Əli Həsənovun Geosiyasət kitabı gürcü dilində

Əli Həsənovun "Geosiyasət" kitabı gürcü dilində nəşr olunub

226
Tbilisidəki Qafqaz Beynəlxalq Universitetində azərbaycanlı professorun kitabının təqdimatı olub.

BAKI, 18 noy — Sputnik. Azərbaycan Respublikası Prezidentinin ictimai-siyasi məsələlər üzrə köməkçisi, tarix elmləri doktoru, professor Əli Həsənovun müəllifi olduğu "Geosiyasət" kitabı gürcü dilinə tərcümə edilib.

Sputnik AZƏRTAC-a istinadən məlumat verir ki, noyabrın 18-də Tbilisidəki Qafqaz Beynəlxalq Universitetində kitabın təqdimatı olub.

Gürcüstan Azərbaycanlıları Milli Konqresinin sədri Əli Babayev kitabın əhəmiyyətindən danışıb, müəllifin bu əsərindən 40 nüsxə universitetin kitabxanasına hədiyyə etdiyini bildirib.

Universitetin rektoru, professor Kaxaber Kordzaya Qafqazın geosiyasətinə həsr olunmuş bu kitabın gürcü dilinə tərcümə edilməsini yüksək qiymətləndirib. Bildirib ki, bu gün Cənubi Qafqazda baş verən proseslərin təhlili, elmi əsaslarının müəyyən edilməsi çox vacibdir. Kitabın universitetin kitabxanasına hədiyyə edilməsi Azərbaycan aliminin tələbələrə və müəllimlərə böyük töhfəsidir. Bu qiymətli dərs vəsaiti təkcə tələbələrin maariflənməsinə deyil, Azərbaycan və Gürcüstan dövlətləri arasında münasibətlərin daha da dərinləşdirilməsinə xidmət edəcək.

Azərbaycan Qadın Jurnalistlər Assosiasiyasının sədri Sevil Yusifova, Qafqaz Beynəlxalq Universitetinin professorları Aleksandr Rusetski, xanım Tamar Kikladze və başqaları çıxış edərək kitabın əhəmiyyətindən danışıb, bu dərs vəsaitinin gürcü dilinə tərcümə olunmasını yüksək qiymətləndiriblər.

Bildirilib ki, kitabda geosiyasətin elm sahəsi kimi meydana gəlməsinə, əsas anlayışların yaranmasına, formalaşmasına və inkişafının tarixinə nəzər salınır, onun nəzəri mənbələri, qanunauyğunluqları, obyekti və predmeti, kateqoriyaları, aktorları ilə bağlı klassik geosiyasət xadimlərinin, müasir tədqiqatçıların baxışları təhlil olunur.

Kitabın beynəlxalq münasibətlər, politologiya, sosiologiya ixtisasları üzrə təhsil alan tələbələr üçün vacib, zəngin dərs vəsaiti olduğu xüsusi vurğulanıb.

Qeyd olunub ki, professor Əli Həsənovun regionda təcavüzkarlığa, terrorizmə və digər cinayətkarlığa dair fikirləri və onun bu proseslərə münasibəti regional əhəmiyyət kəsb edir.

Gürcü dilinə tərcümə olunmuş "Geosiyasət" kitabının elmi redaktoru və ön sözünün müəllifi tarixçi alim, Qafqazın Geotarixi və Geosiyasi Araşdırmaları Beynəlxalq Mərkəzinin prezidenti Quram Marxuliyadır.

Mərasimdə Qafqaz Beynəlxalq Universitetinin professor və müəllim heyəti, gürcü və azərbaycanlı tələbələr, jurnalistlər iştirak ediblər.

226
Teqlər:
Sevil Yusifova, Azərbaycan Qadın Jurnalistlər Assosiasiyası, Tbilisidəki Qafqaz Beynəlxalq Universiteti, Azərbaycan Respublikası Prezidentinin ictimai-siyasi məsələlər üzrə köməkçisi, Geosiyasət, Əli Həsənov, Gürcüstan, Azərbaycan
Çovdar nekropolundan çıxarılan eksponatlar

Qəbirlərdən 6000-dən çox eksponat çıxarılıb

24
(Yenilənib 06:46 08.05.2021)
"Daşkəsən" arxeoloji ekspedisiyası təşkil edilib. 5 ay müddətində davam edən arxeoloji qazıntı işləri zamanı aşkarlanan qəbirlərin sayı 156-ya çatıb. Qəbirlərdən 6000-dən çox eksponat çıxarılıb.

