Amerikalı tələbələr

Məktəbə "ayaq döymək" dövrü bitir

413
Azərbaycanda distant təhsil sisteminə keçid inqilabi dəyişikliklərə səbəb olacaq

BAKI, 11 yan — Sputnik. Rəqəmsal təhsilin daha da inkişaf etdirilməsi üçün təhsilin bütün səviyyələrində tətbiq olunan tədris proqramlarının yüksək keyfiyyətli elektron material (elektron kitablar, elektron seminarlar, açıq tədris materialları və s.) və müvafiq metodlar (distant təhsil, veb əsaslı imtahanlar və s.) əsasında təkmilləşdirilməsi nəzərdən keçiriləcək. Müəllim və tələbələrin rəqəmsal tədris materiallarına və müxtəlif rəqəmsal avadanlıqlara əlçatanlığı təmin olunacaq. Bu məqsədlər üçün digər məsul dövlət qurumları ilə birlikdə rəqəmsal təhsil konsepsiyası hazırlanacaq.

"Azərbaycan Respublikasında telekommunikasiya və informasiya texnologiyalarının inkişafına dair Strateji Yol Xəritəsi"ndə bunlar qeyd olunub. Bildirilir ki, təhsil sahəsində texnoloji dəstəyi təmin etmək məqsədilə təhsil müəssisələrinin aparıcı şəxsləri təhsil texnologiyaları haqqında davamlı məlumatlandırılacaq, təhsil texnoloqlarının inkişafı üçün tədbirlər dəstəklənəcək və bu fəaliyyətlər çərçivəsində təkmilləşdirmə kursları təşkil ediləcək.

Yol Xəritəsində göstərilir ki, tələbələrin İKT bacarıqlarının qiymətləndirilməsi mexanizmləri (məsələn, imtahanlar, müsabiqə xarakterli tədqiqatlarda iştirak və s.) müəyyən ediləcək və qiymətləndirmə nəticələri inkişaf fəaliyyətlərinin planlaşdırılmasında əsas amil kimi nəzərə alınacaq.

Kamran Əsədov, təhsil üzrə ekspert
© Photo : APA
Kamran Əsədov, təhsil üzrə ekspert

Sözügedən yeniliyi Sputnik-ə şərh edən təhsil eksperti Kamran Əsədov, Azərbaycanda daha çox əyani və qiyabi təhsil formalarının populyar olduğunu deyib: "Amma qanunvericilikdə həm də distant təhsil nəzərdə tutulub. "Təhsil haqqında" qanunda bu, əksini tapıb. Azərbaycanda təhsil sahəsində ciddi islahatlar aparılmalı və bunun həyata keçirilməsi üçün ilk növbədə kadr potensialı standartlara cavab verməlidir. Strateji Yol Xəritəsi Azərbaycan təhsilinin dünya təhsilinə inteqrasiyası və lazımi yer tutması istiqamətində mühüm addım ola bilər".

"Elektron təhsilə keçidin vaxtı çatıb. Çünki, bu gün hər kəs artıq informasiyanı, texnologiyalardan istifadə edərək alır. Artıq bizim standart dərsliklərdən, materiallardan dərs öyrənmə metodları effektivliyini itirib" — mütəxəssis bildirib.

Onun sözlərinə görə, hazırda dünyanın bütün nüfuzlu ali təhsil müəssisələrində distant təhsil tətbiq olunur: "Bu gün Azərbaycanda 54 ali təhsil müəssisəsi var. Amma bunların, maksimum 10-da bu standartlar çərçivəsində tədris prosesini həyata keçirmək mümkündür. Distant təhsildə şagird, tələbə auditoriyada olmadan onlayn kamera vasitəsilə dərslərə qoşulub mühazirələri dinləyə bilir. Bunun üçün ilk növbədə kommunikasiya olmalıdır. Bu gün heç bir universitetdə bu, həyata keçirilmir. Ali təhsil müəssisələrində veb-kameralar, yalnız təhlükəsizlik və nəzarət missiyasını həyata keçirir".

