Gəncədə yaşayan ruslar Dövlət Dumasına keçirlən seçkilərdə səs veriblər

Gəncədə yaşayan ruslar Dövlət Dumasına keçirlən seçkilərdə səs veriblər

1022
Seçki məntəqəsi Gəncə və Qərb regionu üzrə Rus İcmasının yerləşdiyi binada yaradılıb və icma nümayəndələri seçkidə iştiraka dəvət ediliblər.

BAKI, 11 sentyabr - Sputnik. Rusiya Federasiyası Federal Məclisinin yeni çağırış Dövlət Dumasına deputat seçkisində Gəncədə yaşayan ruslar da iştirak edib.

Sputnik Azərbaycan xəbər verir ki, Gəncə Şəhər İcra Hakimiyyəti binasında yerləşən Gəncə və Qərb regionu üzrə Rus İcmasının ofisində yaradılan məntəqə səhər saat 08-00 seçicilərin səsverməsi üçün hazır vəziyyətə gətirilib.

Səsvermə üçün gələn rus vətəndaşlar pandemiya qaydalarına uyğun olaraq yoxlanıblar və daha sonra məntəqədə səsverməyə qatılıblar.

"Səsvermə prosesinin şəffaf və qanunauyğun şəkildə keçirilməsi üçün məntəqədə hər cür şərait yaradılıb. Gəncə və Qərb regionunda məskunlaşmış rus icmasının nümayəndələri olan seçicilər seçkiyə dəvət ediliblər. Proses normal qaydada gedir. Bu saata qədər hər hansı qayda pozuntusu qeydə alınmayıb", - deyə məntəqə seçki komissiyasının üzvləri bildiriblər.  

Qeyd edək ki, səsvermə saat 22-00 qədər davam edəcək.

  • Gəncədə yaşayan ruslar Dövlət Dumasına keçirlən seçkilərdə səs veriblər
    © Sputnik / Rahim Mammadov
  • Gəncədə yaşayan ruslar Dövlət Dumasına keçirlən seçkilərdə səs veriblər
    © Sputnik / Rahim Mammadov
  • Gəncədə yaşayan ruslar Dövlət Dumasına keçirlən seçkilərdə səs veriblər
    © Sputnik / Rahim Mammadov
  • Gəncədə yaşayan ruslar Dövlət Dumasına keçirlən seçkilərdə səs veriblər
    © Sputnik / Rahim Mammadov
  • Gəncədə yaşayan ruslar Dövlət Dumasına keçirlən seçkilərdə səs veriblər
    © Sputnik / Rahim Mammadov
1 / 5
© Sputnik / Rahim Mammadov
Gəncədə yaşayan ruslar Dövlət Dumasına keçirlən seçkilərdə səs veriblər

Rusiyada Dumaya seçkilər

Rusiya Dövlət Dumasına seçkilər və digər seçki prosesləri sentyabrın 17-dən 19-dək keçiriləcək.

Bu barədə Rusiya Mərkəzi Seçki Komissiyasının (MSK) sədri Ella Pamfilova bildirib.

“Sentyabrın 17-19-da ölkədə vahid seçkilər günü elan olunub. Dövlət Dumasına seçkilər də bu günlərdə saat 08:00-dan 20:00-dək keçiriləcək. Seçkilərdə iştirak etmək hüququ olan 32 partiya siyahılarını iyulun 13-dək MSK-ya təqdim edib.”, - deyən E.Pamfilova qeyd edib ki, seçkilərin üç gündə keçirilməsi sanitar-epidemioloji vəziyyətlə bağlıdır.

Qeyd edək ki, Rusiya Prezidenti Vladimir Putin Dövlət Dumasına seçkilərin sentyabrın 19-na təyin edilməsi barədə Fərman imzalayıb.

Rusiya parlamentinin aşağı palatası olan Dövlət Duması 5 il müddətinə formalaşdırılır. Palatada 225 yer partiya siyahılarına uyğun, 225 yer isə birmandatlı dairələr üzrə tutulur.

 

1022
Rusiya Prezidenti Vladimir Putin və Türkiyə Prezidenti Rəcəb Tayyib Ərdoğan

Peskov Putinlə Ərdoğanın münasibətlərinin hansı səviyyədə olduğunu açıqlayıb

491
(Yenilənib 21:16 26.09.2021)
Rusiya prezidentinin sözçüsü Dmitri Peskov deyib ki, Vladimir Putin və Rəcəb Tayyib Ərdoğan arasında çox etibarlı iş əlaqəsi var.

BAKI, 26 sentyabr - Sputnik. Rusiya və Türkiyə prezidentləri Vladimir Putin və Rəcəb Tayyib Ərdoğan arasında çox etibarlı iş əlaqəsi var.

Sputnik Azərbaycan RİA Novosti-yə istinadla xəbər verir ki, bunu Rusiya Prezidentinin mətbuat katibi Dmitri Peskov, "Rossiya1" telekanalının efirində "Moskva. Kreml. Putin" verilişində deyib.

Peskov bildirib ki, bu güvən iki lider arasında ciddi danışıqlar üçün əlverişlidir.

Qeyd edək ki, Türkiyə prezidenti Rəcəb Tayyib Ərdoğan sentyabrın 29-da Rusiyaya birgünlük işgüzar səfərə gedəcək. 

Rəcəb Tayyib Ərdoğan jurnalistlərə açıqlamasında deyib ki, Soçidə Rusiya Prezidenti Vladimir Putinlə danışıqlarda önəmli qərarlar veriləcəyinə ümid edir.  

