Ali təhsil

Xaricdə təhsil kimlər üçün ləğv olundu?

578
(Yenilənib 11:52 20.04.2016)
Nazir Mikayıl Cabbarovun gözlənilməz açıqlaması cəmiyyətdə təşvişə səbəb olub. Ekspertlərin fikrincə, xaricdə bakalavr hazırlığındansa magistr və fəlsəfə doktoru hazırlamaq daha doğru addımdır.

Xaricdə təhsil kimlər üçün ləğv olundu?
BAKI, 19 apr — Sputnik. "Azərbaycanda gerçəkləşdirilən xaricdə təhsil proqramı bu il dayandırılır və artıq proqramın yeni formatı hazırlanır".

Bunu Təhsil naziri Mikayıl Cabbarov Moskvaya səfəri çərçivəsində Rusiyada təhsil alan azərbaycanlı gənclərlə görüşdə deyib. O bildirib ki, yeni proqrama uyğun olaraq xaricə, əsasən, PHD və magistr səviyyəsində təhsillərini davam etdirmək istəyən gənclər göndəriləcək.

Bu vaxta kimi minlərlə gəncin xaricdə təhsil almasına imkan yaratmış Xaricdə Təhsil Dövlət Proqramına fasilə verilməsi xəbəri heç də birmənalı qarşılanmayıb. Xaricdə magistr dərəcəsi almış Bəxtiyar Hacıyev bu qənararı doğru hesab edir və bildirir ki, bakalavr pilləsində təhsil almaq üçün ayrılan vəsaitlə, əslində daha çox tələbənin magistr və PHD səviyyəsində təhsil almasına imkan yaradıla bilər.

"Bir var, bir tələbə dörd il müddətində hansısa bir universitetdə oxuyur və dörd il onun təhsil haqqı ödənilir. Bir də var ki, bir və iki illik magistr proqramlarında iştirak edir. Əgər bir illik magistratura proqramı ödənilirsə, bir ilə dörd tələbənin xərcləri ödənilə bilər. Yaxud da bir neçə tələbənin PHD səviyyəsində xərcləri qarşılana bilər. Yəni bu baxımdan doğru qərardır", —deyə B. Hacıyev bildirib.

Bununla belə, ekspertin fikrincə, məsələnin başqa tərəfi də var: "Bakalavr pilləsində təhsil almağa gedən şagirdlər daha çox orta məktəbi yeni bitirmiş, hələ xaraktercə tam formalaşmamış insanlar olurlar. Öz sahələri ilə bağlı dəqiq təsəvvürləri olmur. Amma, magistratura və PHD səviyyəsində təhsil alan insanlar daha çox bakalavr pilləsini uğurla tamamlamış və öz ixtisasının arxasınca getmək istəyən adamlar olur. O baxımdan doğru qərardır".

"XXI əsr" Təhsil Mərkəzinin rəhbəri Etibar Əliyev isə hesab edir ki, hazırda dünyanın qabaqcıl universitetlərində elmi dərəcələr alan vətəndaşlara daha çox ehtiyac var: "Təcrübə göstərir ki, onlar ali məktəblərdə və yaxud da çalışdıqları digər sahələrdə elmi mühitin dəyişməsində əsaslı rol oynaya biliblər. Yəni Azərbaycan "Baloniya" razılaşmasına qoşulub. Eyni zamanda Azərbaycan təhsilinin Avropa təhsilinə inteqrasiyası istiqamətində xeyli sənədlər mövcuddur".

"Buna görə düşünürəm ki, bu nə vaxtsa bərpa olunacaq. Çünki bütün ölkələrdə bu proses fasiləsiz şəkildə həyata keçirilir. Xaricdə təhsil ölkələrin təhsil siyasətinin əsas prioriteti hesab olunur. Xaricdə təhsil ölkə ali təhsilini tamamlayan proses kimi qiymətləndirilməlidir. Hər halda, yaxın gələcəkdə Azərbaycan üçün prioritet hesab olunan istiqamətlər üzrə bakalavr pilləsində təhsil bərpa oluna bilər", —deyə mütəxəssis qeyd edib.

Təhsil eksperti Məlahət Mürşüdlü isə bu proqramın, vaxt tamam olduğuna görə dayandırıldığı qənaətindədir: "Bu, bir dövlət proqramı idi. 2007- 2015- ci illəri əhatə edirdi. Belə deyək ki, sürəc başa çatdı. Onun dayandırıılmasının əsas səbəblərindən biri bu idi. Yəni vaxt tamam olduğuna görə dayandırıldı".

"Ancaq, mətbuatdan bildiyim qədər, bu proqramın davam etdirilməsi ilə bağlı Təhsil Nazirliyində danışıqlar və araşdırmalar aparılır. 2016-cı il keçdi, düşünürəm ki, bu il olmasa da, gələn ildən bu proqram müəyyən müddət ərzində həyata keçiriləcək", — M. Mürşüdlü əlavə edib.

