Müəllim

Repetitorlar qiymətləri qaldıracaqlar

609
(Yenilənib 14:04 14.12.2016)
Bakı Şəhəri üzrə Təhsil İdarəsinin təklifi ekspertlər tərəfindən müsbət qarşılanır

BAKI, 14 dek — Sputnik. ""Təhsil haqqında" qanuna görə, orta məktəblər potensialından istifadə edərək müəyyən gəlir əldə edə bilər. Yəni, məktəbdə fəaliyyət göstərən müəllimlərin elmi-pedaqoji bacarıqlarından, məktəbin yerləşdiyi strateji mövqedən asılı olaraq müəyyən tədbirlərin keçirilməsindən gəlirlər əldə edə bilərlər".

Kamran Əsədov, təhsil üzrə ekspert
© Photo : APA
Kamran Əsədov, təhsil üzrə ekspert

Sputnik-ə açıqlamasında, təhsil eksperti Kamran Əsədov belə deyib. Bununla belə, onun sözlərinə görə, ümumilikdə Təhsil və Vergilər nazirlikləri repetitorluğa qarşı qeyri-rəsmi formada mübarizə aparır: "Yəni, bütün rəhbər təhsil orqanları hesab edirdi ki, repetitorluq təhsilə mane olur. Bu gün Azərbaycan təhsili məhv olmadığına görə, Təhsil Nazirliyi və aidiyyəti dövlət qurumları repetitorlara minnətdar olmalıdır".

"İstedadlı və yaxud da dərsinə zəif hazırlaşan uşaqlar dərsdən sonra məşğələlər ilə həmin fənni öyrənməlidirlər. Bu gün Azərbaycanda 4400-dən çox orta məktəb var. Bunun 310-u Bakı şəhərində yerləşir. Bu məktəb direktorlarının 80-90 faizi həmin dərsdənkənar məşğələləri ya özlərinin dərs saatına, ya da ona yaxın olan bu və ya digər formada müəllimlərin dərs saatına yazırlar. Həmin məşğələlər boş keçir", — ekspert bildirib.

Əsədov, hazırda Azərbaycanda 170 mindən çox müəllimin orta məktəblərdə çalışdığın, amma tanınmış, perspektivli repetitorların orta məktəblərdə dərs demədiyini qeyd edib: "Hazırda yüzlərlə repetitor orta məktəblərdən kənarda işləyir və nəticələri də yüksəkdir. Perspektivli müəllimləri orta məktəblərə cəlb etməkdən ötrü, Bakı Şəhəri üzrə Təhsil İdarəsi məcbur qalıb, onlarla müqavilə bağlanmasını istəyir".

"Repetitor təhsilə mane olmur, amma şagirdlərdə, abituriyentlərdə bir çox keyfiyyətlərin məhvinə gətirib çıxardır. Yəni, ali məktəblərə qəbul test yolu ilədir. Repetitor yanında, yalnız müəyyən mövzuların əzbərlənməsi ilə tədris başa çatır. Orta məktəbin funksiyası heç də ali məktəbə uşaq hazırlamaq deyil. Biz bu yolla repetitorları məktəbə cəlb etməklə şagirdlərin oxuma, yazma, məntiqi düşünmə kimi qabiliyyətlərini itirmiş olacağıq. Onlar yalnız əzbərçilik əsasında formalaşmış tədris üzərində öz proseslərini quracaqlar. Nəticə etibarı ilə bunun hər hansı bir mənfi tərəfi yoxdur", — mütəxəssis vurğulayıb.