Əsədov distant təhsil sisteminin iqtisadi tərəflərinə də diqqət çəkib: "Məsələn, dərsliklərin, sual kitabçalarının, test tapşırıqlarının hazırlanması zamanı xarici ölkədən baha qiymətə alınan kağız materiallardan istifadə edirik. Əgər elektron resurslar üzərində bunu həyata keçirsək, kifayət qədər maliyyə itkisindən azad olarıq. Bundan başqa, təhsildə mənfi hallar aradan qalxar. Çünki, bu gün bir çox tələbə və şagirdlər dərsə getmədiklərinə görə, bu və ya digər formada dekana, rektora, məktəb direktoruna, sinif rəhbərinə nələrsə təklif edirlər. Distant təhsilin həyata keçirilməsi bu problemlərin də aradan qalxmasına gətirib çıxaracaq".

Elektron imtahana gəldikdə isə ekspert bunları söyləyib: "Bu, optimal imtahan qaydalarından biri hesab olunur. İmtahan bitən kimi nəticələr bəlli olur. Amma standart imtahanlarda isə nəticələr bir neçə günə, hətta bir neçə həftəyə bəlli olur".

Əjdər Ağayev, təhsil eksperti
© Photo : STR
Əjdər Ağayev, təhsil eksperti

Təhsil eksperti qısa müddətdə distant təhsilə keçməyi zəruri hesab edir: "İnsanlarımız kütləvi şəkildə xarici universitetlərdə təhsil almağa gedirlər. Bu da maliyyə itkisinə gətirib çıxardır. Onsuz da neftdən gələn gəlirlərimiz aşağı düşüb. Bu gün təkcə Türkiyədə 16 min vətəndaşımız təhsil alır. Görün nə qədər pul kütləsi Azərbaycandan kənara çıxır. Distant təhsilə keçsək, pul vəsaitimiz ölkədə qalar. Bundan başqa, xarici universitetlərdə təhsil almağa meyl edən gənclər ölkəyə qayıdarlar. Xarici ölkələrdən Azərbaycana, təhsil almaq üçün kütləvi axın başlayar".

Azərbaycan Təhsil Şurasının sədri, professor Əjdər Ağayev də Sputnik-ə açıqlamasında distant təhsilin imkanlarının geniş olduğunu deyib: "Yəni, Bakıda oturan tələbə Avropada təhsil ala bilər. Məsafədən, kompüter imkanları hesabına, məsələn "Skype" vasitəsilə müəllimləri dinləmək imkanı qazanar".

"Gələcəkdə Azərbaycanda distant təhsilin genişləndirilməsi nəzərdə tutulur. Bu, ölkə daxilində də ola bilər. Tələbə rayonda oturub distant təhsil ala bilər" — Ağayev qeyd edib.

O, distant təhsil almaq istəyənlərin İKT-dən istifadə bacarıqlarının olmasını da vacib sayır: "Testə cavab vermək hər şeyi həll etmir. İKT imkanları inkişaf edəcəksə, "Skype" vasitəsilə imtahan götürmək, şifahi şərh vermək olar. Habelə, bölgələrimizdə bu sistem tətbiq olunacaqsa, deməli orada elektrik təminatı, internet, kompüter imkanları qaydasında olmalıdır".

413
Teqlər:
distant, Əjdər Ağayev, tədris, Kamran Əsədov, dərs, şagird, təhsil, məktəb, ekspert, tələbə, müəllim, rəqəmsal
Əlaqədar
Maarifpərvər, təhsilsiz xeyriyyəçi
Peşə təhsili və təliminin inkişafına dair Strateji Yol Xəritəsi açıqlandı
Təhsil sistemimizi kökündən dəyişəcək qərar
Təhsil naziri bu rayona "gizli" səfər edib
İcbari məktəbəqədər təhsilə keçid ola bilər
Respondentlərin 96 faizi ölkənin təhsil sistemindən narazıdır
Mövcud təhsil sistemi şagirdlərin bütün enerjisini "sümürür"
Manat, arxiv şəkli

Təhsil Nazirliyinə 7 milyon manat vəsait ayrıldı - CƏDVƏL

5
Maliyyə Nazirliyinə bu Sərəncamın 1-ci hissəsində nəzərdə tutulan məbləğdə maliyyələşməni təmin etmək, Nazirlər Kabinetinə isə bu Sərəncamdan irəli gələn məsələləri həll etmək tapşırılıb

BAKI, 8 avqust — Sputnik. Prezident İlham Əliyev Azərbaycan Respublikasında təhsil infrastrukturunun inkişafı ilə əlaqədar əlavə tədbirlər haqqında Sərəncam imzalayıb.

