UNEC-in rektoru, professor Ədalət Muradov Q.V.Plexanov adına Rusiya İqtisad Universitetinin 110 illik yubileyində iştirak edib

Rusiya İqtisad Universitetinin rektoru: "UNEC böyük nailiyyətlər qazanıb"

56
UNEC-in rektoru Ədalət Muradov Rusiyanın nüfuzlu ali təhsil müəssisələrindən olan Q.V.Plexanov adına Rusiya İqtisad Universitetinin ölkənin iqtisadi və siyasi inkişafında mühüm rol oynadığını bildirib

BAKI, 17 fev — Sputnik. UNEC-in rektoru, professor Ədalət Muradov Q.V.Plexanov adına Rusiya İqtisad Universitetinin 110 illik yubileyində iştirak edib.

Rusiyanın ilk iqtisadyönümlü universitetinin yubiley tədbirlərinə Rusiyanın nüfuzlu təhsil, elm, iqtisadiyyat və siyasi dairələrin nümayəndələri, o cümlədən dünyanın müxtəlif ali təhsil müəssisələrindən qonaqlar qatılıb. Tədbirlərə səhər yeməyi formatında keçirilən “İşgüzar görüş”lə start verilib. “Ali təhsilin gələcəyi və universitetlərin inkişafı” mövzusunda keçirilən görüşdə Rusiya Federasiyasının ali təhsil və elm naziri, Rusiya Sənayeçilər və Sahibkarlar İttifaqının prezidenti, “Rostex” şirkətinin baş direktoru, “Rosneft” şirkətinin vitse-prezidenti, Rusiya Federasiyasının Hesablama Palatasının sədri, eyni zamanda dünyanın müxtəlif ölkələrindən 100-dən çox nümayəndə iştirak edib. İşgüzar görüşdə əhalinin rifah halının yaxşılaşdırılmasında təhsilin rolu, cəmiyyətin və iqtisadiyyatın ali təhsil qarşısında qoyduğu tələblər, universitetlərin transformasiyası yolları və üsulları kimi mühüm mövzular ətrafında fikir mübadiləsi aparılıb. Ali təhsil müəssisələrinin məzunlarına olan tələbatın artırılması istiqamətində müvafiq təcrübələrin inkişaf etdirilməsi müzakirə edilib. İşgüzar görüşün sonunda mövzu ilə bağlı suallar cavablandırılıb.

Universitetin rektoru, professor Viktor Qrişinlə görüşdə UNEC-in rektoru, professor Ədalət Muradov Rusiyanın nüfuzlu ali təhsil müəssisələrindən olan Q.V.Plexanov adına Rusiya İqtisad Universitetinin ölkənin iqtisadi və siyasi inkişafında mühüm rol oynadığını bildirib. Zəngin tarixə və təcrübəyə söykənən ali təhsil ocağının məzunlarının təkcə Rusiyada deyil, həmçinin ölkə hüdudlarından kənarda da peşəkar kadr kimi qəbul edildiyini vurğulayıb. 

Qrişin son illər UNEC-in əldə etdiyi nailiyyətlərin universitetin dünyanın nüfuzlu ali təhsil müssisəsiləri sırasında yer tutmasına zəmin yaratdığını qeyd edib. UNEC-də Rus İqtisadiyyat Məktəbinin fəaliyyətə başlamasının ikitərəfli əməkdaşlıq imkanlarını daha da artırdığını bildirib. Qrişin UNEC professorlarının Rusiya İqtisad Universitetində mühazirə oxumağa dəvət edib.

Görüşdə ikili diplom proqramlarının işlənməsi məqsədilə fənlərin uzlaşdırılmasına qərar verilib. Rusiyanın ən inkişaf etmiş distant təhsil imkanları olan Q.V.Plexanov adına Rusiya İqtisad Universiteti ilə birgə modulların işlənməsi razılaşdırılıb.

