının azad edilməsi xəbərini xalq belə qarşıladı – video
Bakı limanında gəmilər Qubadlının işğaldan azad olunması şərəfinə qələbə fiti verdilər
Azərbaycanın Milli Qəhrəman Əliyar Əliyev, arxiv şəkli

Milli Qəhrəman şəhid adı daşıyan məktəblərin sayı açıqlandı

26
(Yenilənib 12:48 26.10.2020)
Bakıda fəaliyyət göstərən ümumi təhsil müəssisələrindən 129-u şəhid, 37-si Milli Qəhrəman adını daşıyır

BAKI, 26 oktyabr — Sputnik. Bakı Şəhəri üzrə Təhsil İdarəsinin tabeliyində fəaliyyət göstərən ümumi təhsil müəssisələrindən 129-u şəhid, 37-si Milli Qəhrəman adını daşıyır.

Bu barədə Sputnik Azərbaycan-a açıqlamasında Bakı Şəhəri üzrə Təhsil İdarəsindən məlumat verilib. Xəbərdə bildirilir ki, məktəblərə Milli Qəhrəmanların və şəhidlərin adının verilməsi şagirdlərin vətənpərvərlik tərbiyəsi işinin səmərəli təşkili baxımından rəmzi məna daşıyır və gələcəyimiz olan gənclərə milli ruhun aşılanmasında mühüm əhəmiyyət kəsb edir. Onu da qeyd edək ki, vaxtaşırı olaraq məktəblərdə adını daşıdıqları qəhrəmanların anım mərasimləri keçirilir, onların hamıya örnək həyat yolu gənclərə nümunə kimi göstərilir. Eləcə də təhsil müəssisələrində Azərbaycanın müstəqilliyi və ərazi bütövlüyü uğrunda qəhrəmanlıq göstərmiş Vətən övladlarının döyüş yolunun öyrənilməsi, canlarından keçmiş igidlərin xatirəsinin əbədiləşdirilməsi, onların şücaətinin təbliği, şagirdlərdə hərbi vətənpərvərlik ruhunun yüksəldilməsi və azərbaycançılıq məfkurəsinin möhkəmləndirilməsi məqsədilə məqsədyönlü işlər aparılır. Azərbaycan xalqı Milli Qəhrəmanların və şəhidlərin xatirəsini hər zaman uca tutur, onları hörmətlə anır. Dövlətimiz tərəfindən müharibə iştirakçıları olan qazilər və şəhid alilələri hərtərəfli qayğı ilə əhatə olunur. Azərbaycan əsgəri bu gün də misilsiz qəhrəmanlıq və igidlik göstərərək Vətən uğrunda döyüşür, dövlətimizin zəfər tarixini yazır. Şanlı ordumuz döyüş tapşırıqlarını şərəflə yerinə yetirir, uğurlu əməliyyatlar keçirərək bir-birinin ardınca şəhərləri və digər yaşayış məntəqələrini işğaldan azad edir. Vətənin bütövlüyü uğrunda canını qurban verərək şəhidlik zirvəsinə yüksəlmiş igid övladların müqəddəs xatirəsini ehtiramla anır, ön cəbhədə rəşadətlə mübarizə aparan əsgərlərimizə böyük qələbə sevincini yaşamağı arzulayır və tezliklə işğal altında olan digər torpaqlarımızda da üçrəngli bayrağımızın dalğalanacağına əminliyimizi ifadə edirik.

26
Rusiyanın Xarici İşlər naziri Sergey Lavrov, arxiv şəkli

Rusiya dünyadakı böhranı həll etmək üçün Türkiyə ilə münasibətlərini davam etdirəcək

0
Lavrov: Türkiyə ilə ortaq məxrəcləri tapdığımızda, faydalı şəkildə səylərimizi birləşdiririk və böhran vəziyyətlərinin həlli üçün lazımi şəraitin yaradılmasına doğru hərəkət edirik.

BAKI, 26 oktyabr — Sputnik. Rusiya dünyadakı böhran vəziyyətlərini həll etmək üçün Türkiyə ilə qarşılıqlı əlaqəni davam etdirəcək. Sputnik Azərbaycan "RİA Novosti"yə istinadən xəbər verir ki, bunu Rusiyanın Xarici İşlər naziri Sergey Lavrov yunan həmkarı Nikos Dendiasla görüşün yekunlarına dair mətbuat konfransında bildirib.

"Bizim Türkiyə ilə yaxşı münasibətlərimiz var. Lakin bu münasibətlər problemsiz deyil. Bu və ya digər problemlərə yanaşmamız heç də həmişə üst-üstə düşmür. Ancaq ortaq məxrəcləri tapdığımızda... faydalı şəkildə səylərimizi birləşdiririk və böhran vəziyyətlərinin həlli üçün lazımi şəraitin yaradılmasına doğru hərəkət edirik. Biz Türkiyə ilə bu qarşılıqlı əlaqəni davam etdirəcəyik", - deyə Lavrov qeyd edib.

0
Əlaqədar
Rusiya Qarabağla bağlı Türkiyəyə çağırış etdi