Orta məktəb şagirdləri dərs zamanı

Məktəblilər nazirin qərarına hazırdırlar?

6813
Orta məktəblərdə 9-cu sinifdən təmayülləşmə müsbət addım hesab olunsa da...

BAKI, 24 yan — Sputnik. "Dünyanın aparıcı ölkələrində tədris, əsasən təmayüllər üzrədir. Hər şeyi bilmək mümkün deyil. Təmayüllər üzrə tədris təhsilin güclənməsinə istiqamətlənib".

Bunu Sputnik Azərbaycan-a açıqlamasında təhsil eksperti Nabatəli Qulamoğlu deyib. Onun sözlərinə görə, tələbələr onsuz da ali məktəblərdə spesifik sahəni öyrənirlər: "Amma bir də var ki, bu spesifik sahənin fundamenti 9-cu sinifdən qoyulsun. Onda daha yaxşı olur. Sahə nə qədər daralsa, dərinliyə doğru inkişaf bir o qədər ciddi olar. Yəni, təhsili dərininə öyrənmək imkanı qazanılır".

Ekspert bildirib ki, bundan əvvəl Azərbaycanda 9 rayonda bununla bağlı pilot layihə həyata keçirilib: "İndi isə bütün Respublikanı əhatə etməyi düşünürlər. Əslində, bunu düzgün addım hesab edirəm. Amma hazırkı zamanda bunun özünü nə qədər doğruldacağına şübhə ilə yanaşıram. Ona görə ki, Azərbaycanda hələlik köklü təhsil islahatı yoxdur. Bu, yoxdursa, təmayüllər üzrə təhsildən də elə ciddi, müsbət nəticələr gözləmirəm".

Təhsil eksperti Məlahət Mürşüdlü də Sputnik Azərbaycan-a açıqlamasında bunu müsbət qiymətləndirib: "Buna çoxdan keçməli idik. Çünki, toplanmış təcrübə var. Bizim türk liseylərində 9-cu sinifdən təmayülləşmə başlayır. Və burada siniflər 3 qrup üzrə — sosial, dəqiq və humanitar fənnlər üzrə şagirdlərin seçiminə uyğun olaraq komplektləşdirilir. Nəticə göz qabağındadır".

Ekspert 21-ci əsr informasiya bolluğu dövrüdür: "Uşaqların beyinini bütün informasiyalarla doldurmaq qeyri-mümkündür və düzgün deyil. Yəni, bütün fənnlər üzrə kamil biliyə sahib olmaları qeyri-mümkündür. Düşünürəm ki, Təhsil Nazirliyinin bu addımı düzgün addımdır. Müsbət nəticəsi olacaq. Uşaqlar maraq göstərdikləri sahədə mükəmməl təhsil almaq, dünyagörüşünü formalaşdırmaq imkanlarına malik olacaqlar".

Qeyd edək ki, Sputnik Azərbaycan-ın sorğusunu cavablandıran Təhsil Nazirliyinin mətbuat xidmətinin rəhbəri Cəsarət Valehovun sözlərinə görə, bu ildən orta məktəblərdə təmayül siniflərinin yaradılması xəbəri həqiqətə uyğundur: "Şagirdlərin seçdiyi ixtisas qrupu üzrə təmayül fənləri təyin olunur. Amma digər fənnlərin tədris edilməyəcəyi ilə bağlı məlumatlar yanlışdır. Şagirdlərə digər fənnlər də tədris olunacaq. Sadəcə olaraq, əvvəllər daha çox fənn tədris olunurdusa, artıq qərar verilib ki, şagirdlərin həddən artıq yüklənməməsi üçün fənnlərin sayı bir qədər azaldılsın. Amma bütövlükdə bütün fənlərin keçirilməməsi məsələsi doğru deyil".