Dmitri Peskov daha əvvəl bu səfərlə bağlı deyib ki, Vladimir Putin və Rəcəb Tayyib Ərdoğan ikitərəfli münasibətləri və Suriya problemini müzakirə edəcəklər.

"Doğrudan da Türkiyə Prezidenti Rəcəb Tayyib Ərdoğanın Rusiya Federasiyasına işgüzar səfəri hazırlanır. Gündəlik – çox genişdir, ikitərəfli münasibətlərdən başlayır", - deyə Peskov qeyd edib.

Xatırladaq ki, Türkiyə prezidenti Rəcəb Tayyib Ərdoğan 2020-ci ilin martın 6-da Moskvada Rusiya prezidenti Vladimir Putinlə görüşüb. Təxminən 6 saat davam edən görüşün sonunda tərəflər 2018-ci il Soçi Razılaşmasına 3 maddəlik əlavə protokol mətnini ictimaiyyətə açıqlayıb və gözlənilən atəşkəsi də elan ediblər.

Hərbi əməliyyatların getdiyi vaxt rəsmi Ankara tələb edirdi ki, Əsəd qüvvələri 2018-ci ilin sentyabrında imzalanmış Soçi anlaşmasındakı sərhədlərə geri çəkilsin. Ərdoğan AKP-li millət vəkilləri ilə görüşündə deyib ki, Əsədə bağlı qüvvələr Soçi anlaşmasından sonrakı il yarım ərzində ələ keçirdiyi əraziləri tərk etməsə, Türkiyə bu işi özü yerinə yetirəcək. Bu, birbaşa ultimatum hesab olunurdu.

Həmçinin oxuyun:

* Ərdoğanın Rusiyaya səfər tarixi açıqlandı

* Putinlə danışıqlarda önəmli qərarlar veriləcəyinə ümid edirəm - Türkiyə prezidenti

491
Vladimir Jirinovski, arxiv şəkli

Jirinovski Putinə abortdan imtina edən qadınlara kompensasiya verilməsini təklif edib

59
(Yenilənib 21:21 26.09.2021)
RLDP sədri bu sözləri prezidentin Dövlət Dumasında təmsil olunacaq partiya nümayəndələri ilə görüşü zamanı deyib.

BAKI, 25 sentyabr – Sputnik. Rusiya Liberal-Demokrat Partiyasının sədri Vladimir Jirinovski ölkə başçısı Vladimir Putinə qadınlara abortdan imtina etməyə görə kompensasiya verilməsini təklif edib. Bu barədə RİA Novosti xəbər verir.

“Təklif edirəm ki, abortlardan imtinaya görə kompensasiya tətbiq olunsun”, - deyə RLDP sədri prezidentin Dövlət Dumasında təmsil olunacaq partiya nümayəndələri ilə görüşündə deyib.

Jirinovskinin rəhbərlik etdiyi partiyada hesab edirlər ki, bu, ölkədə demoqrafik artıma səbəb ola bilər. Belə ki, RLDP abortdan imtina etdikləri təqdirdə qadınlara böyük məbləğdə pul verilməsini təklif edir. Eyni zamanda partiya sədri bir müddət əvvəl bildirib ki, bu halda sonradan doğulacaq uşaqlar alınaraq xüsusi müəssisələrə yerləşdirilməlidirlər.

Həmçinin oxuyun:

Putin Dövlət Dumasının qarşısında duran vəzifələri ifadə edib

59
Teqlər:
Vladimir Jirinovski, abort, kompensasiya
Xüsusi Təyinatlı Qüvvələrin komandanı general-mayor Hikmət Mirzəyev, arxiv şəkli

Xüsusi Təyinatlı Qüvvələrin komandanı Anım Günü müharibə qəhrəmanları ilə bir arada

0
(Yenilənib 20:23 27.09.2021)
Bu gün keçirilən anım tədbirləri ilə yanaşı, Xüsusi Təyinatlı Qüvvələr döyüş hazırlığının yüksəldilməsi istiqamətində fəaliyyətlərini davam etdirir.

BAKI, 27 sentyabr — Sputnik. Azərbaycan Ordusunun şanlı Qələbəsi ilə başa çatan 44 günlük Vətən müharibəsinin ildönümü ilə əlaqədar Xüsusi Təyinatlı Qüvvələrdə anım mərasimi və veteranlarla görüş keçirilib.

Müdafiə Nazirliyinin mətbuat xidmətinin yaydığı məlumata görə, mərasimdə torpaqlarımızın işğaldan azad edilməsi uğrunda şəhid olan Vətən övladlarının əziz xatirəsi yad edilib, ruhlarına dualar oxunub, ehsan süfrəsi açılıb.

Anım mərasimində Xüsusi Təyinatlı Qüvvələrin komandanı general-leytenant Hikmət Mirzəyev, veteranlar və qazilər iştirak ediblər.

Əvvəlcə xalqımızın ümummilli lideri Heydər Əliyevin və Azərbaycan Respublikasının ərazi bütövlüyü uğrunda şəhid olanların xatirəsi bir dəqiqəlik sükutla yad olunub, Dövlət Himni səsləndirilib.

Mərasim iştirakçıları ulu öndər Heydər Əliyevin büstü və Xüsusi Təyinatlı Qüvvələrin xatirə abidəsi qarşısına gül dəstələri qoyublar.

Bu gün keçirilən anım tədbirləri ilə yanaşı, Xüsusi Təyinatlı Qüvvələr döyüş hazırlığının yüksəldilməsi istiqamətində fəaliyyətlərini davam etdirir.

Hazırda da bir çox təlimlər icra edilməkdədir.

 

0