  • UNEC-in rektoru, professor Ədalət Muradov Türkiyə universitetlərinə məzun olunacaq müəllimlərdən ibarət nümayəndə heyətini qəbul edib
    UNEC-in rektoru, professor Ədalət Muradov Türkiyə universitetlərinə məzun olunacaq müəllimlərdən ibarət nümayəndə heyətini qəbul edib
    © Photo : UNEC-in mətbuat xidməti
  • UNEC-in rektoru, professor Ədalət Muradov Türkiyə universitetlərinə məzun olunacaq müəllimlərdən ibarət nümayəndə heyətini qəbul edib
    UNEC-in rektoru, professor Ədalət Muradov Türkiyə universitetlərinə məzun olunacaq müəllimlərdən ibarət nümayəndə heyətini qəbul edib
    © Photo : UNEC-in mətbuat xidməti
  • UNEC-in rektoru, professor Ədalət Muradov Türkiyə universitetlərinə məzun olunacaq müəllimlərdən ibarət nümayəndə heyətini qəbul edib
    UNEC-in rektoru, professor Ədalət Muradov Türkiyə universitetlərinə məzun olunacaq müəllimlərdən ibarət nümayəndə heyətini qəbul edib
    © Photo : UNEC-in mətbuat xidməti
1 / 3
© Photo : UNEC-in mətbuat xidməti
UNEC-in rektoru, professor Ədalət Muradov Türkiyə universitetlərinə məzun olunacaq müəllimlərdən ibarət nümayəndə heyətini qəbul edib

Yubiley tədbirləri çərçivəsində UNEC-in rektoru Sankt-Peterburq Dövlət İqtisad Universiteti, Çinin Şandonq Maliyyə və İqtisadiyyat Universiteti, Zaqreb İqtisadiyyat və Menecment Məktəbi, Lüksemburq İqtisadiyyat və Menecment Məktəbi, Ural Dövlət İqtisad Universiteti və digər ali təhsil müəssisələrinin rəhbərləri ilə görüşüb. Görüşlərdə ikitərəfli əməkdaşlıq istiqamətləri, xüsusilə də ikili diplom proqramlarının işlənməsi barədə razılığa gəlinib.

56
Teqlər:
Rusiya Sənayeçilər və Sahibkarlar İttifaqı, Rusiya Federasiyasının Hesablama Palatası, Q.V.Plexanov adına Rusiya İqtisad Universiteti, UNEC, Ədalət Muradov, Viktor Qrişin, Ural, Lüksemburq, Çin
Əlaqədar
Rusiyalı professor: “UNEC-in təcrübəsindən yararlanmaq lazımdır”
UNEC Türkiyə universitetləri ilə təcrübə mübadiləsi aparacaq
UNEC beynəlxalq konfransa ev sahibliyi edəcək
Məktəbdə dərs prosesi, arxiv şəkli

Məktəb, vaksinasiya, metro borclar: milyon yarım şagirdlə bağlı qərar veriləcək?

87
(Yenilənib 17:13 19.01.2021)
Yanvarın 22-də keçiriləcək brifinqdə təhsil naziri Emin Əmrullayev təhsilin növbəti aylardakı fəaliyyəti ilə bağlı açıqlama verəcək

Zülfiyyə Quluyeva, Sputnik Azərbaycan

BAKI, 19 yanvar — Sputnik. Azərbaycanın COVID-19 əleyhinə vaksinasiyaya başlaması ənənəvi təhsilin bərpasına ümid yaradıb. Bu günlərdə Nazirlər Kabineti yanında Operativ Qərargahın brifinqində çıxış edən Prezidentin köməkçisi Şahmar Mövsümov bildirib ki, peyvənddən sonra məktəblərin açılması ilə bağlı müəyyən addımlar atılacaq. Onun sözlərinə görə, məktəblərdə ənənəvi təhsilin bərpası nəzərdə tutulur.

Sputnik Azərbaycan peyvənddən sonra təhsilin hansı formada bərpa olunacağını araşdırıb.

Təhsil Nazirliyindən Sputnik Azərbaycan-ın sorğusuna verilən cavabda bildirilir ki, yanvarın 22-də keçiriləcək brifinqdə təhsil naziri Emin Əmrullayev təhsilin növbəti aylardakı fəaliyyəti ilə bağlı açıqlama verəcək.

