tqdk

TQDK Təhsil Nazirliyinə birləşərsə, baş verər?

126
(Yenilənib 11:38 04.02.2016)
Tələbə Qəbulu üzrə Dövlət Komissiyasının bir qurum kimi ləğvi və səlahiyyətlərinin aidiyyəti nazirliyə verilməsi ehtimalı var. Ekspertlər bunu təhsil sisteminə təsirlərini şərh edirlər.

TQDK Təhsil Nazirliyinə birləşsə nə olar?
BAKI, 4 fev — Sputnik. Azərbaycanda neft gəlirlərinin azalması və milli valyutanın "üzən məzənnə"yə keçdikdən sonra dəyərsizləşməsi fonunda dövlət strukturlarında islahatlar davam edir. Dövlət xərclərinə qənaət etmək məqsədi ilə bir sıra qurumlar ya birləşdirilir, ya da ümumuyyətlə ləğv edilir. İndi də Tələbə Qəbulu üzrə Dövlət Komissiyasının (TQDK) Təhsil Nazirliyinə birləşdiriləcəyi haqda fikirlər səslənir. Bəs belə bir addım təhsil sisteminə necə təsir edə bilər?

1992-1993-cü illərdə TQDK-nın ilk sədri olmuş Vurğun Əyyub Sputnik-ə açıqlamasında, bunu sadəcə bir fərziyyə hesab etdiyini bildirib. Onun sözlərinə görə, əslində nə belə bir qərar, nə də rəsmi fikir var. V.Əyyub hər iki qurumun birləşməsi variantına inanmadığını söyləyib.

Lakin TQDK sədri Məleykə Abbaszadə hər hansı birləşmə məsələsini istisna etmir. Onun sözlərinə görə, islahatlar çərçivəsində nə qərar qəbul olunacaqsa, onlar da tabe olacaqlar: "Bu islahatlar çərçivəsində qərar qəbul olunsa, təbii ki, biz onu yerinə yetirəcəyik. Bizim imtahanlar kütləvi imtahanlardır və mən yaxşı başa düşürəm ki, bu prosesi izləyən yüz minlərlə adam var. Eşidəndə ki təşkilatda nəsə dəyişiklik ola bilər hamı narahat olur".

"Mən üzümü valideynlərə və abituriyentlərə tuturam — heç kim narahat olmasın. İmtahan olduğu kimi keçiriləcək, sizin bilikləriniz düzgün və obyektiv qiymətləndiriləcək, heç bir dəyişiklik sizin taleyinizə təsir göstərməyəcək. Ölkə Prezidentinin siyasətinin əsas mərkəzi insanları qorumaqdır. 10-11 il zəhmət çəkən uşaqlara heç kim zərbə vurmaq fikrində deyil", — TQDK sədri deyib.

Təhsil üzrə ekspert Asif Cahangirov Sputnik-ə açıqlamasında bildirib ki, tələbə qəbulunu universitetlər özləri keçirsəydi, daha yaxşı olardı: "Mən TQDK-nın yaranmasını alqışlamışam və ilk illərdə onun fəaliyyətə başlamasında iştirak etmişəm. İdeal hal bu olardı ki, ölkə üzrə prosedurlar müəyyənləşdirilsin və onlar əsasında tələbə qəbulunu universitetlər özləri aparsın. Amma reallıq budur ki, biz bunu hələlik edə bilmərik, çünki korrupsiya ehtimalı çox yüksəkdir".

"TQDK kimi qurum təhsil sistemindən kənarda fəaliyyət göstərsə, bu, daha səmərəli olar. Ümumiyyətlə dünya təcrübəsində belə imtahanları keçirən qurumlar həmin sistemdən kənarda olurlar", —deyə ekspert vurğulayıb.

O, əlavə edib ki, belə qurumlar nazirliyin nəzdində və onun kənarında dövlət qurumu kimi fəaliyyət göstərir: "Testləşdirməni özəl təşkilatlar vasitəsilə həyata keçirən ölkələr də var. Belə qurum təhsil sisteminin kənarında fəaliyyət göstərsə, bu daha səmərəli olar".

