Mixail Kosobokov

Qarabağdakı Rusiya sülhməramlılarına yeni komandan təyin edilib

13623
(Yenilənib 15:01 09.09.2021)
Kosobokov bu gün Ermənistana səfər edib, Rusiyanın Ermənistandakı 102-ci bazasının komandiri, polkovnik Dmitri Ovçarovla birlikdə Ermənistanın müdafiə naziri Arşak Karapetyanın qəbulunda olub.

BAKI, 9 sentyabr - Sputnik. General-mayor Mixail Kosobokov Rusiyanın Qarabağdakı sülhməramlı kontingentinin komandanı təyin olunub.

Sputnik Ermənistan Ermənistan Müdafiə Nazirliyinə istinadla xəbər verir ki, o, bu postda general-leytenant Rüstəm Muradovu əvəz edib.

Kosobokov bu gün Ermənistana səfər edib, Rusiyanın Ermənistandakı 102-ci bazasının komandiri, polkovnik Dmitri Ovçarovla birlikdə Ermənistanın müdafiə naziri Arşak Karapetyanın qəbulunda olub.

Görüşdə Rusiya Federasiyasının Ermənistandakı səfirliyinin müdafiə məsələləri üzrə attaşesi, polkovnik İqor Şerbakov da iştirak edib. 

Ermənistan müdafiə naziri Rusiyanın bölgədəki hərbi-siyasi vəziyyətin sabitləşməsinə yönəlmiş səylərini, həmçinin Dağlıq Qarabağdakı sülhməramlı missiyanın səmərəliliyini yüksək qiymətləndirib.  

Karapetyan Kosobokovu yeni vəzifəyə təyin olunması münasibətilə təbrik edib və ona sülhməramlı missiyasını yerinə yetirməkdə uğurlar arzulayıb. Ovçarovu da hərbi baza komandiri təyin edilməsi münasibətilə təbrik edən erməni nazir, Ermənistanda yerləşən Rusiya bazasının böyük rolunu və əhəmiyyətini vurğulayıb. 

Mixail Kosobokov buna qədər Cənub Hərbi Dairəsinin 58-ci Ümumqoşun Ordusunun komandan müavini postunu tutub.

General bir vaxtlar Rusiyanın Abxaziyadakı hərbi bazasının komandanı olub.

Qeyd edək ki, bundan əvvəl 2020-ci il noyabrın 10-da Rüstəm Osmanoviç Muradov Dağlıq Qarabağ və Laçın dəhlizi bölgəsində müşahidə aparacaq Rusiya Ordusunun sülhməramlı missiyanın rəhbəri təyin edilib. O, artıq missiyasını başa çatdırıb.

13623
Rusiya Prezidenti Vladimir Putin və Türkiyə Prezidenti Rəcəb Tayyib Ərdoğan

Peskov Putinlə Ərdoğanın münasibətlərinin hansı səviyyədə olduğunu açıqlayıb

491
(Yenilənib 21:16 26.09.2021)
Rusiya prezidentinin sözçüsü Dmitri Peskov deyib ki, Vladimir Putin və Rəcəb Tayyib Ərdoğan arasında çox etibarlı iş əlaqəsi var.

BAKI, 26 sentyabr - Sputnik. Rusiya və Türkiyə prezidentləri Vladimir Putin və Rəcəb Tayyib Ərdoğan arasında çox etibarlı iş əlaqəsi var.

Sputnik Azərbaycan RİA Novosti-yə istinadla xəbər verir ki, bunu Rusiya Prezidentinin mətbuat katibi Dmitri Peskov, "Rossiya1" telekanalının efirində "Moskva. Kreml. Putin" verilişində deyib.

Peskov bildirib ki, bu güvən iki lider arasında ciddi danışıqlar üçün əlverişlidir.

Qeyd edək ki, Türkiyə prezidenti Rəcəb Tayyib Ərdoğan sentyabrın 29-da Rusiyaya birgünlük işgüzar səfərə gedəcək. 

Rəcəb Tayyib Ərdoğan jurnalistlərə açıqlamasında deyib ki, Soçidə Rusiya Prezidenti Vladimir Putinlə danışıqlarda önəmli qərarlar veriləcəyinə ümid edir.  

Dmitri Peskov daha əvvəl bu səfərlə bağlı deyib ki, Vladimir Putin və Rəcəb Tayyib Ərdoğan ikitərəfli münasibətləri və Suriya problemini müzakirə edəcəklər.

"Doğrudan da Türkiyə Prezidenti Rəcəb Tayyib Ərdoğanın Rusiya Federasiyasına işgüzar səfəri hazırlanır. Gündəlik – çox genişdir, ikitərəfli münasibətlərdən başlayır", - deyə Peskov qeyd edib.

