İmtahan

"İmtahanların nəticəsi biabırçı mənzərə ortaya çıxaracaq"

282
9 və 11 -ci sinif şagirdlərinin buraxılış imtahanlarının gedişi bir qisç valideynləri razı salsa da, prosesdən narazı qalanlar da var

BAKI, 27 iyun — Sputnik. İyunun 26-da ölkə üzrə 9 və 11 —ci sinif şagirdlərinin buraxılış imtahanı keçirilib. Respublikanın bütün məktəb şagirdləri buraxılış imtahanı verərək növbəti pilləni bitiriblər. 

Sputnik-in əməkdaşı imtahan prosesinin şəffaflığı, gedişi və digər nüanslarla bağlı şagird və müəllimlər arasında kiçik sorğu keçirib. Cavablar fərqlidir.

9-cu sinif şagirdi Aytən İsaqızı imtahanların keçirilməsindən razı qaldığını bildirib: "İmtahanlar yüksək səviyyədə keçirilib. Fövqəladə Hallar Naziriliyinin işçiləri və təcili yardımın həkimləri də imtahanın keçirildiyi əraziyə cəlb olunmuşdu. İmtahan normal keçdi. Suallar asan idi. Düşünürəm ki, imtahan nəticələrim də yaxşı olacaq".

Valideyn Əfqan Həmzəyev də övladının imtahanından razı qaldığını dilə gətirib: "İmtahanlar yaxşı keçdi. Suallardan övladım razıdır. Valideyn kimi mən də razıyam".

Gülnarə Xəlilova isə qızının imtahanından razı qalmayıb: "İmtahan yaxşı keçdi. Amma qızım sualların bir qədər çətin olduğunu deyir. Bir qədər suallar asan olsaydı, daha yaxşı olardı".

Digər valideyn Sədaqət Ağayeva isə, belə imtahanların şagirdlərin irəliləməsinə maneə olduğunu bildirib: "Belə imtahanlar çox çətin və uğursuz nəticələnir. Şagirləri bədbəxt edirlər. Hər il çox sayda uşaq imtahanlardan kəsilir. Belə olmaz. Oğlumun imtahandan keçməsini istəyirəm. Amma imtahanın çox çətin olduğunu dedi. Nəticəni gözləyirik".

Təhsil eksperti Kamran Əsədov da imtahanların nəticələrinin ürəkaçan olmadığını qeyd edib: "İmtahanlarda ümumilikdə 55908 şagirdin iştirak edəcəyi nəzərdə tutulub (IX sinif üzrə 31254, XI sinif üzrə 24654). Hələlik nəticələr elan olunmayıb, yaxın günlərdə elan olunacaq. Lakin istər əvvəlki ilərdə keçirilən bu tipli imtahan nəticələrinə, istərsə də regionlarda cari ildə keçrilən buraxılış imtahanlarının ilkin nəticələrinə baxdıqda, onu deyə bilərəm ki, əksər şagirdlər yenə də 2 (qeyri kafi) qiymət alacaq. Əminliklə deyə bilərəm ki, nəticələr elan olunanda biabırçı bir mənzərə ilə qarşılaşacağıq".

282
Teqlər:
valideyn, buraxılış, şagird, imtahan, sual
Əlaqədar
Lənkəranda buraxılış imtahanları keçirilib
Prokurorluq orqanlarına qulluğa qəbulla bağlı test imtahanı keçirilib
Rus bölməsi abituriyentləri üçün “Azərbaycan dili” fənni üzrə imtahan keçirilir
TQDK magistraturaya qəbul imtahanının nəticələrini açıqlayıb
Respublikanın 24 şəhərində qəbul imtahanı keçirilib
Bu gün əvvəlki illərin məzunları üçün II və III qruplar üzrə qəbul imtahanı keçirilir
 Boş dərs otağı, arxiv şəkli

Nazirlər Kabineti təhsillə bağlı qərar verdi

105
Qərara əsasən, xüsusi karantin rejimi dövründə Azərbaycan Respublikasında fəaliyyət göstərən bütün təhsil müəssisələrində 2020-ci il 2 noyabr tarixindən tədris və təlim-tərbiyə prosesinin distant (məsafədən) formada təşkili təmin edilir

BAKI, 20 noyabr - Sputnik. Nazirlər Kabineti Xüsusi karantin rejimi dövründə Azərbaycan Respublikasının ərazisində fəaliyyət göstərən təhsil müəssisələrinin fəaliyyətinin təşkilinə dair əlavə tədbirlər barədə” qərarında dəyişiklik edib.

Sputnik Azərbaycan-ın məlumatına görə, qərarın qüvvədə olma müddəti dekabrın 1-dən 30-dək uzadılıb.

Qeyd edək ki, qərara əsasən, xüsusi karantin rejimi dövründə Azərbaycan Respublikasında fəaliyyət göstərən bütün təhsil müəssisələrində 2020-ci il 2 noyabr tarixindən tədris və təlim-tərbiyə prosesinin distant (məsafədən) formada təşkili təmin edilir.

