Krım

Dmitri Vıdrin: "Krım platforması" Kiyev sammiti xam xəyaldır

34
(Yenilənib 14:45 20.08.2021)
Rusiya, nəhəng geosiyasi kütlə olaraq tarix, dilçilik, genotip cəhətdən yaxın olan digər kütlələri özünə cəzb edir. Ancaq elə ölkələr var ki, məhz belə böyük cazibə təhlükəsi səbəbindən ona qarşı əks-təsir qüvvəsi tapmağa cəhd göstərirlər.

Ukrayna avqustun 24-də müstəqilliyinin 30-cü ildönümünü qeyd edəcək. Həmin tarixə bir gün qalmış, avqustun 23-də isə Kiyevdə Krımın Ukraynaya qaytarılması məsələsinin müzakirə oluncağı "Krım platforması" adlı sammit keçiriləcək.

Bu zirvə görüşünün hər hansı bir siyasi səmərəsi olacaqmı və Rusiya niyə sammitə dəvət olunmayıb? Ukraynanın dörd prezidentinin keçmiş müşaviri, Ali Radanın V çağırış üzrə deputatı Dmitri Vıdrin Sputnik-ə müsahibəsində bu barədə danışıb.

Məzmunsuz sammit

Sputnik-in müsahibi belə hesab edir ki, "Krım platforması" bəlağətli söz yığını və deklarasiyadan başqa bir şey deyil.

"Mən cavan olanda platforma ayyaqqabı çox dəbdə idi, qəşəng olsa da yaman narahat idi. Ukrayna lideri Vladimir Zelenski də ilk növbədə tədbirin gözəlliyinə bel bağlayıb. Mahiyyətində isə bir şey yoxdur", – deyə Vıdrin vurğulayır.

Ekspertin sözlərinə görə, üç tip sammit mövcuddur: iştirakçıları biliklər, texnologiyalarla zənginləşdirən görüşlər, problemlərin qaynar kartof kimi əldən-ələ ötürüldüyü görüşlər və bir də problemin həlli ilə bağlı illüziya yaradan görüşlər. Sonuncular adətən, bir-birinə kartof atmaqla nəticələnir.

Politoloqun fikrincə, "Krım platforması"nı son iki tipə aid etmək olar.

"Bu sammitdə maddi, mənəvi resurslarını paylaşmağa hazır olan iştirakçılar yoxdur. Heç kim heç nə paylaşmayacaq, ancaq problemi bir-birinin üstünə atacaqlar. Odur ki, bu sammit gözəl, amma xam xəyaldır. Əgər məzmun yoxdursa, forma boş şeydir", - deyə Vıdrin bildirir.

Şabaş, yoxsa karnaval

Bir qədər əvvəı Ukraynanın xarici işlər naziri Dmitri Kuleba bəyan etmişdi ki, 44 ölkə və beynəlxalq təşkilat "Krım Platforması"nın qurucusu kimi Kiyevə qoşulmaq qərarına gəlib. Ancaq dəvət olunan ölkələrin siyahısında Rusiyanın adı yoxdur.

Dmitri Vıdrin deyir ki, Rusiya sammitdə iştirak etməli olsaydı, görüşün formatı dəyişməli idi.

"Bəzi ölkələr var ki, sözə, bəziləri də əmələ stavka edir. "Şimal axını"ndan, ağır həqiqətlərdən danışılacağından qorxduqları üçün Rusiyanı dəvət etməyə çəkiniblər. Bu tədbirdə yüngül sözlərdən və vədlərdən başqa bir olmayacq", - deyə politoloq izah edir.

Ukraynanın təşəbbüsü ilə sözügedən zirvə görüşünün keçirilməsini şərh edən Rusiyanın xarici işlər naziri Sergey Lavrov isə bir qədər əvvəl bu tədbiri "Qərbin müasir Ukrayna iqtidarının neonasist və irqçi hisslərini bir az da qızışdıran şabaş mərasimi" adlandırmışdı.

Sputnik-in həmsöhbəti də sammiti karnavalla müqayisə edib.

"Filosof Mixail Baxtinin məşhur karnaval mədəniyyəti nəzəriyyəsi var. Bu nəzəriyyəyə görə, hamı şənlənir, rəqs edir və həmişə sonda Sarsaq, şəhər polisini əzişdirir", - deyə politoloq vəziyyəti təsvir edir.

