Tələbələr

Ali məktəblərimiz tələbə üzünə həsrət qalacaq

2264
(Yenilənib 17:24 10.03.2017)
Ekspert: "İmtahanların ödənişli olması Konstitusiyanın pozulmasıdır"

BAKI, 10 mart — Sputnik. Tarif Şurası Dövlət İmtahan Mərkəzinin (DİM) müraciəti əsasında ödənişli xidmətlərin tarifləri ilə bağlı yekun qərar qəbul edilib. Belə ki, orta ixtisas təhsili müəssisələrinə tələbə qəbulu ilə bağlı test imtahanında 1 iştirak üçün tarif 20 AZN, orta ixtisas təhsili müəssisələrinin xüsusi qabiliyyət tələb edən ixtisaslarına tələbə qəbulu ilə bağlı qabiliyyət imtahanında 1 iştirak üçün tarif 20 AZN, ali təhsil müəssisələrinin bakalavriat (tibb təhsili üzrə əsas təhsil) səviyyəsinə qəbulu ilə bağlı test imtahanında 1 iştirak üçün tarif 40 AZN müəyyən edilib.

Məlum olduğu kimi, Azərbaycan ərazisində müəyyən xidmət müəssisələri xidmət haqqına ƏDV-ni (əlavə dəyər vergisi) daxil etmir. ƏDV isə 18 faiz təşkil edir. Deməli, Tarif Şurasının müəyyən etdiyi imtahan qiymətlərinin üstünə 18 faiz ƏDV əlavə olunacaq.

ƏDV tətbiqindən sonra abituriyentlərin ödəyəcəyi məbləğlər isə belə olacaq.

20 manat olan imtahan ƏDV ilə 23.6 AZN
40 manat olan imtahan ƏDV ilə 47.2 AZN
50 manat olan imtahan ƏDV ilə 59 AZN
60 manat olan imtahan ƏDV ilə 70.8 AZN
100 manat olan imtahan isə ƏDV ilə 118 AZN təşkil edəcək.

Məsələ ilə bağlı Sputnik Azərbaycan-a açıqlama verən təhsil eksperti Kamran Əsədov, imtahanda iştirak üçün bu qiymətlərin tətbiq edilməsinin təhsilə göstərəcəyi təsirdən danışıb: "TQDK əvvəllər qeyd edib ki, bir iddiaçının imtahanda iştirak etməsi onlara 25 manata başa gəlir. Ondan sonra qeyd etdilər ki, məqsədləri pul qazanmaq deyil. Amma elan olunmuş imtahan qiymətləri bunların ikisini də inkar edir".

O, qeyd edib ki, istedadlı şəxslərin ali təhsil almaq hüququ Konstitusiyanın 42-ci maddəsinin IV hissəsi ilə təmin edilir: "Bu, o deməkdir ki, yüksək imtahan qiyməti müəyyən etməklə kifayət qədər istedadlı şəxsi təhsildən məhrum edə bilərik. Əvvəlki illərdə ali məktəblərə qəbul imtahanlarında iştirak edənlərin 63 faizi cari ilin məzunları, 37 faizi isə əvvəlki illərin məzunları idi. İmtahanda iştirak edən abituriyentlərin 70 faizi isə keçid balını toplaya bilmirdi. Çünki onların hazırlıq səviyyəsi aşağı idi".

"Əlbəttə, indi daha çox hazırlıqlı şəxslər ali məktəblərə sənəd qəbulunda iştirak edəcəklər. Amma bu, ali təhsil alacaq insanların sayına da ciddi şəkildə təsir edəcək. Bu ciddi qiymət artımından sonra bizim insanlar kütləvi şəkildə xarici ölkələrdə təhsil almağa üz tutacaqlar" — K. Əsədov bildirib.

İmtahan ödənişlidir
© Karikatura
İmtahan ödənişlidir

Təhsil eksperti deyir ki, bütün hallarda itirən Azərbaycan olacaq: "Artıq böyük əksəriyyət ölkədə oxumaqdan imtina edəcək və xarici ölkələrə axın olacaq. Bu da ölkədə pul qıtlığının yaranma səbəblərindən birinə çevriləcək".

