Laboratoriya, arxix şəkli

Rusiya sərhədləri yaxınlığında ABŞ biolaboratoriyalarının olmasından narahatdır

601
(Yenilənib 15:59 06.09.2021)
Rusiya Təhlükəsizlik Şurası katibinin birinci müavini Yuri Averyanov bildirib ki, bu laboratoriyalardakı ölümcül mikrobların "təsadüfən" təbiətə düşə və həm Rusiya ərazisində, həm də qonşu ölkələrdə insanların kütləvi şəkildə məhv edilməsinə səbəb ola bilər.

BAKI, 6 sentyabr — Sputnik. Rusiyanın İstintaq Komitəsi sədrinin müavini Aleksandr Fyodorov bu ölkənin sərhədlərinin perimetri boyunca ABŞ-ın bioloji laboratoriyalarının inşasına münasibət bildirib. Bu barədəd Sputnik Azərbaycan RİA Novosti-yə istinadən xəbər verir.

"Rusiya Federasiyasının sərhədi boyunca və ya həmsərhəd dövlətlərdə ABŞ hərbi idarəsinin xarici bioloji infrastrukturunun nəzarətsiz, məhdudiyyətsiz genişlənməsi həm Rusiya mütəxəssislərinin, həm də dünya ictimaiyyətinin narahatlığına səbəb olub", - deyə o, "Xabarovsk prosesi: tarixi dərslər və müasir çağırışlar" beynəlxalq forumunda bildirib.

Dünyada, xüsusən də Rusiya və Çin sərhədlərində ABŞ nəzarətində olan daha çox yeni bioloji laboratoriyaların yaranmasını Təhlükəsizlik Şurasının katibi Nikolay Patruşev aprel ayında "Kommersant" qəzetinə verdiyi müsahibədə vurğulayıb. Patruşev qeyd edib ki, orada bioloji silahların hazırlandığını düşünmək üçün əsas var.

May ayında Rusiya Təhlükəsizlik Şurası katibinin birinci müavini Yuri Averyanov RİA Novosti-yə verdiyi müsahibədə bildirib ki, bu laboratoriyalardakı ölümcül mikrobların "təsadüfən" təbiətə düşə və həm Rusiya ərazisində, həm də qonşu ölkələrdə insanların kütləvi şəkildə məhv edilməsinə səbəb ola bilər. O, həmçinin Vaşinqtonun bir çox ölkələr üçün fərdi hərbi bioloji tədqiqat planları hazırladığını və onların icrasını müxtəlif birgə proqramlar vasitəsilə həyata keçirdiyini bildirib.

Çin Xalq Respublikasının Xarici İşlər Nazirliyinin rəsmi nümayəndəsi Xua Çunyin Averyanovun sözlərini şərh edərkən bildirib ki, Çin tərəfinin dəfələrlə ABŞ-ı bu cür fəaliyyətlərlə bağlı aydın izahat verməyə çağırmasına baxmayaraq, ABŞ, bioloji laboratoriyalarının fəaliyyəti ilə bağlı narahatlığa heç bir əhəmiyyətli cavab verməyib.

25-30 dekabr 1949-cu ildə keçirilən Xabarovsk prosesi zamanı militarist Yaponiyanın SSRİ-yə qarşı müharibə aparmaq üçün qəddar planları məlum olub. Dünya ilk dəfə Yaponiyanın aparmaq istədiyi bakterioloji müharibə haqqında məlumat alıb. Bu planların qarşısını 1945-ci ilin avqustunda Uzaq Şərq kampaniyası zamanı Qızıl Ordunun sürətli hücumu alıb. Xabarovsk prosesi İkinci dünya müharibəsinə hüquqi nöqtəni qoyub.

"Xabarovsk prosesi: tarixi dərslər və müasir çağırışlar" forumu da, 1946-1948-ci illərdə keçirilən Uzaq Şərq üçün beynəlxalq hərbi tribunalının 75 illiyinə həsr olunub. Forum Prezident Qrantları Fondunun dəstəyi ilə keçirilib. RİA Novosti forumun təşkilatçılardan biridir.

Həmçinin oxuyun:

İmmunoloq: pandemiya 2024-cü ilə qədər bitəcək

601
Teqlər:
Rusiya
ABŞ bayrağı

Mütəxəssis yeni anti-Rusiya sanksiyalarının ABŞ-a qarşı necə oynayacağını izah edib

9
(Yenilənib 22:25 24.09.2021)
ABŞ Konqresinin Nümayəndələr Palatası Rusiya Federasiyasına qarşı sanksiyaların sərtləşdirilməsini nəzərdə tutan müdafiə büdcəsini qəbul edib.

BAKI, 24 sentyabr — Sputnik. ABŞ Konqresinin Nümayəndələr Palatası Rusiya Federasiyasına qarşı sanksiyaların sərtləşdirilməsini nəzərdə tutan müdafiə büdcəsini qəbul edib.

Konqresmenlər Rusiya və onun 35 vətəndaşının, yəni məmurların, iş adamlarının və jurnalistlərin suveren borcları, xüsusən də, "Şimal axını-2" qaz kəməri ilə əlaqədar olaraq yeni məhdudiyyətlərin genişləndirilməsinin düzəlişi ilə bağlı razılığa gəliblər.

Sənəd hələ senatda müzakirə edilməməli və prezident Co Baydenin imzasını almalıdır.

