Rusiyanın Hərbi Donaması, arxiv şəkli

"Bir raket kifayətdir": Rusiya donanması "təyyarədaşıyan qatillə" silahlandırılacaq

48
(Yenilənib 16:20 27.08.2021)
Qərb hərbçiləri, siyasətçiləri və jurnalistləri "Zirkon"lardan həmişə söz açıblar. Bu silahın uğurla sınaqdan keçirilməsi Şimali Atlantika Alyansını ciddi şəkildə narahat edir.

BAKI, 27 avqust — Sputnik, Andrey Kots. Rusiya Hərbi Dəniz Donanmasının gəmi və sualtı qayıqları tezliklə zərbə imkanlarını gücləndirəcək – Rusiya Müdafiə Nazirliyi bir qədər əvvəl Maşınqayırma Elm-İstehsalat Birliyi ilə hipersəsli "Zirkon"ların tədarükü üzrə müqavilə imzalayıb. Gözlənildiyinə görə, onlar artıq 2022-ci ildə donanmaya təhvil veriləcək. Dünyada ilk gəmi əleyhinə hipersəsli raket seriyası və Qərbin buna reaksiyası barədə – "RİA Novosti"nin növbəti materialında.

Bir nömrəli məsələ

Avqustun ortalarında ABŞ Silahlı Qüvvələrinin strateji komandanlığının rəhbəri Çarlz Riçard kosmik müdafiə ilə bağlı illik simpoziumda çıxışı zamanı etiraf edib ki, Rusiyanın hipersəsli texnologiyaları NATO üçün ciddi meydan oxuma sayıla bilər. Onun sözlərinə görə, "Zirkon" dənizdəki hipotetik silahlı qarşıdurmada Rusiya Hərbi Dəniz Qüvvələrinə danılmaz üstünlük bəxş edəcək.

"Bizim hazırkı yerüstü və kosmik bazalı ötürücü sistemimiz bu raketlərin aşkarlanması və izlənməsi işinin öhdəsindən gəlməyə bilər. Etiraf etmək lazımdır ki, Rusiya hipersəsli texnologiyalar üzrə dünyanın aparıcı ölkəsidir. Bu ölkədə yüksək sürətli uçan aparatlar – qlayderlərin inkişaf etdirilməsinə böyük sərmayə qoymağa davam edirlər. Və əgər müdafiə sənayemizin müəssisələri qısa müddətdə onlara müqavimət göstərməyin yolunu tapmasa, NATO ölkələrinin donanma gəmiləri həssas vəziyyətə düşəcək", – deyə Riçard vurğulayıb.

Qərb hərbçiləri, siyasətçiləri və jurnalistləri "Zirkon"lardan həmişə söz açıblar. Bu silahın uğurla sınaqdan keçirilməsi Şimali Atlantika Alyansını ciddi şəkildə narahat edir. Məsələn, bir qədər əvvəl Pentaqonun sözçüsü Con Kirbi nüvə təchizatı imkanına sahib Rusiya hipersəsli komplekslərini nəzərəçarpacaq təhlükə yaradan potensial "destabilizasiyaedici amil" adlandırmışdı. Onun sözlərinə görə, ABŞ-da belə silahın yalnız nüvə təchizatı olmayan variantı hazırlana bilər.

Bu bəyanat Rusiyanın Vaşinqtondakı səfirliyinin diqqətindən kənarda qalmadı. Diplomatlar Kirbiyə yumşaq şəkildə xatırlatdılar ki, nüvə başlığı olmayan hipersəsli silah, əlbəttə ki, pis deyil, ancaq Rusiyanın reaksiya verməyə məcbur olduğu daha ciddi şeylər var. Məsələn, Avropada buraxılış qurğularının yerləşdirilməsi kimi.

Kreml də reaksiya verib. "Əgər xatırlayırsınızsa, Vladimir Putin dəfələrlə bu mövzuya toxunaraq deyib: təəssüf ki, biz son onillikdə, hətta bundan daha uzun müddətdə də strateji təhlükəsizliyin bütün sənədli sisteminin mərhələli şəkildə məhvi ilə üzləşdik, bundan başqa, ABŞ və NATO-nun əslində mövcud pariteti pozan müəyyən addımlarını izlədik", – deyə Rusiya Prezidentinin sözçüsü Dmirti Peskov sitat gətirir.

Və bu vəziyyət təhlükəsizliyin təminatı üçün tədbir görməyi tələb edirdi ki, "Zirkon" da belə tədbirlərdən biri hesab oluna bilər.

