S-400 zenit-raket kompleksi, arxiv şəkli

Türkiyə Rusiyadan ikinci S-400-ü alacaqmı? Ərdoğan bu məsələni Putinlə müzakirə etməyəcək

2976
(Yenilənib 21:19 07.09.2021)
Türkiyənin Müdafiə Sənayesi İdarəsinin direktoru İsmail Demir bildirib ki, onun ölkəsi Rusiyadan daha bir S-400 sisteminin alınması ilə bağlı prosesləri davam etdirir.

BAKI, 7 sentyabr - Sputnik. Türkiyənin ikinci mərhələdə S-400 almaq məsələsində heç bir tərəddüdü yoxdur.

Sputnik Azərbaycan APA-ya istinadla xəbər verir ki, bu sözləri CNN-Türk-ə Türkiyənin Müdafiə Sənayesi İdarəsinin direktoru İsmail Demir deyib.

O bildirib ki, bu səbəbdən də ikinci S-400 sisteminin alınması ilə bağlı yeni müqavilə imzalanmayıb:

"Birinci sistemin tədarükü oldu, çatdırıldı. İkinci sistemlə bağlı isə ortaq istehsal, müəyyən texnologiya məsələləri və bəzi təfərrüatlar var ki, həll olunmalıdır. Yoxsa "Türkiyə birinci sistemi aldı, düşündü və ikincini almağa qərar verdi" deyə, bir şey yoxdur. Rusiya tərəfindən də bununla bağlı verilən açıqlamada əslində ikinci sistemin alınması ilə bağlı mərhələnin sonuna gəlindiyi ifadə edilir. Sadəcə hələ ki, ikinci S-400 sisteminin alınması ilə bağlı yeni müqavilə yoxdur, bu istiqamətdə proses davam edir”.

İ.Demir Türkiyə Prezidenti Rəcəb Tayyib Ərdoğanın Rusiyaya gözlənilən səfəri zamanı S-400 zenit-raket hava hücumundan müdafiə sistemilə bağlı Rusiya Prezidenti Vladimir Putinlə müzakirə aparmayacağını da diqqətə çatdırıb.

"Bu, artıq dövlət başçıları səviyyəsində müzakirə ediləcək bir məsələ deyil. Danışıqlar aparılıb, iki sistemlə əlaqədar müqavilə imzalanıb. Bundan sonra dövlət başçılarımız tərəfindən bu məsələ ilə bağlı hər hansı bir addımın atılmasını gözləmək, çox da doğru yanaşma deyil", - deyə Demir əlavə edib. 

Ərdoğan Ankaranın yenə Rusiyadan S-400 alacağına şübhə etmir

Türkiyənin prezidenti Rəcəb Tayyip Ərdoğan avqustun sonunda jurnalistlərə demişdi ki, Ankara Rusiyadan S-400 komplekslərinin ikinci alayının alınmasının baş tutacağına şübhə etmir.

"S-400-lərin alınması ilə bağlı heç bir şübhəmiz yoxdur. Biz Rusiya ilə həm S-400, həm də müdafiə sənayesinə dair digər məsələlərlə bağlı çoxlu addımlar atırıq. Yanğınlar söndürülən zaman biz Rusiyanın təyyarələrindən istifadə etdik. Son telefon danışığı zamanı (Rusiya prezidenti Vladimir Putinlə - red. qeydi) biz bu məsələni müzakirə etdik. Mən Rusiyaya səfər edəndə biz bütün bu məsələləri bir daha müzakirə edəcəyik", - deyə Ərdoğan bildirib.

Qeyd edək ki, Rusiya və Türkiyə arasında 2017-ci ildə S-400 raket komplekslərinin bir alay komplektinin alınması ilə bağlı müqavilə imzalanıb. Həmin hava hücumundan müdafiə sistemləri 2019-cu ilin yay-payız aylarında türkiyəyə çatdırılıb. Həmin müqavilə Türkiyə ilə ABş arasında münasibətlərdə böhrana səbəb olub. Vaşinqton bunun əvəzinə Türkiyədən Amerika istehsalı olan Patriot raket komplekslərini almağı tələb edərək, Ankaraya F-35 qırıcı təyyarələrinin satılmayacağı, habelə CAATSA-ya ("ABŞ rəqiblərinə sanksiyalar vasitəsilə qarşı fəaliyyət" haqqında qanun) uyğun olaraq sanksiyalar tətbiq olunacağı ilə təhdid edib.

