Vaşinqton Rusiyada seçkilərə müdaxilə edir: ABŞ səfiri XİN-ə çağırılıb

13896
(Yenilənib 11:51 12.09.2021)
Amerikanın Rusiyadakı səfiri Con Sallivana bildirilib ki, Moskvada Amerika "rəqəmsal nəhəngləri" tərəfindən Rusiya qanunlarının pozulmasına dair təkzibedilməz sübutlar var.

BAKI, 12 sentyabr - Sputnik. ABŞ-ın Rusiyanın daxili işlərinə, o cümlədən seçkilərə müdaxiləsi sənədlərlə təsdiqlənib.

Sputnik Azərbaycan RİA Novosti-yə istinadla xəbər verir ki, bunu Rusiya Xarici İşlər Nazirliyinin sözçüsü Maria Zaxarova bildirib. 
Bu ərəfədə Amerikanın Rusiyadakı səfiri Con Sallivan Xarici İşlər Nazirliyinə çağırılıb. Diplomata bildirilib ki, Moskvada Amerika "rəqəmsal nəhəngləri" tərəfindən Rusiya qanunlarının pozulmasına dair təkzibedilməz sübutlar var. Diplomatik xidmət bu cür hərəkətlərin yolverilməz olduğunu vurğulayıb.

"Biz Amerika tərəfinə vəziyyəti izah edən konkret faktlar verdik. Bunların açıq-aşkar Amerika İnternet inhisarçılarına məxsus olan və Amerika Birləşmiş Ştatlarının ərazisindən idarə olunan internet-platformaların hərəkətləri olduğunu sübut etdik. Bu, onların bizim daxili proseslərimizə - siyasi proseslərə, seçki proseslərinə müdaxiləsidir", - deyə Zaxarova "Solovyov Live" YouTube kanalının efirində bildirib.

O qeyd edib ki, Amerika tərəfi hələ də Sallivanın Xarici İşlər Nazirliyinə səfərinə heç bir reaksiya verməyib.

Xatırladaq ki, rəsmi Vaşinqton dəfələrlə Rusiyanı ABŞ-da keçirilən seçkilərə virtual müdaxilə etməkdə günahlandırıb.  

Rusiyada Dumaya seçkilər

Rusiya Dövlət Dumasına seçkilər və digər seçki prosesləri sentyabrın 17-dən 19-dək keçiriləcək.

Bu barədə Rusiya Mərkəzi Seçki Komissiyasının (MSK) sədri Ella Pamfilova bildirib.

“Sentyabrın 17-19-da ölkədə vahid seçkilər günü elan olunub. Dövlət Dumasına seçkilər də bu günlərdə saat 08:00-dan 20:00-dək keçiriləcək. Seçkilərdə iştirak etmək hüququ olan 32 partiya siyahılarını iyulun 13-dək MSK-ya təqdim edib.”, - deyən E.Pamfilova qeyd edib ki, seçkilərin üç gündə keçirilməsi sanitar-epidemioloji vəziyyətlə bağlıdır.

Qeyd edək ki, Rusiya Prezidenti Vladimir Putin Dövlət Dumasına seçkilərin sentyabrın 19-na təyin edilməsi barədə Fərman imzalayıb.

Rusiya parlamentinin aşağı palatası olan Dövlət Duması 5 il müddətinə formalaşdırılır. Palatada 225 yer partiya siyahılarına uyğun, 225 yer isə birmandatlı dairələr üzrə tutulur.

13896
Rusiya Prezidenti Vladimir Putin və Türkiyə Prezidenti Rəcəb Tayyib Ərdoğan

Peskov Putinlə Ərdoğanın münasibətlərinin hansı səviyyədə olduğunu açıqlayıb

491
(Yenilənib 21:16 26.09.2021)
Rusiya prezidentinin sözçüsü Dmitri Peskov deyib ki, Vladimir Putin və Rəcəb Tayyib Ərdoğan arasında çox etibarlı iş əlaqəsi var.

BAKI, 26 sentyabr - Sputnik. Rusiya və Türkiyə prezidentləri Vladimir Putin və Rəcəb Tayyib Ərdoğan arasında çox etibarlı iş əlaqəsi var.

Sputnik Azərbaycan RİA Novosti-yə istinadla xəbər verir ki, bunu Rusiya Prezidentinin mətbuat katibi Dmitri Peskov, "Rossiya1" telekanalının efirində "Moskva. Kreml. Putin" verilişində deyib.

Peskov bildirib ki, bu güvən iki lider arasında ciddi danışıqlar üçün əlverişlidir.

Qeyd edək ki, Türkiyə prezidenti Rəcəb Tayyib Ərdoğan sentyabrın 29-da Rusiyaya birgünlük işgüzar səfərə gedəcək. 

Rəcəb Tayyib Ərdoğan jurnalistlərə açıqlamasında deyib ki, Soçidə Rusiya Prezidenti Vladimir Putinlə danışıqlarda önəmli qərarlar veriləcəyinə ümid edir.  

Dmitri Peskov daha əvvəl bu səfərlə bağlı deyib ki, Vladimir Putin və Rəcəb Tayyib Ərdoğan ikitərəfli münasibətləri və Suriya problemini müzakirə edəcəklər.

"Doğrudan da Türkiyə Prezidenti Rəcəb Tayyib Ərdoğanın Rusiya Federasiyasına işgüzar səfəri hazırlanır. Gündəlik – çox genişdir, ikitərəfli münasibətlərdən başlayır", - deyə Peskov qeyd edib.