Heç nə ilə tutmaq mümkün deyil

Qanadlı raketlərin taktiki-texniki xarakteristikasının əsas hissəsi gizli saxlanılsa da, bəzi şeylər məlumdur. Sürəti rekord həddədir – saatda 10 min kilometrdən və ya 9 Max-dan çox. Mənzili – 100 kilometrə bərabərdir. Yürüş sahəsində uçuşu havanın müqavimətinin çox yüksək olmadığı hündürlükdə 30-40 kilometrdir. Döyüş başlığının kütləsi təxminən 450 kiloqramdır.

"Hələlik Qərb ölkələrinin donanmalarında "Zirkon"ları tuta biləcək hava hücumundan müdafiə vasitəsi yoxdur. Onların gəmi ZRK-ları səsə qədər və gəmi əleyhinə raketlərə hesablanıb, ancaq hipersəsli raketlərə qarşı tamamilə gücsüzdür. Atış məsafəsinin uzaqlığı bizim gəmilərə təsir dairəsinə daxil olmadan həm sualtı, həm də yerüstü hədəfləri sıradan çıxarmaq imkanı verir. Donanmamız bu raketlərin kütləvi istehsalına başlamaqla irəliyə doğru ciddi addım atmış olacaq", – deyə Beynəlxalq Silah Ticarətinin Təhlili Mərkəzinin direktoru İqor Korotçenko izah edir.

Vacib məqam: "Zirkon" P-800 "Oniks" və "Kalibr" gəmi əleyhinə raketləri ilə eyni buraxılış qurğusundan start etməyə qadirdir. Nəzəri cəhətdən "Buyan-M" və "Karakurt" layihələrinin kiçik raket gəmiləri də bu silahın daşıyıcısı ola bilər. Beləliklə, hətta kiçik vımpellər belə təyyarədaşıyan gəmi üçün təhlükəyə çevriləcək. Su xəttinin altındakı bir döyüş başlığının vurulması üzən aerodromun sıradan çıxması üçün kifayətdir.

Bu yaxınlarda Şimal donanmasının genişmiqyaslı təlimlərində sınaqdan keçirilmiş yeni Avtomatlaşdırılmış İdarəetmə Sistemi (AİS) perspektivli zərbə kompleksini düşmən gəmilərinə yönəldəcək. "İzvestiya"nın Müdafiə Nazirliyindəki mənbələrə istinadən verdiyi məlumata görə, manevrlər zamanı Tu-142 kəşfiyyat və sualtı qayıq əleyhinə təyyarələrdən ibarət iki heyət şərti düşmən haqqında məlumatı yüz kilometrlərlə məsafədən zərbə vımpelləri və idarə olunan raketlərə çatdırıb. Bununla yanaşı, AİS müstəqil şəkildə daha vacib hədəfləri müəyyənləşdirərək buna uyğun silah seçib.

Prespektivli "Zirkon"larla yanaşı, sistemin nəzarətindəki gəmilər "Yaxont", "Vulkan" və "Kalibr" də daxil olmaqla, əvvəlki nəsil qanadlı raket sistemlərindən istifadə edə bilərlər.

"Qranit"lərin əvəzinə

Hipersəsli raket layihəsinə 2010-cu illərdə, özü də ən ciddi məxfilik şəraitində başlandı. İlk dəfə Vladimir Putin 2018-ci ildə bu layihə haqqında geniş ictimaiyyətə məlumat verdi. Bu günə qədər yerüstü və sualtı gəmilərdən raketlərin doqquz buraxılışı həyata keçirilib ki, onların da hamısı uğurlu olub. Bu payızda "Severodvinsk" nüvə sualtı gəmisindən atəş açılandan sonra sınaqlar başa çatacaq.

Rusiya Müdafiə Nazirliyinin planına əsasən, "Zirkon" zamanla 1980-ci ildən silahlanmada olan və kifayət qədər köhnəlmiş P-700 "Qranit" Gəmi Əleyhinə Raketləri əvəz edəcək. 22350 layihəsinin freqatları, 1144 layihəsinin ağır nüvə kreyserləri olan "Pyotor Velikiy" və "Admiral Naximov", eləcə də 885M və 949 AM layihələrinin çox hədəfli sualtı nüvə qayıqları yeni zərbə kompleksi ilə təchiz olunacaq. İlk "Zirkon"ları isə Şimal donanmasının vımpelləri alacaq.

