Lənkəran Dövlət Universitetinin 2-ci tədris korpusu

Lənkəran Dövlət Universitetinin ikinci korpusunun açılışı olub

479
(Yenilənib 18:43 15.09.2016)
Beş mərtəbədən ibarət olan binada 1600 nəfər tələbənin təhsil alması nəzərdə tutulub

Rahim Zakiroğlu, Sputnik Azərbaycan

BAKI, 15 sen — Sputnik. Bu gün Lənkəran Dövlət Universitetinin humanitar və təbiət elmləri fakültələrinin tələbələri üçün nəzərdə tutulan ikinci inzibati binanın açılışı olub. Sputnik-in bölgə müxbiri xəbər verir ki, bu münasibətlə təşkil edilən tədbirdə Təhsil Nazirliyinin, Rayon İcra Hakimiyyətinin rəmiləri, müəllimlər, tələbələr və valideynlər iştirak ediblər.

Tələbə
© Sputnik / Kirill Kallinikov

Tədbirdə təhsil nazirinin müavini Ceyhun Bayramov, Lənkəran Şəhər İcra Hakimiyyətinin başçısı Taleh Qaraşov, Rayon Ağsaqqallar Şurasının sədr müavini Sərhad Məmmədov və digərləri çıxış edib tələbələrə yeni tədris ilində uğurlar diləyiblər. Sonra isə Lənkəran Dövlət Universitetinə bu il qəbul olunan tələbələrə tələbə biletləri təqdim edilib. Ardınca tədris binasının açılışı baş tutub.

Qeyd edək ki, 5 mərtəbədən ibarət olan binada 1600 nəfər tələbənin təhsil alması nəzərdə tutulub. Hər mərtəbədə 5 mühazirə auditoriyası olacaq. Bundan əlavə, tədris binası müasir təlim texnologiya standartlarına cavab verən avandanlıqlarla təmin edilib.

2-ci korpusda fizika, kimya laboratoriyaları, 2 kompüter otağı, iki elektron lövhə, elektron kitabxana, tarix və coğrafiya fənn kabinələri var. Məlumat üçün bildirək ki, gələcəkdə binanın həyətində 100 kubmetrlik su anbarı, qazanxana və yeməkxananın tikilməsi nəzərdə tutulub.

479
Teqlər:
korpus, Lənkəran Dövlət Universiteti, fakültə, bina, açılış mərasimi
Əlaqədar
"Multikulturalizm" adlı fənn artıq bütün universitetlərdə tədris ediləcək
Qafqaz Universitetinin adı dəyişdirildi
Özəl universitetlərin başı üzərində "qara buludlar"
Bakı Slavyan Universitetinin rektoru: Bunlar mənə qarşı sifarişdir
UNEC regionun iqtisadyönümlü universitetləri arasında 4-cü yerə yüksəlib

Mars səthində nəhəng burulğanlar - VİDEO

26
(Yenilənib 00:20 28.02.2021)
Marsın cənub yarımkürəsindəki kraterin dibində hərəkət edən burulğanlardan birinin sürəti saniyədə 4, digərinin isə saniyədə 8 metrdir

BAKI, 28 fevral - Sputnik. ExoMars-2016 missiyasının Trace Gas Orbiter Rusiya-Avropa kosmik aparatı Mars planetinin səthində nəhəng burulğanların şəklini çəkib. 

Sputnik Azərbaycan bildirir ki, şəkilləri "Roskosmos" paylaşıb.

"Nəhəng toz burulğanları Mars səthində daimi hadisədir. 2021-ci il fevralın 27-də Trace Gas Orbiter aparatındakı CaSSIS kamerası ilə 45 saniyə fərqlə çəkilmiş bu iki şəkildə iki hərəkət edən burulğan görünür", - dövlət şirkətinin saytında deyilir.

