Çində tapılan cəsəd

Çində tapılan 500 illik cəsəd görənləri şoka saldı

5024
Arxeoloqlar qazıntılar zamanı cəsədin tapıldığı qəbirdən həmçinin iki yorğan, bir yastıq və 20-yə qədər ipək paltar da çıxarıb.

BAKI, 31 okt-Sputnik. Çinin Hubey əyalətində, saçları, qaşı və üzünün şəkli pozulmamış 500 illik qadın cəsədi tapılıb.

Çin Kommunist Partiyasının (ÇKP) rəsmi nəşri olan Global Times qəzetinin Çin dilində yayılan xəbərinə görə, Hubey əyalətinin Şışou şəhərində 500 illik cəsədin tapıldığı bildirilib. 

Xəbərə görə, Min Xanədanlığı dövrünə aid qəbirdə cəsədin saçı, qaşı, dişləri, üz quruluşu olduğu kimi görünüb. 

Arxeoloqlar qazıntılar zamanı cəsədin tapıldığı qəbirdən həmçinin iki yorğan, bir yastıq və 20-yə qədər ipək paltar da çıxarıb. 

Şışou Müzey və Mədəniyyət İdarəsinin müdir müavini Ping Tao deyib ki, çıxarılan qadın cəsədinin saç və dişlərindən götürülmüş nümunələr əsasında aparılmış testin nəticələrinə görə, onun 60 yaşında olduğunu müəyyənləşdirib.  O, cəsədin əynindəki ipək geyimlərin onun xarab olmasını qarşısını aldığını qeyd edib. 

Ping, qəbirdə hər hansı bir yazılı ifadəyə rast gəlmədiklərini, qadının şəxsiyyətinə dair heç bir məlumat əldə edə bilmədiklərini deyib. 

Pingin sözlərinə görə, cəsədin geyim və bahalı zinət əşyaları ilə birlikdə dəfn edilməsi Min Xanədanlığı dövründə geniş yayılmış adət olub. 

Ping cəsədin şəxsiyyətinin müəyyənləşdirilməsi istiqamətində işlərin davam etdirildiyini bildirib. 

5024
Teqlər:
ipək geyim, qadın cəsədi, qəbir, Şışou Müzey və Mədəniyyət İdarəsi, Min Xanədanlığı, Çin Kommunist Partiyası, Global Times qəzeti, Ping Tao, Çinin Hubey əyaləti, Çin

Həftənin sonunadək üç nəhəng asteroid "qonağımızdır"

10
(Yenilənib 20:27 26.01.2021)
Bu gün 2021 AL və 2021 BD3 asteroidləri də planetimizin yanından ötüb. Onlarla aramızdakı məsafə Yerdən Ayadək olan məsafənin 10 qatına bərabər olub.

BAKI, 26 yanvar - Sputnik. Bir neçə asteroid bu həftənin sonunadək Yerin yanından keçəcək. 

Sputnik Azərbaycan bildirir ki, bu barədə NASA-nın Yerətrafı Obyektlərin Öyrənilməsi Mərkəzi məlumat yayıb. 

Məlumata görə, yanvarın 28-də Yerdən Ayadək olan məsafənin 5,5 qatı qədər uzaqlıqdan (təxminən 2,2 milyon km) 2021 BZ asteroidi keçəcək. Onun ölçüsü 29-65 metr arası təxmin edilir. O, Bakı vaxtı ilə təxminən 8:12-də Yerə ən yaxın məsafədən keçəcək. 

Bir qədər iri (47-110 m) 2021 AG7 asteroidi isə cümə günü "qonağımızdır". Onun Yerə ən yaxın məsafədən Bakı vaxtı ilə 12:50-də keçəcəyi təxmin edilir. Bu məsafə planetimizdən Ayadək olan məsafədən 11 dəfə çoxdur. Cümə günü axşam üçüncü bir asteroid - 2021 AF7 - daha da uzaq məsafədən keçəcək. Onun ölçülərinin 24-53 m olduğu təxmin edilir. 

Qeyd edək ki, bu gün 2021 AL2021 BD3 asteroidləri də planetimizin yanından ötüb. Onlarla aramızdakı məsafə Yerdən Ayadək olan məsafənin 10 qatına bərabər olub. Təxminən 67 m böyüklükdə olan asteroid Yerin yaxınlığından  5:01-də, balaca asteroid (19-43 m ölçüdə) isə 13:58-də keçib. 

