UNEC-də qış imtahan sessiyasının yekunlarına həsr edilmiş “Müşahidəçilərin müşahidələri və gözləntiləri” adlı görüş keçirilib

İmtahan prosesini cəmiyyətə etibar edən universitet

41
UNEC-in mükafatlandırdıqları sırasında Sputnik Azərbaycan Beynəlxalq İnformasiya Agentliyinin müxbiri Təranə Xudabaxşıyeva da var

BAKI, 28 fev-Sputnik. Fevralın 28-də UNEC-də qış imtahan sessiyasının yekunları ictimaiyyətə açıqlanıb.

Sputnik Azərbaycan xəbər verir ki, “Müşahidəçilərin müşahidələri və gözləntiləri” adlı görüşdə UNEC-də 2016/17-ci tədris ilinin qış imtahan sessiyasında obyektivliyin və şəffaflığın təmin edilməsi məqsədi ilə həyata keçirilən tədbirlər planına əsasən, prosesi izləyən təhsil ekspertləri, valideynlər, QHT və KİV nümayəndələri iştirak edib.

UNEC-in rektoru, professor Ədalət Muradov qış imtahan sessiyasının obyektiv və şəffaf keçirilməsində göstərdiyi dəstəyə görə ictimaiyyət nümayəndələrinə təşəkkür edib. Ədalət Muradov deyib ki, bu qış imtahan sessiyasında bir sıra yeniliklər həyata keçirilib: “SABAH Mərkəzi və Beynəlxalq İqtisadiyyat Məktəbində imtahanlar mərkəzləşmiş qaydada təşkil olunub. Hər iki fakültədə tələbələrin mənimsəmə göstəricisi çox yüksək olub. Bundan başqa, imtahanların təşkili və apellyasiya prosesi ilk dəfə olaraq fakültələrə ötürülüb. Zaqatala filialı və Maliyyə-İqtisad Kollecində də ilk dəfə olaraq imtahanlar UNEC-də tətbiq edilən qaydalara əsasən həyata keçirilib və burada da  imtahanlar ictimaiyyətə açıq olub. Sessiya dövründə 5491 tələbə apelyasiyaya müraciət edib. Sessiyanı akademik kəsrlə başa vuran tələbələrin sayı isə ötən illərlə müqayisədə 2 dəfə azalıb”. 

Rektor bildirib ki, tələbələrin imtahan nəticələrinə 1 bal əlavə edilmə məsələsi də var: ”Təqaüd sistemində tətbiq edilən müvafiq dəyişikliklərə görə, bu il əlavələr edilməyəcək. Bu, ədalət prinsipinin pozulmasına gətirib çıxara bilər. Təqaüd siyahısı müəyyən edildikdən sonra IV kurs tələbələrinə təkrar imtahanlar təşkil edilməsi məsələsinə baxılacaq”.

Rektor imtahanlarda və “Açıq qapı” günlərində iştirak edən ictimaiyyət nümayəndələrinə təəssüratlarını bölüşməyi təklif edib. Müşahidələrinin nəticəsi olaraq, təhsil prosesində təkmilləşməyə ehtiyac duyulan sahələr barədə tövsiyələri dinləməyə daima hazır olduğunu qeyd edib.

