Rusiya aviasiya sahəsində maraqlı olan bütün ölkələrlə əməkdaşlığa hazırdır - Putin

64
15-ci MAKS aviakosmik salonunun açılışında Vladimir Putin vurğulayıb ki, Rusiya bütün maraqlı ölkələrlə aviasiya və kosmonavtika sahəsində əməkdaşlığa hazırdır.

BAKI, 20 iyul - Sputnik. MAKS-2021 aviakosmik salonunda müqavilələrin imzalanması kooperasiya və birgə layihələr üçün geniş imkanlar açır.

Sputnik Azərbaycan bildirir ki, bunu Rusiya Prezidenti Vladimir Putin çərşənbə axşamı, iyulun 20-də MAKS-2021 aviakosmik salonunun açılışında söyləyib.

© Sputnik / Aleksey Mayshev
Rusiya prezidenti Vladimir Putin MAKS-2021 aviasalounun açlışında, 20 iyul 2021-ci il

Ən son texnologiyaların nümayişində vacib platforma

“Burada aviatikintinin gələcəyi haqda canlı müzakirələr aparılır, ənənəvi olaraq maraqlı uçuş proqramı təqdim olunur, müqavilələrin bağlanması isə kooperasiya və qarşılıqlı sərfəli layihələrin reallaşdırılması üçün imkanlar yaradır”, - Rusiya lideri çıxışında söyləyib.

O qeyd edib ki, MAKS mövcudluğu ərzində yerli və xarici aviasiyanın ən son nailiyyətlərinin nümayişi ücün vacib meydançalardan birinə çevrilib.

Putin deyib ki, MAKS, koronavirus pandemiyasına rəğmən, bu il beynəlxalq statusunu qoruyub saxlaya bilib.

O qeyd edib ki, bu il tədbirə dünyanın 50 ölkəsindən 250-dən çox xarici şirkət maraq göstərib.

Rusiya əməkdaşlığa hazırdır

Vladimir Putin vurğulayıb ki, Rusiya bütün maraqlı ölkələrlə aviasiya və kosmonavtika sahəsində əməkdaşlığa hazırdır.

“Əlbəttə, Rusiya kosmonavtika və aviasiya sahəsində maraqlı olan bütün ölkələrlə əməkdaşlığa hazırdır. Uçuş təhlükəsizliyinin artırılması, aviasiyanın ətraf mühitə neqativ təsirinin azaldılması, Yerətrafı fəzanın öyrənilməsi – yeni nailiyyətlərin əldə olunması üçün müxtəlif ölkələrin alimlərinin, konstruktorlarının, digər mütəxəssislərinin birləşməli olduğu sahələr bunlardır”, - Putin söyləyib.

O, həmçinin qeyd edib ki, Rusiya Qazaxıstan və AİB-in digər ölkələri ilə aviatikinti sahəsində əməkdaşlığın inkişafında maraqlıdır. Müasir perspektivli layihələrdən danışarkən Putin qeyd edib ki, Qazaxıstanda “Mi” ailəsindən olan vertolyotlar yığılır, Roskosmosun xətti ilə müştərək “Bayterek” layihəsi hazırlanır. Sonuncu əfsanəvi Baykonur kosmodromundan fəzaya ekoloji təmiz daşıyıcı raket vasitəsilə kosmik aparatların çlxarılması üçün təşkilati-texniki qurğunun yaradılmasına hədəflənib.

Aviasiyanın gələcəyi

Rusiya lideri aviasiyanın gələcəyi barədə fikirlərini də bölüşüb.

“MAKS gələcəyə istiqamətlənib, gələcək isə pilotsuz uçuş aparatları, robotlaşdırılmış komplekslər, aviasiyada süni intellektin istifadəsi ilə gələcək”, - Prezident deyib.

O deyib ki, Rusiya aviasiyası böyük potensiala malikdir və aviatikinti sahəsi müasir texnika yaratmaqda davam edir.