Siyasi Ekspertlər və Məsləhətçilər Assosiasiyasının üzvü, Moskva Dövlət Beynəlxalq Münasibətlər İnstitutunun Siyasi nəzəriyyə kafedrasının dosenti Kirill Koktış Sputnik radiosunun efirində yeni sanksiyaların ABŞ-ın Rusiyadan daha çox özünə zərər verə biləcəyi ilə bağlı fikirlərini bildirib. Bu, xüsusilə Rusiya Federasiyasının suveren borcuna qoyulan məhdudiyyətlərə aiddir.

"Əlbəttə ki, məhdudiyyətlər çox fərqli ola bilər, o cümlədən "SWIFT" banklararası ödəniş sistemindən uzaqlaşdırıla bilər. Bu ticarət əməliyyatlarının ciddi şəkildə çətinləşməsinə gətirib çıxara bilər. SWIFT deyir ki, heç kim Rusiyanı söndürmək niyyətində deyil, bunlar boş təhdidlərdir. Əlbəttə ki, bu məntiqlidir. Şirkətin müştəri itkisinə ehtiyac yoxdur, çünki bu imicə pis təsir göstərir. Üstəlik, İranı söndürmək üçün çox neqativ təcrübə var. Bundan əlavə, bu cür sanksiyalar hesablaşmaların kriptovalyutalara keçidini sürətləndirəcək. Bu sanksiyalar ABŞ-a əks təsir göstərəcək və hazırda dollardan tikilən iqtisadi məkanı dağıdacaq. ABŞ-ın səyləri ilə bu, çox tez baş verə bilər", - Kirill Koktış hesab edir.

9
Rusiya Dövlət Dumasına seçkilər (2021)

Rusiya Dövlət Dumasına seçkilərlə bağlı MSK iclas keçirdi

309
(Yenilənib 16:00 24.09.2021)
Dumanın aşağı palatasına birmandatlı seçki dairələri üzrə namizədliyini özü irəli sürən 5 şəxs seçilib.

BAKI, 24 sentyabr — Sputnik. Rusiya Federasiyası Mərkəzi Seçki Komissiyası cümə günü, sentyabrın 24-də keçirdiyi iclasda Dövlət Dumasına seçkilərin baş tutmuş və etibarlı olması barədə protokol qəbul edib. 

Rusiya Mərkəzi Seçki Komissiyasının sədri Ella Pamfilova Dövlət Dumasına keçirilən seçkilərin nəticələrini, mandatların yekun bölgüsünü açıqlayıb. Bu barədə Sputnik Azərbaycan "RİA Novosti"-yə istinadən xəbər verir.

Protokolun 100 faizlik emalından sonra federal dairə üzrə Rusiya Dövlət Dumasına beş partiyadan namizədlər seçilib: Vahid Rusiya Partiyası 324 mandat, Rusiya Federasiyası Kommunist Partiyası (KPRF) - 57, Ədalətli Rusiya - həqiqət uğrunda - 27, Rusiyanın Liberal Demokrat Partiyası (LDPR) 21, Yeni insanlar Partiyası -13 mandat qazanıb.

Dumanın aşağı palatasına birmandatlı seçki dairələri üzrə namizədliyini özü irəli sürən 5 şəxs seçilib.

Qeyd edək ki, Rusiya Dövlət Dumasına və 9 subyektin icra orqanlarına seçkilər 17-19 sentyabrda keçirilib. Seçkilərdə seçici fəallığı 51,72 faiz olub.

Moskvada və altı subyektdə - Kursk, Nijeqorod, Yaroslav, Murmansk, Rostov və Sevastopolda distansion elektron səsvermə təşkil olunub.

Eləcə də oxuyun:

309
Teqlər:
Rusiya, Dövlət Duması, seçki, iclas, protokol
“Konstitusiya” Araşdırmalar Fondunun prezidenti Əliməmməd Nuriyev

Ermənistanın məhkəməyə verilməsi hansı hüquqi nəticələr yarada bilər? Hüquqşünas şərhi

0
(Yenilənib 15:02 24.09.2021)
Konstitusiya Araşdırmaları Fondunun rəhbəri Əliməmməd Nuriyev bildirib ki, Azərbaycan konvensiyalardan irəli gələn prinsiplərə söykənərək belə bir müraciət edib.
Əliməmməd Nuriyev: “Məhkəmədə işə ədalətli baxılacağına əminəm”

Azərbaycan "İrqi ayrı-seçkiliyin bütün formalarının ləğv edilməsi haqqında" Beynəlxalq Konvensiyanın pozulmasına görə Ermənistanı Beynəlxalq Ədliyyə Məhkəməsinə verib.

Sputnik Azərbaycan Azərbaycan tərəfinin atdığı bu hüquqi addımın perpektivləri ilə bağlı Konstitusiya Araşdırmaları Fondunun rəhbəri Əliməmməd Nuriyevin fikirlərini öyrənib. Hüquqşünas bildirib ki, Ermənistan “İrqi ayrı-seçkiliyin aradan qaldırılması ilə bağlı konvensiyaya qoşulub: “Bundan əlavə bu ölkə beş konvensiyaya qoşulub. Hətta bu konvesiyalar məhkəmənin yurisdiksiyasına daxil olmasalar belə həmin işlərlə bağlı məsələlərə beynəlxalq Ədalət Məhkəməsində baxılmasını zəruri edir. Azərbaycan konvensiyalardan irəli gələn prinsiplərə söykənərək belə bir müraciət edib. Məhkəmədə işə ədalətli baxılacağına əminəm. İnanırıq ki, məhkəmənin qərarı Ermənistan üzərinə hüquqi öhdəlikləri qoyacaq”.

Əliməmməd Nuriyevin fikirlərinə audiofaylda qulaq asa bilərsiniz

0