Məlumat verilir ki, parlaq ləkələr Marsın cənub yarımkürəsində, 70 kilometrik kraterin dibi ilə hərəkət edərək özlərindən sonra tünd rəngli zolaqlar buraxır. İki toz sütununun hərəkət edən kölgəsi də görünür. Burulğanlardan birinin sürəti saniyədə 4, digərinin isə saniyədə 8 metrdir. 

Marsdakı burulğanların hündürlüyü 8 kilometrə çata bilər. Onlar özlərindən sonra onlarla, yüzlərlə kilometr enində izlər qoya bilir. Qırmızı planetin burulğanlarının öyrənilməsi son dərəcə vacib hesab olunur. Çünki bu, onların zaman keçdikcə planetin iqliminə necə təsir etdiyini anlamağa kömək edər.

26
Teqlər:
burulğan, toz, planet, Mars
Tələbələr, arxiv şəkli

Qızlar oxumaqda oğlanları üstələdilər

16
(Yenilənib 20:46 24.02.2021)
Rayon və şəhərlər ayrı-ayrılıqda müqayisə edildikdə ən yaxşı nəticəni Sumqayıt şəhəri (76,8 faiz), ən aşağı nəticəni Saatlı rayonu (54 faiz) göstərib.

BAKI, 24 fevral — Sputnik. Dekabrın 19-da onlayn keçirilmiş milli qiymətləndirmənin nəticələri Təhsil İnstitutu tərəfindən təhlil edilib. 

Təhsil Nazirliyindən Sputnik Azərbaycan-a bildirilib ki, ölkədə fəaliyyət göstərən 3500-ə yaxın məktəbdə aparılan tədqiqatda IV, VI və IX siniflərdə təhsil alan 189445 şagird iştirak edib. Məktəblilər tədris dili, riyaziyyat və xarici dil fənləri üzrə qapalı test suallarını cavablandırıblar. Qiymətləndirmədə iştirak edən şagirdlərin 53 faizini oğlanlar təşkil edib. İştirakçıların 88 faizi Azərbaycan bölməsi üzrə təhsil alanlar olub. Gender üzrə müqayisəyə nəzər salsaq, qızlar bütün fənlər üzrə daha yaxşı nəticə göstəriblər. Siniflər üzrə müqayisədə isə IV sinif şagirdləri (37 faiz) daha fəal olub.

Ərazi vahidləri üzrə müqayisə zamanı şəhər məktəblərində təhsil alan şagirdlərin nəticələrinin rayon məktəblərində təhsil alan şagirdlərlə müqayisədə daha yüksək olduğu qeydə alınıb. Belə ki, şəhər məktəbləri üzrə orta müvəffəqiyyət göstəricisi 73,7 faiz, rayon məktəbləri üzrə 64,7 faiz olub. Rayon və şəhərlər ayrı-ayrılıqda müqayisə edildikdə isə ən yaxşı nəticəni Sumqayıt şəhəri (76,8 faiz), ən aşağı nəticəni Saatlı rayonu (54 faiz) göstərib.

16
Teqlər:
Təhsil Nazirliyi
Azərbaycan Mərkəzi Bankı

Mərkəzi Bankın valyuta ehtiyatları azalıb

0
(Yenilənib 10:18 02.03.2021)
Bu ilin fevralın 26-na Mərkəzi Bankın valyuta ehtiyatları 6 milyard 367,6 milyon ABŞ dolları təşkil edib.

 

BAKI, 2 mart — Sputnik. 2021-ci il fevralın 26-na Azərbaycan Mərkəzi Bankının rəsmi valyuta ehtiyatları açıqlanıb.

Sputnik Azərbaycan xəbər verir ki, fevralın 26-na Mərkəzi Bankın valyuta ehtiyatları 6 milyard 367,6 milyon ABŞ dolları təşkil edib. Bu, yanvar ayı ilə müqayisədə 0,03% çoxdur.

Bu göstərici ötən ilin fevral ayı ilə müqayisədə isə 0,5% azalıb.

0
Teqlər:
azalma, valyuta, Mərkəzi Bank