  • UNEC-də qış imtahan sessiyasının yekunlarına həsr edilmiş “Müşahidəçilərin müşahidələri və gözləntiləri” adlı görüş keçirilib
    UNEC-də qış imtahan sessiyasının yekunlarına həsr edilmiş “Müşahidəçilərin müşahidələri və gözləntiləri” adlı görüş keçirilib
    © Photo : UNEC-in mətbuat xidməti
  • UNEC-də qış imtahan sessiyasının yekunlarına həsr edilmiş “Müşahidəçilərin müşahidələri və gözləntiləri” adlı görüş keçirilib
    UNEC-də qış imtahan sessiyasının yekunlarına həsr edilmiş “Müşahidəçilərin müşahidələri və gözləntiləri” adlı görüş keçirilib
    © Photo : UNEC-in mətbuat xidməti
  • UNEC-də qış imtahan sessiyasının yekunlarına həsr edilmiş “Müşahidəçilərin müşahidələri və gözləntiləri” adlı görüş keçirilib
    UNEC-də qış imtahan sessiyasının yekunlarına həsr edilmiş “Müşahidəçilərin müşahidələri və gözləntiləri” adlı görüş keçirilib
    © Photo : UNEC-in mətbuat xidməti
  • UNEC-də qış imtahan sessiyasının yekunlarına həsr edilmiş “Müşahidəçilərin müşahidələri və gözləntiləri” adlı görüş keçirilib
    UNEC-də qış imtahan sessiyasının yekunlarına həsr edilmiş “Müşahidəçilərin müşahidələri və gözləntiləri” adlı görüş keçirilib
    © Photo : UNEC-in mətbuat xidməti
  • UNEC-də qış imtahan sessiyasının yekunlarına həsr edilmiş “Müşahidəçilərin müşahidələri və gözləntiləri” adlı görüş keçirilib
    UNEC-də qış imtahan sessiyasının yekunlarına həsr edilmiş “Müşahidəçilərin müşahidələri və gözləntiləri” adlı görüş keçirilib
    © Photo : UNEC-in mətbuat xidməti
  • UNEC-də qış imtahan sessiyasının yekunlarına həsr edilmiş “Müşahidəçilərin müşahidələri və gözləntiləri” adlı görüş keçirilib
    UNEC-də qış imtahan sessiyasının yekunlarına həsr edilmiş “Müşahidəçilərin müşahidələri və gözləntiləri” adlı görüş keçirilib
    © Photo : UNEC-in mətbuat xidməti
  • UNEC-də qış imtahan sessiyasının yekunlarına həsr edilmiş “Müşahidəçilərin müşahidələri və gözləntiləri” adlı görüş keçirilib
    UNEC-də qış imtahan sessiyasının yekunlarına həsr edilmiş “Müşahidəçilərin müşahidələri və gözləntiləri” adlı görüş keçirilib
    © Photo : UNEC-in mətbuat xidməti
  • UNEC-də qış imtahan sessiyasının yekunlarına həsr edilmiş “Müşahidəçilərin müşahidələri və gözləntiləri” adlı görüş keçirilib
    UNEC-də qış imtahan sessiyasının yekunlarına həsr edilmiş “Müşahidəçilərin müşahidələri və gözləntiləri” adlı görüş keçirilib
    © Photo : UNEC-in mətbuat xidməti
1 / 8
© Photo : UNEC-in mətbuat xidməti
UNEC-də qış imtahan sessiyasının yekunlarına həsr edilmiş “Müşahidəçilərin müşahidələri və gözləntiləri” adlı görüş keçirilib

Daha sonra əməkdar elm xadimi, professor Şahlar Əsgərov universitetlərdə tələbə biliyinin qiymətləndirilməsində şəffaflıq və obyektivliyin əsas paradiqma olduğunu dilə gətirib. Bu sahədə UNEC-in öncüllərdən olduğunu qeyd edən professor, universitet rektorlarını  “təhsilin sərkərdəsi” adlandırıb.

“Trend” İnformasiya Agentliyinin baş direktor müavini Arzu Nağıyev çıxışı zamanı qeyd edib ki, dünya universitetləri məzunlarına və beynəlxalq əlaqələrinə görə qiymətləndirilir: “Təsadüfi deyil ki, son vaxtlar KİV-də UNEC-in beynəlxalq əlaqələri və məzunlarının nailiyyəti haqda xəbərlər oxuyuruq. Bu, o deməkdir ki, artıq cəmiyyətdə “narxoz” haqda olan miflər dağıdılıb. Bu da sevindirici haldır”. 