"Dünyanın heç bir ölkəsində ali məktəblərə qəbul imtahanlarının qiyməti insanların orta əmək haqqı ilə tərs mütənasib deyil. Bizdə elan olunan xidmət haqqı isə belədir. Bu, insanları kütləvi şəkildə təhsildən məhrum etmə ilə nəticələnə bilər. Nəzərə alsaq ki, Azərbaycanda minimum əmək haqqı 150 manat təşkil edir, deməli, müəyyən edilmiş imtahan qiyməti çox böyük rəqəmdir" — deyə K. Əsədov söyləyib.

O, əlavə edib ki, orta əmək haqqı 2500 dollar olan ABŞ-da imtahan qiyməti 35 dollar təşkil edir: "Türkiyədə orta əmək haqqı 2 min TL təşkil edir, imtahan qiyməti isə təhsil pilləsinə görə 35 və 55 TL-dir".

Təhsil eksperti Elvin Bədirov isə Sputnik Azərbaycan-a bildirib ki, yeni qərar dəyişilməyə məhkum olan qərardır: "Azərbaycan Respublikasının Konstitusiyasına əsasən, hər bir vətəndaşın təhsil almaq hüququ var. Təhsil alma hüququ da dövlət qurumları tərəfindən vətəndaşlara tamamilə pulsuz şəkildə təmin edilməlidir".

"İmtahanlara görə ödəmə öhdəliyinin tətbiq edilməsi isə Konstitusiyanın vətəndaşlara verdiyi təhsil almaq hüququnun tamamilə pozulması deməkdir. Çünki təhsil hüququnun reallaşdırılması dövlətin dəstəyi ilə olmalıdır" — ekspert vurğulayıb.

Bədirovun sözlərinə görə, ölkədə aztəminatlı ailələr kifayət qədər çoxdur: "Onlar bu pulu ödəyə bilməyəcək, bu da onların təhsildən məhrum olunmasına səbəb olacaq. Qəbul imtahanlarında iştirak edənlərin sayı kifayət qədər azalacaq. Bu da gələcəkdə təhsil alanların sayını azaldacaq və ciddi təhsil probleminə gətirib çıxaracaq".

2264
Teqlər:
Elvin Bədirov, təhsil eksperti, ödənişli xidmət, DİM, AZN, Sputnik Azərbaycan, Kamran Əsədov, Dövlət İmtahan Mərkəzi, Tarif Şurası, qəbul, ali məktəb, təhsil, imtahan, tələbə
Əlaqədar
Tələbələr arasında 20 manat üstündə "mədəni bıçaqlaşma"
Nazirlikdən yeni qayda: tələbə təqaüddən məhrum ola bilər
Türkiyədə azərbaycanlı tələbələrlə bağlı qərar ləğv oluna bilər
Fərqli təhsilin üstünlükləri: hər şey tələbə üçün
Əcnəbi tələbələr erməni vandalizmindən dəhşətə gəldilər
Tələbə universitetə qarşı 1 milyonluq iddia qaldırdı
SpaceX şirkətinin  Falcon 9 raketinin buraxılışı, arxiv şəkli

Orbitə bir dəfəyə rekord sayda kosmik aparat çıxarılıb

20
(Yenilənib 23:34 24.01.2021)
Daşıyıcı raketin göyərtəsində 133 dövlət və kommersiya peyki var. Bundan əlavə, həmin buraxılışa 10 "Starlink" internet mikro-peyki daxildir. orbitə bir dəfəyə rekord sayda kosmik aparat çıxarılan ilk buraxılışdır.

BAKI, 24 yanvar - Sputnik. "SpaseX" şirkəti bu gün "Falcon-9" raket daşıyıcısının 143 raketlə orbitə buraxılışını həyata keçirib.

Sputnik Azərbaycan xəbər verir ki, start ABŞ-ın şərq sahili vaxtı ilə saat 10:00-da (19:00 GMT+4) Kanaveral (Florida ştatı) kosmodromunda baş tutub.

Daşıyıcı raketin göyərtəsində 133 dövlət və kommersiya peyki var. Bundan əlavə, həmin buraxılışa 10 "Starlink" internet mikro-peyki daxildir. Şirkətdən bildirirlər ki, bu, orbitə bir dəfəyə rekord sayda kosmik aparat çıxarılan ilk buraxılışdır.

Peyklər sartdan təxminən bir saat sonra yerətrafı orbitə buraxılıb.