Ankara isə öz növbəsində S-400 komplekslərindən imtina etmək niyyətində deyil. Bundan əlavə, Türkiyə XİN rəhbəri Mövlud Çavuşoğlu bildirib ki, Türkiyə Rusiya ilə S-400 komplekslərinin ikinci alayının alınması ilə bağlı danışıqlar aparır.

Həmçinin oxuyun:

* Türkiyə Rusiyadan S-400 komplekslərinin ikinci alayının alacağına şübhə etmir - Ərdoğan

* Rusiya və Türkiyə S-400-lə bağlı yeni müqavilə imzalayacaq

2976
Rusiya Prezidenti Vladimir Putin

Putin: Vəziyyət nəinki stabil deyil, hətta ciddi risk daşıyır

1609
(Yenilənib 11:59 16.09.2021)
Rusiya Prezidenti Əfqanıstandakı vəziyyətlə əlaqədar KTMT ölkələrinin səylərini birləşdirməyin vacibliyini vurğulayıb.

BAKI, 16 sentyabr — Sputnik. Kollektiv Təhlükəsizlik Müqaviləsi Təşkilatı (KTMT) məsuliyyət zonasında vəziyyət nəinki stabil deyil, hətta region ölkələri üçün ciddi risk daşıyır. RİA Novosti xəbər verir ki, bunu KTMT sammitinə videokonfrans rejimində qatılan Rusiya Prezidenti Vladimir Putin bəyan edib.

"Artıq qeyd olunduğu kimi, KTMT məsuliyyət zonasında və quruma üzv dövlətlərin xarici sərhədlərində vəziyyət nəinki stabil deyil, hətta bizim ölkələrimiz üçün çox ciddi təhdid yaradır və risk daşıyır", – deyə o bildirib.

Putin Əfqanıstandakı vəziyyətlə əlaqədar KTMT ölkələrinin səylərini birləşdirməyin vacibliyini də vurğulayıb.

Onu da qeyd edək ki, Putin KTMT-nin Düşənbədə keçirilən Zirvə toplantısına qatıla bilmədiyi üçün toplantı iştirakçılarından üzr istəyib.

O, tədbirə videoformatda qoşulub və sammit iştirakçılarına üzrxahlığını çatdırıb.

Dövlət başçısı deyib ki, ünsiyyətdə olduğu insanlar arasında koronavirusa yoluxanlar var:

"Koronavirusa bir-iki nəfər deyil, onlarla insan yoluxub. Ona görə də son anda Düşənbəyə səfərimi təxirə saldım və buna təəssüf edirəm. Bildiyiniz kimi buna səbəb ətrafımdakı insanların koronavirusa yoluxmasıdır".

Qeyd edək ki, sentyabrın 15-də başlayan toplantda Rusiya, Taciksitan, Qazaxıstan, Qırğız Respublikası, Belarus və Ermənistan nümayəndə heyətləri iştirak edir.

Həmçinin oxuyun:

KTMT Əfqanıstana dair qərar verdi

Kabilin süqutu - KTMT baş verənlərə müdaxilə edərsə...

1609

Əfqanıstan, "Şimal Axını-2" seçkiyə müdaxilə: Lavrovun əsas açıqlamaları

1418
(Yenilənib 16:02 15.09.2021)
Rusiya Federasiyasının xarici işlər naziri Sergey Lavrov Düşənbədə jurnalistlərin suallarını cavablandırıb.

BAKI, 15 sentyabr — Sputnik. Rusiya xarici işlər naziri Sergey Lavrov çərşənbə günü Düşənbədə jurnalistlərə verdiyi müsahibədə bildirib ki, Moskva Talibanı* tanımağa tələsmir və Əfqanıstan hökuməti haqqında danışmaq hələ tezdir. Həmçinin, Rusiya diplomatiyasının rəhbəri Əfqanıstandan olan qaçqınlar, NATO ilə qarşılıqlı əlaqə və ABŞ-ın Rusiya Federasiyasındakı seçkilərə müdaxiləsi mövzusuna da toxunub.

Taliblər

Sergey Lavrov bildirib ki, indiyə qədər dünyada heç kim talibləri rəsmən tanımağa tələsmir.