“XX Əsr” Təhsil Mərkəzi İctimai Birliyinin rəhbəri Etibar Əliyev sessiya dövründə tələbələr arasında keçirdikləri anonim sorğunun nəticələrini açıqlayıb. O, bildirib ki, 400 tələbə arasında keçirilən anket sorğusu 5-i açıq olmaqla, 8 sualdan ibarət olub: ”Respondentlərin imtahan sessiyası və tədris prosesinin gedişi, sualların keyfiyyəti, tələbə məmnuniyyəti və s. ilə bağlı münasibətləri öyrənilib. Nəticələr onu deməyə əsas verir ki, tələbələr UNEC-də tətbiq edilən islahatları yüksək qiymətləndirirlər”.

“Azərbaycan müəllimi” qəzetinin baş redaktoru Bayram Hüseynzadə deyib ki, universitetlər cəmiyyətin aparıcı qüvvəsidir: “Bu baxımdan, həyata keçirdiyi islahatlarla müsbət imic formalaşdıran UNEC nümunəsini yüksək qiymətləndirirəm. Prosesləri iki dəfə müşahidə edən bir jurnalist kimi əminliklə deyə bilərəm ki, UNEC imtahan prosesini birbaşa cəmiyyətə etibar edib. Bu, təqdirəlayiq haldır!”

Daha sonra Konstitusiya Araşdırmaları Fondunun rəhbəri, İnsan Haqları üzrə Birgə Qrupun üzvü Əliməmməd Nuriyev ali təhsildə islahatlarla bağlı konfrans keçirməyi təklif edib. Əliməmməd Nuriyev bildirib ki, UNEC-in Differensial Əməkhaqqı Sistemi, imtahanlarda neqativ hallarla mübarizə metodları və digər uğurlu yenilikləri müsbət təcrübə kimi digər universitetlərlə paylaşılmalıdır. Ə.Nuriyev UNEC-də həyata keçirilən islahatlarla bağlı tədqiqatlar aparılmasını da tövsiyə edib. 

Görüşdə çıxış edən valideynlər ən obyektiv meyarın məmnun tələbə olduğunu bildiriblər. Övladlarının imtahan və dərs prosesindən razı qaldıqlarını qeyd ediblər.

Sonda ictimaiyyət nümayəndələrinə UNEC-ə göstərdikləri dəstəyə görə sertifikat və hədiyyələr təqdim olunub. Mükafat alanlar sırasında Sputnik Azərbaycan Beynəlxalq İnformasiya Agentliyinin müxbiri Təranə Xudabaxşıyeva da var.

UNEC-də qış imtahan sessiyasının obyektiv təşkilinə görə Tədrisin keyfiyyətinin qiymətləndirilməsi və idarəedilməsi mərkəzi, informasiya təminatı və ictimaiyyətin məlumatlanmasına görə isə Marketinq və kommunikasiya departamenti sertifikatla təltif olunub.

41
Teqlər:
Konstitusiya Araşdırmaları Fondu, UNEC, Bayram Hüseynzadə, Əliməmməd Nuriyev, Təranə Xudabaxşıyeva, Ədalət Muradov, Şahlar Əsgərov
Əlaqədar
UNEC İslam Dünyası Universitetləri Federasiyasının İdarə Heyətinə seçilib
Rusiya İqtisad Universitetinin rektoru: "UNEC böyük nailiyyətlər qazanıb"
Rusiyalı professor: “UNEC-in təcrübəsindən yararlanmaq lazımdır”
UNEC Türkiyə universitetləri ilə təcrübə mübadiləsi aparacaq
Cəbhəyanı bölgədə məktəb, arxiv şəkli

Cəbhəyanı bölgələrin təhsilsiz qalan uşaqları - Onların bir əlində kitab, digərində ...