Müəyyən edilib ki, bu Qərarın qüvvədə olduğu müddətdə sanitar-epidemioloji vəziyyətlə bağlı Azərbaycan Respublikasının baş dövlət sanitariya həkiminin və ya Azərbaycan Respublikası Səhiyyə Nazirliyinin gigiyena və epidemiologiya mərkəzlərinin müvafiq rəyləri əsasında Azərbaycan Respublikasının Təhsil Nazirliyi ayrı-ayrı inzibati ərazi vahidlərində fəaliyyət göstərən təhsil müəssisələrində tədris və təlim-tərbiyə prosesinin əyani formada aparılmasının bərpası və ya dayandırılması barədə qərar qəbul edə bilər.

Azərbaycan Respublikasının Təhsil Nazirliyi tərəfindən bu Qərara uyğun olaraq tədris və təlim-tərbiyə prosesinin əyani formada aparılmasının bərpası və ya dayandırılması barədə qərar qəbul edildiyi halda, tabeliyində təhsil müəssisələri olan digər icra hakimiyyəti orqanları, dövlət mülkiyyətində olan və ya paylarının (səhmlərinin) nəzarət zərfi dövlətə məxsus olan hüquqi şəxslər və özəl təhsil müəssisələrinin təsisçiləri də tabeliklərində olan təhsil müəssisələrinə münasibətdə müvafiq qərarlar qəbul edə bilərlər.

105
Teqlər:
dəyişiklik, qərar, Nazirlər Kabineti, distant, təhsil, Azərbaycan
Məktəbli, arxiv şəkli

Təhsildən yayınan uşaqlara nəzarət gücləndiriləcək

21
(Yenilənib 16:12 28.11.2020)
İşin icrası Təhsil Nazirliyi, Daxili İşlər Nazirliyi və yerli icra hakimiyyəti orqanlarına tapşırılıb.

 

BAKI, 28 noyabr — Sputnik. Təhsildən yayınma hallarının qarşısının alınması məqsədilə nəzarət tədbirləri gücləndiriləcək.

Sputnik Azərbaycan xəbər verir ki, bu, Azərbaycan Respublikası Prezidentinin 2020-ci il 27 noyabr tarixli Sərəncamı ilə təsdiq edilmiş "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı"nda əks olunub.

İşin icrası Təhsil Nazirliyi, Daxili İşlər Nazirliyi və yerli icra hakimiyyəti orqanlarına tapşırılıb. Fəaliyyət Planının məqsədi uşaq hüquqlarının müdafiəsi sahəsində çevik institusional mexanizm formalaşdırılmasından və aidiyyəti dövlət orqanlarının (qurumların) qarşılıqlı fəaliyyətinin təmin edilməsindən ibarətdir.

21
Teqlər:
Azərbaycanda Təhsilin İnkişafı üzrə Dövlət Strategiyası, strategiya, Milli Fəaliyyət Planı, təhsil, təhsil naziri, Daxili İşlər Nazirliyi, daxili işlər naziri, Təhsil Nazirliyi
Kino lenti, arxiv şəkli

"Kinematoqrafiya uğurlarına görə" beynəlxalq mükafatına kim layiq görüldü?

0
(Yenilənib 23:58 01.12.2020)
Festival zamanı dünyanın hər bir ölkəsindən olan kino mütəxəssisləri öz filmlərini nümayiş etdirir, sərgilərdə, treninqlərdə, seminarlarda iştirak edirlər.

BAKI, 1 dekabr — Sputnik. "Narimanfilm" kinostudiyasının direktoru, Azərbaycan Respublikası Əməkdar mədəniyyət işçisi Nəriman Məmmədov 2020-ci il noyabrın 27-də 13-cü Global Film Festival Noida və "MARWAН STUDIOS" (Hindistan) tərəfindən kinematoqrafiyanın irəliləyişi işində göstərdiyi əməyinə görə "Kinematoqrafiya uğurlarına görə" beynəlxalq mükafatı ilə təltif olunub.

Sputnik Azərbaycan-ın məlumatına görə, 13-cü Global Film Festival Noida 2020-ci il noyabr ayının 26-28 tarixlərində Hindistanda, Noida şəhərində yerləşən "MARWAН STUDIOS"-da keçirilmişdir. Bu, tələbələr, entuziastlar və kino professionalları daxil olmaqla, bütün dünya kinematoqrafiya cəmiyyəti ilə birlikdə kinonun gücünü tərənnüm edən ən böyük və tanınmış festivallardan biridir. Festival zamanı dünyanın hər bir ölkəsindən olan kino mütəxəssisləri öz filmlərini nümayiş etdirir, sərgilərdə, treninqlərdə, seminarlarda iştirak edirlər. Festivalın prezidenti məşhur Hindistan rejissoru, prodüseri, jurnalisti, həmçinin, Asiya Kino və Televiziyası Akademiyasının təsisçisi və prezidenti cənab Sandip Marvadır.

0
Teqlər:
tələbələr, rejissor, Hindistan, prodüser, mükafat