Əfqanıstanda Taliban (Rusiyada və digər ölkələrdə qadağan olunmuş terror qruplaşması ) hərəkatının üzvləri, arxiv şəkli

Lavrov Əfqanıstandakı son durumu açıqladı

28
Rusiya Talibanın Əfqanıstanda olan digər qüvvələrlə dialoqa hazır olduqları barədə bəyanatlarını alqışlayır.

BAKI, 19 avqust — Sputnik. Rusiya Əfqanıstanda bütün qüvvələrin iştirakı ilə təcili milli dialoqa keçməyin zəruriliyini dəstəkləyir. Sputnik Azərbaycan "RİA Novosti"-yə istinadən xəbər verir ki, bunu Rusiyanın xarici işlər naziri Sergey Lavrov bildirib.

"Əfqanıstan dialoqunu yenidən başlatmaq üçün şərait yaratmaq üçün Əfqanıstanla bağlı Moskva formatının böyük perspektivləri var. Məqsədə uyğun olarsa, Rusiya Federasiyası Əfqanıstanla bağlı Moskva formatının işini bərpa etməyə hazırdır, lakin indiyə qədər heç bir konkret təklif irəli sürülməyib", - deyə Lavrov bildirib.

O, həmçinin qeyd edib ki, Rusiya Talibanın* Əfqanıstanda olan digər qüvvələrlə dialoqa hazır olduğu barədə bəyanatlarını alqışlayır.

Qeyd edək ki, son həftə ərzində Taliban* hərəkatının ölkənin iri şəhərlərinə hücumu nəticəsində Əfqanıstanda vəziyyət daha da kəskinləşib. Bazar günü KİV və digər mənbələr Talibanın* ölkənin bütün sərhəd-keçid məntəqələrinə nəzarət etdiyini xəbər vermişdi. Hərbçilər daha sonra bəyan etmişdilər ki, artıq Kabilə daxil olublar, eləcə də prezident sarayını nəzarət altına alıblar. Əfqanıstan Milli Barışıq üzrə Ali Şurasının rəhbəri Abdulla Abdulla bildirib ki, Əşrəf Qəni prezidentlikdən istefa verərək ölkəni tərk edib.

Avqustun 15-dən 16-na keçən gecə Talibanın* siyasi ofisinin rəsmi nümayəndəsi Muhamməd Naim isə bəyan edib ki, Əfqanıstanda müharibə başa çatıb.

*Rusiyada və digər ölkələrdə qadağan olunmuş terror qruplaşması

Həmçinin oxuyun:

28
Teqlər:
Sergey Lavrov
Rusiya Prezidenti Vladimir Putin və Türkiyə Prezidenti Rəcəb Tayyib Ərdoğan

Peskov Putinlə Ərdoğanın münasibətlərinin hansı səviyyədə olduğunu açıqlayıb

490
(Yenilənib 21:16 26.09.2021)
Rusiya prezidentinin sözçüsü Dmitri Peskov deyib ki, Vladimir Putin və Rəcəb Tayyib Ərdoğan arasında çox etibarlı iş əlaqəsi var.

BAKI, 26 sentyabr - Sputnik. Rusiya və Türkiyə prezidentləri Vladimir Putin və Rəcəb Tayyib Ərdoğan arasında çox etibarlı iş əlaqəsi var.

Sputnik Azərbaycan RİA Novosti-yə istinadla xəbər verir ki, bunu Rusiya Prezidentinin mətbuat katibi Dmitri Peskov, "Rossiya1" telekanalının efirində "Moskva. Kreml. Putin" verilişində deyib.

Peskov bildirib ki, bu güvən iki lider arasında ciddi danışıqlar üçün əlverişlidir.

Qeyd edək ki, Türkiyə prezidenti Rəcəb Tayyib Ərdoğan sentyabrın 29-da Rusiyaya birgünlük işgüzar səfərə gedəcək. 