Nifrətə stavka

Vıdrin belə hesab edir ki, Rusiya-Ukrayna münasibətlərinin fərqli formatını qurma cəhdləri ikiyə haçalanır.

"Rusiya, nəhəng geosiyasi kütlə olaraq, tarix, dilçilik, genotip cəhətdən yaxın olan digər kütlələri özünə cəzb edir. Ancaq elə ölkələr var ki, məhz belə böyük cazibə təhlükəsi səbəbindən ona qarşı əks-təsir qüvvəsi tapmağa cəhd göstərirlər. Və indiyə kimi ölkələr arasında nifaq toxumu səpməkdən başqa bir şey tapmayıblar. Onların fikincə, nifrət nə qədər çox olarsa, bu böyük kütlənin (sosial, mədəni, ərazi, resurs) onları özünə cəzb etmək şansı daha az olacaq. Odur ki, nifrətə bel bağlamaqdan başqa çarələri qalmır. Nifrət bol olacaq, çünki onların əlində başqa alət yoxdur", - deyə politoloq mülahizə yürüdür.

Ekspert belə hesab edir ki, Ukrayna yaranan problemi hərbi yolla həll etməyəcək.

"Müharibə çox böyük iş, məsrəf və qan deməkdir. Ukrayna isə çətinliyə tab gətirməyən ölkələr kateqoriyasına aiddir və böyük risk tələb edən işlərə qol qoymaz. Təhdidlər, yumruq silkələmə ola bilər, amma müharibə olmayacaq", - deyə Vıdrin fikir yürüdür.

"Hazırda nifrət bəzi ölkələr üçün onların özlərinin dediyi kimi müstəqilliklərini, əslində isə əmr vermək, ağalıq etmək və çapıb-talamaq üçün öz mülklərini qoruyub saxlamağın yeganə yoludur", - deyə politoloq fikirlərini yekunlaşdırır.

Müsahibənin tam versiyasını Sputnikin YouTube kanalında rus dilində izləmək olar.

Eləcə də oxuyun:

34
Vladimir Putin, arxiv şəkli

Putin Dövlət Dumasının qarşısında duran vəzifələri ifadə edib

46
(Yenilənib 18:48 25.09.2021)
Dövlət başçısı parlamentdə təmsil olunmaq hüququ qazanmış partiyaların nümayəndələri ilə görüşdə hamını seçkiqabağı vədləri sözsüz yerinə yetirməyə çağırıb.

BAKI, 25 sentyabr - Sputnik. Rusiyanın prezidenti Vladimir Putin yeni çağırış Dövlət Duması deputatlarının qarşısında duran vəzifələri dilə gətirib.

Dumanın qarşısında duran vəzifələr arasında aşağıdakılar da qeyd olunub:


yoxsulluq səviyyəsinin minimuma endirilməsi

gəlir səviyyəsi aşağı olan ailələrdə uşaqların həyat, inkişaf şəraitinin və qidalanmasının yaxşılaşdırılması

müasir təhsil və səhiyyənin alçatan olması

iqtisadiyyatın strukturunda yüksək texnologiyalara əsaslanan sahələrin artırılması.

Dövlət başçısı parlamentdə təmsil olunmaq hüququ qazanmış partiyaların nümayəndələri ilə görüşdə hamını seçkiqabağı vədləri sözsüz yerinə yetirməyə çağırıb.

Qeyd edək ki, Rusiya pralamentinin aşağı palatası beş partiyanın nümayəndələrindən formalaşıb: "Yedinaya Rossiya", RFKP, "Spravedlivaya Rossiya", RLDP və "Novıye lyudi".

Həmçinin oxuyun:

Azərbaycanın dövlət başçısı Rusiya prezidentini təbrik edib

46
Teqlər:
Putin, Duma
Moskvada koronavirusa yoluxanan xəstələrin müalicə aldığı hospital

Sutka ərzində Rusiyada 822 nəfər koronavirusun qurbanı olub

7
(Yenilənib 14:20 25.09.2021)
Koronavirusun yayılmasının qarşısının alınması üzrə operativ qərargahdan verilən məlumata görə, indiyə qədər ölkədə 203 095 nəfər bu xəstəlikdən ölüb.

BAKI, 25 sentyabr - Sputnik. Son sutka ərzində Rusiyada 822 nəfər COVID-19 xəstəsi dünyasını dəyişib. RİA Novosti-nin xəbərinə görə, bu barədə koronavirusun yayılmasının qarşısının alınması üzrə operativ qərargahdan məlumat verilib.