Özü də bu, NATO-nun hərbi hava və raket əleyhinə müdafiə komplekslərinin qarşısında aciz qaldığı yeganə silah deyil. Artıq planlaşdırılan hipersəsli döyüş başlığına malik "Avanqard" kompleksi və aeroballistik "Kinjal" da silahlanmaya qəbul olunub. Bundan başqa, "Poseydon" pilotsuz sualtı vasitəsinin – düşmən sahillərində dəniz bazalarını və infrastrukturunu məhv etmək üçün nəzərdə tutulmuş nüvə torpedasının sınaqları davam etdirilir.

Həmçinin oxuyun:

Rusiyanın döyüş robotları insanların həyatını yaxşılaşdırır

48
Yanacaqdoldurma məntəqəsi, arxiv şəkli

Rusiyada Aİ-95 benzininin birja qiyməti rekord vurdu

224
(Yenilənib 17:13 23.09.2021)
Rosstat-ın məlumatlarına görə, ölkədə pərakəndə satış qiymətləri sentyabr ayının əvvəllərindən azalmağa doğru gedir.

BAKI, 23 sentyabr - Sputnik. Sankt-Peterburq əmtəə xammal birjasında iki gün ərzində Ai-95 markalı benzinin qiyməti Rusiyada növbəti rekordu vurub. RİA Novosti-nin məlumatına görə, birjadakı sövdələşmələrdə bu markalı benzinin qiyməti bir ton üçün 60,38 min rubl (1550 manat) həddini keçib.

Eyni zamanda, Rosstat-ın məlumatlarına görə, Ai-95-in ölkədə pərakəndə satış qiymətləri sentyabr ayının əvvəllərindən azalmağa doğru gedir. Belə ki, hazırda bu markalı benzinin orta qiyməti sentyabr ayı ərzində təqribən 0,24 rubl (təqribən 0,06 manat) azalıb.

Rusiyanın Energetika Nazirliyi birjada qiymət artımını ölkədə bir neçə neftayırma zavodlarında təmir işlərinin getməsi, habelə bazarın yay yanacaq növlərindən qış növlərinə keçidi ilə əlaqələndirib.

Nazirlikdən həmçinin bildirilib ki, birja hərraclarında benzin qıtlığı ola bilməz.

Qeyd edək ki, sentyabr ayının 15-dən etibarən "Super" və "Premium" markalı yanacaq növlərinin qiymətində artım baş verib. Aİ-95 markalı benzinin qiyməti 1,60 AZN, Aİ-98 markalı benzinin qiyməti isə 1,90 AZN olub.

Xatırladaq ki, son qiymət dəyişikliyinə qədər respublikamıza xaricdən idxal edilən Aİ-95 markalı benzinin qiyməti 1,45 AZN, Aİ-98 markalı benzinin qiyməti 1,60 AZN təşkil edirdi.

Həmçinin oxuyun:

SOCAR benzinin bahalaşmasına münasibət bildirib

224
Rusiya XİN rəhbəri Sergey Lavrov

Lavrovun zarafatı NATO-nun baş katibini güldürdü

374
(Yenilənib 15:25 23.09.2021)
Rusiyanın xarici işlər naziri Sergey Lavrov NATO-nun baş katibi Yens Stoltenberqlə görüş zamanı onları həvəslə çəkən jurnalistlərə "Uşaqlar, şansınızı zorlamayın, Rusiya NATO-ya qoşulmayacaq", - deyib.

BAKI, 23 sentyabr — Sputnik. Rusiyanın xarici işlər naziri Sergey Lavrov NATO baş katibi Yens Stoltenberqlə görüşdə Rusiyanın Alyansla münasibətlərdəki gərginliyi azaltmaq təkliflərinə diqqət çəkib.

Sputnik Azərbaycan xəbər verir ki, Sergey Lavrov Birləşmiş Millətlər Təşkilatının (BMT) 76-cı Baş Assambleyasında iştirak etmək üçün Nyu-Yorkda NATO-nun baş katibi Yens Stoltenberqlə görüşüb.

Lavrov görüşdən əvvəl protokola uyğun foto çəkilişi zamanı jurnalistlərlə zarafat etməyi də unutmayıb:

"Uşaqlar, şansınızı zorlamayın, Rusiya NATO-ya qoşulmağa hazırlaşmır".

Lavrovun bu sözləri görüş iştirakçılarının, eləcə də NATO-nun baş katibi Stoltenberqin gülüşünə səbəb olub.

Rusiya Xarici İşlər Nazirliyindən verilən açıqlamaya görə, görüşdə Rusiya ilə NATO arasındakı münasibətlərin hazırkı vəziyyəti müzakirə edilib.