“Jukovskidə görüklərimiz Rusiyanın böyük inkişaf potensialına malik olduğunun, aviatikinti sahəsinin isə yeni, rəqabətədavamlı aviasiya texnikası yaratdığının sübutudur. Yerli aviaşirkətlər müasir Superjet laynerləri alırlar, yaxın vaxtlarda ən yeni magistral təyyarəsi MC-21 trasa çıxmalıdır. Hazırkı aviasalonda ilk dəfə onun yerli ПД-14 mühərrikli modifikasiyası nümayiş olunur”, - V.Putin bildirib.

Birmühərrikli yüngül qırıcı

Rusiya Prezidenti MAKS-2021-də “Suxoy” konserninin ən yeni, yüngül, birmühərrikli taktiki qırıcısı, eləcə də digər aviasiya texnikası nümunələri ilə tanış olub.

“Suxoy” qırıcısı Rusiyada ilk beşinci nəsil çoxhədəfli, birmühərrikli təyyarədir. Rusiyanın hərbi-texniki əməkdaşlıq üzrə federal xidmətinin direktoru Dmitri Şuqayev RİA Novosti-yə bildirib ki, bu təyyarə qabaqcıl texniki xarakteristikalara -  yüksək  uçuş keyfiyyətləri, geniş zərbə və kəşfiyyat imkanları,  ən yeni radioelektron bort avadanlığı, aşağı radiolokasiya nəzərəçarpanlığına malikdir.

MAKS-2021

Jukovski aerodromundakı aviasalon iyulun 20-də başlayıb və iyulun 25-dək davam edəcək. Bu il pandemiya səbəbindən MAKS-2021-də iştirak etmək istəyənlər üçün müəyyən məhdudiyyətlər tətbiq olunub. Sərgiyə yalnız vaksinin vurulması barədə QR-kod, yaxud da mənfi PZR testi nəticəsi ilə girmək olar.

Eləcə də oxuyun:

 

64
Teqlər:
Vladimir Putin, aviasiya, Rusiya
Pomidor satışı, arxiv şəkli

"Rosselxoznadzor"un Azərbaycandan pomidor ixracına icazə verdiyi müəssisələr barədə

550
(Yenilənib 22:17 30.07.2021)
AQTA mütəxəssisləri və Rusiya Dövlət Baytarlıq və Fitosanitar Nəzarət üzrə Federal Xidmətinin ("Rosselxoznadzor") əməkdaşlarının iştirakı ilə respublika ərazisi üzrə fəaliyyət göstərən pomidor istehsalı müəssisələrində birgə videomonitorinqlər davam etdirilir.

BAKI, 30 iyun — Sputnik. Azərbaycan Respublikasından Rusiya Federasiyasına ixrac olunan pomidor və alma məhsullarına tətbiq edilən məhdudiyyətlərin aradan qaldırılması istiqamətində Azərbaycan Respublikasının Qida Təhlükəsizliyi Agentliyi (AQTA) və aidiyyəti qurumların birgə tədbirləri davam etdirilir.

AQTA-dan Sputnik Azərbaycan-a verilən məlumata görə həyata keçirilən birgə tədbirlər çərçivəsində Agentliyin mütəxəssisləri və Rusiya Dövlət Baytarlıq və Fitosanitar Nəzarət üzrə Federal Xidmətinin ("Rosselxoznadzor") əməkdaşlarının iştirakı ilə respublika ərazisi üzrə fəaliyyət göstərən pomidor istehsalı müəssisələrində birgə videomonitorinqlər davam etdirilir.

Bununla yanaşı, müəssisələrdə həyata keçirilən sağlamlaşdırıcı tədbirlər və aparılan araşdırmaların nəticələri ilə bağlı məlumatlar mütəmadi qaydada Rusiya tərəfinə təqdim olunur. Görülən işlərin məntiqi nəticəsi olaraq “Rosselxoznadzor" tərəfindən 3 avqust 2021-ci il tarixindən daha 34 pomidor istehsalı müəssisəsi və 1 kooperativdən (kooperativə 8 müəssisə daxildir) də bu ölkəyə pomidor ixracına icazə verilib.