10
Teqlər:
Yer, asteroid
Azərbaycanda koronavirus infeksiyasına qarşı vaksinasiya

Vaksinasiya məcburi olmayacaq - Nazirlik

23
(Yenilənib 16:26 26.01.2021)
Nazirliyin qurum rəhbəri Facebook hesabında bildirib ki, vaksinasiyada heç bir məcburetmə halı olmayacaq

BAKI, 26 yanvar — Sputnik. "İlkin olaraq yaşı 50-dən yuxarı olan müəllimlərin vaksinasiya olunması tövsiyə edilir".

Sputnik Azərbaycan-ın məlumatına görə, bu barədə Təhsil Nazirliyinin İctimaiyyətlə əlaqələr sektorunun müdiri Cəsarət Valehov "Facebook"da yazıb.

O qeyd edib ki, Bakı, Abşeron və Sumqayıtda 16 min 698, bölgələrdə isə 32 min 657 müəllimin yaşı 50-dən yuxarıdır, müəllimlərin vaksinasiyasında heç bir məcburetmə halı olmayacaq.

23
Teqlər:
Azərbaycan, vaksinasiya, müəllimlər, Koronavirus, COVID-19
Mövzu:
Azərbaycanda COVID-19 əleyhinə vaksinasiya
Aleksey Navalnıy, arxiv şəkli

G7 ölkələrinin Navalnı tələbi

0
G7 ölkələrinin - Kanada, Fransa, Almaniya, İtaliya, Yaponiya, Böyük Britaniya və ABŞ-ın xarici işlər nazirləri Aleksey Navalnının dərhal azad edilməsini tələb ediblər

BAKI, 26 yanvar - Sputnik. G7 ölkələri Rusiya hökumətini bloger Aleksey Navalnını həbsdən azad etməyə çağırıb.

Sputnik Azərbaycan bu barədə RİA Novosti-yə istinadən məlumat verir. 

"Biz, Kanada, Fransa, Almaniya, İtaliya, Yaponiya, Böyük Britaniya və ABŞ-ın xarici işlər nazirləri, eləcə də AB-nin yüksək statuslu nümayəndəsi, Aleksey Navalnının saxlanılmasını və siyasi motivli həbsini qətiyyətlə pisləyirik", - nazirlərin bəyanatında deyilir.

"Biz həmçinin minlərlə dinc nümayişçinin və jurnalistlərin saxlanılmasından da narahatıq və Rusiyanı özünün beynəlxalq və daxili öhdəliklərini yerinə yetirməyə, yanvarın 23-də özlərinin sərbəst toplaşma hüququnu reallaşdırmağa cəhd etdiklərinə görə saxlanılanları azad etməyə çağırırıq. Vətəndaşların öz rəylərini ifadə etmək hüuququnu polislər vasitəsilə, güc yoluyla dəf etmək qəbuledilməzdir", - bəyanatda yazılıb.

Nazirlər həmçinin bildiriblər ki, Avropa İnsan Haqları Məhkəməsi Navalnının tutulmasına rəvac verən məhkəmə qərarını da dəstəkləməyib. 

"Rusiya hökumətini qeyri-şərtsiz və dərhal cənab Navalnını azad etməyə çağırırıq... Biz cənab Navalnının, etirazçıların və jurnalistlərin həbsdən azad olunmaları barədə beynəlxalq çağırışlara Rusiyanın necə reaksiya verəcəyini, eləcə də cənab Navalnının zəhərlənməsinə görə cinayət işinin necə araşdırılacağını nəzarətdə saxlayacağıq", - nazirlər bildiriblər. 

Qeyd edək ki, yanvarın 23-də Rusiyanın müxtəlif şəhərlərində razılaşdırılmamış etiraz aksiyaları keçirilib. İnsanları mitinqlərə Navalnının tərəfdarları səsləyiblər. Saxlanılanlara hökumət nümayəndələrinə qarşı zorakılıq, yolların bağlanması, xuliqanlıq və sanitariya qaydalarının pozulmasına görə bir neçə cinayət işi açılıb. 

Aleksey Navalnı isə yanvarın 17-də Şeremetyevo aeroportunda həbs olunub. Həmin gün o, uzun müddət Almaniyada zəhərlənmədən müalicə aldıqdan sonra vətəninə qayıtmışdı.

0
Teqlər:
Rusiya, azadlıq, tələb, nazirlər, G7, Aleksey Navalni