Azərbaycan Respublikasının Təhsil Nazirliyi

Təhsil Nazirliyi müəllimlərin maaşının kəsilməsinə münasibət bildirdi

500
(Yenilənib 11:46 15.04.2016)
"Azərbaycan Respublikasının Hesablama Palatası tərəfindən 2016-cı ilin aprel ayında İmişli Rayon Təhsil Şöbəsində aparılan yoxlama nəticəsində qeyd olunan nöqsan aşkar olunub"

BAKI, 15 apr — Sputnik. "İmişli Rayon Təhsil Şöbəsindən daxil olan məlumata əsasən bildiririk ki, rayonun ümumi təhsil müəssisələrində çalışan müəllimlərə 2013-cü ilin avqust ayında 2 gün artıq əməkhaqqı ödənilib. Azərbaycan Respublikasının Hesablama Palatası tərəfindən 2016-cı ilin aprel ayında İmişli Rayon Təhsil Şöbəsində aparılan yoxlama nəticəsində qeyd olunan nöqsan aşkar olunub".

Bu fikirlər, İmişli rayonunda müəllimlərin maaşlarından 2 günlüyün tutulması ilə bağlı, Sputnik-in göndərdiyi sorğuya Təhsil Nazirliyinin mətbuat xidmətindən daxil olan cavabda əksini tapır. Nazirlik bildirir ki, qeyd olunan məsələ rayonun ümumi təhsil müəssisələrinin pedaqoji şuralarında müzakirə olunub və müəllimlərin razılığı ilə onlara artıq ödənilmiş əməkhaqqının aprel ayının əməkhaqqından tutulması barədə məktəblərin pedaqoji şuralarında qərar qəbul edilib.

Qeyd edək ki, İmişli rayonu, Sarıxanlı kəndi 1 saylı tam orta məktəbin müəllimlərinin maaşları kəsilib. Bu barədə sözügedən məktəbdən Sputnik-ə məlumat daxil olub. Şikayət məktubunda qeyd olunur ki, 2013-cü ilin avqustunda İmişli rayonun kənd məktəblərində çalışan müəllimlərə 2 gün əlavə məvacib yazılıb.

"Lakin bu il qərar qəbul edilib ki, həmin 2 günlük əlavə məvacib, 2016-cı ilin aprel ayında müəllimlərə veriləcək maaşdan çıxılsın. Axı bizə verilən əlavə iki günlük maaşdan 3 il keçir. Niyə mühasibin və məktəb direktorunun səhvini biz müəllimlər ödəməliyik? Və bu hansı qanuna, məntiqə uyğundur?", —deyə məktubda vurğulanır.

İmişli rayon təhsil şöbəsinin müdiri Ramiz Əmirov Sputnik-ə açıqlamasında, müəllimlərin aprel ayı üzrə maaşlarından iki günlüyün tutulmasını təsdiqləyib: "Mühasib səhv edib və müəllimlər 2 gün əlavə əmək haqqı alıblar. Sonrakı illər iki gün əlavə maaş müəllimlərdən tutulmayıb. Yoxlamanın nəticəsində bildirildi ki, həmin pullar qaytarılmalıdır. Hal-hazırda müəllimlərin məvacibləri artırılıb, onlar da əlavə verilmiş iki günün pulunu dövlətə qaytarmalıdırlar".

Məsələ ilə bağlı Hesablama Palatasına göndərdiyimiz sorğuya, Palatanın aparat rəhbəri Məhəmmədəli Süleymanovun imzası ilə cavab məktubu daxil olub. "Bildiririk ki, Azərbaycan Respublikası Hesablama Palatasının İş planına uyğun İmişli rayon Təhsil şöbəsində aparılan audit başa çatmayıb və nəticələri ilə bağlı Hesablama Palatasının Kollegiyası tərəfindən qərar qəbul edilməyib. Auditin gedişində aşkar olunmuş nöqsanların günahkar şəxslər tərəfindən aradan qaldırılması barədə qərar audit olunan qurum tərəfindən qəbul olunub. Eyni zamanda diqqətə çatdırırıq ki, Azərbaycan Respublikasının Hesablama Palatası başa çatmış və müvafiq qərarlar qəbul edilib, nəzarət tədbirlərinin nəticələri ilə bağlı məlumatı rəsmi internet səhifəsində mütəmadi olaraq yerləşdirir", —deyə məktubda bildirilir.

500
Teqlər:
İmişli Rayon Təhsil Şöbəsi, maaş, Hesablama Palatası, Təhsil Nazirliyi, müəllim
Əlaqədar
Prezident müəllimlərin maaşını artırdı
"Qabaqcıl müəllim o müəllimdir ki, innovasiyaları mənimsəməklə başqalarından fərqlənir"
Sumqayıtda şagirdini döyən müəllim işdən çıxarılıb
Ekspert: Müəllimin dar şalvarda olması tədrisə mənfi təsir edir
Beyləqanda müəllimə küt alətlə öldürülüb
İş yerini dəyişən müəllimlərin diaqnostik qiymətləndirilməsi keçirilir

Təhsil naziri: "Öyrənmə motivasiya arasında çox böyük əlaqə var"

8
Emin Əmrullayev: "Mövcud problemlərin şagirdin biliyində geriləmə və ya irəliləməyə səbəb olması ilə bağlı müəyyən ölçmələr aparmaq lazımdır".