40
(Yenilənib 16:48 20.10.2020)
"Müəllimimiz deyib ki, məktəb bağlansa da, biz dərsimizi oxumalıyıq. Məktəbə qayıdanda bütün tapşırıqlarımızı oxuyub qiymət yazacaq bizə"

Zülfiyyə Quluyeva, Sputnik Azərbaycan

BAKI, 20 oktyabr — Sputnik. Bir əlində dərs kitabı, digərində oyuncaq tapançalar... Müharibə dövrünün uşaqları olduqları o məsum çöhrələrindəki kədərdən hiss olunur. Gözlərini atəş səsi ilə açdıqlarından onların oynadıqları oyunlar da elə müharibəni xatırladır. Biz həyətə çatanda balaca qəhrəmanlarımız dava-dava oynayırdılar. Halbuki, bu saatda onlar da digər həmyaşıdları kimi əllərində çanta məktəbdən qayıtmalı idilər.

Təhsil Nazirliyinin məlumatına görə, cəbhə bölgəsində yerləşən 468 məktəbdə hərbi əməliyyatlar səbəbindən dərslər dayandırılıb. Həmin məktəblər arasında Ağdam rayonu Üçoğlan kənd orta məktəbi də var. Sputnik Azərbaycan cəbhəyanı ərazidə yerləşən Üçoğlan kənd orta məktəbinin hərbi vəziyyətlə əlaqədar dərsləri dayandırılmış şagirdləri ilə görüşüb, onların dərslərini hansı formada davam etdirməsi ilə maraqlanıb.

Üçoğlan kənd orta məktəbinin ikinci sinif şagirdləri ElşadRəhim Sadıqzadə qardaşdırlar. Onlar yeni tədris ilinin başlanmasını səbirsizliklə gözləsələr də, Ermənistanın dinc əhalini, təhsil müəssisələrini hədəf alması səbəbindən dərsə gedə bilmirlər. Elşad Sadıqzadə deyir ki, həm müəllimləri, həmçinin də sinif yoldaşları üçün çox darıxıb: "Ermənilər kəndimizə raket atırlar. Ona görə də bizim məktəbimizi bağlayıblar. Amma mən çox istəyərdim ki, məktəb açılsın. Çünki sinif yoldaşlarım üçün darıxmışam".

Cəbhədə vəziyyət gərginləşəndən Sadıqovlar ailəsi uşaqları təhlükəsiz yerə apardıqlarından onların müəllimləri və sinif yoldaşları ilə əlaqəsi kəsilib. Elşad və Rəhimin anası Aysel Sadıqova deyir ki, Ermənistan silahlı qüvvələri dinc sakinləri, təhsil müəssisələrini hədəfə aldığından uşaqlar tədrisdən tamamilə kənar qalıblar:

"Nə müəllimlərlə əlaqəmiz var, nə də ki valideynlərlə. Məktəblər bağlanandan öz uşaqlarımıza özümüz müəllimlik edirik. Bizim sığındığımız yerdə nə internet var, nə də ki televizor. Ona görə də uşaqlar teledərsləri də izləyə bilmirlər. Naəlac qalıb dərsi uşaqlara özüm başa salıram. Uşaqlara məktəbin bağlanması çox pis təsir edib. Hər gün məndən dərsə nə vaxt gedəcəklərini soruşurlar. Başa salıram ki, Ermənistan uşaq-böyük bilmir. Sizin həyatınız üçün təhlükə olduğundan məktəb bağlanıb".

Balaca Rəhim isə Ermənistanın atdığı nə mərmilərdən qorxur, nə də ki raketlərdən. Deyir ki, atamın yanına, öz kəndimizə getmək istəyirəm. Oyuncaq tapançasını isə bir saniyə də kənara qoymur. Hətta dərs oxuyanda da oyuncaq tapançası yanında olur Rəhimin: "Bu tapançaları atam alıb bizə. Əgər ermənilər bizə atsalar, biz də onları qorxudacağıq..."

