ELM

Dərs vaxtı telefonlar avtomatik səssiz rejimə keçəcək

© Sputnik/Fuad Həsənov“İctimai nəzarətçi”lər imtahanların gedişinə nəzarət edirlər
“İctimai nəzarətçi”lər imtahanların gedişinə nəzarət edirlər - Sputnik Azərbaycan
Abunə olmaq
Azərbaycanlı tələbənin hazırladığı yeni proqram telefon zəngi vasitəsilə tələbə və şagirdlərin dərs vaxtı diqqətinin yayınması problemi aradan qaldıracaq

BAKI, 2 fev — Sputnik. Azərbaycan Dövlət İqtisad Universitetinin (UNEC) magistrantının iki layihəsi İnformasiya Texnologiyalarının İnkişafı Dövlət Fondunun qrand müsabiqəsinin qalibi olub. Universitetdən Sputnik-ə verilən məlumata görə, UNEC-in menecment ixtisası üzrə təhsil alan magistrantı Zülfüqar İsmayılzadənin təqdim etdiyi "SoSmart" və "Whatto" layihələrinin reallaşdırılıması işləri universitetin İnnovativ Biznes İnkubatorunda görüləcək.

Professor Ədalət Muradov jurnalistlərlə görüşdə - Sputnik Azərbaycan
ELM
"Mən işə gələnədək o tələbənin problemi həll olunsun!"

"SoSmart" layihəsi yerindən və vaxtından asılı olaraq telefonu avtomatik səssiz və ya titrəmə rejimlərinə keçirən mobil tətbiqdir. "SoSmart"ın əsas xüsusiyyəti onun təhsil sisteminə tətbiq olunmasından ibarətdir. Tələbə və şagirdlər təhsil müəssisələrində olduqda dərs cədvəlinə uyğun olaraq telefonları avtomatik səssiz və ya titrəmə rejiminə keçəcək. Bunun üçün istifadəçinin öncədən dərs cədvəlini mobil telefonuna yükləməsi lazımdır.

Bununla da telefon zəngi vasitəsilə tələbə və şagirdlərin dərs vaxtı diqqətinin yayınması problemi aradan qaldırılacaq. "SoSmart"ın əsas texnolojı yeniliyi onun qeo-lokasiya üzərindən mobil telefonu idarə etməsindən ibarətdir. Demək olar ki, bütün smartfonlarda GPS funksiyası var. Mobil tətbiqdə məhz bu funksiyanın köməkliyi ilə yer təyin edilir. Gələcəkdə tətbiqə yeni funksiyalar da əlavə ediləcək.

İmtahan - Sputnik Azərbaycan
CƏMİYYƏT
Universitetlərdə tələbələrə yeni fənlər tədris ediləcək

"Whatto" layihəsi isə istifadəçinin qarderobunu bir yerə toplayan və gündəlik geyimini təyin edən mobil tətbiqdir. Proqram istifadəçiyə həftənin günləri, iş görüşləri, tədbirlər və hava şəraitinə uyğun geyim formasını təqdim edəcək. Bunun üçün istifadəçi öncədən qarderobunda olan geyimlərinin fotosunu çəkib proqrama daxil etməlidir. Mobil tətbiq geyimlərin rəngini və görünüşüni də nəzərə alacaq.

Süni intellektə malik "Whatto" tətbiqi istifadəçiyə alış-verişi də asanlaşdıracaq. "Whatto"nun məqsədi insanların hər gün səliqəli, gözəl görünməsinə yardım etməkdir.

Xəbər lenti
0