Yür kürəsinin kosmosdan görünüşü

Avstraliya materiki sürətlə şimala doğru hərəkət edir

16525
(Yenilənib 22:54 02.08.2016)
Yer planetində materiklərin yerdəyişməsi baş verir.

BAKI, 1 avq-Sputnik. Avstraliya materiki sürətlə şimala doğru hərəkət edir.

Sputnik informing.ru-ya istinadla xəbər verir ki, bu barədə qənaətə alimlər GPS-in köməyi ilə apardıqları ölçmələr nəticəsində gəliblər. Ölçmələr göstərib ki, Avstraliya qitəsi öz yerini 1,5 metr şimala doğru dəyişib.

Bu hadisə son 2 onillikdə baş verib.

Mütəxəssislərin sözlərinə görə, Avstraliya ildə 7 sm şimal-qərb istiqamətinə doğru hərəkət edir.

Alimlər hesab edirlər ki, bu hərəkət və yerdəyişmə materikin daxilində baş verən tektonik hadisələrlə əlaqədardır.

Mütəxəssislərin sözlərinə görə, bizim planetdə bütün materiklər yerlərini dəyişirlər, lakin bu proses Avstraliyada daha sürətlə baş verir.

Qeyd etmək lazımdır ki, Avstraliya hökuməti öz ölkəsinin koordinatlarını GPS-in koordinatlarına uyğunlaşdıraraq materiki 1,5 m şimal istiqamətində işarələmək niyyətindədir.

Sonuncu dəfə Avstraliyanın xəritəsi 1994-cü ildə korrektə edilib.

16525
Teqlər:
qitə, materik, Avstraliya, Yer
Əlaqədar
Yer kürəsinin əhalisi sabah 7,3 milyard nəfər olacaq
NASA: Yer planeti toqquşa bilər
SpaceX şirkətinin  Falcon 9 raketinin buraxılışı, arxiv şəkli

Orbitə bir dəfəyə rekord sayda kosmik aparat çıxarılıb

20
(Yenilənib 23:34 24.01.2021)
Daşıyıcı raketin göyərtəsində 133 dövlət və kommersiya peyki var. Bundan əlavə, həmin buraxılışa 10 "Starlink" internet mikro-peyki daxildir. orbitə bir dəfəyə rekord sayda kosmik aparat çıxarılan ilk buraxılışdır.

BAKI, 24 yanvar - Sputnik. "SpaseX" şirkəti bu gün "Falcon-9" raket daşıyıcısının 143 raketlə orbitə buraxılışını həyata keçirib.

Sputnik Azərbaycan xəbər verir ki, start ABŞ-ın şərq sahili vaxtı ilə saat 10:00-da (19:00 GMT+4) Kanaveral (Florida ştatı) kosmodromunda baş tutub.

Daşıyıcı raketin göyərtəsində 133 dövlət və kommersiya peyki var. Bundan əlavə, həmin buraxılışa 10 "Starlink" internet mikro-peyki daxildir. Şirkətdən bildirirlər ki, bu, orbitə bir dəfəyə rekord sayda kosmik aparat çıxarılan ilk buraxılışdır.

Peyklər sartdan təxminən bir saat sonra yerətrafı orbitə buraxılıb.

20
Teqlər:
kosmik stansiya, kosmik, orbit, "SpaceX", İlon Mask
Təhsil naziri Emin Əmrullayev

Emin Əmrullayev: Azərbaycan təhsili təkcə COVID-19-dan təsirlənməyib

23
(Yenilənib 13:22 24.01.2021)
Azərbaycanın Təhsil naziri Emin Əmrullayev Twitter-də 24 yanvar Beynəlxalq Təhsil Günü ilə bağlı paylaşım edib.

BAKI, 24 yanvar - Sputnik. Təhsil naziri Emin Əmrullayev 24 yanvar Beynəlxalq Təhsil Günü ilə bağlı sosial şəbəkə hesabında paylaşım edib.