"Son sutka ərzində 822 nəfərin ölümü təsdiq olunub", - deyə məlumatda deyilir.

Pandemiyanın başlanmasından indiyə qədər ölkədə 203 095 nəfər bu xəstəlikdən ölüb.

Həmçinin oxuyun:

Azərbaycanda COVID-19: yoluxanların və ölənlərin sayı qismən azalıb

7
Teqlər:
COVID-19, Koronavirus, Rusiya
Bakıda Beynəlxalq Transxəzər Nəqliyyat Marşrutuna dair müzakirələr

Bakıda Beynəlxalq Transxəzər Nəqliyyat Marşrutuna dair müzakirələr aparılıb

0
(Yenilənib 21:06 25.09.2021)
Cavid Qurbanov birgə fəaliyyət əsasında bu il Transxəzər Beynəlxalq Nəqliyyat Marşrutu üzrə yükdaşımaları sahəsində artıma nail olunduğunu diqqətə çatdırıb.

BAKI, 25 sentyabr — Sputnik. Bakıda "Beynəlxalq Transxəzər Nəqliyyat Marşrutu" (BTNM) Beynəlxalq Assosiasiyası Hüquqi Şəxslər Birliyinin ümumi yığıncağı keçirilib. Bu barədə Sputnik Azərbaycan-a "Azərbaycan Dəmir Yolları" QSC-dən bildirilib.

Tədbirdə nəqliyyat, rabitə və yüksək texnologiyalar naziri Rəşad Nəbiyev çıxış edərək bildirib ki, qonşu tranzit dəhlizlərin yaratdığı rəqabət şəraitində Orta Dəhlizə tranzit yüklərinin cəlb edilməsi üçün dəhlizin səmərəliliyi, daşımaların müntəzəmliyi, tariflərin optimallaşdırılması və ən əsası dəhliz boyu yerləşən ölkələrin tranzit yüklərinə münasibətdə tənzimləmə və gömrük prosedurlarının sadələşdirilməsi və uzlaşdırılması vacibdir.

Qeyd olunub ki, tranzit daşımalarında şəffaflığın və nəqliyyat prosesinin iştirakçıları arasında bərabər şərtlərin təmin edilməsi üçün ən vacib alət Orta Dəhlizin rəqəmsallaşdırılmasıdır.

Bildirilib ki, tariflərin optimallaşdırılması, daşıyıcıların və dövlət qurumlarının fəaliyyətinin əlaqələndirilməsi, şəffaflığın təmin edilməsi, tranzit prosedurlarının sadələşdirilməsi və təkmilləşdirilməsi, sayının və müddətinin azaldılması ilə məşğul olan kollegial icra orqanı – Azərbaycan Respublikasının Tranzit Yükdaşımalar üzrə Koordinasiya Şurasının Beynəlxalq Assosiasiya ilə sıx əməkdaşlığı Orta Dəhlizin rəqabətqabiliyyətliliyinin artırılmasına töhfə verəcək.

"Qazaxıstan Dəmir Yolu" Milli Şirkəti SC, "Beynəlxalq Transxəzər Nəqliyyat Marşrutu" Beynəlxalq Assosiasiyası Hüquqi Şəxslər Birliyi İdarə Heyətinin sədri Nurlan Sauranbayevin sədrliyi ilə keçən tədbirdə "Azərbaycan Dəmir Yolları" QSC-nin sədri Cavid Qurbanov, "Gürcüstan Dəmir Yolu" SC-nin sədri David Peradze, "Beynəlxalq Transxəzər Nəqliyyat Marşrutu" Beynəlxalq Assosiasiyası Hüquqi Şəxslər Birliyinin baş katibi Rahmetulla Kudaybergenov, Türkiyə Dövlət Dəmir Yollarının baş direktoru Hasan Pezük, "Aktau Beynəlxalq Dəniz Ticarət limanı" SC-nin sədri Abay Turikpembayev, "Azərbaycan Xəzər Dəniz Gəmiçiliyi" QSC-nin sədri Rauf Vəliyev, "Bakı Beynəlxalq Dəniz Ticarət Limanı" QSC-nin baş direktoru Taleh Ziyadov və "Port Kurık" SC-nin sədri Serik Axmetov iştirak ediblər.