Sputnik Azərbaycan-ın məlumatına görə, Sərəncamla respublika ərazisində modul tipli məktəblərin quraşdırılması məqsədilə “Azərbaycan Respublikasının 2020-ci il dövlət büdcəsində dövlət əsaslı vəsait qoyuluşu (investisiya xərcləri) üçün nəzərdə tutulan vəsaitin bölgüsü”nün 1.66-cı bəndində göstərilmiş məbləğin 630 149 000,0 manatının bölgüsü”nün 1.9.2-ci yarımbəndində “Respublika ərazisində modul tipli təhsil müəssisələrinin quraşdırılması” üçün nəzərdə tutulmuş 7 milyon manat Azərbaycan Respublikasının Təhsil Nazirliyinə ayrılıb.

Maliyyə Nazirliyinə bu Sərəncamın 1-ci hissəsində nəzərdə tutulan məbləğdə maliyyələşməni təmin etmək, Nazirlər Kabinetinə isə bu Sərəncamdan irəli gələn məsələləri həll etmək tapşırılıb.

Azərbaycanda quraşdırılması nəzərdə tutulan modul tipli məktəblərin siyahısı: 

Sıra 

sayı

Tədbirin adı Ayrılan vəsait
1 Bərdə rayonunun Məşədiibişli kəndində 20 şagird yerlik modul tipli ibtidai məktəbin quraşdırılması 207 000
2 Cəlilabad rayonunun Axtaxana kəndində 20 şagird yerlik modul tipli ibtidai məktəbin quraşdırılması 207 000
3 Cəlilabad rayonunun Çəmənli kəndində 56 şagird yerlik modul tipli ümumi orta məktəbin quraşdırılması 283 000
4 Cəlilabad rayonunun Novruzallı kəndində 40 şagird yerlik modul tipli ibtidai məktəbin quraşdırılması 256 000
5 Goranboy rayonunun Abbasqulular kəndində 80 şagird yerlik modul tipli ümumi orta məktəbin quraşdırılması 350 000
6 Goranboy rayonunun Gürzallar kəndində 56 şagird yerlik modul tipli tam orta məktəbin quraşdırılması 283 000
7 İmişli rayonunun Oruclu kəndində 40 şagird yerlik modul tipli ibtidai məktəbin quraşdırılması 256 000
8 Lerik rayonunun Andurma kəndində 40 şagird yerlik modul tipli ümumi orta məktəbin quraşdırılması 256 000
9 Lerik rayonunun Aşağı Çayrud kəndində 40 şagird yerlik modul tipli ümumi orta məktəbin quraşdırılması 256 000
10 Lerik rayonunun Laman kəndində 40 şagird yerlik modul tipli ümumi orta məktəbin quraşdırılması 256 000
11 Lerik rayonunun Loda kəndində 20 şagird yerlik modul tipli ibtidai məktəbin quraşdırılması 207 000
12 Neftçala rayonunun Elektrik şəbəkə kəndində 40 şagird yerlik modul tipli ibtidai məktəbin quraşdırılması 256 000
13 Quba rayonunun Kardaş kəndində 40 şagird yerlik modul tipli ibtidai məktəbin quraşdırılması 256 000
14 Quba rayonunun Muçu kəndində 80 şagird yerlik modul tipli ümumi orta məktəbin quraşdırılması 356 000
15 Quba rayonunun Ördüc kəndində 20 şagird yerlik modul tipli ibtidai məktəbin quraşdırılması 207 000
16 Qusar rayonunun Langi  kəndində 40 şagird yerlik modul tipli ibtidai məktəbin quraşdırılması 256 000
17 Qusar rayonunun Qullar kəndində 40 şagird yerlik modul tipli ibtidai məktəbin quraşdırılması 256 000
18 Qusar rayonunun Torpaq körpü kəndində 40 şagird yerlik modul tipli ibtidai məktəbin quraşdırılması 256 000
19 Samux rayonunun Qədili kəndində 80 şagird yerlik modul tipli ümumi orta məktəbin quraşdırılması 350 000
20 Şəki rayonunun Vərəzət kəndində 56 şagird yerlik modul tipli köçkün ümumi orta məktəbinin quraşdırılması 283 000
21 Tovuz rayonunun Mollaayrım kəndində 20 şagird yerlik modul tipli ibtidai məktəbin quraşdırılması 207 000
22 Xaçmaz rayonunun Çuxuroba kəndində 40 şagird yerlik modul tipli ibtidai məktəbin quraşdırılması 256 000
23 Xaçmaz rayonunun Xanlıqoba kəndində 80 şagird yerlik modul tipli ümumi orta məktəbin quraşdırılması 350 000
24 Xaçmaz rayonunun Xanoba kəndində 96 şagird yerlik modul tipli ümumi orta məktəbin quraşdırılması 382 000
25 Xaçmaz rayonunun Hacıməmmədoba kəndində 40 şagird yerlik modul tipli ibtidai məktəbin quraşdırılması 256 000
26 Xaçmaz rayonunun Hacıməmmədoba kəndində 40 şagird yerlik modul tipli ibtidai məktəbin quraşdırılması 256 000
27 Xızı rayonunun Türkoba kəndində 40 şagird yerlik modul tipli ümumi orta məktəbin quraşdırılması 256 000
  Cəmi: 7 000 000
5
Bakı məktəblərin birində tədris prosesi, arxiv şəkli

