Həkimlər, arxiv şəkli

"Müəllim həkimlərin maaşları artırılsın!"

4211
Millət vəkili: "Pensiyaları da, ən azı iki dəfə artırmaq lazımdır"

BAKI, 2 dek — Sputnik. "QHT-lərin xaricdən qrant alması sadələşdirilməli, bütün məhdudiyyətlər aradan qaldırılmalıdır". 

Qüdrət Həsənquliyev
© Photo : APA
Qüdrət Həsənquliyev

Sputnik xəbər verir ki, bunu millət vəkili Qüdrət Həsənquliyev, parlamentdə büdcə müzakirələri zamanı deyib. O bildirib ki, bu, həm ölkənin siyasi imicini yüksəldər, həm də o sektorda çalışan xeyli insan xaricdən alınan qrantlar hesabına normal həyatını qura bilər.

Q. Həsənquliyev müəllimlərin və həkimlərin əməkhaqqının artırılmasını da təklif edib: "Pensiyaları da, ən azı iki dəfə artırmaq lazımdır".

Millət vəkili onu da bildirib ki, "Azərsu", "Azəriqaz", "Azərişıq" və "Azəristiliktəchizat"ın özəlləşdirilməsinin zamanı çoxdan çatıb: "Orada xərclər həddindən artıq yuxarıdır".

4211
Teqlər:
müəllim, büdcə, parlament, millət vəkili, deputat, qrant, həkim, QHT, Qüdrət Həsənquliyev
Mövzu:
Büdcə müzakirələri (21)
Əlaqədar
Keçmiş SSRİ ölkələrində minimum əmək haqqı nə qədərdir?
250 manatdak maaş alan şəxslərin əmək haqqından vergi tutulmayacaq
Türkiyədə teatr aktyoru 3000 manatadək maaş alır
Nazirlərin maaşları kəsildi
Prezidentin bərbəri özündən 5 min avro az maaş alır
Məktəbdə müəllim, arxiv şəkli

Dərslər başladı, müəllimlərin seçimi bitmədi

279
(Yenilənib 20:51 22.09.2021)
Cari vakansiya seçimlərində müsabiqənin test imtahanı mərhələsində 30 və daha yüksək bal toplamış namizədlər iştirak edə biləcəklər.

 

BAKI, 22 sentyabr — Sputnik. Bu gündən ümumi təhsil müəssisələrinə müddətli müqavilə ilə müəllimlərin işə qəbulu üçün növbəti vakansiya seçimlərinə (ibtidai sinif istisna olmaqla) başlanılır.

Təhsil Nazirliyindən Sputnik Azərbaycan-a verilən məlumata görə, vakansiya seçimlərinə bu gün saat 11:00-da start verilib və seçim 24 sentyabr saat 10:59-da başa çatacaq. Qeyd olunan müddət ərzində namizədlər şəxsi səhifələrinə daxil olaraq 4 vakant yer seçimi edə bilərlər. Cari vakansiya seçimlərində müsabiqənin test imtahanı mərhələsində 30 və daha yüksək bal toplamış namizədlər iştirak edə biləcəklər.

Vakant yer tutduqdan sonra imtina edən namizədlərin növbəti turlarda iştirakı təmin olunmayacaq. Eyni zamanda tutulmayan, tədris ili ərzində yeni yaranan vakant yerlərə isə namizədlərin imtahan nəticəsi və faktiki yaşayış yeri nəzərə alınmaqla əlavə yerləşdirmə həyata keçiriləcək.

Eləcə də oxuyun:

279
Teqlər:
müəllim, vakansiya, seçim

NK məktəblə bağlı bir neçə qadağanı ləğv elədi: biri distant təhsil tələbidir

679
(Yenilənib 00:24 23.09.2021)
Həmçinin təhsil müəssisəsində növbəli iş rejimi tələbi, dərslərin növbəli qaydada həyata keçirilməsi və davametmə müddətinə qoyulan məhdudiyyətlər də ləğv edilir.

