Mikayıl Cabbarov - Təhsil naziri

Mikayıl Cabbarov: dərsliklə bağlı vəziyyət bizi qane edə bilməz

34
(Yenilənib 13:10 14.09.2015)
Nazirin sözlərinə görə, iki il öncə Azərbaycanda ilk dəfə olaraq bir il qabağa praktikası başlayıb.

BAKI, 14 sen — Sputnik. Dərsliklə bağlı irəliləyiş olsa da, indiki vəziyyət bizi qane edə bilməz.

Bunu təhsil naziri Mikayıl Cabbarov deyib. Onun sözlərinə görə, iki il öncə Azərbaycanda ilk dəfə olaraq bir il qabağa praktikası başlayıb: “Əsas məqsəd ondan ibarət idi ki, pilot məktəblərdə, valideynlərdə dərslikləri sınaqdan keçirək. Bu işi hələ də başa çatdırmamışıq. Müvafiq şöbəmiz, Təhsil Problemləri İnstitutu bu işdə daha fəal olmalıdır”.

Nazir bildirib ki, hazırda ölkə şagirdlərinin biliyinin qiymətləndirilməsi yalnız icbari təhsil müddəti başa çatdıqdan sonra həyata keçirilir: “IX sinif məzunları buraxılış imtahanı verirlər. Lakin təhsil işçiləri razılaşa bilərlər ki, eyni bilgi 6-cı sinfi, yaxud ibtidai sinfi bitirən şagirdlər üçün olsaydı, bu, bizə təhsil prosesində, metodikasında müşahidə etdiyimiz boşluqları özümüz üçün daha tez müəyyənləşdirməyə daha çox imkan verər və lazım olan müdaxilələri məhz onların təhsil müddətində edərdik”.

M. Cabbarov Təhsil Nazirliyinin müvafiq şöbələrinin bununla bağlı layihə hazırlayıb təqdim etməli olduğunu da qeyd edib.

34
Mirənvər İsmayılzadə

Stereotipləri qıraraq - böyük sözünə baxmamaq azərbaycanlı gəncin həyatını dəyişdi

899
Ötən il Tibb Universitetində təhsilini yarıda qoyub, bu il ali məktəbə qəbul olmaq üçün yenidən imtahanlara qatılan lənkəranlı gənc yüksək nəticə əldə etdi

Rahim Muradov, Sputnik Azərbaycan

BAKI, 12 avqust — Sputnik. O ötən il yüksək balla həkimlik ixtisasına daxil olur, 3-4 ay da Tibb Univeristetinin auditoriyasında oturur. Lakin bu müddətdə anlayır ki, valideynləri onu cərrah görmək istəsələr də, bu sahənin adamı deyil. Bu il ali məktəbə qəbul olmaq üçün yenidən imtahanlara qatılan Lənkəran rayonunun Digah kənd sakini Mirənvər İsmayılzadə birinci mərhələdə 300 bal toplamaqla respublikada yüksək nəticə əldə edib.

Mirnail İsmayılov oğlunun yüksək balla qəbul olunduğu Tibb Universitetini tərk etməsinin onları sevindirmədiyini Sputnik Azərbaycan-a müsahibəsində bildirdi: "Yəni bu, hər adamın başına gələn hadisə deyil. Hər bir valideyn öz övladının ya hüquqşünas, ya yüksək səviyyəli mütəxəssis, xüsusən də həkim olmasını arzu edir. Biz Mirənvəri cərrah kimi görmək istəyirdik. Sən demə, onun başqa bir fikri var imiş. Universiteti tərk etdikdən sonra bütün tənqidi fikirlərə dözdü. Lakin onun növbəti imtahanlarda daha yüksək nəticə əldə edəcəyini vəd verməsini də xatırlamıram. Açığı, belə bir nəticəni gözləmirdim və gecənin bir yarısı xəbəri biləndə yaxşı tərəfdən şok oldum. Bütün valideynlərə belə bir şok olmalarını arzu edirəm. Mirənvərə dərs deyən 10 saylı məktəbin müəllimləri ona qəbul olunmasında dəstək oldular və buna görə onlara, xüsusən də məktəbin direktoruna çox-çox minnətdaram".

© Sputnik / Rahim Muradov
Mirənvər İsmayılzadə atası Mirnail İsmayılovla birgə

Məlumat üçün bildirək ki, Mirənvər İsmayılzadə 2019-cu ildə Lənkəran şəhər 10 saylı tam orta məktəbini bitirdikdən sonra ali məktəblərə qəbul imtahanlarında 652 bal toplayaraq Tibb Universitetinə qəbul olunub. "Müalicə işi" fakültəsində 3-4 ay təhsil aldıqdan sonra öz ərizəsi ilə universitetdən xaric olunmasını istəyib.

Səbəbi isə Mirənvər belə izah edib: "Universitetdə bir müddət təhsil aldıqdan sonra həkimliyin istədiyim peşə olmadığını anladım. Ötən il öyrəndiklərim bu il mənim hazırlaşmağımda çox mühüm rol oynadı. Dərs ilinin əvvəllərində müəyyən qədər hazırlıq kurslarında məşğul oldum. Lakin ilin ikinci yarısında pandemiyaya görə hamı kimi mən də hazırlıqlarıma evdə davam etməli oldum.