Pandemiya şəraitində mövcud vəziyyəti səciyyələndirən "Azərbaycan Dəmir Yolları" QSC-nin sədri Cavid Qurbanov birgə fəaliyyət əsasında bu il Transxəzər Beynəlxalq Nəqliyyat Marşrutu üzrə yükdaşımaları sahəsində artıma nail olunduğunu diqqətə çatdırıb. O bildirib ki, Prezident, Müzəffər Ali Baş Komandan İlham Əliyevin rəhbərliyi ilə Azərbaycan Ordusunun 44 günlük vətən müharibəsi nəticəsində torpaqlarımızı işğaldan azad etməsi nəticəsində ölkə ərazisindən keçən nəqliyyat dəhlizlərinin uğurlu təşviqinə geniş imkanlar açılıb. Azərbaycan regionda bir sıra vacib beynəlxalq layihələrin, o cümlədən Bakı-Tbilisi-Qars dəmir yolu xəttinin təşəbbüskarıdır. Ölkəmiz beynəlxalq daşımalara, multimodal infrastrukturun genişləndirilməsinə əhəmiyyətli təsir göstərən beynəlxalq nəqliyyat dəhlizlərinin inkişaf etdirilməsində aktiv rol oynayır. Cavid Qurbanov görüşün əməkdaşlıq əlaqələrinin daha da möhkəmləndirilməsində faydalı olacağına, təklif və tövsiyələrin dəmir yolu sahəsində tətbiqinin iştirakçı ölkələrin iqtisadiyyatına əhəmiyyətli təsir göstərəcəyinə ümidvar olduğunu bildirib.

İki gün davam edən toplantıda "Beynəlxalq Transxəzər Nəqliyyat Marşrutu" Beynəlxalq Assosiasiyası Hüquqi Şəxslər Birliyi İdarə Heyətinin tərkibinin və 2019-cu il üçün maliyyə-təsərrüfat fəaliyyətinə dair audit hesabatının təsdiqi; BTNM BA HŞB-nin Nizamnaməsinə dəyişikliklərin və əlavələrin edilməsi; Assosiasiyanın intellektual mülkiyyət hüququnun (loqotipi və adının) Beynəlxalq İntellektual Mülkiyyət Təşkilatının Beynəlxalq bürosunda müdafiəsi; Beynəlxalq Transxəzər Nəqliyyat Marşrutunda birgə müəssisənin yaradılması; Orta Dəhlizin (Middle Corridor) 2025-ci ilə qədər inkişaf strategiyasının işlənib hazırlanması və Avropa İttifaqında mövcudluğunun genişləndirilməsi və digər məsələlər müzakirə olunub.

Müzakirələrdə Beynəlxalq Transxəzər Nəqliyyat Dəhlizinin potensialından səmərəli istifadə edilməsi, bu marşruta daha çox yük axınının cəlb olunmasının zəruriliyi vurğulanıb.

Müzakirələrdən sonra "Qazaxıstan Dəmir Yolu" Milli Şirkəti SC-nin Mərkəzi Asiya regionundakı nümayəndəliyi rəhbərinin müavini Haydar Abdikerimov "Beynəlxalq Transxəzər Nəqliyyat Marşrutu" Beynəlxalq Assosiasiyası Hüquqi Şəxslər Birliyinin baş katibi, "Azərbaycan Dəmir Yolları" QSC-nin sədr müavini İqbal Hüseynov BTNM-in inkişafı üzrə İşçi Qrupunun rəhbəri təyin olunub.

Eyni zamanda, "Pasifik Eurasiya Lojistik Diş Ticarət A. Ş." (Türkiyə) şirkəti quruma assosiativ üzv qismində qəbul olunub.

Yığıncağın sonunda müvafiq protokol imzalanıb.

Qeyd edək ki, Beynəlxalq Transxəzər Nəqliyyat Marşrutu üzrə "Şixezi (Çin)-Dostık-Aktau-Ələt limanı" istiqamətində hərəkət edən ilk "Nomad ekspress" sınaq konteyner qatarı 2015-ci il avqustun 3-də yola salınıb.

Həmçinin oxuyun:

Xəzərdə əməkdaşlıq məsələsi: qarşılıqlı investisiyalar, tranzit və "yaşıl enerji"

0
Teqlər:
Beynəlxalq Transxəzər Nəqliyyat Marşrutu, Transxəzər Beynəlxalq Nəqliyyat Konsorsiumu