Xatırladaq ki, Türkiyə prezidenti Rəcəb Tayyib Ərdoğan 2020-ci ilin martın 6-da Moskvada Rusiya prezidenti Vladimir Putinlə görüşüb. Təxminən 6 saat davam edən görüşün sonunda tərəflər 2018-ci il Soçi Razılaşmasına 3 maddəlik əlavə protokol mətnini ictimaiyyətə açıqlayıb və gözlənilən atəşkəsi də elan ediblər.

Hərbi əməliyyatların getdiyi vaxt rəsmi Ankara tələb edirdi ki, Əsəd qüvvələri 2018-ci ilin sentyabrında imzalanmış Soçi anlaşmasındakı sərhədlərə geri çəkilsin. Ərdoğan AKP-li millət vəkilləri ilə görüşündə deyib ki, Əsədə bağlı qüvvələr Soçi anlaşmasından sonrakı il yarım ərzində ələ keçirdiyi əraziləri tərk etməsə, Türkiyə bu işi özü yerinə yetirəcək. Bu, birbaşa ultimatum hesab olunurdu.

Həmçinin oxuyun:

* Ərdoğanın Rusiyaya səfər tarixi açıqlandı

* Putinlə danışıqlarda önəmli qərarlar veriləcəyinə ümid edirəm - Türkiyə prezidenti

491
Vladimir Jirinovski, arxiv şəkli

Jirinovski Putinə abortdan imtina edən qadınlara kompensasiya verilməsini təklif edib

59
(Yenilənib 21:21 26.09.2021)
RLDP sədri bu sözləri prezidentin Dövlət Dumasında təmsil olunacaq partiya nümayəndələri ilə görüşü zamanı deyib.

BAKI, 25 sentyabr – Sputnik. Rusiya Liberal-Demokrat Partiyasının sədri Vladimir Jirinovski ölkə başçısı Vladimir Putinə qadınlara abortdan imtina etməyə görə kompensasiya verilməsini təklif edib. Bu barədə RİA Novosti xəbər verir.

“Təklif edirəm ki, abortlardan imtinaya görə kompensasiya tətbiq olunsun”, - deyə RLDP sədri prezidentin Dövlət Dumasında təmsil olunacaq partiya nümayəndələri ilə görüşündə deyib.

Jirinovskinin rəhbərlik etdiyi partiyada hesab edirlər ki, bu, ölkədə demoqrafik artıma səbəb ola bilər. Belə ki, RLDP abortdan imtina etdikləri təqdirdə qadınlara böyük məbləğdə pul verilməsini təklif edir. Eyni zamanda partiya sədri bir müddət əvvəl bildirib ki, bu halda sonradan doğulacaq uşaqlar alınaraq xüsusi müəssisələrə yerləşdirilməlidirlər.

Həmçinin oxuyun:

Putin Dövlət Dumasının qarşısında duran vəzifələri ifadə edib

59
Teqlər:
Vladimir Jirinovski, abort, kompensasiya
Könüllü Həkimlər Assosiasiyasının sədri Oqtay Mehdiyev (ortada)

Vətən müharibəsinin "gözəgörünməz qəhrəman"ları

0
(Yenilənib 20:21 27.09.2021)
Müharibə və postmüharibə dövründə könüllü olaraq əsgərlərimizə və hərbiçilərimizə yardım etmək üçün ön cəbhəyə yolan düşən fədakar həkimlərimizdən biri də Azərbaycan Könüllü Həkimlər Assosiasiyasının sədri Oqtay Mehdiyevdir.

BAKI, 27 sentyabr — Sputnik. Vətən müharibəsi başlanan gündən – 27 sentyabrdan başlayaraq sənətindən, peşəsindən aslı olmayaqraq hər kəs öz cəbhəsində vuruşurdu. Bu sənət adamlarının içində həkimlər əsas yerlərdən birini tuturlar, desək yanılmarıq. Döyüşən əsgərimizin yanında olan, xəstə və yaralılara yardım edərkən şəhid olan həkimlərimiz də oldu.

Müharibə və postmüharibə dövründə könüllü olaraq əsgərlərimizə və hərbiçilərimizə yardım etmək üçün ön cəbhəyə yolan düşən fədakar həkimlərimizdən biri də Azərbaycan Könüllü Həkimlər Assosiasiyasının sədri Oqtay Mehdiyevdir. Şuşada şəraitsiz vəziyyətdə çalışan Oqtay həkimə gördükləri işlərdən, qarşılaşdıqları problemlər haqqında sual verdik. Həkim gördüyü işləri dəryada bir damla hesab edir. O, gördükləri işlər barədə danışmaq istəməsə də biz onu buna vadar etdik. Müharibə başladığı gündən ön cəbhədə çalışan həkim, kolleqalarının gördüyü işlərdən Sputnik Azərbaycan-a bəhs edərkən deyib ki, onlar müharibə başladığı gündən – sentyabrdan başlayıblar:

"Əvvəl stomatoloqlar, sonra digər sahənin həkimləri bizə qoşuldu. Öncə Gəncədə başladıq, sonra davam etdik Naftalanda və Füzuli diaqnostikada çalışdıq. Biz könüllü gəlmişik, heç kəs tərəfindən göndərilməmişik".