BAKI, 22 sentyabr - Sputnik. Azərbaycanda distant təhsil tələbi ləğv edilir və əyani təhsilə keçid müəyən edilir.

Sputnik Azərbaycan bildirir ki, bu barədə Nazirlər Kabinetinin "Xüsusi karantin rejimi dövründə Azərbaycan Respublikasında fəaliyyət göstərən təhsil müəssisələrində tədris və təlim-tərbiyə prosesinin təşkilinin müvəqqəti Qaydaları”nda etdiyi dəyişikliklərə verdiyi izahatında qeyd olunub.

Bildirilir ki, “Azərbaycan Respublikasında fəaliyyət göstərən təhsil müəssisələrində 2021/2022-ci tədris ilində tədris və təlim-tərbiyə prosesinin təşkili ilə bağlı bəzi məsələlər haqqında” Azərbaycan Respublikası Nazirlər Kabinetinin Qərarına əsasən Azərbaycan Respublikasında fəaliyyət göstərən bütün təhsil müəssisələrində təhsilin pillələri və səviyyələri üzrə 2021-2022-ci tədris ilində tədris və təlim-tərbiyə prosesinin əyani formada təşkil edilməsi nəzərdə tutulmuşdur.

Azərbaycan Respublikası Nazirlər Kabinetinin “Xüsusi karantin rejiminin müddətinin uzadılması və bəzi məhdudiyyətlərin aradan qaldırılması ilə bağlı tədbirlər barədə” Qərarına əsasən mülkiyyət formasından asılı olmayaraq bütün elm və təhsil müəssisələrinin işçilərinin (əmək və ya mülki müqavilələrlə işləməsindən asılı olmayaraq) azı 80 faizinin COVID-19-a qarşı birinci doza, 1 oktyabr tarixindən etibarən isə ikinci doza peyvənd olunması və ya COVID-19-a qarşı immunitet sertifikatının olması tələb edilir. Qeyd olunan normativ hüquqi aktların tələblərini nəzərə almaqla Azərbaycan Respublikası Nazirlər Kabinetinin “Xüsusi karantin rejimi dövründə Azərbaycan Respublikasında fəaliyyət göstərən təhsil müəssisələrində tədris və təlim-tərbiyə prosesinin təşkilinin müvəqqəti Qaydaları”nın təsdiq ediməsi barədə” Qərarında dəyişiklik edilməsi zərurəti yaranmışdır.

Eyni zamanda təhsil müəssisələrində tədris və təlim-tərbiyə prosesinin əyani formada təşkil ediləcəyini nəzərə alaraq, təhsil müəssisələrində olan yeməkxanaların (bufetlərin), idman zallarının, kitabxanaların, yataqxanaların müəyyən tələblər (istifadəçi sayının məhdudlaşdırılması, sosial məsafənin gözlənilməsi və s.) nəzərə alınmaqla fəaliyyət göstərməsi zəruridir.

Qərara əsasən:       

