UNEC tələbələri

UNEC-də yeni standartların tətbiqinə başlayıb

34
Magistratura pilləsində aktiv dərs müddəti yeni tədris ilindən 2 semestr nəzərdə tutulub və nəzəri təlimə ayrılan həftələrin sayı 45-dən 30-a endirilib

BAKI, 11 okt — Sputnik. Azərbaycan Dövlət İqtisad Universitetində (UNEC) 2016/2017-ci tədris ilindən başlayaraq magistratura pilləsində yeni standartların tətbiqinə başlanılıb. Azərbaycan Dövlət İqtisad Universitetinin mətbuat xidmətindən Sputnik-ə verilən məlumata görə, yeni standartlara əsasən, UNEC-in magistratura pilləsində 15 ixtisas üzrə tədris Avropa Kredit Transfer Sisteminin (AKTS) tələblərinə və bu sistemə qoşulan ölkələrin təcrübəsinə əsaslanaraq aparılacaq.

Nobel mükafatçısı, professor Edvard Preskott
© Photo : forum-astana.org

UNEC-in magistratura pilləsində aktiv dərs müddəti yeni tədris ilindən 2 semestr (1 il) nəzərdə tutulub və nəzəri təlimə ayrılan həftələrin sayı 45-dən 30-a endirilib. Nəzəri təlimlərin sayının azaldılmasında məqsəd magistrləri elmi-tədqiqatlara daha çox cəlb etmək, müəllimlərlə fərdi olaraq məsləhət saatını və dissertasiya işinə ayrılan vaxtı artırmaqdır. Bu, keyfiyyətli dissertasiya işinin hazırlanması üçün şərait yaradacaq.

Daha bir yenilik müxtəlif fənlər üzrə mövcud olan fərqli kreditlərin AKTS-yə uyğun olaraq, vahid kredit səviyyəsi ilə (6 kredit) əvəz edilməsidir. Bu, fənlərin eyni əhəmiyyətə malik olduğunu göstərməklə yanaşı, beynəlxalq tələbə mübadilə proqramları zamanı dərslərin və dərs kreditlərinin beynəlxalq standartlara uyğunlaşdırılmasına, həmçinin xarici universitetlərlə ikili diplom proqramlarının həyata keçirilməsinə imkan verəcək.

Digər bir dəyişiklik "Ali məktəb pedoqogikası" və "Ali məktəb psixologiyası" fənlərinin "İxtisasa yönəltmə-1", "İxtisasa yönəltmə-2" fənləri ilə əvəz edilməsidir. Belə ki, yeni təhsil standartlarında "Ali məktəb pedaqogikası" və "Psixologiya" fənləri "İxtisasa yönəltmə-1" fənnində birləşdirilib. Bu fənnin tədrisi zamanı magistrlər müəllimlə birlikdə dərslərdə iştirak edərək, tələbə psixologiyasını və ali məktəb pedaqoqikasını öyrənəcək, tələbələrlə çalışma, onları qiymətləndirmə metodlarına daha yaxından bələd olacaqlar. Bu da nəticədə tələbənin ali məktəb psixologiya və pedaqogikasını daha keyfiyyətli mənimsəməsinə, yalnız nəzəri deyil, eyni zamanda praktiki vərdişlərə də yiyələnməsinə kömək edəcək.

"İxtisasa yönəltmə-2" fənni üzrə isə elmi araşdırmaların aparılma qaydaları tədris olunacaq. Magistrın dissertasiya işi ilə bağlı ən azı bir elmi məqaləsinin beynəlxalq və ya yerli elmi jurnalda, eləcə də konfransda nəşri bu fənn üzrə müvəffəqiyyət göstəricisi hesab olunacaq. Yeni qayda magistrlərdə akademik məqalə yazmaq vərdişlərini inkişaf etdirməklə, onları akademik çalışmalara daha çox cəlb edəcək.

Yeni standartlara uyğun olaraq, "İqtisad elminin tarixi və metodologiyası" fənni isə "Tədqiqat metodları" fənni kimi tədris olunacaq. Fənnin tədrisi magistrlərə tədqiqat mövzusunu müəyyən etməyə, elmi məqalə və tezislər yazmağa, akademik etika qaydalarını mənimsəməyə kömək edəcək. Eyni zamanda, tədqiqat zamanı lazımi məlumatların toplanması, təhlili yolları, müasir proqram təminatından istifadə, tədqiqatla bağlı hesabatların hazırlanması üsulları və vasitələri də tədris olunacaq.

Qeyd edək ki, magistraturanın yeni tədris standartında ixtisas və ixtisaslaşmaya ayrılan fənlər üçün 48 kredit, yəni 8 fənn müəyyən edilib. Həmin fənlər sırasından 6 fənn (36 kredit) ixtisasa daxil olan bütün ixtisaslaşmalar üçün nəzərdə tutulub. Digər iki fənn isə (12 kredit) magistr tərəfindən hər bir ixtisaslaşma üçün ayrılıqda müəyyən edilən 6 fənnin arasından seçiləcək.