O, bu gün repetitorların 90 faizinin vergi ödəmədiyini bildirib: "Çünki, bunun həm də mexanizmi hazırlanmayıb. Burada gəlirlərin bölüşdürülməsi məsələsində ciddi narazılıq yaranacaq. Repetitorlar məktəbə cəlb olunduqdan sonra şagirdlər məktəbdən yayınmayacaqlar. Onsuz da hazırda Bakıda və regionlarda bir çox orta məktəb binaları direktorlar tərəfindən rəsmi və yaxud da qeyri-rəsmi formada repetitor müəllimlərə, hazırlıq kurslarına müəyyən kirayə haqqı müqabilində verilib. Ümumilikdə isə orta məktəb ilə repetitorun funksiyası heç də üst-üstə düşmür. Burada yenə də müəyyən boşluqlar yaranacaq".

Ekspertə görə, yaxşı olardı ki, orta məktəbdə diaqnostik qiymətləndirmədən zəif nəticə göstərmiş müəllimlərin üzərində ciddi işlənilsin, direktorlarla iş aparılsın: "Bu, təhsilə daha çox fayda verəcək. Ümumilikdə repetitorların məktəbə cəlbini müsbət addım hesab edirəm, amma yaxşı olardı ki, təhsil üzrə mütəxəssisləri cəlb etməklə bu, həyata keçirilsin".

"Müqavilədə repetitor olaraq məktəblərə cəlb ediləcək müəllimlər heç də ştatlı müəllim olmayacaqlar. Onlarla saat hesabı və yaxud da əvəzedici müəllim kimi müqavilə bağlanacaq. Dərsdənkənar məşğələ saatlarını yalnız həmin müəllimlər tədris edəcək. Hətta bir çox repetitorlar AMEA-da və bu tipli yerlərdə çalışırlar. Onlar üçün əlavə olaraq məktəblərə getmək əhəmiyyətsizdir. Yəni, böyük bir qazanc deyil. Repetitor bu sahə ilə niyə məşğul olur? İşlədiyi sahədə aldığı əmək haqqı onun ehtiyaclarını ödəmir. Əlavə gəlir mənbəyi kimi bununla məşğul olur", — Əsədov əlavə edib.

Onun fikrincə, repetitor ona görə məktəblə müqavilə bağlamağa, əməkdaşlıq etməyə maraqlı olacaq ki, məktəb rəhbərliyi onları şagirdlərlə təmin edəcək: "Yəni, repetitorun hər hansı bir reklama, sosial çarxa ehtiyacı olmayacaq. Məktəb repetitoru şagirdlə təmin edəcək. Bu da bir tərəfdən şagirdlərin hüquqlarının tapdalanmasıdır. Bu, müəyyən qədər yenə də narazılıqlar yaradacaq. Bu vasitə ilə məktəblə əməkdaşlıq edən müəllim daha çox şagird cəlb etməyə nail olacaq, nəinki ayrıca çalışan müəllim. Burada qazanan yenə də repetitor olacaq. Amma inanmıram ki, təhsildə inkişafa gətirib çıxartsın".

Təhsil eksperti Məlahət Mürşüdlü də müqavilənin bağlanmasını müsbət addım hesab edir. "Bununla bağlı Bakı Şəhəri üzrə Təhsil İdarəsi tərəfindən ciddi nəzarət mexanizmi işlənib hazırlanmalıdır. Yəni, mexanizmin necə həyata keçirilməsi, bu məbləğlərin haraya xərclənməsi (məktəbin hesabınamı köçürüləcək, müəllimin əmək haqqınamı və s.) detallı şəkildə işlənib hazırlanmalıdır ki, sonra mənfi hallar olmasın", — o, Sputnik-ə açıqlamasında bildirib.

Məlahət Mürşüdlü, təhsil eksperti
© Photo : musavat.com
Məlahət Mürşüdlü, təhsil eksperti

Ekspertə görə, burada müəllimlər birbaşa vergi ödəyicisi olmaq hüquqlarına da malik olurlar: "Yəni, müqavilə varsa, vergi də ödəyəcəklər. Bu, repetitorların fəaliyyətinə keyfiyyət baxımından mənfi təsir etməyəcək. Ancaq bu halda ödənişlərin məbləği artırıla bilər. 50 manat 70 manat, 70 manat 100 manat, 100 manat 150 manat olacaq və s. Fərqli bölgələrdə fərqli qiymətlər var. Bu, qiymətlərdə artım olacaq. Müqavilələrin bağlanması müsbət addımdır".