Mətbuat xidmətinin rəhbəri onu da qeyd edib ki, təmayülləşmiş məktəblərin yaradılmasına hələ iki il öncə başlanılıb və təhsil nazirinin göstərişi ilə Bakı və Sumqayıt şəhərlərində bir neçə belə məktəb təyin edilib. "Bu ildən isə belə məktəblər daha da artıb və artıq 2016-2017 tədris ilindən ölkənin 124 məktəbində təhsil təmayüllər üzrə təşkil olunur. Belə məktəblərdə tədris şagirdlərin meyl və maraqlarına uyğun olaraq profilləşir. Belə olan halda, profilə uyğun olaraq həmin fənnlər daha da dərindən tədris edilir və gələcəkdə şagirdlərin qarşılarına qoyduqları məqsədə çatmaq üçün böyük kömək olur. Bu nəinki Azərbaycanda, dünya təcrübəsində tətbiq edilən təhsil sistemidir".

6813
Teqlər:
sinif, təmayül, tədris, şagird, təhsil, məktəb, ekspert
Əlaqədar
Məmur övladlarına xaricdə təhsil almaq qadağan edilməlidir?!
Fərqli təhsilin üstünlükləri: hər şey tələbə üçün
Maarifpərvər, təhsilsiz xeyriyyəçi
Azərbaycanda məktəbə getməyərək təhsil almaq mümkün olacaq
Peşə təhsili və təliminin inkişafına dair Strateji Yol Xəritəsi açıqlandı
Təhsil sistemimizi kökündən dəyişəcək qərar
Təhsil naziri bu rayona "gizli" səfər edib
İcbari məktəbəqədər təhsilə keçid ola bilər
Tələbə, arxiv şəkli

Türkiyə Gürcüstanın qiyabi təhsil diplomları Azərbaycanda tanınmır

7
Türkiyə və Gürcüstanın əyani təhsil verən universitetlərinin diplomları isə həmin ölkələrdə tanındığı halda Azərbaycanda da tanınır.

BAKI, 17 may — Sputnik. Azərbaycanda Türkiyə və Gürcüstanın qiyabi təhsil diplomları tanınmır. Bu barədə Təhsildə Keyfiyyat Təminatı Agentliyindən Sputnik Azərbaycan-a verilən məlumatda bildirilib.

Qeyd olunub ki, Türkiyə və Gürcüstan istisna olmaqla digər ölkələrin universitetlərinin qiyabi təhsillə bağlı diplomları isə yoxlanılır. Yəni, diplomu tanıtmaq istəyərkən dərslərdə iştirak, giriş-çıxış və digər nüanslar nəzərə alınır.

Türkiyə və Gürcüstanın əyani təhsil verən universitetlərinin diplomları isə həmin ölkələrdə tanındığı halda Azərbaycanda da tanınır.

Eləcə də oxuyun:

* Tələbələrə təhsil haqqı ilə bağlı şad xəbər

Prezident təqaüdünün verilməsi qaydası müəyyənləşib

* Azərbaycanda xarici diplomların tanınması qaydaları dəyişdirildi

 

7
Tələbələr imtahanların nəticələrini öyrənirlər, arxiv şəkli

Tələbələrə təhsil haqqı ilə bağlı şad xəbər

17
Azərbaycanın Təhsil naziri Emin Əmrullayevin sözlərinə görə, 2019/2020-ci tədris ilinin 2-ci yarımilində 15.209, 2020/2021-ci tədris ilinin 1-ci yarımilində 15.900 nəfərin təhsil haqqı ödənilib.

BAKI, 17 may — Sputnik. Təhsil Nazirliyi tələbələrə və təhsil müəssisələrinə müraciət edib. Nazirlikdən Sputnik Azərbaycan-a verilən məlumata görə, Təhsil Nazirliyi https://e-telebe.edu.az elektron portalı vasitəsi ilə sosial baxımdan həssas əhali qrupuna aid edilən ailələrin üzvü olan tələbələrin təhsil haqqı xərclərinin dövlət tərəfindən ödənilməsinə dair müraciətlərin qəbulunu 19 may 2021-ci il tarixindən aktivləşdirir.