34
Teqlər:
standart, pillə, magistratura, UNEC, Azərbaycan Dövlət İqtisad Universiteti
Əlaqədar
Prezident təqaüdünə layiq görülən UNEC tələbələrinin sayı artıb
UNEC-də tələbə-mentorlar fəaliyyətə başlayacaq
UNEC Beynəlxalq İqtisadiyyat Məktəbinə keçid balı 601 olub
UNEC sənəd qəbulunun müddətini uzatdı
UNEC-də yeni meqa fakültə yaradılıb
UNEC tələbələrindən Bakıda möhtəşəm məzun günü
Tədqiqat, arxiv şəkli

Yapon alimlər indiyədək heç kəsin görə bilmədiyini gördülər

18
(Yenilənib 01:52 04.12.2020)
Eksitonların yalnız bir tipinin - parlaq eksitonların işıqla qarşılıqlı əlaqədə olması qabiliyyəti alimlərə çoxdan məlumdur. Ancaq qara eksitonlar da mövcuddur ki, onları indiyədək müşahidə etmək mümkün olmurdu.

BAKI, 4 noyabr - Sputnik. Yapon alimlər əvvəllər müşahidə edilə bilməyən zərrəciklərin vizualizasiya metodunu aşkarlayıblar. Müəlliflərin fikrincə, bu, günəş batareyaları və işıq diodlardan tutmuş smartfon və lazerlərədək gələcək yüksək texnologiyalı qurğuların hazırlanmasında gərəkli olan ikiölçülü yarımkeçiricilərin öyrənilməsində inqilaba bərabər kəşfdir.

Sputnik Azərbaycan bildirir ki, araşdırmanın nəticələri Science jurnalında dərc olunub.

Eksitonlar - bir çox müasir texnologiyanın əsas tərkibi olan yarımkeçiricilərdə maddənin həyəcan vəziyyətini əks etdirən kvazi hissəciklərdir. İşıq elektronlara təsir edib onları daha yüksək enerji halına qaldıran zaman eksitonlar yaranır, bu zaman elektronların əvvəl olduğu enerji səviyyəsində isə dəlik əmələ gəlir.

"Dəlik - elektronun olmaması deməkdir, ona görə də onlar elektronun əksi olan yükü daşıyırlar. Əks yüklər bir-birini cəzb edir, həm elektronlar, həm də dəliklər birləşərək eksitonları əmələ gətirir, bunlar isə öz növbəsində material daxilində hərəkət edir", - Okinava Elm və Texnologiya İnstitutunun professoru, femtosaniyə spektroskopiya bölməsinin rəhbəri Keşav Dani yazır.

İri yarımkeçiricilərdə eksitonlar əmələ gəldikdən sonra saniyənin milyardda bir kəsikləri ərzində sönür. Üstəlik, onlar "kövrək" də ola bilir, bu isə həm öyrənilməsini, həm də idarəolunmasını çətinləşdirir. Ancaq təxminən on il əvvəl alimlər ikiölçülü yarımkeçiriciləri kəşf etdilər ki, bunlarda eksitonlar daha dayanıqlıdır.

"Stabil eksitonlar bu materiallara, doğrudan da unikal xüsusiyyət bəxş edir, buna görə də eksiton əsaslı yeni optik-elektron qurğuların yaradılması üçün xeyli araşdırma aparılıb, - digər müəllif, femtosaniyə spektroskopiya bölməsinin əməkdaşı doktor Jülyen Madeo qeyd edir. - Ancaq hazırda eksitonların ölçülməsi üçün standart eksperimental texnika məhduddur".

Eksitonların yalnız bir tipinin - parlaq eksitonların işıqla qarşılıqlı əlaqədə olması qabiliyyəti alimlərə çoxdan məlumdur. Ancaq qara eksitonlar da mövcuddur ki, onları indiyədək müşahidə etmək mümkün olmurdu.

Qara eksitonlarda elektronların impulsu parlaq eksitonlardakı elektronların impulsundan və əlaqədə olduqları dəliklərin hərəkət anından fərqlənir, bu isə onlara işığı udmağa imkan vermir.

"Bilirdik ki, onlar var, amma birbaşa görə, tədqiq edə bilmədiyimizdən materialın optik-elektron xüsusiyyətlərinə nə dərəcədə təsir etdiyini bilmirdik", - Madeo bildirib. 

Qara eksitonları vizuallaşdırmaq üçün alimlər əvvəllər əlaqəsiz elektronları öyrənmək üçün istifadə etdikləri güclü texnikanı modifikasiya ediblər.

"Tərkibi zərrəciklər olan eksitonlarda bu metodların necə işə yarayacağı aydın deyildi. Bu yanaşmanın əsaslı olub-olmadığı barədə elmi cəmiyyət böyük nəzəriyyə müzakirəsi açdı", - professor Dani qeyd edib.