Təhsil üzrə ekspert Kamran Əsədov Sputnik Azərbaycan-a açıqlamasında bildirib ki, COVID-19 əleyhinə vaksinasiyaya cəlb edilən risk qrupunda təhsil işçiləri də var. Təhsil işçilərinin peyvənd olunması isə ənənəvi tədrisin bərpası yönündə atılmış addımdır: "Ölkəmizdə vaksinasiyadan sonra məktəblər hibrid formada, həftədə bir neçə gün olmaqla açıla bilər. Amma düşünürəm ki, ənənəvi dərslərdə iştirak etmə könüllü olmalıdır. Virusa yoluxmadan narahat olanların və səhhətində problem olanların dərslərdə iştirak etməsi məcburi yox, könüllülük prinsipi əsasında təşkil ediləcək".

K.Əsədov deyir ki, məktəblər açılan kimi birinci yarımil üzrə məktəbdaxili qiymətləndirilmənin həyata keçirilməsi mümkün deyil: "Birinci yarımil üzrə məktəbdaxili qiymətləndirilmə həyata keçirilməyəcək. Çünki 1,6 milyon şagirdi qısa müddətdə bu prosesə cəlb etmək mümkün deyil. Birinci yarımil yanvarın 27-də başa çatır. Çox güman ki, şagirdlərin biliyi ikinci yarımilin sonunda qiymətləndiriləcək. Bu isə yekun qiymət olacaq".

Ekspert bildirir ki, ali, orta ixtisas və peşə təhsili müəssisələrinin də qismən və mərhələli şəkildə açılması mümkündür:

"Nəzərə almaq lazımdır ki, 1-ci kurs tələbələri ümumiyyətlə təhsil müəssisələrinə getməyiblər. 4-cü kursların isə pedaqoji, istehsalat təcrübələri var. Eyni zamanda, bəzilərinin akademik borcları yaranıb. Bütün bu problemlər bu semestr həll olmalıdır. 4-cü kurs tələbələrinin diplom işləri, buraxılış işləri var. Onlar magistratura pilləsinə qəbul imtahanı verəcəklər. Ümumiyyətlə, bütün kurslar üzrə tədrisin bərpa edilməsi istiqamətində addım atılması mümkündür".

Tədris bərpa olunsa belə, ekspert orta və ali məktəblərdə yaşı 65-dən yuxarı olan şəxslərin dərslərə buraxılmasının riskli olduğunu söyləyir: "Ənənəvi təhsil bərpa edilərkən yoluxma sayının artmaması üçün metronun fəaliyyəti bərpa edilməlidir. Məktəblərdə azı 1 giriş və 1 çıxış qapıları müəyyən edilməlidir. Şagirdlərin qoruyucu maskadan istifadə etməsi məcburi olmalıdır. Müəllimlər də sanitariya qaydalarına riayət etməli, məktəblərdə mütəmadi olaraq dezinfeksiya işləri aparılmalıdır. Hibrid formada tədris bərpa olunandan sonra dərslərin müddəti azaldıla bilər. Əsas fənlər ənənəvi, digər fənlər onlayn qaydada həyata keçirilməlidir. Xüsusilə ibtidai sinif şagirdlərinə Azərbaycan dili, riyaziyyat və xarici dil fənləri hər gün tədris edilməlidir. Digər fənlər isə onlayn rejimdə keçirilməlidir".

Milli Məclisin Elm və təhsil komitəsinin üzvü Kamilə Əliyeva Sputnik Azərbaycan-a açıqlamasında bildirib ki, ənənəvi təhsilin bərpasına tələsmək olmaz: "Koronavirus yayılan kimi ilk olaraq məktəblər bağlandı. Bu, səbəbsiz deyildi. Çünki təhsil müəssisələri virusun yayılması üçün ən böyük risk məkanları sayılırdı. Ona görə də biz ənənəvi təhsili bərpa etməyə tələsməməliyik. Vaksinasiya hər iki risk qrupu üzrə başa çatdıqdan və müsbət nəticə əldə edildikdən sonra məktəblərdə ənənəvi təhsilə mərhələli şəkildə başlamaq olar. Mənim fikrimcə, məktəblərdə tam ənənəvi təhsilə keçmək düzgün olmaz. Məktəblərdə dərslər hibrid formada təşkil edilməlidir".

Qeyd edək ki, artıq Rusiyada orta məktəblərdə ənənəvi təhsil bərpa olunub. Türkiyədə isə yaxın vaxtlarda təhsilin hibrid formada bərpası nəzərdə tutulur.

