Uşaq bağçası

Təhsil Nazirliyi 300-dən artıq uşaq bağçasını satıb

612
(Yenilənib 17:21 13.10.2016)
Ekspert: "Dövlət bu qədər yeni bağça aça bilmirsə, imkansız ailələrin övladlarını öz hesabına özəl bağçalara yerləşdirməlidir"

BAKI, 13 okt — Sputnik. Azərbaycanda dövlət uşaq bağçalarının çatışmazlığı ciddi problemə çevrilib. Bəzi valideynlər maddi imkansızlıqdan uşaqlarını özəl bağçalara qoya bilmirlər. Ayrıca, işləyən valideyn üçün bağça əvəzedilməzdir.

Nadir İsrafilov
© Sputnik / Murad Orujov
Nadir İsrafilov

Artıq neçənci dəfədir ki, Sputnik-in redaksiyasına bu problemlə bağlı məktublar daxil olur. Ötən günlərdə redaksiyamıza müraciət edən paytaxt sakini Rövşən Hüseynov bildirir ki, yaşadığı ərazidə övladını qəbul edən bağça yoxdur: "Neçə bağçaya müraciət etmişəm. Hamısından eyni cavabı almışam — "yerimiz yoxdur". Amma "əl altından" uşaq qəbul etdiklərini də eşitmişəm".

Problemi Sputnik-ə şərh edən təhsil eksperti Nadir İsrafilovun sözlərinə görə, bağça çatışmazlığı bu gün ölkənin təhsil sahəsində ən böyük problemlərdən birinə çevrilib: "Hal-hazırda Azərbaycanda məktəbəqədər təhsil, yəni bağçalar böyük problemdir. SSRİ dövründə uşaq bağçalarında kifayət qədər olmasa da, əhalinin tələbatını qismən ödəyən səviyyədə uşaq bağçalar var idi. Müstəqillik əldə edəndən sonra Təhsil Nazirliyinin rəhbərliyi, səhvən və ya bilərəkdən 300-dən artıq uşaq bağçasını özəlləşməyə çıxardı, yaxud satdı. Özəlləşdirmə adı ilə ayrı-ayrı fərdi şəxslər, təşkilatlar bu bağçaları aldılar".

"Özəlləşdirmə buna xidmət edirdi ki, təyinat dəyişməməliydi, uşaq bağçası kimi fəaliyyəti davam etdirməli idi. Amma nə oldu? Bağçalar alınaraq söküldü və əvəzində gözəllik salonları, göydələnlər, şadlıq sarayları tikildi", — mütəxəssis bildirib.

N. İsrafilov qeyd edib ki, bu məsələlər təhsillə bağlı Dövlət Strategiyasında öz əksini tapıb: "Orda açıq-aşkar göstərilir ki, məktəbəqədər təhsil təminati çox pis vəziyyətdədir. Xüsusilə kəndlərdə vəziyyət daha pisdir. Ümumiyyətlə, əhalinin böyük qismi bu xidmətdən istifadə etmə imkanından məhrumdur. 2020-ci ilə qədər məktəbəqədər təhsilin səviyyəsinin artırılması qarşıya məqsəd qoyulub".

Uşaq bağçasında yer axtaran valideynlərin dərdi
© Karikatura
Uşaq bağçasında yer axtaran valideynlərin dərdi

Ekspert problemin obyektiv və subyektiv səbəblərin olduğunu diqqətə çatdırıb: "Bağça qıtlığından istifadə edərək, bağça müdirləri valideynlərdən pul almaq məqsədi ilə, onlara rədd cavabı verirlər. Ki, valideyn məcbur olub onlara rüşvət versinlər. Amma, valideynin hüququ var ki, bağçanın tabe olduğu icra hakimiyyətinə şikayət edərək həqiqəti ortaya çıxarsın".

Rasif Dünyamalıyev
© Photo : Şəxsi arxivindən
Rasif Dünyamalıyev

Paytaxtda fəaliyyət göstərən özəl bağçalardan birini müdiri Rasif Dünyamalıyev də Sputnik-ə açıqlamasında bu gün bağça çatışmazlığının mövcud olduğunu dilə gətirib: "Bu problemi həll etmək üçün təkcə Bakı şəhərində 2000-dən çox bağça tikilməlidir. Dövlət özü də qəbul edir ki, məktəbəqədər təhsillə bağlı müəssisələr çatışmır. 80 % uşaq məktəbəqədər təhsilə cəlb edilə bilmir. Heydər Əliyev Fondu bu məsələ ilə bağlı 2014-cü ildə araşdırma apardı və proqram hazırlandı ki, bağçaların sayı artırılsın. Təkcə Bakı şəhərində, 100 uşaqdan artıq tutumu olan 2000-dən çox bağça tikilməlidir ki, uşaqlar bağçalara gedə bilsinlər. Amma bir bağçanın tikilməsi üçün böyük məbləğdə pul lazımdır. Deməli, 2000 bağçanın tikilməsi üçün ciddi maliyyəyə ehtiyac var".