Beləliklə, bu günə qədər ümumilikdə Rusiya Federasiyasının müvafiq qurumu tərəfindən 187 pomidor istehsalı müəssisəsindən Rusiyaya məhsul ixracına icazə verilib. Hazırda Rusiyaya pomidor ixracına icazə verilmiş müəssisələrin ixrac potensialı 329 729 ton təşkil edir ki, bu da 2020-ci il ərzində Rusiyaya ixrac olunan pomidor məhsulunun 184,5 %-ni təşkil edir.

30.06.2021

Azərbaycanın daha 11 müəssisəsinə Rusiyaya pomidor ixracına icazə verilib

Rusiyanın Baytarlıq və Fitosanitar Nəzarəti üzrə Federal Xidməti ("Rosselxoznadzor") iyulun 1-dən etibarən Azərbaycanın daha 11 müəssisəsinə Rusiyaya pomidor tədarük etməyə icazə verib.

Sputnik Azərbaycan-ın "Rosselxoznadzor"a istinadən verdiyi məlumata görə, qərar birgə video-müayinələr zamanı seçilən məhsul nümunələrinin karantin fitosanitar ekspertizasının nəticələrindən sonra, həmçinin Azərbaycan Qida Təhlükəsizliyi Agentliyinin (AQTA) zəmanəti ilə verilib.

Açıqlamada aşağıdakı sahibkarlıq subyektləri sadalanır:

Əliyev Xaqani Taleh – Tovuz rayonu

Cəfərov Vaqif Yusif – Şəmkir rayonu

Hüseynova Gülqız Ağahəsən – Bakı şəhəri Xətai rayonu

Musayeva Şəhla Qəzənfər – Şəmkir rayonu

Əkbərov Mətləb Fərayıl – Şəmkir rayonu

"Rus Aqro Alliance" MMC – Bakı şəhəri Nərimanov rayonu

Dəmirov Anar Yaşar – Tovuz rayonu

Əsgərov İlham Möhsun – Şəmkir rayonu

İslamov Musa İbiş – Bakı şəhəri Suraxanı rayonu

"Xəzər-R.R.R" MMC – Şəmkir rayonu

Mustafayev Niyaməddin Rüstəm – Şəmkir rayonu.

Beləliklə, bu günə qədər ümumilikdə Rusiya Federasiyasının müvafiq qurumu tərəfindən 152 pomidor istehsalı müəssisəsindən Rusiyaya məhsul ixracına icazə verilib.

Oktyabrdan vəziyyət dəyişəcək

1 oktyabr 2021-ci ildən etibarən Azərbaycandan Rusiyaya alma və pomidorların konteynerlə daşınmasına keçid nəzərdə tutulur. Bundan əvvəl, bu ilin may ayında Rosselxoznadzor 30 Azərbaycan müəssisəsindən Rusiya Federasiyasına pomidor idxalına icazə vermişdi. Xüsusilə, məhsulların respublikanın Abşeron, Şabran, Şəmkir, Salyan, Samux, Tovuz rayonlarında, eləcə də Sumqayıt və Bakının Sabunçu, Nəsimi, Nərimanov, Binəqədi, Yasamal, Səbail rayonlarında yerləşən müəssisələrdən gətirilməsinə icazə verilir.

Xatırladaq ki, 10 dekabr 2020-ci il tarixindən Azərbaycandan Rusiyaya pomidor və alma idxalı müvəqqəti olaraq AİB üzvü olan ölkələr üçün karantin altında olan meyvə və tərəvəz məhsullarında olan zərərvericilər - Cənubi Amerika pomidor güvəsi (Tuta absoluta (Povolny)) və şərq güvəsi (Grapholita molesta (Busck)) səbəbindən məhdudlaşdırılmışdı.

Problem necə yarandı

Azərbaycanda kənd təsərrüfatı məhsullarını istehsal edən fermerlər uzun müddət idi ki, onun satışında problem yaşayırdılar. Onların sözlərinə görə, məhsulun Rusiya bazarına çıxarılması xeyli çətinləşib.