Qeyd edək ki, Bakıda repetitorluq edən müəllimlərlə məktəb arasında fəaliyyət müqavilələrinin imzalanması nəzərdə tutulur. Bu barədə Bakı Şəhəri üzrə Təhsil İdarəsinin müdiri Məhəbbət Vəliyeva məlumat verib.

O bildirib ki, bu ilin iyul ayında Nazirlər Kabineti məktəblərdə hüquqi və fiziki şəxslərlə birgə fəaliyyət müqavilələrinin bağlanmasına dair qərar verib: "Qərara əsasən, təhsil idarəsi hər hansı fiziki və hüququ şəxslə və üçüncü tərəf olaraq məktəblə birgə fəaliyyət haqqında müqavilə imzalayır. Bu müqavilə çərçivəsində təhsil sisteminə uyğun olan fəaliyyətlərin həyata keçirilməsinə icazə verilir".

"Repetitorluqla məşğul olan müəllimlərin məsələsinə gəlincə, bununla bağlı konkret məqsəd qarşıya qoyulmayıb. Amma yaxın gələcəkdə müəllimlərlə də birgə fəaliyyət müqavilələrin imzalanması nəzərdə tutulur", — Vəliyeva qeyd edib.

609
Teqlər:
Məhəbbət Vəliyeva, Bakı Şəhəri üzrə Təhsil İdarəsi, ekspert, Məlahət Mürşüdlü, məktəb, Kamran Əsədov, Təhsil Nazirliyi, müqavilə, dərs, repetitor, müəllim, təhsil
Əlaqədar
Deputat: Müğənnilər də, repetitorlar da vergiyə cəlb olunmalıdır
"Müəllim və həkimlərin maaşları artırılsın!"
Müəllimlərin əmək haqlarının gecikməsinin səbəbi bəlli oldu
Müəllim və tələbələrə 41 min manat qrant verildi
Dövlət müəllimi necə həvəsləndirir - bizdə və onlarda
Müəllimlərin işə qəbulunu yerli təhsil şöbələri həyata keçirə bilər

Nazirlik dərslərin dayandırılması ilə bağlı xəbərə aydınlıq gətirdi

36
Təhsil Nazirliyinin İctimaiyyətlə əlaqələr sektorunun müdiri Cəsarət Valehov illəri qarışdırmamağı tövsiyə edib

BAKI, 2 mart — Sputnik. "Hazırda ümumtəhsil müəssisələrində dərslər öz qaydasında davam edir". Sputnik Azərbaycan-ın məlumatına görə, bunu Təhsil Nazirliyinin İctimaiyyətlə əlaqələr sektorunun müdiri Cəsarət Valehov deyib.

"Xahiş olunur ki, ötənilki məlumatı bu ilə uyğunlaşdırmayasınız. Tədris pandemiya səbəbindən ilk dəfə olaraq 3-9 mart 2020-ci ildə dayandırılmışdı. Bu il isə 2021-ci ildir, dərslərimiz də öz qaydasında davam edir".

36
Teqlər:
məktəb, bağlanma, karantin, dərs, Təhsil Nazirliyi
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar

Mars səthində nəhəng burulğanlar - VİDEO

27
(Yenilənib 00:20 28.02.2021)
Marsın cənub yarımkürəsindəki kraterin dibində hərəkət edən burulğanlardan birinin sürəti saniyədə 4, digərinin isə saniyədə 8 metrdir

BAKI, 28 fevral - Sputnik. ExoMars-2016 missiyasının Trace Gas Orbiter Rusiya-Avropa kosmik aparatı Mars planetinin səthində nəhəng burulğanların şəklini çəkib. 

Sputnik Azərbaycan bildirir ki, şəkilləri "Roskosmos" paylaşıb.