Rəcəb Tayyib Ərdoğan jurnalistlərə açıqlamasında deyib ki, Soçidə Rusiya Prezidenti Vladimir Putinlə danışıqlarda önəmli qərarlar veriləcəyinə ümid edir.  

Dmitri Peskov daha əvvəl bu səfərlə bağlı deyib ki, Vladimir Putin və Rəcəb Tayyib Ərdoğan ikitərəfli münasibətləri və Suriya problemini müzakirə edəcəklər.

"Doğrudan da Türkiyə Prezidenti Rəcəb Tayyib Ərdoğanın Rusiya Federasiyasına işgüzar səfəri hazırlanır. Gündəlik – çox genişdir, ikitərəfli münasibətlərdən başlayır", - deyə Peskov qeyd edib.

Xatırladaq ki, Türkiyə prezidenti Rəcəb Tayyib Ərdoğan 2020-ci ilin martın 6-da Moskvada Rusiya prezidenti Vladimir Putinlə görüşüb. Təxminən 6 saat davam edən görüşün sonunda tərəflər 2018-ci il Soçi Razılaşmasına 3 maddəlik əlavə protokol mətnini ictimaiyyətə açıqlayıb və gözlənilən atəşkəsi də elan ediblər.

Hərbi əməliyyatların getdiyi vaxt rəsmi Ankara tələb edirdi ki, Əsəd qüvvələri 2018-ci ilin sentyabrında imzalanmış Soçi anlaşmasındakı sərhədlərə geri çəkilsin. Ərdoğan AKP-li millət vəkilləri ilə görüşündə deyib ki, Əsədə bağlı qüvvələr Soçi anlaşmasından sonrakı il yarım ərzində ələ keçirdiyi əraziləri tərk etməsə, Türkiyə bu işi özü yerinə yetirəcək. Bu, birbaşa ultimatum hesab olunurdu.

Həmçinin oxuyun:

* Ərdoğanın Rusiyaya səfər tarixi açıqlandı

* Putinlə danışıqlarda önəmli qərarlar veriləcəyinə ümid edirəm - Türkiyə prezidenti

490
Vladimir Jirinovski, arxiv şəkli

Jirinovski Putinə abortdan imtina edən qadınlara kompensasiya verilməsini təklif edib

59
(Yenilənib 21:21 26.09.2021)
RLDP sədri bu sözləri prezidentin Dövlət Dumasında təmsil olunacaq partiya nümayəndələri ilə görüşü zamanı deyib.

BAKI, 25 sentyabr – Sputnik. Rusiya Liberal-Demokrat Partiyasının sədri Vladimir Jirinovski ölkə başçısı Vladimir Putinə qadınlara abortdan imtina etməyə görə kompensasiya verilməsini təklif edib. Bu barədə RİA Novosti xəbər verir.

“Təklif edirəm ki, abortlardan imtinaya görə kompensasiya tətbiq olunsun”, - deyə RLDP sədri prezidentin Dövlət Dumasında təmsil olunacaq partiya nümayəndələri ilə görüşündə deyib.

Jirinovskinin rəhbərlik etdiyi partiyada hesab edirlər ki, bu, ölkədə demoqrafik artıma səbəb ola bilər. Belə ki, RLDP abortdan imtina etdikləri təqdirdə qadınlara böyük məbləğdə pul verilməsini təklif edir. Eyni zamanda partiya sədri bir müddət əvvəl bildirib ki, bu halda sonradan doğulacaq uşaqlar alınaraq xüsusi müəssisələrə yerləşdirilməlidirlər.

Həmçinin oxuyun:

Putin Dövlət Dumasının qarşısında duran vəzifələri ifadə edib

59
Teqlər:
Vladimir Jirinovski, abort, kompensasiya
Şuşada Azərbaycan bayrağı

Mais Bərxudarov Şuşada Azərbaycan bayrağını qaldırdı - video

0
(Yenilənib 19:09 27.09.2021)
Aydın Kərimov bildirib ki, bu gün Anım Günü ilə bağlı Şuşanın Bayraq meydanında dövlət himnimizin sədaları altında general-mayor Mais Bərxudarovla üçrəngli bayrağımızı qaldırıblar.