Xatırladaq ki, Türkiyə prezidenti Rəcəb Tayyib Ərdoğan 2020-ci ilin martın 6-da Moskvada Rusiya prezidenti Vladimir Putinlə görüşüb. Təxminən 6 saat davam edən görüşün sonunda tərəflər 2018-ci il Soçi Razılaşmasına 3 maddəlik əlavə protokol mətnini ictimaiyyətə açıqlayıb və gözlənilən atəşkəsi də elan ediblər.

Hərbi əməliyyatların getdiyi vaxt rəsmi Ankara tələb edirdi ki, Əsəd qüvvələri 2018-ci ilin sentyabrında imzalanmış Soçi anlaşmasındakı sərhədlərə geri çəkilsin. Ərdoğan AKP-li millət vəkilləri ilə görüşündə deyib ki, Əsədə bağlı qüvvələr Soçi anlaşmasından sonrakı il yarım ərzində ələ keçirdiyi əraziləri tərk etməsə, Türkiyə bu işi özü yerinə yetirəcək. Bu, birbaşa ultimatum hesab olunurdu.

Həmçinin oxuyun:

* Ərdoğanın Rusiyaya səfər tarixi açıqlandı

* Putinlə danışıqlarda önəmli qərarlar veriləcəyinə ümid edirəm - Türkiyə prezidenti

491
Vladimir Jirinovski, arxiv şəkli

Jirinovski Putinə abortdan imtina edən qadınlara kompensasiya verilməsini təklif edib

59
(Yenilənib 21:21 26.09.2021)
RLDP sədri bu sözləri prezidentin Dövlət Dumasında təmsil olunacaq partiya nümayəndələri ilə görüşü zamanı deyib.

BAKI, 25 sentyabr – Sputnik. Rusiya Liberal-Demokrat Partiyasının sədri Vladimir Jirinovski ölkə başçısı Vladimir Putinə qadınlara abortdan imtina etməyə görə kompensasiya verilməsini təklif edib. Bu barədə RİA Novosti xəbər verir.

“Təklif edirəm ki, abortlardan imtinaya görə kompensasiya tətbiq olunsun”, - deyə RLDP sədri prezidentin Dövlət Dumasında təmsil olunacaq partiya nümayəndələri ilə görüşündə deyib.

Jirinovskinin rəhbərlik etdiyi partiyada hesab edirlər ki, bu, ölkədə demoqrafik artıma səbəb ola bilər. Belə ki, RLDP abortdan imtina etdikləri təqdirdə qadınlara böyük məbləğdə pul verilməsini təklif edir. Eyni zamanda partiya sədri bir müddət əvvəl bildirib ki, bu halda sonradan doğulacaq uşaqlar alınaraq xüsusi müəssisələrə yerləşdirilməlidirlər.

Həmçinin oxuyun:

Putin Dövlət Dumasının qarşısında duran vəzifələri ifadə edib

59
Teqlər:
Vladimir Jirinovski, abort, kompensasiya
Əfqanıstan Prezidenti Əşrəf Qani, arxiv şəkli

Əşrəf Qəni Taliban hakimiyyətini tanımağa çağırıb?

0
(Yenilənib 20:07 27.09.2021)
Daha əvvəl eks-prezidentin rəsmi "Facebook" səhifəsində "Əfqanıstandan uzaqlaşmaq əvəzinə, hazırkı hakimiyyətlə əməkdaşlıq vacibdir" şəklində bəyanat yer alıb.

BAKI, 27 sentyabr — Sputnik. Əfqanıstanın keçmiş prezidenti Muhammed Əşrəf Qəninin "Facebook" hesabı sındırılıb. Bundan bir neçə dəqiqə əvvəl isə həmin hesabdan Taliban* hakimiyyətinin tanınmasına çağırış edilib. Bu barədə Sputnik Azərbaycan RİA Novosti-yə istinadla xəbər yayıb.

"Muhammed Əşrəf Qəninin "Facebook"-dakı rəsmi səhifəsi sındırılıb", – deyə Qəni öz "Twitter" hesabında yazıb.

Bundan əvvəl Əşrəf Qəninin "Facebook" səhifəsində "Əfqanıstandan uzaqlaşmaq əvəzinə, hazırkı hakimiyyətlə əməkdaşlıq vacibdir" şəklində bəyanat yer almışdı. Bəyanatda Taliban qruplaşmasına kömək göstərilməsi, onun hakimiyyətinin tanınması və Əfqanıstanın aktivlərinin yenidən açılmasına çağırış öz əksini tapıb.

Qeyd edək ki, avqustun əvvəlində Amerika hərbi kontingentinin Əfqanıstandan çıxarılması fonunda Taliban hücuma keçərək ölkənin bütün iri şəhərlərini tutub və iyirmi illik müharibənin başa çatdığını elan edib. Əfqanıstanın Milli Barışıq üzrə Ali Şurasının rəhbəri Abdulla Abdulla bildirib ki, Əşrəf Qəni prezidentlikdən istefa verərək ölkəni tərk edib.

Avqustun 15-dən 16-na keçən gecə Talibanın* siyasi ofisinin rəsmi nümayəndəsi Muhamməd Naim isə bəyan edib ki, Əfqanıstanda müharibə başa çatıb.

*Rusiyada və digər ölkələrdə qadağan olunmuş terror təşkilatı

 

0