Bağça müdiri vəziyyətdən çıxış yollarını belə izah edib: "Məktəbəqədər olan bağçalar sosial xidmət göstərir. Bu sosial xidmətdan, əsasən imkansız ailələr yararlanmalıdır ki, valideynlər işləyə bilsinlər. Öncəliklə bağçalara həmin ərazilərdə olan uşaqlar qəbul edilməlidir. İkinci tərəfdən, bağçalara gələn uşağın ailəsinin sosial təminatına baxılmalıdır. Bu gün bağça direktoru özü bağçaya uşaq qəbul edir. Amma bu, belə olmamalıdır. Məşğulluq idarəsi heç olmasa, 50 faiz hüquqa malik olmalıdır ki, uşaqları bağçalarla təmin etsin. Axı imkanı olmayan analar özəl bağçalara uşaqlarını qoya bilmir və məcbur özləri uşağa baxırlar ki, nəticədə işləyə bilmirlər".

R. Dünyamaliyev özəl bağçaların aylıq ödənişinin, ötən illərə nisbətən aşağı düşdüyünü də qeyd edib: "Özəl bağçalar arasında rəqabət çox olduğundan, artıq 300 manata çox keyfiyyətli xidmət göstərə bilir. Dövlət də 2000 yeni bağça aça bilmirsə, problemi qismən həll etmək üçün, sosial müdafiə mərkəzlərinin köməyi ilə özəl bağçalara sifariş verməlidir. Xüsusilə tənha və işləmək məcburiyyətində olan ananın övladını bağça ilə təmin etmək üçün hökümət dövlət bağçasında yer olmadığı halda, o uşağın özəl bağçada yerləşməsi üçün ödənişi üzərinə götürməlidir. Bu, dünya praktikasında var".

612
Teqlər:
Rasif Dünyamalıyev, çatışmazlıq, uşaq baxçası, dövlət, Nadir İsrafilov, uşaq
Əlaqədar
Azərbaycanda ayı uşaq bağçasına hücum edib
Uşaq bağçalarımız müasir standartlara niyə uyğunlaşmır?
Bakıda uşaq bağçası yandı
Küsülü oğul anasının qəbrini evinin bağçasından köçürtdürdü
Ərdoğan, Kılıçdaroğlu və Bağçalı muzeydə görüşüblər
Tələbələr imtahan verirlər, arxiv şəkli

Rusiyada oxumaq istəyənlər pandemiyaya rəğmən sərhədi keçə bilərlər

482
(Yenilənib 21:19 12.07.2020)
Təhsil və elm komitəsi gənc tələbələrin səhiyyə sisteminə riskinin minimal olduğunu vurğulayaraq təşəbbüsü dəstəkləyib

BAKI, 12 iyul — Sputnik. Rusiya Dövlət Dumasında MDB-dən olan abituriyentlərə koronavirus pandemiyası səbəbindən məhdudiyyətlərə rəğmən, Rusiyaya gələrək qəbul imtahanlarında iştirak etmək üçün icazə verilməsi təklif olunub.

Sputnik Azərbaycan Rusiya mətbuatına istinadən bildirir ki, təşəbbüs ölkənin Xarici İşlər Nazirliyi və “Rossotrudniçestvo”ya göndərilib.

Həmçinin bildirilir ki, təkliflər sırasında məzunlara Moskva Dövlət Universitetinin xaricdəki filiallarına gələrək əyani imtahan vermək imkanının yaradılması da səslənib.

Məlumata görə, Təhsil və elm komitəsi gənc tələbələrin səhiyyə sisteminə riskinin minimal olduğunu vurğulayaraq təşəbbüsü dəstəkləyib.

İyun ayında Rusiya Təhsil Nazirliyi “Ali məktəbə onlayn qəbul” servisini istifadəyə verib. Rusiyalı abituriyentlər dövlət xidmətləri portalından istifadə edərək Rusiyanın 54 universitetinə sənəd verə bilərlər.