BAKI, 27 sentyabr — Sputnik. General -mayor Mais Barxudarov Anım Günü münasibətilə Şuşanın Bayraq Meydanında Azərbaycan bayrağını qaldırıb. Bu barədə Prezidentin Şuşa bölgəsindəki xüsusi nümayəndəsi Aydın Kərimov şəxsi Twitter hesabında bildirib.

"Bu gün Anım Günü ilə bağlı Şuşanın Bayraq meydanında dövlət himnimizin sədaları altında general-mayor Mais Bərxudarovla üçrəngli bayrağımızı qaldırdıq. Sonra qəhrəman Azərbaycan əsgərləri Şuşa qalası istiqamətində yürüş etdilər", - o vurğulayıb.

Mais Şükür oğlu Bərxudarov Azərbaycan Silahlı Qüvvələrinin general-mayoru, 2016-cı ilin Aprel döyüşləri və 2020-ci ilin Vətən müharibəsinin Komandanlarından biridir.

O, 1976-cı il aprelin 20-də Qubadlı rayonunun Dəmirçilər kəndində anadan olub. Uşaq yaşlarında Əliyar Əliyevin məşqçiliyi altında idmanın güləş növü ilə məşğul olub. 1993-cü ilin avqustunda Qubadlı rayonunun Ermənistan Silahlı Qüvvələri tərəfindən işğal edilməsindən sonra Cəmşid Naxçıvanski adına hərbi liseyə daxil oldu. 1993-cü ildə cəbhəyə yollanmağı qərara alsa da, general Valeh Bərşadlı onu yanına çağırır və cəbhəyə yollanmaq üçün hələ tez olduğunu bildirir.

Baş leytenant rütbəsində olarkən Azərbaycan Prezidenti Heydər Əliyevin 24 iyun 1998-ci il tarixli 735 nömrəli Sərəncamına əsasən "Azərbaycan Bayrağı" ordeni ilə təltif edilib.

Polkovnik rütbəsini daşıyarkən isə Azərbaycan Prezidenti İlham Əliyevin 25 iyun 2012-ci il tarixli 2305 nömrəli Sərəncamına əsasən "Vətən uğrunda" medalı ilə təltif edilib.

Azərbaycanın Cəbrayıl, Xocavənd, Füzuli və Zəngilan rayonlarının işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 24.12.2020-ci il tarixli Sərəncamına əsasən Mais Bərxudarov "Cəbrayılın azad olunmasına görə" medalı, 25.12.2020-ci il tarixli Sərəncamlarına əsasən isə "Xocavəndin azad olunmasına görə" medalı, "Füzulinin azad olunmasına görə" medalı, "Zəngilanın azad olunmasına görə" medalı və "Qubadlının azad olunmasına görə" medalı ilə təltif edilib.

2016-cı il, aprelin 1-5-i Qarabağda gedən döyüşlər zamanı korpus komandiri olan polkovnik Mais Bərxudarov döyüşlər başlayan kimi, özü də əsgərlərə qoşularaq, birbaşa döyüşlərə atılmış, Lələtəpə yüksəkliyini və on kilometrlərlə ərazini azadetmə əməliyyatında şəxsən iştirak edib. Erməni silahlı qüvvələrinin çoxsaylı qüvvələrini çox məhdud sayda əsgər və zabitləri ilə məhv edib sıradan çıxarıb. Hadisə şahidlərinin verdiyi məlumata görə, Mais Bərxudarov şəxsən tankın üzərində əyləşərək, özü öndə olmaqla bütün əsgərlərini döyüşə çağırıb. Mənbə bildirir ki, Bərxudarovun tankı ən öndə getdiyindən, bütün ordu xüsusi fəallıq və qəhrəmanlıqla döyüşməyə başlayıb.

Mais Bərxudarova Lələtəpənin alınmasında göstərdiyi şücaətə və hərbi bacarığa görə general-mayor rütbəsi verilib.

0