BAKI, 8 may — Sputnik. Heydər Əliyev Fondu və "AzerGold" Qapalı Səhmdar Cəmiyyətinin (QSC) dəstəyi ilə Azərbaycan Milli Elmlər Akademiyasının (AMEA) Arxeologiya və Etnoqrafiya İnstitutu Çovdar nekropolunda aşkar edilən tapıntılar üzərində elmi tədqiqatların ikinci mərhələsinə başlayıb. Bu barədə "AzerGold" QSC-dən Sputnik Azərbaycan-a verilən məlumatda bildirilib.

Bildirilib ki, "AzerGold" QSC və Arxeologiya və Etnoqrafiya İnstitutu arasında 2021-ci ildə imzalanmış müqaviləyə əsasən, Son tunc - Erkən dəmir dövrünün (e.ə.II min.sonu - I min. əvvəli) Xocalı-Gədəbəy mədəniyyətinə aid Çovdar nekropolunda aşkar edilmiş artefaktların kameral tədqiqi həyata keçirilir. Layihənin əsas məqsədi qədim mədəni irsimizin daha dərindən tədqiq və təbliği, arxeoloji tapıntıları konservasiya edərək gələcək nəsillərə ərməğan etməkdir.

Qeyd edək ki, layihə çərçivəsində arxeologiya sahəsində zəngin təcrübəyə malik xarici ekspertlər də elmi tədqiqatlara cəlb ediləcək, nüfuzlu beynəlxalq laboratoriyalarda insan qalıqları əsasında onların cinsi, yaşı, xəstəlikləri, ölüm səbəbləri, qohumluq əlaqələri və qida rasionu kimi məlumatların əldə olunmasını təmin edən C14, karbon (13C) və azot (14N) izotopları üzrə analizlər aparılacaq. Bundan başqa, Daşkəsən rayonunun Çovdar kəndi və ətraf ərazilərin poleoekoloji şəraiti, landşaftı, topoqrafiyası və tədqiq olunan dövrdə ərazidə məskunlaşma sıxlığının öyrənilməsi planlaşdırılıb. Həmçinin görülən işlər və onların nəticələrinin beynəlxalq səviyyədə təbliği məqsədilə beynəlxalq nüfuzlu elmi dərgilərdə silsilə məqalələrin dərci, o cümlədən elmi hesabat və xüsusi nəşrin hazırlanması nəzərdə tutulub.

  • Çovdar nekropolundan çıxarılan eksponatlar
    © Photo : AzerGold
  • Çovdar nekropolundan çıxarılan eksponatlar
    © Photo : AzerGold
  • Çovdar nekropolundan çıxarılan eksponatlar
    © Photo : AzerGold
  • Çovdar nekropolundan çıxarılan eksponatlar
    © Photo : AzerGold
1 / 4
© Photo : AzerGold
Çovdar nekropolundan çıxarılan eksponatlar

Xatırladaq ki, 2019-cu ilin fevral ayında "AzerGold" QSC-nin Daşkəsən rayonunda yerləşən "Çovdar" Filiz Emalı Sahəsində aparılan tikinti işləri zamanı qədim məzar nümunələri aşkar edilib. Ərazidə tikinti işləri dərhal dayandırılıb, aidiyyəti üzrə çöl-tədqiqat işlərinin həyata keçirilməsi üçün Arxeologiya və Etnoqrafiya İnstitutuna müraciət edilib. Nəticədə institutun şöbə müdirləri, tarix üzrə fəlsəfə doktorları Səfər Aşurov və Bəxtiyar Cəlilovun rəhbərliyi altında "Daşkəsən" arxeoloji ekspedisiyası təşkil edilib. 5 ay müddətində davam edən arxeoloji qazıntı işləri zamanı aşkarlanan qəbirlərin sayı 156-ya çatıb. Qəbirlərdən 6000-dən çox eksponat çıxarılıb.