Müəlliflər təxmin ediblər ki, yüksək enerjiyə malik fotonlu işıq seli ilə yarımkeçirici materialdakı eksitonlara təzyiq olunsa, fotonların enerjisi eksitonları dağıdaraq elektronları materialdan çıxara bilər. Bununla da elektronların materialdam çıxdığı istiqaməti ölçərək elektronların eksitonların tərkibi olduğu zaman malik olduğu ilkin impulsu təyin etmək mümkün olardı. Beləliklə, alimlər nəinki eksitonları görə, eləcə də qara və parlaq eksitonları bir-birindən ayıra biləcəklər.

"Bütün texniki problemləri həll edb, qurğunu qoşarkən bizim ekranda eksitonlar peyda olanda - bu, doğrudan da möhtəşəm idi", - tədqiqatda iştirak etmiş doktor Mişel Man deyib.

Alimləri bir xüsusiyyət də təəccübləndirib: onlar şahid olublar ki, materialda qara eksitonlar parlaq eksitonlardan çoxdur, üstəlik, müəyyən şərtlər daxilində, həyəcanlanmış elektronlar materialda səpələnib impulslarını dəyişən zaman eksitonlar dəyişə bilir (parlaqdan qaraya).

18
Teqlər:
elektron zərrəcik, yarımkeçirici, material, optik, elmi tədqiqat, tədqiqat, alimlər, Yaponiya

Koronavirusu blok edən üç ərzaq

35
(Yenilənib 02:05 04.12.2020)
Tədqiqatçılar həmçinin qeyd ediblər ki, yaşıl çayda Mpro-nun müxtəlif sahələri ilə qarşılıqlı əlaqədə olaraq onun təsirini neytrallaşdıran beş kimyəvi birləşmə var.

BAKI, 4 dekabr - Sputnik. Alimlər müəyyən ediblər ki, üzüm, şokolad və yaşıl çaydakı kimyəvi birləşmələr SARS-CoV-2 virusunu bloklamağa qadirdir. Sputnik Azərbaycan bildirir ki, bu barədə araşdırma Frontiers in Plant Science jurnalında dərc edilib.

Bildirilir ki, SARS-CoV-2-nin zəif yeri "əsas proteaza" olan Mpro fermentidir. Bu ferment replikasiya mexanizmində iştirak edir. O da məlumdur ki, Mpro güclü iltihabəleyhinə və antioksidant xüsusiyyətlərinə malik bitki mənşəli ərzağın müxtəlif kimyəvi birləşmələrinin təsiri ilə dəf olunur.

Şimali Karolina Universitetinin mütəxəssisləri bu cür birləşmələri üzə çıxarmaq üçün ərzaq məhsulları və bitki dərmanlarını öyrənblər. Kompüter modelləşdirməsi və laboratoriyalardakı in vitro (şüşə qabda, kolbada - red.) eksperimentləri göstərib ki, yaşıl çay və üzümdəki maddələr Mpro-nun funksiyasını uğurla dəf edir, kakao tozu və tünd şokoladdakı birləşmələr isə proteazanın aktivliyini təxminən yarıbayarı azaldır.

Tədqiqatçılar həmçinin qeyd ediblər ki, yaşıl çayda Mpro-nun müxtəlif sahələri ilə qarşılıqlı əlaqədə olaraq onun təsirini neytrallaşdıran beş kimyəvi birləşmə var.

35
Teqlər:
Yaşıl çay, üzüm, şokolad, ərzaq, blok, COVID-19, epidemiya, Koronavirus
Mövzu:
Dünyanı cənginə almış bəla
Azərbaycan Respublikası Müdafiə Nazirliyinin binası

Silahlı Qüvvələrə Yardım Fonduna toplanan vəsaitin miqdarı məlum oldu

0
(Yenilənib 21:07 04.12.2020)
Qeyd edək ki, noyabrın 1-dən dekabrın 1-dək  Silahlı Qüvvələrə Yardım Fonduna 12.611.973,40 AZN, 175.507,81 ABŞ dolları, 15.723,23 avro, 40 türk lirəsi, 550 ingilis funt sterlinqi və 336.000,00 rubl vəsait daxil olub.

BAKI, 4 dekabr — Sputnik. Azərbaycan Respublikası Prezidentinin 2002-ci il 17 avqust tarixli 755 nömrəli Fərmanı ilə təsdiq edilmiş Silahlı Qüvvələrə Yardım Fonduna cari il dekabrın 1-dək  210.625.007,86 AZN, 11.171.613,65 ABŞ dolları, 181.319,42 avro, 495.561,33 türk lirəsi, 1.844,72 ingilis funt sterlinqi və 5.398.550,00 rubl vəsait daxil olub.

Sputnik Azərbaycan xəbər verir ki, bu barədə məlumatı Müdafiə Nazirliyi yayıb.

Qeyd edək ki, noyabrın 1-dən dekabrın 1-dək  Silahlı Qüvvələrə Yardım Fonduna 12.611.973,40 AZN, 175.507,81 ABŞ dolları, 15.723,23 avro, 40 türk lirəsi, 550 ingilis funt sterlinqi və 336.000,00 rubl vəsait daxil olub.

0
Teqlər:
Silahlı Qüvvələrə Yardım Fondu, Müdafiə Nazirliyi