Distant təhsil tələbi ləğv edilir və əyani təhsilə keçid müəyən edilir;
Təhsil alanların dərslərdə əyani iştirakının könüllülük prinsipi əsasında olması ləğv edilir;
Təhsil müəssisəsində növbəli iş rejimi tələbi ləğv edilir;
Dərslərin növbəli qaydada həyata keçirilməsi və davametmə müddətinə qoyulan məhdudiyyətlər ləğv edilir;
Dezinfeksiya işlərinin aparılması üçün 60 dəqiqəlik fasilə tələbi ləğv edilir;
Təhsil müəssisələrinin işçilərinin azı 80 faizinin COVID-19 pasportunun (COVID-19-a qarşı peyvənd sertifikatı və ya COVID-19-a qarşı immunitet sertifikatı) olması tələb müəyyən edilir (digər qərarlarda müəyyən olunub). Bu tələbin təhsil alanların sayı 200 nəfərdən az olan təhsil müəssisələrinə şamil edilmədiyi qeyd edilir;
Ali və orta-ixtisas təhsili müəssisəsində təhsil alan yaşı 18-dən yuxarı olan bütün şəxslərin COVID-19 pasportunun (COVID-19-a qarşı peyvənd sertifikatı və ya COVID-19-a qarşı immunitet sertifikatı) olması tələbi müəyyən edilir. (digər qərarlarda müəyyən olunub);
65 yaşdan yuxarı olan təhsilverənlərin və texniki heyətin işə cəlb edilməsinə qoyulan qadağa aradan qaldırılır;
Dərslərarası fasilələr üçün müəyyən edilmiş 10 dəqiqəlik müddət ləğv edilir;
Tədris otaqlarında hər parta arxasında yalnız bir təhsil alanın oturması tələbi ləğv edilir;
Ali və orta ixtisas təhsili müəssisələrində sinif otaqlarından (auditoriyalardan) eyni vaxtda mövcud yerlərin 70 faizindən çox olmamaqla istifadə edilməsi tələbi müəyyən edilir;
Təhsil müəssisələrində yeməkxanaların (bufetlərin), idman və akt zallarının, kitabxana və hovuzun fəaliyyətinə qoyulan qadağa ləğv edilir. 

Eləcə də oxuyun:

Bu gündən məktəblərdə əyani dərslər başlayır

Güllələr də susarmış... Artıq Tərtər məktəblərinin pəncərələrini atəş səsləri silkələmir

Qazaxlı birincinin məktəb sevinci

Paytaxt məktəbində ilk zəng - REPORTAJ

679
Aytən Səfərova, arxiv şəkli

Tanınmış aparıcı etiraz etdi: "Bir uşağı bütün nəsil yola salmağa gəlib"

0
Aparıcı özünün də məktəbə getməsini tənqid edənlərə: "Ağzigöyçəklər üçün məlumat: mən və kadrda gördüyünüz valideynlər ən axırda daxil olduq qapıdan. Bir dəqiqə keçmədi, hamımızı çıxartdılar", - cavabını verib.

BAKI, 23 sentyabr — Sputnik. Aparıcı Aytən Səfərova məktəblərdəki sıxlıqdan gileylənib.

Sputnik Azərbaycan xəbər verir ki, övladı Raulu birinci sinfə yollayan aparıcı məktəbə gələn valideynləri tənqid edib. "Təsəvvür edin, valideynlər şikayət edirlər. Bir uşağı qapıdan 8 nəfər yola salır. Heç bir müəllim qınanılası deyil. Sonra deyirlər, izdihamda dayanıb gözləyirik. Bir uşağı bütün nəsil yola salmağa gəlib", - deyə Səfərova bildirib.

Aparıcı özünün də məktəbə getməsini tənqid edənlərə: "Ağzigöyçəklər üçün məlumat: mən və kadrda gördüyünüz valideynlər ən axırda daxil olduq qapıdan. Bir dəqiqə keçmədi, hamımızı çıxartdılar" , -cavabını verib.

Məlumat üçün bildirək ki, Səfərova 1998-ci ilin aprel ayından etibarən ANS ÇM radiosunda fəaliyyətə başlayıb. Əvvəlcə radioda xəbər buraxılışlarının və "İsti-İsti" verilişinin aparıcısı, daha sonra ANS TV-də "Pressing", "İç xəbər" və "Xəbərçi" verilişlərinin prodüseri, "İç xəbər", "Kökaltı", "Salam, Azərbaycan" verilişinin müxbiri və aparıcısı, "Xəbərçi" verilişinin aparıcısı, prodüseri, Baş aparıcı-redaktoru vəzifələrində çalışıb. 2015-ci il sentyabrın 1-də A.Səfərova ANS TV-dən ayrılıb. Elə həmin vaxt da "Azad Azərbaycan" telekanalından təklifi qəbul edərək bu teleşirkətlə əməkdaşlığa başlayıb.

0