24
Dövlət İmtahan Mərkəzinin binası

Aprelin 15-16-da keçirilən buraxılış imtahanlarının nəticələri açıqlanıb

24
Yazı işlərinin (açıq tipli tapşırıqların cavabları) yoxlanılması prosesi respublikada keçirilən sosial izolyasiya tədbirlərinə uyğun olaraq onlayn şəkildə həyata keçirilib.

BAKI, 6 may - Sputnik. Tam (11 illik) orta təhsil səviyyəsi üzrə 15-16 aprel 2021-ci il tarixlərində keçirilmiş buraxılış imtahanlarının nəticələri elan olunub.

Bu barədə Dövlət İmtahan Mərkəzindən bildirilib.

İmtahan nəticələri saat 17:50-dən etibarən Mərkəzin saytına yerləşdirilib.

İmtahanda iştirak edən 11-ci sinif şagirdləri verilmiş keçidə (https://eservices.dim.gov.az/2021/netorta/) daxil olaraq iş nömrəsi və şəxsiyyəti təsdiq edən sənədin nömrəsindən (və ya FİN kodundan) istifadə etməklə öz imtahan nəticələri, cavab vərəqinin qrafik təsviri, qapalı tipli tapşırıqların doğru cavabları, həmçinin hər bir açıq tipli tapşırıq üzrə qiymətləndirmə meyarları (tapşırığın ehtimal olunan doğru cavabları, həlli və qiymətləndirmə şkalası) ilə tanış ola bilərlər. İmtahan nəticələri haqqında məlumatı (hər fənn üzrə ümumi balı)həmçinin mobil operatorlar (Azercell, Bakcell, Nar, Naxtel) vasitəsilə “iş nömrəsi”ni 7727 nömrəsinə göndərməklə öyrənmək olar.

Yazı işlərinin (açıq tipli tapşırıqların cavabları) yoxlanılması prosesi respublikada keçirilən sosial izolyasiya tədbirlərinə uyğun olaraq onlayn şəkildə həyata keçirilib. Belə ki, hər marker yoxlama prosesinə öz evindən qoşularaq proqramın onun kompüterinə təsadüfi göndərdiyi işləri yoxlayıb.

Qeyd edək ki, onlayn (evdən) yoxlama prosesində üztanıma texnologiyası tətbiq edilib və yoxlama prosesinin bütün tələblərinə (meyarların təkmilləşdirilməsi, işlərin şifrələnməsi, markerlərin hər tapşırıq üzrə yoxlamadan əvvəl kalibrləmədə iştirak etməsi, yoxlama ərzində "seeding" prosesinin (markerlərə sayıqlığı itirməmək üçün əvvəlcədən hazırlanan və kalibrə edilən sualların mütəmadi olaraq göndərilməsi) tətbiqi, işlərin markerlərə proqram tərəfindən təsadüfi göndərilməsi, imtahan protokollarının araşdırılması və s.) əməl olunub. Yazı işlərinin onlayn (evdən) yoxlanılması üçün proqram təminatı Dövlət İmtahan Mərkəzinin mütəxəssisləri tərəfindən hazırlanıb. Qeyd edək ki, buraxılış imtahanında şagirdlərə ana dili fənnindən 4 açıq və 26 qapalı, riyaziyyat fənnindən 4 açıq, 8 kodlaşdırılan açıq, 13 qapalı, xarici dil fənnindən 4 açıq və 26 qapalı tipli tapşırıq olmaqla ümumilikdə 85 tapşırıq təqdim olunur. Bu mərhələdə fənlərinin hər biri üzrə toplanıla biləcək maksimal bal 100 olmaqla, ümumilikdə 300 baldır. Balların hesablanması qaydası ilə buradan tanış ola bilərsiniz. Bu imtahanlarda iştirakı nəzərdə tutulan 26491 nəfərdən 376 nəfər imtahana gəlməyib. Tələb olunan imtahan qaydalarını pozduğu üçün 7 nəfərin nəticəsi ləğv olunub. İmtahan iştirakçıları arasında 1 nəfər – Sumqayıt şəhəri, Texniki və təbiət elmləri liseyinin məzunu maksimal olan 300 bal toplayıb. Həmin şagird 2 il əvvəl 9-cu sinif səviyyəsi üzrə buraxılış imtahanında da 296 bal toplamaqla yüksək nəticə göstərib.