87
Teqlər:
Təhsil Nazirliyi, vaksinasiya, karantin, məktəb
Onlayn təhsil, arxiv şəkli

Şagirdlərə bu gün xüsusi dərslər keçiriləcək

12
Dərslərdən əlavə, kitab, foto və rəsm sərgisinin, ədəbi-bədii kompozisiyaların təşkili, konfrans, seminar, mühazirə və "dəyirmi masa"ların da keçirilməsi nəzərdə tutulur

BAKI, 19 yanvar — Sputnik. Yanvarın 19-da təhsil müəssisələrində 20 Yanvar faciəsinin otuz birinci ildönümünə həsr olunmuş xüsusi dərslər keçiriləcək. Təhsil Nazirliyindən Sputnik Azərbaycan-a verilən xəbərə görə, Təhsil nazirinin müvafiq əmri ilə təsdiqlənmiş "20 Yanvar faciəsinin otuz birinci ildönümü ilə bağlı Təhsil Nazirliyinin Tədbirlər Planı"na əsasən tədris olunacaq dərslər onlayn təşkil ediləcək. Tədbirlər Planına əsasən, təhsil müəssisələrində onlayn qaydada 20 Yanvar faciəsinin otuz birinci ildönümünə həsr olunmuş kitab, foto və rəsm sərgisinin, ədəbi-bədii kompozisiyaların təşkili, konfrans, seminar, mühazirə və "dəyirmi masa"ların da keçirilməsi nəzərdə tutulur.

12
Şəhidlər xiyabanı, arxiv şəkli

Azərbaycandan ermənilərə qadağa qoydu

0
(Yenilənib 11:59 20.01.2021)
Ötən gün ermənilər Hadrut, Füzuli, Cəbrayıl və Ermənistanın Sünik vilayətində axtarış aparıblar. Bu gün isə axtarışı dayandırmaq məcburiyyətində qalıblar.

BAKI, 20 yanvar — Sputnik. Qarabağda daha bir erməni hərbçinin cəsədi tapılıb. Sputnik Ermənistan xəbər verir ki, bunu sabiq qondarma rejimin "Fövqəladə Hallar üzrə Dövlət Xidmətinin" "mətbuat xidmətinin" rəhbəri Unan Tadevosyan bildirib.

O, qeyd edib ki, ötən gün axtarışlar Hadrut, Füzuli, Cəbrayıl, və Ermənistanın Sünik vilayətində aparılıb:

"Axtarış nəticəsində bir nəfərin cəsədinin qalıqları tapılıb. Əsgərin şəxsiyyətinin müəyyənləşdirilməsi üçün qalıqlar məhkəmə ekspertizasına aparılıb".

Tadevosyan qeyd edib ki, bu gün axtarış işləri aparılmayacaq:

"Azərbaycan tərəfi yanvarın 20-i Ümumxalq Hüzn Günü ilə bağlı axtarışların keçirilməsini qadağan edib. Onlar bildirdilər ki, ermənilərin onların ərazisinə keçmələrini istəmirlər".

O, həmçinin vurğulayıb ki, axtarış işlərini qarın yağması ilə bağlı da keçirmək mümkün deyil.

Qeyd edək ki, yanvarın 20-nə olan məlumata görə, Ermənistan tərəfi 1195 hərbçinin cəsədini və ya cəsəd qalıqlarını tapıb.

Ümumilikdə isə Ermənistan Səhiyyə Nazirliyi sentyabrın 27-dən noyabrın 9-dək erməni tərəfinin 3330 nəfər itki verdiyini açıqlayıb.

Qeyd edək ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Bəyanata əsasən, Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə razılaşıblar.

Bəyanata görə, Ağdam rayonu 2020-ci il noyabrın 20-də, Kəlbəcər rayonu noyabrın 25-də (ilkin olaraq noyabrın 15-i nəzərdə tutulurdu), Laçın rayonu isə dekabrın 1-də Azərbaycana qaytarılıb. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılmalıdır.

Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

0
Teqlər:
Cəbrayıl rayonu, Cəbrayıl, Füzuli, Hadrut, ermənilər, 20 Yanvar – Ümumxalq Hüzn Günü, Ümumxalq Hüzn Günü, 20 Yanvar qətliamı, 20 Yanvar faciəsi, "20 yanvar"