"Taliblər hələ heç bir ölkə tərəfindən tanınmayıblar. Hamı deyir ki, ilk növbədə təhlükəsizlik məsələləri, vətəndaşların hüquqlarına nəzarət və diplomatik missiyaların normal fəaliyyətini təmin etmək mövzusunda mövcud məsələlər üzrə onlarla əlaqə saxlamaq lazımdır. Ancaq onları rəsmən tanımaq üçün heç kim tələsmir", - deyə Lavrov jurnalistlərə bildirib.

Rusiyalı nazir onu da qeyd edib ki, çox az vaxt keçdiyinə görə Əfqanıstanın yeni hökumətini mühakimə etmək hələ tezdir.

Lavrovun fikrincə, bu, Mərkəzi Asiyanın qonşu ölkələri üçün hər hansı bir riskin istisna edilməsi üçün zəruridir.

"Taliblər özləri öz məqsədlərini bildiriblər, o cümlədən onlar terrorizmə qarşı sonrakı mübarizəyə, narkotik ticarəti ilə mübarizəyə sadiq qalacaqlarını bəyan edərək hər kəsi Əfqanıstan ərazisindən qonşu ölkələrə heç bir təhlükənin yaranmaması üçün əllərindən gələni edəcəklərinə əmin ediblər", - deyə nazir qeyd edib.

Lavrovun sözlərinə görə, taliblər qonşu ölkələrdə sabitliyi pozmaq niyyətində olmadıqlarına və Əfqanıstan cəmiyyətinin bütün siyasi, etnik və konfessional spektrini əks etdirən inklüziv bir hökumətin yaranmasını əminliklə bildiriblər.

"Dünyanın əksər ölkələri kimi, biz də bu yanaşmanı alqışladıq və indi bunun necə həyata keçiriləcəyini müşahidə edirik", - deyə XİN rəhbəri əlavə edib.

Moskva miqrasiya böhranına görə məsuliyyət daşımır

Rusiya bunun məsuliyyət yükünü daşımayacağını söyləyib.

Həmçinin rusiyalı nazir Qərbin hərəkətlərinə görə Əfqanıstandakı vəziyyətlə əlaqədar mümkün miqrasiya böhranı mövzusuna da toxunub. O qeyd edib ki, Rusiya buna görə məsuliyyət daşımaq niyyətində deyil.

"Miqrantlar Əfqanıstandan, İraqdan, Qərb həmkarlarımızın həyəcanlandırdığı bütün ölkələrdən gəlirlər, indi isə elə həmin qərbli həmkarlar Belarus tərəfinin hərəkətlərini "hibrid müharibə" adlandıraraq səslərini yüksəldirlər. Əgər Qərb qanunsuz miqrasiyadan bu qədər narahatdırsa, onda Qərbin sakitləşməsinə ehtiyac var. Xatırladım ki, ilk dəfə qanunsuz miqrasiya mövzusu NATO Liviyanı bombaladıqdan sonra ortaya çıxıb və Liviya "qara dəliyə" çevrilib", - deyə Lavrov bildirib.

"Avropa Birliyi bunun özü üçün çox ağır olduğunu başa düşdükdə hər kəsi bu miqrantların taleyinə görə məsuliyyət yükünü bölüşməyə çağırmağa başlayıb. Biz nəinki dəstəkləmədiyimiz, həmçinin qınadığımız bir işə görə məsuliyyət yükünü bölüşmək niyyətində deyilik", - deyə nazir əlavə edib.

NATO

S.Lavrov Rusiyanın NATO ilə qarşılıqlı əlaqəsi mövzusuna da toxunub. Onun sözlərinə görə, NATO hərbi xətt üzrə dialoqa qəti şəkildə qarşı çıxıb.

Nazir vurğulayıb ki, Moskva "yarımisterik tonlarda deyil, peşəkar olaraq" danışmağa hazırdır.

"Ümumiyyətlə, onlar (Şimali Atlantika Alyansı - red.) Ukrayna və Krımdakı hadisələrdən sonra hərbçilər arasında dialoq aparmaqdan qəti şəkildə imtina ediblər. Biz bu cür emosional, yarımisterik tonlarda deyil, peşəkar şəkildə danışmağa hazırıq", - deyə xarici işlər naziri bildirib.

Seçkilərə müdaxilə

Rusiya xarici işlər naziri qeyd edib ki, Moskva Vaşinqtondan ABŞ-ın Rusiyadakı seçkilərə niyə müdaxilə etdiyi sualına cavab verməsini gözləyir.

Sentyabrın 10-da ABŞ-ın Moskvadakı səfiri Con Sallivan idarəyə çağırılıb.