© Photo : Courtesy of Oktay Mehtiev
Könüllü Həkimlər Assosiasiyasının sədri Oqtay Mehdiyev (sağda)

Hər bir azərbaycanlı kimi onlar da 29 il idi ki, arzusunda idilər ki, müharibə başlansın, onlar da vətənə olan borcunu ödəsinlər. Arzularına çatdılar və indi onlar doğma torpaqlarımızda döyüşçülərimizin yaralarına məlhəm olmaq üçün əllərindən gələni əsirgəmirlər: "Sözümüzə də sadiq çıxdıq. Bu, bizim şərəf borcumuzdur. Düşünürəm ki, hər bir Azərbaycan vətəndaşı müharibə dönəmində bacardığından daha çox iş gördü. Elə ona görə də biz zəfər çaldıq. Döyüşçülərimiz həkimlərimizə güvənib döyüşə getdilər. Düşünürlər ki, yaralansalar həkimlərimiz onları ölümdən xilas edəcəklər".

Azərbaycan Tibb Universiteti Vətən müharibəsində iştirak edən və öz müqəddəs həkimlik peşələrini yerinə yetirən zaman qəhrəmancasına şəhid olan tələbələrdən ikisi Oqtay müəllimin təbəsi olub. Həmin şəhidlərin fotoları Şuşada yerləşən məntəqədə həkimlərin başı üzərində asılıb: "İki tələbəm şəhid olub - tibb xidməti leytenantı həkim Mirlətif Ağayev və Tibb xidməti leytenantı həkim Tariyel Salmanov. Onlar ön cəbhədə çalışırdılar. Onlar bizim yanımızda şəhid oldular. Onların nəşlərini işlədiyimiz hosbitaldan ailələrinə təhvil verdik".

© Photo : Courtesy of Oktay Mehtiev
Azərbaycan Prezidenti İlham Əliyev və Könüllü Həkimlər Assosiasiyasının sədri Oqtay Mehdiyev

Ötən ilin oktyabr ayında Ermənistanın silahlı qüvvələri Gəncə şəhərinin mülki əhalisinin sıx yaşadığı məntəqələri raket atəşinə tutduğu vaxt Oqtay müəllim və onun həmkarları da orada olub: "Bizdən 150 metr aralıya düşdü – biri sağımıza, biri də solumuza düşdü. Əslində mən bunlardan danışmaq istəmirəm. Çünki, bizim elədiklərimiz Ordumuzun, Xüsusi təyinatlıların yanında heç nədir. Biz sadəcə cəbhəyə yaxın olan ərazidə olmuşuq. Amma öndə onlar olub".

Qəhrəmanımız bildirir ki, müəyyən çatışmazlıqlar var, amma hər kəs əl-ələ versə, o problemləri aradan qaldırmaq olar. Müharibə dönəmindəki əhval ruhiyyəni qoruyub saxlamaq və ordunun yanında olmaq lazımdır. Yəni, "müharibə bitdi, müharibə qutardı" cümləsini unutmaq lazımdır: "Müharibə həmişə var. İnsanlarda müharibə dönəmindəki qədər olmasa da, o əhval ruhiyyə qalıb. Sadəcə hər kəs yumruq kimi birləşib, bir nöqtəyə vurmaq lazımdır. Necə ki, müharibə dönəmində hamı bir nəfər kimi ordunun yanında idi, həmin əzmi saxlamaq lazımdır. Hamı kömək etmək istəyir, amma bilmirlər necə kömək etsinlər. Biz tibb sahəsində çalışırıq ki, pərakəndəlik olmasın".

© Photo : Courtesy of Oktay Mehtiev
Könüllü Həkimlər Assosiasiyasının sədri Oqtay Mehdiyev

Həkimlərimiz təkcə Şuşada xidmət göstərmir, onlar Qubadlıda, Hadrudda da fəaliyyət göstərirlər. Müsahibimizin dediyinə görə, hər həkim həftədə bir dəfə həmin döyüş bölgələrində xidmət edir: Növbəyə salmışıq, buna heç kəs etiraz etmir, hamısı sevə-sevə gəlirlər. Maddi təminatı da Azərbaycan Könüllü Həkimlər Assosiasiyası həyata keçirir. Həmin büdcəni də özümüz təşkil etmişik. Öz hesabımıza lazım olan bütün tibbi avadanlıqları alırıq. Təşkilatımızın üzvlərinin sayı çoxdur, hər həkim bir problemi həll edəndə problemin sayı azalır. Müharibə olan bölgələrdə problemlərin, çatışmazlıqların olması normaldır. Lazımı infrastrukturu qurmağa zaman lazımdır. Bunun üçün də hamımız bir olmalıyıq".

0