126
Teqlər:
Tələbə Qəbulu üzrə Dövlət Komissiyası, qəbul, təhsil, imtahan, TQDK, Təhsil Nazirliyi, tələbə
Əlaqədar
TQDK 600 və daha çox bal toplayan abituriyentlərə müraciət edib
TQDK minimum keçid balını açıqladı
TQDK rezidenturaya hazırlaşanlar üçün online sınaq imtahanı keçirir
Təhsil haqları qalxa bilərmi?
Bakı Şəhəri üzrə Təhsil İdarəsinə yeni müdir təyin edilib
Dövlət ali məktəblərində ödənişli təhsil ləğv olunur
 Distant təhsil, arxiv şəkli

"Virtual məktəb" platformasından yenilik: Azərbaycan dilində fəaliyyət göstərəcək

33
(Yenilənib 18:05 28.10.2020)
"Noyabr ayının 2-dən etibarən "Virtual məktəb" platforması tam Azərbaycan dilində bir portal olacaq. Şagird və müəllimlər ana dilində bu platformadan daha rahat istifadə edə biləcəklər"

Zülfiyyə Quluyeva, Sputnik Azərbaycan

BAKI, 28 oktyabr — Sputnik. Noyabrın 2-dən etibarən "Virtual məktəb" platforması Azərbaycan dilində fəaliyyət göstərəcək. Bu məlumatı Sputnik Azərbaycan-a açıqlamasında Təhsil Nazirliyi yanında Təhsilin İnformasiyalaşdırılması İdarəsinin şöbə müdiri Fidan Nəcəfova verib. O bildirib ki, bu həftə həmin məsələ ictimaiyyətə elan ediləcək:

"Biz bununla bağlı hələ yayda açıqlama vermişdik ki, oktyabr ayında "Virtual məktəb" platformasının ana dilində istifadəsi mümkün olacaq. Qeyd edim ki, "Virtual məktəb" platformasından türk dilində istifadə mümkün idi. Amma rus dilində təhsil alan şagirdlər türk dili ilə bağlı müəyyən problem yaşayırdılar. Artıq noyabr ayının 2-dən etibarən "Virtual məktəb" platforması tam Azərbaycan dilində bir portal olacaq. Şagird və müəllimlər ana dilində bu platformadan daha rahat istifadə edə biləcəklər".

Xatırladaq ki, Təhsil Nazirliyinin Təhsil Sisteminin İnformasiyalaşdırılması İdarəsinin rəisi Vüsal Xanlarov brifinqlərin birində "Microsoft Teams" platformasının Azərbaycan dilinə tərcümə olunmasını diqqətə çatdırmışdı. O bildirmişdi ki, bununla bağlı "Microsoft Teams" şirkətinə müraciət edilib və artıq tərcümə prosesi gedir. Yay aylarında isə şirkət tərəfindən 30 min istifadəçiyə proqramdan istifadə qaydaları ilə bağlı təlim keçilib.

33
Əlaqədar
Nazirin açıqlaması ilə məhv olan ümidlər: onda bəs Virtual Məktəb nəyə gərək idi?
Birinci sinif üzrə də "Virtual Məktəb"də qeydiyyata başlanılıb
Uşaqlar virtual və real məktəb arasında seçim edirlər – SORĞU
Təki oxumağa istək olsun: "Virtual məktəb"ə direktorlar da nəzarət edəcək
Məktəbdə

İşğaldan azad edilən yurdlarımızla bağlı məktəblilərə ətraflı məlumat veriləcək

12
(Yenilənib 14:44 28.10.2020)
Azərbaycanın işğaldan azad olunan əraziləri haqqında "məktəb bülletenləri"nin hazırlanması nəzərdə tutulur.

BAKI, 28 oktyabr — Sputnik. Bakı Şəhəri üzrə Təhsil İdarəsinin (BŞTİ) tabeliyindəki ümumi təhsil müəssisələrində Azərbaycanın işğaldan azad olunan əraziləri haqqında "məktəb bülletenləri"nin hazırlanması nəzərdə tutulur.