"Rusiya tərəfindən təmas xətti boyunca gərginliyin azaldılmasına sərt şəkildə yenidən diqqət çəkildi", - deyə Rusiya XİN-in teleqram saytında qeyd olunub.

Qeyd edək ki, hazırda Nyu-Yorkda BMT Baş Assambleyasının 76-cı sessiyası davam edir.

Baş Assambleyanın bu ilki iclası "COVID-19 pandemiyasının keçid dövrü", "Davamlılığın bərpası", "Planetin ehtiyaclarına cavab vermək", "İnsan hüquqlarına hörmət" və "BMT-nin yenidən canlanması ümidi ilə möhkəmlik yaratmaq" kimi mövzulara həsr edilib.

374
Gürcüstanlı jurnalistlərin Ağdama səfəri

Əcnəbi jurnalist blogerlər Ağdama səfər ediblər

0
(Yenilənib 18:55 23.09.2021)
Bloger: Ağdamın hər yeri yerlə yeksan edilib. Ağdama növbəti dəfə də səfər etmək arzusundayam. Səbirsizliklə bura yenidən gəlib, abidələrin yeni və bərpa edilən formasını görmək istəyirəm.

BAKI, 23 sentyabr — Sputnik. Sentyabrın 23-də Gürcüstandan olan bir qrup jurnalist və bloger işğaldan azad olunmuş Ağdam şəhərinə səfər ediblər. Sputnik Azərbaycan-ın Qarabağ üzrə bölgə müxbirinin verdiyi məlumata görə, onlar ilk olaraq Pənahəli xanın sarayının yerləşdiyi imarət kompleksi ilə tanış olublar.

Daha sonra onlar Ağdam Çörək Muzeyinin, Ağdam Dram Teatrının qalıqlarına baxıb, işğal dönəmində ermənilərin heyvan saxladığı Ağdam Cümə məscidində olublar.

“Ağdamın hər yeri yerlə yeksan edilib. Ağdama növbəti dəfə də səfər etmək arzusundayam. Səbirsizliklə bura yenidən gəlib, abidələrin yeni və bərpa edilən formasını görmək istəyirəm”.
  • Gürcüstanlı jurnalistlərin Ağdama səfəri
    © Sputnik / Emin Babayev
  • Gürcüstanlı jurnalistlərin Ağdama səfəri
    © Sputnik / Emin Babayev
  • Gürcüstanlı jurnalistlərin Ağdama səfəri
    © Sputnik / Emin Babayev
1 / 3
© Sputnik / Emin Babayev
Gürcüstanlı jurnalistlərin Ağdama səfəri

Bu sözləri jurnalistlərə açıqlamasında gürcüstanlı bloger Nina Berdzenava deyib. O, Ağdamı gəlib bu vəziyyətdə görəcəyini təsəvvür etmədiyini bildirib.

"Ağdamda Azərbaycan xalqına məxsus tarixi abidələri dağıtsalar da, kökləri qalıb. Mən əminəm ki, Azərbaycan digər rayonlarda olduğu kimi buradakı abidələri də bərpa edəcək".
© Sputnik / Emin Babayev
Nina Berdzenava

“Azərbaycan iqtisadi, siyasi, hərbi cəhətdən güclü dövlətdir”. 

Bu sözləri Gürcüstanın Strateji və Beynəlxalq Araşdırmalar Fondunun eksperti, professor Zurab Batiaşvili Ağdam səfərinin təəssüratlarını bölüşərkən deyib. O bildirib ki, Ağdama səfəri onu sarsıldıb.

"Biz üç gündür Azərbaycandayıq. Bu günlər ərzində Bakıda, Gəncədə olduq. İndi isə Ağdama gəlmişik. Burda kəndlər, tarixi abidələr xarabalığa çevrilib. Əminəm ki, ən tez zamanda burda hər şey yenidən qurulacaq. Azərbaycan xalqı buna tam gücüylə dəstək verəcək. Azərbaycan iqtisadi, siyasi, hərbi cəhətdən güclü dövlətdir”.
© Sputnik / Emin Babayev
Zurab Batiaşvili

Qeyd edək ki, Ağdama səfər edən Gürcüstanlı qonaqlara ermənilərin işğal müddətində Azərbaycanın mədəni, tarixi və dini abidələrinə qarşı törətdiyi vəhşiliklər barədə ətraflı məlumat verilib.

Həmçinin oxuyun:

Toivo Klaar: Müharibənin acı xatirələri hər zaman qalacaq, lakin biz gələcəyə baxmalıyıq

0
Teqlər:
Gürcüstan