BAKI, 22 yanvar - Sputnik. Təhsil naziri Emin Əmrullayev pandemiya ilə əlaqədar şagirdlərin dərslərində bəzi geriləmələrin olması ilə bağlı səsləndirilən fikirlərə münasibət bildirib.

Xəzər Televiziyasında yayımlanan “Vaxt gəldi” proqramında nazir övladlarından birinin 1-ci sinfə getdiyini, digərinin isə məktəbəqədər yaşda olduğunu deyib. O, distant təhsilin problemlərindən bəhs edərkən deyib:  

“Distant təhsil və teledərslər öz-özlüyündə izləmə baxımından maraqlı prosesdir. Eyni zamanda bu, çox çağırışlı məsələdir, o mənada ki, problemlidir. Belə ki, avadanlıqdan istifadə və ya müxtəlif problemlər meydana çıxır. Misal olaraq, hava soyuq olanda işıqlar sönə bilər. Bunu uşağa izah etmək məsələsi var. Odur ki, mövcud problemlərin şagirdin biliyində geriləmə və ya irəliləməyə səbəb olması ilə bağlı müəyyən ölçmələr aparmaq lazımdır”.

Nazir ibtidai siniflərdə şagirdlərin sosial-psixoloji, sosial-emosional inkişafına fokuslaşmalı olduğumuzu da qeyd edib:

“Biz emosiyalara və ya hansısa gümanlara yox, faktlara, ölçmələrə, elmə inanmalıyıq. Hazırda bununla bağlı planlar var və bunlardan biri də şagirdlərin biliyinin qiymətləndirilməsinin aparılmasıdır. Təbii, şagirdlər də dərsə qayıtmalıdır ki, biz bunu edə bilək. Yaxud başqa formatlar da düşünə bilərik. İnandığım budur ki, fokuslanmalı olduğumuz məsələ, xüsusilə də ibtidai sinifdə şagirdlərin sosial-psixoloji, sosial-emosional inkişafıdır. Mənə görə məktəb insanın sosial emosional inkişafını irəli aparan yer olmalıdır. Çünki öyrənmə və motivasiya arasında çox böyük əlaqə var”.

8
Teqlər:
Azərbaycanın təhsil naziri, təhsil naziri, Emin Əmrullayev

Təhsil naziri şikayətləndi: Fikirlərim təhrif edilib, elə demək istəmirdim

59
(Yenilənib 23:16 22.01.2021)
Emin Əmrullayev: "Məqsədli öyrənmə ilə bağlı mətbuatda təhrif olunan fikirləri o mənada demişdim ki, valideyn övladını bir neçə yerə hazırlığa göndərir, amma bunun məqsədi barədə övladı ilə çox az söhbət edir".

BAKI, 22 yanvar - Sputnik. "Öyrənmək məqsədli olmalıdır. Əgər valideyn övladı üçün hansısa öyrənmək imkanı yaratmaq istəyirsə, öyrənmənin məqsədlərini izah etməlidir. Bu həmçinin müəllim üçün də önəmlidir".

Sputnik Azərbaycan xəbər verir ki, bunu Təhsil naziri Emin Əmrullayev Xəzər Televiziyasında yayımlanan “Vaxt gəldi” proqramında çıxışı zamanı deyib.

Nazir bildirib ki, tədris prosesin məqsədi öyrənən adama məlum deyilsə, onun motivasiyası yoxdursa, yəqin ki, öyrənmə baş vermir:

"Məqsədli öyrənmə ilə bağlı mətbuatda təhrif olunan fikirləri o mənada demişdim ki, valideyn övladını bir neçə yerə hazırlığa göndərir, amma bunun məqsədi barədə övladı ilə çox az söhbət edir. Uşaq da başa düşmür ki, hazırlığa və ya məktəbə nə üçün gedir. O, bunun niyəsini başa düşmürsə, ehtimal ki, öyrənmənin keyfiyyəti aşağı düşür".

"Mən bunu demək istəyirdim. Təəssüf, fikrim elə təqdim edildi ki, guya öyrənmək olmaz demişəm. Demək istədiyim odur ki, məqsədli öyrənmək başqa şeydir”, - deyə nazir əlavə edib.

59
Teqlər:
Emin Əmrullayev, Azərbaycanın təhsil naziri, təhsil naziri

Yanvarın 25-nə qədər ölkədə ictimai nəqliyyat işləməyəcək

0
(Yenilənib 00:11 23.01.2021)
Nazirlər Kabineti yanında Operativ Qərargahın qərarına əsasən, bütün ölkə ərazisində şənbə və bazar günləri ictimai nəqliyyatın fəaliyyəti dayandırılır.

BAKI, 23 yanvar - Sputnik. Bu gündən yanvarın 25-i saat 06:00-dək bütün ölkə ərazisində ictimai nəqliyyatın fəaliyyəti dayandırılıb.

Sputnik Azərbaycan-ın məlumatına görə, Nazirlər Kabineti yanında Operativ Qərargahın qərarına əsasən, bütün ölkə ərazisində şənbə və bazar günləri ictimai nəqliyyatın fəaliyyəti dayandırılır.

Bununla əlaqədar 23 yanvar saat 00:00-dan 25 yanvar saat 06:00-dək ölkə ərazisində ictimai nəqliyyat fəaliyyət göstərməyəcək.

Qeyd edək ki, Bakı metropolitenində də sərnişindaşıma dayandırılıb.

0