"Ona (səfirə - red.) verilən məlumatlar kifayət qədər ciddi olub. Vəssalam. Amerikalı həmkarlarımızdan bunun niyə baş verdiyinə dair cavab gözləyirik", - deyə o bildirib.

ABŞ-ın Rusiya işlərinə müdaxiləsi faktlarının bir sıra xarici platformaların qadağan edilmiş məzmunu silməkdən imtina etməsi ilə əlaqədar olduğunu Rusiyanın xarici işlər naziri Sergey Lavrov Amerika səfirinə konkret hansı faktların təqdim edildiyi sualına cavab verərkən bildirib.

"Mən bu faktlarla bağlı təfərrüata varmayacağam. Faktlar bir sıra Qərb internet platformalarının qadağan olunmuş məzmunu silməkdən imtina etməsi ilə əlaqədardır. Ümumiyyətlə, mən belə deyəcəyəm. Konkret faktlar Amerika səfirinə ötürülüb. O, bu sənədi yoxlayacağına söz verdiyi məlumat kimi qəbul edib. Düzdür, o deyib ki, kiminsə Rusiya qanunvericiliyini pozduğu barədə onlarda heç bir məlumat yoxdur", - deyə nazir jurnalistlərə bildirib.

"Şimal Axını-2"

Sergey Lavrov müsahibədə "Şimal Axını-2"nin gələcək taleyi barədə danışaraq, hücumların layihəyə davam etdiyini söyləyib.

"Şübhə etmirəm ki, bu qaz kəmərinə hücum cəhdləri davam edəcək. Ona qarşı çıxmaqda ən çox canfəşanlıq edən azlıqdır, aqressiv olan bu azlığa ilk növbədə Baltikyanı ölkələr, Polşa və digər AB ölkələri daxildir", - deyə Lavrov jurnalistlərə bildirib.

* Rusiya Federasiyası və digər ölkələrdə qadağan olunmuş terror qruplaşması

Eləcə də oxuyun:

1418
Milli Ekoloji Proqnozlaşdırma Mərkəzinin prezidenti Telman Zeynalov

Ekspert Azərbaycanda torpaqların şoranlaşmasının səbəblərini izah edir

0
(Yenilənib 14:43 16.09.2021)
Milli Ekoloji Proqnozlaşdırma Mərkəzinin prezidenti Telman Zeynalov bildirib ki, son dövrlər ölkədə ənənəvi suvarma üsullarından fərqli olaraq müasir suvarma texnologiyalarının tətbiqi bu prosesin qarşsının alınmasına xidmət edir
Telman Zeynalov: “Torpaqlar damcı suvarma üsulundan istifadə edilərək suvarılsın”

Bu gün Sputnik Azərbaycan multimedia mətbuat mərkəzində keçirilən tədbirdə Milli Ekoloji Proqnozlaşdırma Mərkəzinin prezidenti Telman Zeynalov Azərbaycan ekoloji vəziyyətlə bağlı sualları cavablandırıb

Torpaqların şoranlaşması və onun qarşısının alınması barədə verilə suala cavab verən ekspert bu prosesin səbəblərini açıqlayıb.

O bildirib ki, uzun illər Azərbaycan ərazisində təsərrüfatlarda istifadə olunan suvarma üsulları bu gün bir çox ərazilərimizdə şoranlaşmaya gətirib çıxarıb.

Ekspert deyib ki, son dövrlər ölkədə ənənəvi suvarma üsullarından fərqli olaraq müasir suvarma texnologiyalarının tətbiqi bu prosesin qarşsının alınmasına xidmət edir: “Sovet dövründə torpaqların yanlış suvarılması, eyni zamanda torpaq örtüyünə vurulan ziyan sonda şoranlaşmaya gətirib çıxardı. Eyni zamanda təsərrüfat sahələrinin su ilə təminatı üçün qurulan su kanallarının beton bəndlərlə deyil, torpaqla qurulması şoranlaşmanı yaradan başlıca səbəblərdən oldu. Davamlı şəkildə torpağa hopan su torpağın altındakı duz təbəqəsinin bir müddət sonra üzə çıxmasına səbəb oldu. Ona görə də tərəfdarıyam ki, torpaqlar damcı suvarma üsulundan istifadə edilərək suvarılsın”.

Telman Zeynalovun fikirlərinə audiofaylda qulaq asa bilərsiniz

0