482
Əlaqədar
Get evinə: ABŞ onlayn təhsilə keçən tələbələri ölkədən çıxaracaq
Bir ətək pul alırlar, verdiklərinə bax: Pandemiya dövründə isə xüsusi həngamə olacaq
Dövlət İmtahan Mərkəzi və Təhsil Nazirliyi attestatlarla bağlı məlumat yaydılar
Çayxana qədər olmayan təhsilin çətin günü! Bunun fəsadı ağır olacaq
Ekspert: “Müasir ixtisasların tədrisi üçün peşəkar kadrlara ehtiyac var”
İmza, arxiv şəkli

Baş nazir təhsil sahəsi ilə bağlı qərar verdi

14
(Yenilənib 15:21 11.07.2020)
Şəki Dövlət Texniki Kollecinin Şəki Dövlət Regional Kollecinə qoşulması formasında yenidən təşkili yolu ilə publik hüquqi şəxs statusuna malik olan Şəki Dövlət Regional Kolleci yaradılacaq.

BAKI, 11 iyul — Sputnik. Nazirlər kabineti Bakı İdarəetmə və Texnologiya Kollecinin, Bakı Qida Sənayesi Kollecinin, Bakı Dövlət Sosial-İqtisadi Kollecinin, Bakı Humanitar Kollecinin, Bakı Dövlət İqtisadiyyat və Humanitar Kollecinin, Sumqayıt Musiqi Kollecinin, Gəncə Dövlət Regional Kollecinin, Lənkəran Dövlət Humanitar Kollecinin, Şəki Dövlət Regional Kollecinin yenidən təşkili və Azərbaycan Respublikası Nazirlər Kabinetinin 2011-ci il 15 iyul tarixli 118 nömrəli Qərarı ilə təsdiq edilmiş "Azərbaycan Respublikası Təhsil Nazirliyinin strukturuna daxil olmayan tabeliyindəki qurumların Siyahısı"nda dəyişiklik edib. Sputnik Azərbaycan-ın məlumatına görə, bununla bağlı Baş nazir Əli Əsədov qərar imzalayıb.

Qərara əsasən, Bakı İdarəetmə və Texnologiya Kolleci Azərbaycan Dövlət Neft və Sənaye Universitetinin nəzdində publik hüquqi şəxs statusuna malik olan Sənaye və Texnologiya Kollecinə çevrilmə yolu ilə yenidən təşkil ediləcək.

Bakı Qida Sənayesi Kolleci Azərbaycan Dövlət İqtisad Universitetinin nəzdində publik hüquqi şəxs statusuna malik olan Qida Sənayesi Kollecinə çevrilmə yolu ilə yenidən təşkil ediləcək.

Bakı Dövlət Sosial-İqtisadi Kolleci Azərbaycan Dövlət İqtisad Universitetinin nəzdində publik hüquqi şəxs statusuna malik olan Sosial-İqtisadi Kollecə çevrilmə yolu ilə yenidən təşkil ediləcək.

Bakı Humanitar Kolleci Azərbaycan Dövlət Mədəniyyət və İncəsənət Universitetinin nəzdində publik hüquqi şəxs statusuna malik olan Humanitar Kollecə çevrilmə yolu ilə yenidən təşkil ediləcək.

Bakı Dövlət İqtisadiyyat və Humanitar Kolleci Bakı Dövlət Universitetinin nəzdində publik hüquqi şəxs statusuna malik olan İqtisadiyyat və Humanitar Kollecə çevrilmə yolu ilə yenidən təşkil ediləcək.

Sumqayıt Musiqi Kolleci Azərbaycan Milli Konservatoriyasının nəzdində publik hüquqi şəxs statusuna malik olan Sumqayıt Musiqi Kollecinə çevrilmə yolu ilə yenidən təşkil ediləcək.

Gəncə Musiqi Kollecinin Gəncə Dövlət Regional Kollecinə qoşulması formasında yenidən təşkili yolu ilə Gəncə Dövlət Universitetinin nəzdində publik hüquqi şəxs statusuna malik olan Regional Kollec yaradılacaq.

Lənkəran Dövlət Humanitar Kolleci Lənkəran Dövlət Universitetinin nəzdində publik hüquqi şəxs statusuna malik olan Sosial və Aqrar-Texnoloji Kollecə çevrilmə yolu ilə yenidən təşkil ediləcək.