İmtahan nəticələri ilə bağlı müraciətlərə baxılması üçün DİM tərəfindən bütün istiqamətlər üzrə nəticələr elan olunduqdan sonra onlayn ("Zoom" proqramı və ya telefon əlaqəsi vasitəsilə) apelyasiya prosesi təşkil ediləcək. Apelyasiya komissiyasına müraciət etməmişdən əvvəl şagirdlər DİM-in saytında, imtahan nəticələri ilə bağlı səhifədə öz nəticələri, cavab vərəqinin qrafik təsviri, hər bir açıq tipli tapşırıq üzrə qiymətləndirmə meyarları ilə tanış olmalıdırlar. Ötən il imtahanların təcrübəsi göstərir ki, apelyasiya üçün ərizə yazanların təqribən 20-25%-i ümumiyyətlə tapşırığa cavab verməyib və ya öz cavabı ilə mümkün doğru cavabları, qiymətləndirmə şkalasını müqayisə edib tanış olmadan komissiyaya müraciət ediblər. Abituriyentlərin nəzərinə çatdırırıq ki, bu tip müraciətlərə baxılmayacaq. Apelyasiya komissiyasına müraciət etmək istəyənlər 16-19 may tarixlərində DİM-in saytında yerləşdiriləcək elektron ərizəni doldurmaqla qeydiyyatdan keçə bilərlər. Göstərilən müddət ərzində qeydiyyatdan keçməyənlər sonradan apelyasiya üçün müraciət edə bilməyəcəklər. Elektron ərizədə müraciətin məzmunu qeyd olunmadığı halda ərizə qəbul edilmir, həmin müraciət araşdırılmır və onun üçün apelyasiya təşkil olunmur. Apelyasiya müzakirəsində şagirdin iştirakı vacibdir. Şagird ilə yanaşı valideynlərindən biri müzakirədə iştirak edə bilər. Bir şagirdin ərizəsi (müraciəti) üzrə ən çox 15 dəqiqə müzakirə aparıla bilər. Ayrılan vaxt bitdikdə, kənar şəxs müzakirəyə qoşulduqda və ya etik davranış qaydaları pozulduqda müzakirə prosesi dayandırılır.

22-23 aprel 2021-ci il tarixlərində keçirilmiş buraxılış imtahanlarının nəticələrinin bayramdan sonrakı həftə ərzində elan olunması nəzərdə tutulur.


24
Taxıl biçini, arxiv şəkli

Taxıl biçini başlayacaq - Kombaynlara GPS qoşulur

0
(Yenilənib 23:29 08.05.2021)
May ayının sonundan etibarən Azərbaycanda taxıl biçininə başlanılacaq. Hazırda biçinə cəlb ediləcək kombaynlar üzərində sazlama işləri aparılır.

BAKI, 8 may — Sputnik. May ayının sonundan etibarən Azərbaycanda taxıl biçininə başlanılacaq. Bununla əlaqədar "Aqroservis" ASC tərəfindən biçinə hazırlıq işlərinin əsas mərhələsinə start verilib.

Sputnik Azərbaycan xəbər verir ki, hazırda biçinə cəlb ediləcək kombaynlar üzərində sazlama işləri aparılır. Bütün rayonlar üzrə mövcud kombaynlara texniki baxış keçirilir, nasaz vəziyyətdə olan texnikalarda təmir işləri həyata keçirilir.

Həmçinin, biçin zamanı düzgün dislokasiya planının qurulması üçün kombaynlar GPS nəzarət sistemi ilə təchiz edilir. Bu innovativ nəzarət sistemi biçin zamanı düzgün dislokasiya yaradılması, operativliyin təmin edilməsi, prosesə nəzarət edilməsi və şəffaf idarəetmə mexanizminin qurulmasına imkan yaradır.

Qeyd edək ki, taxıl biçininə hazırlıqların ilkin mərhələsində cari ildə taxıl biçininin itkisiz və mütəşəkkil həyata keçirilməsi məqsədilə kombaynları idarə edəcək mexanizatorlara ödənişsiz təlimlər keçirilib. Müxtəlif markalı kombaynlar üzrə ümumlikdə 263 mexanizator təlimlərdə iştirak edib. Təlimlərdə yüksək nəticə əldə edən mexanizatorlar sertifikat ilə təmin ediliblər.

0