Balacalarla söhbət zamanı öyrənirik ki, məktəblər bağlansa da, dərslərinə bir gün də ara verməyiblər. Rəhim sinfin əlaçısı olduğundan dərslərinə daha məsuliyyətli yanaşır. Onun sözlərinə görə, müəlliminə yaxşı oxuyacağına dair söz verib: "Müəllimimiz deyib ki, məktəb bağlansa da biz dərsimizi oxumalıyıq. Məktəbə qayıdanda bütün tapşırıqlarımızı oxuyub qiymət yazacaq bizə".

Elşad da müəllimin tapşırıqlarına əməl etdiyini söyləyir: "Müəllim deyib ki, hər gün ən azı iki səhifə oxumalıyıq ki, üzündən oxumağı unutmayaq. Mən həm çalışmalarımı həll edirəm, həm də dərslərimi oxuyuram".

Amma Elşadla Rəhim məktəbdə daha həvəslə oxuduqlarını da gizlətmirlər. Deyirlər ki, məktəbdə müəllim onlara ulduz verdiyindən oxumağa daha da həvəsli olurlar. Onların ən böyük arzusu da dərslərinə məktəbdə davam etməkdir. Çox təəssüf ki, işğalçı Ermənistan silahlı qüvvələrinin Azərbaycana qarşı təxribatlarının davam etməsi Elşadla Rəhim kimi yüzlərlə cəbhəyanı bölgədə təhsil alan şagirdləri məktəbdən uzaq salıb. Ordumuzun qarşısında aciz qalan Ermənistan mülki əhalini, o cümlədən uşaqları, qadınları və qocaları hədəf alır. Mülki əhali arasında itkilərimiz var, çoxsaylı evlərə və mülki obyektlərə, o cümlədən cəbhə bölgəsində yerləşən təhsil müəssisələrinə ciddi ziyan dəyib. Bu, həmin ərazilərdə yerləşən təhsil müəssisələrində tədris prosesinə də öz təsirini göstərib. Nəticədə cəbhə bölgəsində yerləşən təhsil müəssisələrində dərs cədvəli dəyişdirilib.

40
Əlaqədar
İlham Əliyev: "Mənim əsas vəzifəm torpaqları qaytarmaqdır. Və biz bunu edirik"
Atılan mərmilər Ağcabədi sakinini evsiz qoydu - video
Azərbaycanda təhsil okeanda təkbaşına üzən gəmi ilə müqayisə edildi
Bir gözümüz gülür, bir gözümüz ağlayır - Füzulili deputat
Bir igid ömrü torpağını gözləyənlər: "Ermənilər özləri orada yaşamağa ürək eləmirlər"
Mars haqda NASA-nın illüstrasiyası

NASA rəhbəri Marsda həyat tapmaq üçün Aydan istifadəni təklif edir

23
(Yenilənib 02:48 18.10.2020)
2020-ci ilin mayında NASA Artemis Accords adlı razılaşma təqdim edib. Orada Ayın mənimsənilməsinin, ərazisindəki faydalı qazıntıların çıxarılmasının beynəlxalq hüququ təsvir olunub

BAKI, 18 oktyabr - Sputnik. ABŞ-ın Aeronavtika və Kosmik Fəzanın Tədqiqatı Milli İdarəsinin (NASA) başçısı Cim Braydenstayn Mars cəmiyyətinin videokonfransı zamanı Mars planetində həyat izlərinin tapılması şanslarını dəyərləndirib.

Braydenstayn qeyd edib ki, Marsda həyat olmasına dair izlər hələ tapılmayıb, amma bunun ehtimalı artmaqdadır. “Nə qədər çox axtardıqca əmin oluruq ki, həyat üçün vacib olan elementlər qədimlərdə Marsda olub və elə indi də var”, - NASA rəhbəri deyib.

O, həmçinin əmindir ki, “Perseverance” (“Təkid”) aparatında quraşdırılmış cihazlar Mars haqda daha çox məlumat toplamağa imkan verəcək. Məsələn, qrunt nümunələri toplamaq, yaxud pilotlu ekspedisiyaya hazırlaşmaq kimi. Braydenstaynın fikrincə, bunun üçün ən qısa yol – Aydan istifadə etməkdir. O dəqiqləşdirib ki, Yerin təbii peykində sonralar Marsda istifadə edilməsi mümkün olan texnologiyaları sınaqdan çıxarmaq, təkmilləşdirmək olar.