Şəki Dövlət Texniki Kollecinin Şəki Dövlət Regional Kollecinə qoşulması formasında yenidən təşkili yolu ilə publik hüquqi şəxs statusuna malik olan Şəki Dövlət Regional Kolleci yaradılacaq.

Yaradılan publik hüquqi şəxslər "Hüquqi şəxslərin dövlət qeydiyyatı və dövlət reyestri haqqında" Azərbaycan Respublikasının Qanunu ilə müəyyən edilmiş qaydada dövlət qeydiyyatına alındığı günədək, Bakı İdarəetmə və Texnologiya Kolleci, Bakı Qida Sənayesi Kolleci, Bakı Dövlət Sosialİqtisadi Kolleci, Bakı Humanitar Kolleci, Bakı Dövlət İqtisadiyyat və 3 Humanitar Kolleci, Sumqayıt Musiqi Kolleci, Gəncə Musiqi Kolleci, Gəncə Dövlət Regional Kolleci, Lənkəran Dövlət Humanitar Kolleci, Şəki Dövlət Texniki Kolleci, Şəki Dövlət Regional Kolleci öz fəaliyyətlərini davam etdirəcələr.

Təhsil Nazirliyi bu Qərarın icrası ilə əlaqədar qənaət edilən maliyyə vəsaitinin kolleclərin infrastrukturunun gücləndirilməsinə yönəldilməsini, həmçinin azad olmuş maddi-texniki bazanın təhsil sisteminin məqsədləri üçün istifadə olunmasını təmin etməlidir.

14
Marketdə monitorinq, arxiv şəkli

Monitorinq keçirilmiş sahibkarlıq subyektlərinin 42%-i karantin qaydalarına əməl etməyib

0
(Yenilənib 08:36 15.07.2020)
Son günlərdə aparılan nəzarət tədbirləri göstərir ki, ticarət, xidmət və istehsal sahələrində xüsusi karantin qaydalarına əməl edilməsi artıq gündəlik tələbə çevrilir.

BAKI, 15 iyul — Sputnik. Fəaliyyətinə icazə verilmiş ticarət, xidmət və istehsal sahələrində Nazirlər Kabinetinin qərarları ilə müəyyən olunmuş xüsusi karantin qaydalarına, Nazirlər Kabineti yanında Operativ Qərargahın müəyyənləşdirdiyi zəruri sosial və sanitar-epidemioloji tələblərə əməl edilməsinə nəzarət məqsədilə İqtisadiyyat Nazirliyi tərəfindən mayın 22-dən başlayaraq monitorinqlər keçirilir.

İqtisadiyyat Nazirliyindən Sputnik Azərbaycan-a verilən məlumata görə, bu məqsədlə Bakı şəhəri ilə yanaşı, iqtisadi rayonlar, həmçinin sənaye müəssisələri üzrə monitorinq qrupları yaradılıb. İndiyədək monitorinq keçirilmiş 16133 sahibkarlıq subyektinin 6778-də və ya 42%-də nöqsanlar aşkar edilib.

Monitorinqlərdə Nazirliyin əməkdaşları sahibkarlarla maarifləndirmə işləri aparıb, xidmət personalının və istehlakçıların qoruyucu vasitələrdən istifadəsinin, fiziki məsafənin gözlənilməsinin, marketlərə istehlakçıların məhdudiyyətli girişinin, ticarət obyektinin dezinfeksiyaedici vasitələrlə təmin olunması zəruriliyini bir daha sahibkarların diqqətinə çatdırıblar.

"Son günlərdə aparılan nəzarət tədbirləri göstərir ki, ticarət, xidmət və istehsal sahələrində xüsusi karantin qaydalarına əməl edilməsi artıq gündəlik tələbə çevrilir. Əgər monitorinqlərin başlandığı ilk günlərdə monitorinqlərin əhatə etdiyi obyektlərin böyük əksəriyyətində nöqsanlar aşkar edilirdisə, hazırda bu cür hallar əhəmiyyətli dərəcədə azalıb. Belə ki, iyulun 13-də Bakı şəhərində monitorinq keçirilmiş obyektlərin cəmi 9,9%-də, digər şəhər və rayonlar üzrə isə 15,8%-də nöqsanlar aşkar olunub. İqtisadiyyat Nazirliyi bir daha bildirir ki, sahibkarlıq subyektləri tərəfindən xüsusi karantin qaydalarına, habelə zəruri sosial davranış və sanitar-epidemioloji tələblərə tam riayət olunmalıdır", - deyə nazirlikdən bildirilib.

0