Qeyd edək ki 2007-2015-ci illərdə Azərbaycan gənclərinin xaricdə təhsili üzrə Dövlət Proqramını 2006-cı ilin oktyabrında prezidentin sərəncamı ilə təsdiq olunub. Proqram üzrə xarici ölkələrin universitetlərinə qəbul isə 2007/2008 tədris ilindən başlayıb.

578
Teqlər:
Bəxtiyar Hacıyev, Etibar Əliyev, Məlahət Mürşüdlü, təhsil, Xaricdə Təhsil üzrə Dövlət Proqramı, Mikayıl Cabbarov, təhsil naziri
Əlaqədar
Təhsil Nazirliyi müəllimlərin maaşının kəsilməsinə münasibət bildirdi
Rayon təhsil şöbələrinin ləğvi nə vaxta qaldı?
Prezident Təhsil üzrə Komissiyanı niyə ləğv etdi?
Rusiyadan mühüm təklif: 15 min xarici vətəndaş pulsuz ali təhsil almağa dəvət edilir
Yeməyi təhsildən üstün tutanlar...
TQDK Təhsil Nazirliyinə birləşərsə, nə baş verər?
Təhsil nazirliyi şagirdin döyülməsi faktını araşdırır
Məktəbdə dərs prosesi, arxiv şəkli

Məktəb, vaksinasiya, metro borclar: milyon yarım şagirdlə bağlı qərar veriləcək?

64
(Yenilənib 17:13 19.01.2021)
Yanvarın 22-də keçiriləcək brifinqdə təhsil naziri Emin Əmrullayev təhsilin növbəti aylardakı fəaliyyəti ilə bağlı açıqlama verəcək

Zülfiyyə Quluyeva, Sputnik Azərbaycan

BAKI, 19 yanvar — Sputnik. Azərbaycanın COVID-19 əleyhinə vaksinasiyaya başlaması ənənəvi təhsilin bərpasına ümid yaradıb. Bu günlərdə Nazirlər Kabineti yanında Operativ Qərargahın brifinqində çıxış edən Prezidentin köməkçisi Şahmar Mövsümov bildirib ki, peyvənddən sonra məktəblərin açılması ilə bağlı müəyyən addımlar atılacaq. Onun sözlərinə görə, məktəblərdə ənənəvi təhsilin bərpası nəzərdə tutulur.

Sputnik Azərbaycan peyvənddən sonra təhsilin hansı formada bərpa olunacağını araşdırıb.

Təhsil Nazirliyindən Sputnik Azərbaycan-ın sorğusuna verilən cavabda bildirilir ki, yanvarın 22-də keçiriləcək brifinqdə təhsil naziri Emin Əmrullayev təhsilin növbəti aylardakı fəaliyyəti ilə bağlı açıqlama verəcək.

Təhsil üzrə ekspert Kamran Əsədov Sputnik Azərbaycan-a açıqlamasında bildirib ki, COVID-19 əleyhinə vaksinasiyaya cəlb edilən risk qrupunda təhsil işçiləri də var. Təhsil işçilərinin peyvənd olunması isə ənənəvi tədrisin bərpası yönündə atılmış addımdır: "Ölkəmizdə vaksinasiyadan sonra məktəblər hibrid formada, həftədə bir neçə gün olmaqla açıla bilər. Amma düşünürəm ki, ənənəvi dərslərdə iştirak etmə könüllü olmalıdır. Virusa yoluxmadan narahat olanların və səhhətində problem olanların dərslərdə iştirak etməsi məcburi yox, könüllülük prinsipi əsasında təşkil ediləcək".

K.Əsədov deyir ki, məktəblər açılan kimi birinci yarımil üzrə məktəbdaxili qiymətləndirilmənin həyata keçirilməsi mümkün deyil: "Birinci yarımil üzrə məktəbdaxili qiymətləndirilmə həyata keçirilməyəcək. Çünki 1,6 milyon şagirdi qısa müddətdə bu prosesə cəlb etmək mümkün deyil. Birinci yarımil yanvarın 27-də başa çatır. Çox güman ki, şagirdlərin biliyi ikinci yarımilin sonunda qiymətləndiriləcək. Bu isə yekun qiymət olacaq".

Ekspert bildirir ki, ali, orta ixtisas və peşə təhsili müəssisələrinin də qismən və mərhələli şəkildə açılması mümkündür:

"Nəzərə almaq lazımdır ki, 1-ci kurs tələbələri ümumiyyətlə təhsil müəssisələrinə getməyiblər. 4-cü kursların isə pedaqoji, istehsalat təcrübələri var. Eyni zamanda, bəzilərinin akademik borcları yaranıb. Bütün bu problemlər bu semestr həll olmalıdır. 4-cü kurs tələbələrinin diplom işləri, buraxılış işləri var. Onlar magistratura pilləsinə qəbul imtahanı verəcəklər. Ümumiyyətlə, bütün kurslar üzrə tədrisin bərpa edilməsi istiqamətində addım atılması mümkündür".