“Ayın üstünlüyü ondadır ki, oradan 3 gün ərzində qayıda bilərsən. Nəsə pis bir şey olsa, evimizə qayıda bilərik”, - o deyib.

2020-ci ilin mayında NASA Artemis Accords adlı razılaşma təqdim edib. Orada Ayın mənimsənilməsinin, ərazisindəki faydalı qazıntıların çıxarılmasının beynəlxalq hüququ təsvir olunub. Razılaşmadakı yeni on prinsipə görə, gələcək Ay bazaları ətrafında “təhlükəsiz zona” anlayışı əlavə olunub. Bundan başqa, NASA əldə edilən elmi məlumatların açıq mübadiləsini, eləcə də kosmik aparatların Ayda qeydiyyatını təklif edir.

23
Əlaqədar
Biz Aya salavat çevirəndə baxırıq, onlar təbii peykdə davranış qaydaları hazırlayırlar
Ay səthindəki radiasiya ölçüldü
Ulduzlara yaxın: Yerin müxtəlif yerlərindən gecə səmasının inanılmaz görüntüləri
Venera planetində həyat var?!
Yunanıstan bayrağı

Yunanıstanın Türkiyə xofu: Orduda xidmət müddətini artırır

0
(Yenilənib 23:23 20.10.2020)
Məlumata əsasən Yunanıstanda xidmət müddəti 9 aydan 12 aya qədər artırılacaq. Bundan əlavə, Yunanıstanda şəxslər hərbi xidmətə bundan sonra 19 yox, 18 yaşdan etibarən çağırılacaq.

 

BAKI, 20 oktyabr — Sputnik. Yunanıstan Türkiyə ilə münasibətlərin kəskinləşməsi fonunda bu ölkəyə məxsus Silahlı Qüvvələrində xidmət müddətini artırmağı planlaşdırır. Bu barədə Sputnik Azərbaycan "RİA Novosti"yə istinadən xəbər verir.

Məlumata əsasən Yunanıstanda xidmət müddəti 9 aydan 12 aya qədər artırılacaq. Bundan əlavə, Yunanıstanda şəxslər hərbi xidmətə bundan sonra 19 yox, 18 yaşdan etibarən çağırılacaq.

Xatırladaq ki, bu ilin iyununda Türkiyə hökuməti Aralıq dənizinin Kipr adası yaxınlığında olan ərazisində öz maraqlarını qorumaq barədə qərar verib. Rəsmi Ankara bir sıra ölkələrin etirazına baxmayaraq geoloji kəşfiyyat işlərini davam etdirmək niyyətindədir.

Aralıq dənizinin şərq hissəsi – bir tərəfdə Avropa İttifaqının üzvləri Kipr və Yunanıstanla, digər tərəfdə isə Türkiyə olmaqla gərginlik mənbəyidir. Türkiyə dəfələrlə yataqların Kipr türkləri ilə Kipr yunanlarının birgə işlətmələrini təklif edib. Rəsmi Ankara Moskva ilə əməkdaşlığı da istisna etməyib. Enerji daşıyıcıları mübahisəsinə həmçinin, Misir və İsrail də daxildir.

Tərəflər arasında fikir ayrılığı 1974-cü ildə Kiprdə adanın Yunanıstan anneksiyası ilə bağlı çevriliş baş verəndən sonra başlayıb. Həmin vaxt Türkiyə Kiprin şimalına qoşun yeridib və həmin ərazidə Kipr – Türk Federativ dövləti yaradıb. Daha sonra onun adı Şimali Kipr Türk Respublikasına dəyişdirilib. Adanın digər hissəsi isə Kipr Respublikasının nəzarəti altındadır.

0