Qeyd edək ki, Azərbaycanın Təhsil naziri Emin Əmrullayevin sözlərinə görə, ölkə Prezidentinin müvafiq tapşırığı əsasında sosial baxımdan həssas əhali qrupuna aid edilən ailələrin üzvü olan tələbələrin yarımillərə aid təhsil haqqı xərclərinin ödənilməsinə dair Nazirlər Kabineti tərəfindən qəbul edilən qərara dəyişiklik edilib. 2019/2020-ci tədris ilinin 2-ci yarımilində 15.209, 2020/2021-ci tədris ilinin 1-ci yarımilində 15.900 nəfərin təhsil haqqı ödənilib.

2020-ci ildə ümumilikdə 20.800 tələbə bu imkandan yararlanıb. "Qərarda edilən yeni dəyişikliyə görə, 2020/2021-ci tədris ilinin yaz semestri (yarımili) üzrə də sosial baxımdan həssas əhali qrupuna aid edilən ailələrin üzvü olan və ödənişli təhsil alan tələbələrin təhsil haqqı xərcləri dövlət tərəfindən ödəniləcək. Bu məqsədilə 14 milyon manat vəsaitin ödənilməsi nəzərdə tutulur", - o deyib.

 

Eləcə də oxuyun:

Qəbul imtahanlarında pulsuz iştirak edəcək vətəndaşların siyahısı genişləndirilib

Azərbaycanda xarici diplomların tanınması qaydaları dəyişdirildi

* Tələbələrin puluna susayan müəllim Baş Prokurorluqda cavab verəcək

17
Teqlər:
portal, təhsil haqqı, tələbə
Eldar Qasımov və Nigar Camal, arxiv şəkli

"Avroviziya-2021"-də Azərbaycandan olan səsverməni elan edəcək şəxslərin adları açıqlanıb

0
(Yenilənib 12:39 18.05.2021)
Eldar və Nigar yarışmanın qaydalarına əsasən, mayın 22-də final gecəsi iştirakçıların taleyini həll edəcək jüri ballarını İctimai Televiziyanın canlı efirində səsləndirəcəklər. Verilən xallar müsabiqə iştirakçılarının aktivinə əlavə olunacaq.

BAKI, 18 may — Sputnik. İctimai Televiziya və Radio Yayımları Şirkəti "Avroviziya-2021" mahnı müsabiqəsində Azərbaycandan olan səsverməni elan edəcək şəxslərin adlarını açıqlayıb. Sputnik Azərbaycan xəbər verir ki, məşhur mahnı müsabiqəsində iştirakçılara ölkəmizdən münsiflər tərəfindən veriləcək səsləri 10 il əvvəl, 2011-ci ildə 221 xalla birinci olaraq "Avroviziya"nı Azərbaycana gətirən Eldar Qasımov və Nigar Camal elan edəcəklər.

Eldar və Nigar yarışmanın qaydalarına əsasən, mayın 22-də final gecəsi iştirakçıların taleyini həll edəcək jüri ballarını İctimai Televiziyanın canlı efirində səsləndirəcəklər. Verilən xallar müsabiqə iştirakçılarının aktivinə əlavə olunacaq.

Qeyd edək ki, yarımfinal mərhələləri bu gün və mayın 20-də keçiriləcək mahnı müsabiqəsində təmsilçimiz Samirə Efendi "Mata Hari" adlı bəstə ilə birinci yarımfinalda çıxış edəcək.

Şüarı "Open up!" olan müsabiqənin Azərbaycan üzrə şərhçiləri isə müğənni Murad Arif və aparıcı Hüsniyə Məhərrəmova olacaq.

Müsabiqə İctimai Televiziyanın efirində canlı olaraq yayımlanacaq.

0