"Nəhəng toz burulğanları Mars səthində daimi hadisədir. 2021-ci il fevralın 27-də Trace Gas Orbiter aparatındakı CaSSIS kamerası ilə 45 saniyə fərqlə çəkilmiş bu iki şəkildə iki hərəkət edən burulğan görünür", - dövlət şirkətinin saytında deyilir.

Məlumat verilir ki, parlaq ləkələr Marsın cənub yarımkürəsində, 70 kilometrik kraterin dibi ilə hərəkət edərək özlərindən sonra tünd rəngli zolaqlar buraxır. İki toz sütununun hərəkət edən kölgəsi də görünür. Burulğanlardan birinin sürəti saniyədə 4, digərinin isə saniyədə 8 metrdir. 

Marsdakı burulğanların hündürlüyü 8 kilometrə çata bilər. Onlar özlərindən sonra onlarla, yüzlərlə kilometr enində izlər qoya bilir. Qırmızı planetin burulğanlarının öyrənilməsi son dərəcə vacib hesab olunur. Çünki bu, onların zaman keçdikcə planetin iqliminə necə təsir etdiyini anlamağa kömək edər.

27
Teqlər:
burulğan, toz, planet, Mars
Erməni pasportu

Doğulduğu yer - Azərbaycan? Qarabağ ermənisinin pasportu Ermənistanda qalmaqal yaradıb

374
(Yenilənib 00:01 03.03.2021)
"Azərbaycan SSR deyil, DQR deyil, sadəcə Azərbaycan. İndi dostum deyir ki, nəhayət xəyal etdiyim vətəndaşlıq aldım və məlum oldu ki, mən Azərbaycandanam" - Arsen Karapetyan.

BAKI, 2 mart - Sputnik. Qarabağda doğulan Ermənistan vətəndaşlarının yeni pasportlarında doğum yeri hissəsinə “Azərbaycan” yazılmağa başlanılıb.

Sputnik Ermənistan xəbər verir ki, bu barədə Yerevan Ağsaqqallar Şurasının “Mənim addımım” fraksiyasından olan keçmiş üzvü, memar Arsen Karapetyan öz Facebook hesabında yazıb. 

Karapetyan qeyd edib ki, dostu 80-ci illərin ortalarında Ağdərədə (Mardakertdə) anadan olub. Daha sonra isə Rusiyada yaşayıb və hazırda Ermənistan vətəndaşlığı almaq üçün müraciət edib. Onun pasportunda doğum yeri kimi isə Azərbaycan göstərilib.

"Azərbaycan SSR deyil, DQR deyil, sadəcə Azərbaycan. İndi dostum deyir ki, nəhayət xəyal etdiyim vətəndaşlıq aldım və məlum oldu ki, mən Azərbaycandanam. Nədir bu?", - deyə Karapetyan sosial şəbəkədə yazıb.

Məsələ ilə bağlı Ermənistan polisinin pasport və viza şöbəsinin rəis müavini Məryəm Gevorkyan açıqlama verib.

"Bu vətəndaş Sovet İttifaqı dövründə anadan olub, Azərbaycan SSR-də anadan olub. Ermənistan Respublikasının pasportu səyahət sənədidir, beynəlxalq standartlara uyğundur, ona görə keçmiş SSRİ ölkələri üçün kodlar yoxdur. Başqa sözlə, əgər bir insan keçmiş SSRİ-nin bir ölkəsində anadan olubsa, onun doğulduğu yer pasporta ölkənin indiki adı ilə qeyd olunur, yəni Gürcüstan SSRİ deyil, Gürcüstan", - deyə Məryəm Gevorkyan bildirib.

O əlavə edib ki, "bu, köhnə təcrübədir". 

Qeyd edək ki, Arsen Karapetyan şərh bölümündə dostunun doğulduğu yerin "Azərbaycan SSR" kimi göstərildiyi Rusiya pasportunu da yerləşdirib. 

374