Sputnik Azərbaycan-ın məlumatına görə, naziri Twitter-dəki paylaşımında deyilir: 

"Qlobal təhsil yalnız COVID-19 tərəfindən təsirləndiyi halda, Azərbaycanda müəllimlər və şagirdlər 20 müəllimin, 10 şagirdin öldürülməsi, 16 məktəblinin yaralanması və 60 məktəbin dağıdılması ilə nəticələnən Ermənistan hücumundan da təsirlənib".

23
Teqlər:
Koronavirus, COVID-19, Ermənistan, təhsil naziri, Emin Əmrullayev

Xırdalanda partlamış evin dağıntıları altından qadın meyiti çıxarılıb

0
(Yenilənib 00:34 26.01.2021)
Dağıntılar altından bir nəfərin cəsədi çıxarılıb. Həmin şəxsin 1988-ci il təvəllüdlü Musayeva Aytən Tacəddin qızı olduğu bildirilir.

BAKI, 26 yanvar - Sputnik. Xırdalanda partlayışda həlak olan qadının nəşi dağıntılar altından çıxardılıb.

Sputnik Azərbaycan-ın məlumatına görə, Xırdalanda baş verən partlayışda 1988-ci il təvəllüdlü Aytən Tacəddin qızı Musayeva faciəli şəkildə dünyasını dəyişib. Bu barədə Sputnik Abşeron MRX-nın direktoru Mehriban Qaralova məlumat verib. O, bildirib ki, Xırdalanda baş vermiş hadisə nəticəsində 6 nəfər müxtəlif dərəcəli bədən xəsarətləri ilə xəstəxanaya yerləşdirilib, onlardan biri uşaqdır.

Partlayış zamanı xəsarət alanlardan biri Musayev Vüsal Firuddin oğlunun həyat yoldaşı Aytən Musayeva dağıntılar altından ölü tapılıb. Onun azyaşlı qızının axtarışları davam edir. Oğlu 10 yaşlı Musayev Firuddin Vüsal oğlu və həyat yoldaşı xəstəxanada müalicə alırlar.

Partlayış zamanı xəsarət alanlar 1983-cü il təvəllüdlü Musayev Vüsal Firuddin oğlu, onun 10 yaşlı oğlu, 2009-cu il təvəllüdlü Musayev Firuddin Vüsal oğlu, 8 yaşlı qızı, 2012-ci il təvəllüdlü Musayeva Fatimə Vüsal qızı, Musayeva Ziyafət Qafar qızı və Gözəl Səmədovadır.

Dağıntılar altından çıxarılan digər şəxslər 1968-ci il təvəllüdlü Ələzova Simayə Mövlud qızı, 2006-cı il təvəllüdlü Şükürzadə Xədicə Bəxtiyar qızı,  1989-cu il təvəllüdlü Əliyev Emil Arif oğlu və 1988-ci il təvəllüdlü Hüseynov Arif Əbülfəz oğludur. 

Qeyd edək ki, 25 yanvar 2021-ci il tarixində Fövqəladə Hallar Nazirliyinin "112" qaynar xəttinə Abşeron rayonu, Xırdalan şəhəri, 27-ci məhəllə adlanan ərazidə uçqunla nəticələnən partlayış hadisəsinin baş verməsi barədə məlumat daxil olub.

FHN-dən Sputnik Azərbaycan-a verilən məlumata görə, dərhal əraziyə FHN-in müvafiq xilasetmə qüvvələri cəlb olunub. Əməliyyat şəraiti qiymətləndirilərkən məlum olub ki, uçqun ikimərtəbəli fərdi yaşayış evində baş verib.

Partlayış dalğasının təsirindən yaxınlıqdakı binaların şüşələri sınıb. FHN-in əməkdaşları tərəfindən operativ axtarış-xilasetmə əməliyyatı davam edir.

 

0