Təhsillə bağlı qərar verməkdə çətinlik var

156
Bu gün əlimizdə olan rəqəmlər əsasında hansısa qərar qəbul etsək, iki həftə sonra bu rəqəmlər dəyişə bilər - Şahmar Mövsümov

BAKI, 8 avqust — Sputnik. “İki həftədir, tədrislə bağlı məsələ müzakirə edilir. Bütün dünya ölkələrinin təcrübəsi öyrənilir”.

Sputnik Azərbaycan bildirir ki, bunu Nazirlər Kabineti yanında Operativ qərargahın birifinqində Azərbaycan Respublikası Prezidentinin köməkçisi – Azərbaycan Respublikası Prezidentinin Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov deyib.

Onun sözlərinə görə, problem odur ki, vəziyyət çox dinamikdir: “Bu gün əlimizdə olan rəqəmlər əsasında hansısa qərar qəbul etsək, iki həftə sonra bu rəqəmlər dəyişə bilər. Növbəti brifinq tədris məsələlərinə həsr olunacaq. Bu zaman tədrislə bağlı bütün suallara aydınlıq gətiriləcək”.

156
Əlaqədar
Hər kəs oxuyacaq - Nazirlik yeni tədris ili məsələsinə aydınlıq gətirdi
Müəllimlərin işə qəbulu ilə bağlı qərar verildi
Qəbul imtahanları başlayır: 13 və 14 avqusta təyin olunub
Yeni modelə keçidin başlanğıcı: Azərbaycanda pandemiya dövründə təhsil inqilabı
Koronavirus testi, arxiv şəkli

Azərbaycanda son sutkada cəmi 105 nəfərdə COVID-19 aşkarlandı

4
Son sutka ərzində yeni yoluxma hallarının müəyyənləşdirilməsi ilə əlaqədar 6457, ötən müddət ərzində isə ümumilikdə 779 508 test aparılıb

BAKI, 8 avqust — Sputnik. Azərbaycan Respublikasında koronavirus (COVID-19) infeksiyasına 105 yeni yoluxma faktı qeydə alınıb, 360 nəfər müalicə olunaraq sağalıb və evə buraxılıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, COVID-19 üçün götürülən analiz nümunələri müsbət çıxmış 5 nəfər vəfat edib.

İndiyədək ölkədə ümumilikdə 33 481 nəfərin koronavirus infeksiyasına yoluxması faktı müəyyən edilib, onlardan 30 056 nəfər müalicə olunaraq sağalıb, 488 nəfər vəfat edib, aktiv xəstə sayı 2937 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 6457, ötən müddət ərzində isə ümumilikdə 779 508 test aparılıb.

4
Teqlər:
Azərbaycan, Koronavirus, COVID-19
Mövzu:
Azərbaycanda koronavirus: son xəbərlər
Əlaqədar
Bizimkilər qərar verərkən bu rəqəmlərə mütləq baxırlar
Yoluxmanın artmasından ən çox həkimlər yorulublar
"Alovlanma başlasa, yenidən bağlanmalara məcbur olacağıq" - Şahmar Mövsümov
Koronavirusa yoluxan məhbusların hamısı sağalıb - Ədliyyə Nazirliyi
O gün yetişir! Rusiyada ilk koronavirus peyvəndi qeydiyyatdan keçəcək