Ötən il IV ixtisas qrupunu seçmişdim, bu il isə I ixtisas qrupunu seçdim. Qruplarda fənlər, demək olar, oxşar olduqları üçün hazırlaşdığım dövrlərdə elə də ciddi çətinliklərlə qarşılaşmadım. DİM-in təşkil etdiyi sınaq imtahanlarının, demək olar, hamısında iştirak etdiyim üçün qəbul imtahanlarında qəti həyəcanlanmadım. Abituriyentlərə məsləhətim odur ki, nəzəriyyəni oxuyub bitirdikdən sonra öz biliklərini testlərlə təkmilləşdirə bilərlər. Çünki mən 9-cu sinfə qədər nəzəriyyəni tam oxuyandan sonra X-XI siniflərdə yalnız testlərlə işləyirdim. Mən XI sinifdə oxuyanda, demək olar ki, nəzəriyyə oxumurdum, yalnız testlərlə işləyirdim".

"Qeyd edim ki, atamla anam ingilis dili fənni üzrə müəllimdirlər. Hər iki valideynimin mənim qəbul imtahanlarına hazırlaşmağımda böyük dəstəkləri olub və onlara böyük minnətdarlığımı bildirirəm. Bundan əlavə, bitirdiyim şəhər 10 saylı orta məktəbin direktoru Qadir Axundov müəllimə də dərin təşəkkürümü bildirirəm. Çünki Qadir müəllim imtahanlara hazırlıq prosesində mənə ciddi şəkildə dəstək verib. Mənim bir bacım var, o da dərslərini yaxşı oxuyur, lakin onun hazırlaşdığı ixtisas bloku mənimkindən fərqli olduğu üçün bacıma çox da köməklik göstərə bilmirəm", - Mirənvər əlavə edib.

Beləliklə, qəbul imtahanının birinci mərhələsində maksimum 300 bal toplayan M.İsmayılzadənin hədəfi Bakı Ali Neft Məktəbinin İnformasiya təhlükəsizliyi ixtisasına qəbul olmaqdır. Qeyd edək ki, Mirənvər İsmayılov ötən il Amerika Birləşmiş Ştatlarının univeristetlərinə qəbul imtahanlarında da yüksək nəticə göstərib. Lakin Azərbaycanın Tibb Universitetinə daxil olduğu üçün orada ixtisas seçimində iştirakdan imtina edib.

899
Əlaqədar
Yeni modelə keçidin başlanğıcı: Azərbaycanda pandemiya dövründə təhsil inqilabı
Abituriyentlərə ikinci şans verildi, amma topladıqları bal aşağı olacaq
Bəzi buraxılış imtahanları sentyabrda keçiriləcək – Mühüm yenilik
Mis məftilin üstündə qurulan təhsildən "qızıl" gələcəyi necə gözləyək?
Ekspert: “Pandemiya xaricdə təhsil alanların sayına təsir edib”
Təhsil Nazirliyinin binası, arxiv şəkli

Təhsil Nazirliyində maraqlı təyinat

907
(Yenilənib 15:24 12.08.2020)
Xalq artisti Afaq Bəşirqızının gəlini Könül Təhməzova artıq kollektivə təqdim olunub və işə başlayıb

BAKI, 12 avqust — Sputnik. Təhsil Nazirliyi Bakı şəhəri, 7 nömrəli tam orta məktəbə yeni direktor təyin edib.

Sputnik Azərbaycan-ın məlumatına görə, bu barədə Təhsil naziri Emin Əmrullayev əmr imzalayıb. Əmrə əsasən, Bülbül adına orta ixtisas musiqi məktəbinin keçmiş müəllimi Könül Təhməzova sözügedən məktəbə direktor vəzifəsinə təyin edilib. Məktəbdən Sputnik Azərbaycan-a verilən məlumata görə, Könül Təhməzova artıq kollektivə təqdim olunub və işə başlayıb. Məktəbin əvvəlki direktoru Könül Həsənova isə başqa məktəbin idarəçiliyinə göndərilib.

Qeyd edək ki, Könül Təhməzova Xalq artisti Afaq Bəşirqızının oğlu Səmralın həyat yoldaşıdır. Cütlüyün iki oğlu var. Oğlanların böyüyü SSRİ xalq artisti, unudulmaz Bəşər Səfəroğlunun adını daşıyır.

907
Qonaqlıq, arxiv şəkli

Əvvəllər yeyib-içənləri tuturdular, indi onun şəklini paylaşanları

0
(Yenilənib 12:35 13.08.2020)
Polis əməkdaşları tərəfindən orada iştirak etmiş 11 nəfər barəsində İnzibati Xətalar Məcəlləsinin müvafiq maddəsi ilə protokollar tərtib olunaraq cərimə ediliblər.

BAKI, 13 avqust — Sputnik. Saatlı rayonundakı fərdi yaşayış evlərinin birində bir qrup şəxs toplaşaraq yeyib-içmək məclisi təşkil edərək xüsusi karantin qaydalarını kobudcasına pozublar.

Sputnik Azərbaycan DİN-in Mətbuat Xidmətinin Bərdə regional qrupundan verilən məlumata istinadla xəbər verir ki, daha sonra həmin şəxslər təşkil etdikləri məclisin fotoşəkillərini çəkərək sosial şəbəkələrdə paylaşıblar. Saatlı RPŞ-nin əməkdaşlarının keçirdiyi tədbirlər nəticəsində yeyib-içmək məclisi təşkil edən həmin şəxslər müəyyən edilib. Polis əməkdaşları tərəfindən orada iştirak etmiş 11 nəfər barəsində İnzibati Xətalar Məcəlləsinin müvafiq maddəsi ilə protokollar tərtib olunaraq cərimə ediliblər.

0