Tədris bərpa olunsa belə, ekspert orta və ali məktəblərdə yaşı 65-dən yuxarı olan şəxslərin dərslərə buraxılmasının riskli olduğunu söyləyir: "Ənənəvi təhsil bərpa edilərkən yoluxma sayının artmaması üçün metronun fəaliyyəti bərpa edilməlidir. Məktəblərdə azı 1 giriş və 1 çıxış qapıları müəyyən edilməlidir. Şagirdlərin qoruyucu maskadan istifadə etməsi məcburi olmalıdır. Müəllimlər də sanitariya qaydalarına riayət etməli, məktəblərdə mütəmadi olaraq dezinfeksiya işləri aparılmalıdır. Hibrid formada tədris bərpa olunandan sonra dərslərin müddəti azaldıla bilər. Əsas fənlər ənənəvi, digər fənlər onlayn qaydada həyata keçirilməlidir. Xüsusilə ibtidai sinif şagirdlərinə Azərbaycan dili, riyaziyyat və xarici dil fənləri hər gün tədris edilməlidir. Digər fənlər isə onlayn rejimdə keçirilməlidir".

Milli Məclisin Elm və təhsil komitəsinin üzvü Kamilə Əliyeva Sputnik Azərbaycan-a açıqlamasında bildirib ki, ənənəvi təhsilin bərpasına tələsmək olmaz: "Koronavirus yayılan kimi ilk olaraq məktəblər bağlandı. Bu, səbəbsiz deyildi. Çünki təhsil müəssisələri virusun yayılması üçün ən böyük risk məkanları sayılırdı. Ona görə də biz ənənəvi təhsili bərpa etməyə tələsməməliyik. Vaksinasiya hər iki risk qrupu üzrə başa çatdıqdan və müsbət nəticə əldə edildikdən sonra məktəblərdə ənənəvi təhsilə mərhələli şəkildə başlamaq olar. Mənim fikrimcə, məktəblərdə tam ənənəvi təhsilə keçmək düzgün olmaz. Məktəblərdə dərslər hibrid formada təşkil edilməlidir".

Qeyd edək ki, artıq Rusiyada orta məktəblərdə ənənəvi təhsil bərpa olunub. Türkiyədə isə yaxın vaxtlarda təhsilin hibrid formada bərpası nəzərdə tutulur.

64
Teqlər:
Təhsil Nazirliyi, vaksinasiya, karantin, məktəb
Onlayn təhsil, arxiv şəkli

Şagirdlərə bu gün xüsusi dərslər keçiriləcək

11
Dərslərdən əlavə, kitab, foto və rəsm sərgisinin, ədəbi-bədii kompozisiyaların təşkili, konfrans, seminar, mühazirə və "dəyirmi masa"ların da keçirilməsi nəzərdə tutulur

BAKI, 19 yanvar — Sputnik. Yanvarın 19-da təhsil müəssisələrində 20 Yanvar faciəsinin otuz birinci ildönümünə həsr olunmuş xüsusi dərslər keçiriləcək. Təhsil Nazirliyindən Sputnik Azərbaycan-a verilən xəbərə görə, Təhsil nazirinin müvafiq əmri ilə təsdiqlənmiş "20 Yanvar faciəsinin otuz birinci ildönümü ilə bağlı Təhsil Nazirliyinin Tədbirlər Planı"na əsasən tədris olunacaq dərslər onlayn təşkil ediləcək. Tədbirlər Planına əsasən, təhsil müəssisələrində onlayn qaydada 20 Yanvar faciəsinin otuz birinci ildönümünə həsr olunmuş kitab, foto və rəsm sərgisinin, ədəbi-bədii kompozisiyaların təşkili, konfrans, seminar, mühazirə və "dəyirmi masa"ların da keçirilməsi nəzərdə tutulur.

11

İlham Əliyev: "Milli iradəmizin zəfər çaldığı gün - 20 Yanvar"

16
1990-cı il yanvarın 19-dan 20-nə keçən gecə Sovet İttifaqı Kommunist Partiyası Mərkəzi Komitəsinin baş katibi Mixail Qorbaçovun əmri ilə qoşun hissələri Bakıya və Azərbaycanın bir neçə rayonuna yeridilib.

BAKI, 20 yanvar - Sputnik. Prezident İlham Əliyevin "Facebook" səhifəsində 20 Yanvar faciəsinin 31-ci ildönümü ilə əlaqədar paylaşım edilib.

Sputnik Azərbaycan-ın məlumatına görə, paylaşımda deyilir: "Milli iradəmizin zəfər çaldığı gün - 20 Yanvar".

16