20
Teqlər:
kosmik stansiya, kosmik, orbit, "SpaceX", İlon Mask
Təhsil naziri Emin Əmrullayev

Emin Əmrullayev: Azərbaycan təhsili təkcə COVID-19-dan təsirlənməyib

23
(Yenilənib 13:22 24.01.2021)
Azərbaycanın Təhsil naziri Emin Əmrullayev Twitter-də 24 yanvar Beynəlxalq Təhsil Günü ilə bağlı paylaşım edib.

BAKI, 24 yanvar - Sputnik. Təhsil naziri Emin Əmrullayev 24 yanvar Beynəlxalq Təhsil Günü ilə bağlı sosial şəbəkə hesabında paylaşım edib.

Sputnik Azərbaycan-ın məlumatına görə, naziri Twitter-dəki paylaşımında deyilir: 

"Qlobal təhsil yalnız COVID-19 tərəfindən təsirləndiyi halda, Azərbaycanda müəllimlər və şagirdlər 20 müəllimin, 10 şagirdin öldürülməsi, 16 məktəblinin yaralanması və 60 məktəbin dağıdılması ilə nəticələnən Ermənistan hücumundan da təsirlənib".

23
Teqlər:
Koronavirus, COVID-19, Ermənistan, təhsil naziri, Emin Əmrullayev

Xırdalanda partlamış evin dağıntıları altından qadın meyiti çıxarılıb

0
(Yenilənib 00:34 26.01.2021)
Dağıntılar altından bir nəfərin cəsədi çıxarılıb. Həmin şəxsin 1988-ci il təvəllüdlü Musayeva Aytən Tacəddin qızı olduğu bildirilir.

BAKI, 26 yanvar - Sputnik. Xırdalanda partlayışda həlak olan qadının nəşi dağıntılar altından çıxardılıb.

Sputnik Azərbaycan-ın məlumatına görə, Xırdalanda baş verən partlayışda 1988-ci il təvəllüdlü Aytən Tacəddin qızı Musayeva faciəli şəkildə dünyasını dəyişib. Bu barədə Sputnik Abşeron MRX-nın direktoru Mehriban Qaralova məlumat verib. O, bildirib ki, Xırdalanda baş vermiş hadisə nəticəsində 6 nəfər müxtəlif dərəcəli bədən xəsarətləri ilə xəstəxanaya yerləşdirilib, onlardan biri uşaqdır.

Partlayış zamanı xəsarət alanlardan biri Musayev Vüsal Firuddin oğlunun həyat yoldaşı Aytən Musayeva dağıntılar altından ölü tapılıb. Onun azyaşlı qızının axtarışları davam edir. Oğlu 10 yaşlı Musayev Firuddin Vüsal oğlu və həyat yoldaşı xəstəxanada müalicə alırlar.

Partlayış zamanı xəsarət alanlar 1983-cü il təvəllüdlü Musayev Vüsal Firuddin oğlu, onun 10 yaşlı oğlu, 2009-cu il təvəllüdlü Musayev Firuddin Vüsal oğlu, 8 yaşlı qızı, 2012-ci il təvəllüdlü Musayeva Fatimə Vüsal qızı, Musayeva Ziyafət Qafar qızı və Gözəl Səmədovadır.

Dağıntılar altından çıxarılan digər şəxslər 1968-ci il təvəllüdlü Ələzova Simayə Mövlud qızı, 2006-cı il təvəllüdlü Şükürzadə Xədicə Bəxtiyar qızı,  1989-cu il təvəllüdlü Əliyev Emil Arif oğlu və 1988-ci il təvəllüdlü Hüseynov Arif Əbülfəz oğludur. 

Qeyd edək ki, 25 yanvar 2021-ci il tarixində Fövqəladə Hallar Nazirliyinin "112" qaynar xəttinə Abşeron rayonu, Xırdalan şəhəri, 27-ci məhəllə adlanan ərazidə uçqunla nəticələnən partlayış hadisəsinin baş verməsi barədə məlumat daxil olub.

FHN-dən Sputnik Azərbaycan-a verilən məlumata görə, dərhal əraziyə FHN-in müvafiq xilasetmə qüvvələri cəlb olunub. Əməliyyat şəraiti qiymətləndirilərkən məlum olub ki, uçqun ikimərtəbəli fərdi yaşayış evində baş verib.

Partlayış dalğasının təsirindən yaxınlıqdakı binaların şüşələri sınıb. FHN-in əməkdaşları tərəfindən operativ axtarış-xilasetmə əməliyyatı davam edir.

 

0