Sputnik Azərbaycan-a İdarədən verilən məlumatda bildirilir ki, bununla bağlı BŞTİ-nin tabeliyindəki Təlimə Dəstək Mərkəzi tərəfindən ümumi təhsil müəssisələrinə müvafiq tövsiyələr verilib. "Məktəb bülletenləri"nin hazırlanmasında əsas məqsəd uşaq və gənclərdə milli vətənpərvərlik tərbiyəsi işinin səmərəliliyini artırmaq, qüdrətli Azərbaycan Ordusunun qəhrəmanlıq salnaməsinə diqqəti cəlb etmək, işğaldan azad olunan ərazilərimiz haqqında şagirdləri məlumatlandırmaq və Qarabağın tarixi ilə bağlı məktəbliləri maarifləndirməkdən ibarətdir.

Məktəblərdə tədris prosesi bərpa olunduqdan sonra hazırlanacaq bülletenlərdə şanlı ordumuzun şücaəti sayəsində erməni işğalçılarından azad olunan rayon və şəhərlər, həmçinin strateji əhəmiyyətli yüksəkliklər barədə məlumatlar və şəkillərin dərc olunması nəzərdə tutulur. Dərgidə 30 ilə yaxın bir müddətdə işğal altında olan rayon və şəhərlərin tarixi, ərazisi, əhalisi, milli-mənəvi sərvətləri, maddi-mədəniyyət abidələri barədə müəyyən məlumatlar əksini tapacaq.

Qeyd edək ki, Azərbaycan əsgəri misilsiz qəhrəmanlıq və igidlik göstərərək Vətən uğrunda döyüşür, dövlətimizin zəfər tarixini yazır. İşğalçı Ermənistanın təxribatına layiqli cavab verən rəşadətli Azərbaycan Ordusu düşmənə öz yerini göstərir. Ali Baş Komandan İlham Əliyevin rəhbərliyi altında üçrəngli bayrağımızın doğma Qarabağın hər bir guşəsində dalğalanacağına əminik.

12
Əlaqədar
Yüzdən çox məktəb Azərbaycanın işğaldan azad olunmuş ərazilərinə qaytarılacaq
Azərbaycanda 30 məktəb koronavirusa görə distant təhsilə keçirilib
Gəncədə orta məktəb ciddi dağıntılara məruz qalıb - Nazirlik
Birinci sinif üzrə də "Virtual Məktəb"də qeydiyyata başlanılıb
Avropa Liqasının qrup mərhələsinin 2-ci tutu çərçivəsində Qarabağ - Vilyareal matçı

"Qarabağ" azarkeşlərini məyus etdi

0
(Yenilənib 23:52 29.10.2020)
Azərbaycanın "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

BAKI, 29 oktyabr — Sputnik. "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

Sputnik Azərbaycan xəbər verir ki, görüş Türkiyənin İstanbul şəhərindəki "Başakşehir Fatih Terim" stadionunda baş tutub.

Komandalar oyunun birinci hissəsini heç-heçə başa vurublar. İkinci hissədə isə "Qarabağ"ın oyunçusu Kvabena Ovusu fərqlənib. O, 78-ci dəqiqədə hesabı açıb. Lakin Ağdam klubunun azarkeşlərinin sevinci uzun çəkməyib. 2 dəqiqə sonra "Vilyarreal" Yeremi Pinonun vurduğu qolla hesabı bərabərləşdirib. Matçın 84-cü dəqiqəsində Pako Alkaser Ağdam klubunu cəzalandırıb. "Vilyarreal" ikinci qolla önə çıxıb. 

Oyuna əlavə edilən dəqiqələrdə "Vilyarreal" 3-cü topu "Qarabağ"ın qapısından keçirib. Üçüncü topu da 90+6-cı dəqiqədə penaltidən Pako Alkaser vurub.

Beləliklə, "Qarabağ"-"Vilyarreal" matçında oyun ispan klubunun qələbəsi ilə başa çatıb.

Bu oyunun nəticəsi olaraq xallarını 6-ya çatdıran "Vilyarreal" qrupda liderliyini möhkəmlədib. "Qarabağ" isə 1 xalla 3-cü pillədə qalıb.

0