Mayın 25-də Göyçay fermerləri Ləkciplaq kənd inzibati ərazisində toplaşaraq etiraz ediblər. Fermerlər deyirlər ki, istixanalardan toplanan məhsulları yerli bazarlarda satıb qurtarmaq mümkün deyil. Çünki məhsul boldur. Pandemiyaya görə şadlıq evlərinin, kafe-restoranların, dönərxanaların və digər obyektlərin fəaliyyət göstərməməsi səbəbindən daxili alıcılar yox səviyyəsinə enib. Əslində Rusiya tərəfi də məhsullarımızı qəbul edir. Amma problemin kökü Azərbaycan-Rusiya sərhəddində yaranan tıxacdır. Avtomobillərlə sərhədi keçmək 10-15 gün çəkir. Nəticədə məhsullar yararsız hala düşür.

Digər problem yük avtomobillərinin daşıma xərclərini artırması ilə bağlıdır. Əgər ötən il bir yük avtomobili məhsulları Rusiya ərazisinə 1500 dollara aparırdısa, bu il 4000 dollara daşıyır. Bu da alıcılar üçün əlavə çətinlik yaradır və sonda zərər kəndliyə dəyir.

Sərhəddə vəziyyət

Hazırda Azərbaycan-Rusiya sərhəddində yük maşınlarının növbəsi aradan qalxıb. "Samur" gömrük postundan verilən məlumata görə, növbələrlə bağlı artıq vəziyyət stabilləşib və sıxlıq aradan qaldırılıb.

Bir müddət əvvəl Azərbaycan-Rusiya sərhəddində yük maşınlarının uzun növbəsi yaranmışdı. Tranzit və mövsümlə əlaqədar Azərbaycandan Rusiyaya yük daşıyan nəqliyyat vasitələrinin sayının artması ilə bağlı 1500-dən çox yük maşını qonşu ölkəyə keçmək üçün növbə gözləyirdi. Rusiya tərəfi ilə əldə olunan razılaşmaya görə, qonşu ölkəyə buraxılan yük maşınlarının sayı artırılmışdı.

Həmçinin oxuyun:

550
Стенд телеканала RT (Russia Today) в ЭкспоФоруме

Xalid əl-Xatib adına beynəlxalq mükafat üçün müraciətlər qəbul olunmağa başlayıb

7
(Yenilənib 21:58 30.07.2021)
Münaqişə zonalarından ən yaxşı işlərə görə jurnalistlərə təqdim olunan növbəti mükafat mərasiminə start verilib.

BAKI, 30 iyul - Sputnik. RT telekanalı Khaled Alkhateb International Memorial Awards — münaqişə zonalarından ən yaxşı işlərə görə hər il jurnalistlərə təqdim olunan beynəlxalq mükafat mərasiminə müraciətlərin qəbuluna başlayıb. Mükafat 2017-ci il iyulun 30-da Suriyada həlak olmuş jurnalist Xalid əl-Xatibin xatirəsinə ehtiram olaraq təsis edilib. Xalid əl-Xətib RT Arabic ilə əməkdaşlıq edib. Bu il mükafat dördüncü dəfə təqdim olunacaq.

Mükafat üç kateqoriyada təqdim olunur:

"Münaqişə zonasından ən yaxşı iş: Uzun video",

"Münaqişə zonasından ən yaxşı iş: Qısa video",

"Münaqişə zonasından ən yaxşı iş: Mətn".

Khaled Alkhateb International Memorial Awards — 2021 mükafatının qalibləri 200 min Rusiya rublu həcmində pul mükafatı alacaqlar.

Müraciəti award.rt.com saytına təqdim etmək olar. Qaliblər noyabrın 30-da elan ediləcək.

Birinci il mükafatlar İraq, İrlandiya və Sinqapurdan olan iştirakçılara təqdim olunub. Mükafatların münsiflər heyətinə rusiyalı və əcnəbilər, o cümlədən, İradə Zeynalova və Yevgeni Poddubnı daxil olublar.

2019-cu ildə mükafata 25 ölkədən ola işlər namizəd olub. Müsabiqənin laureatları Suriya, İraq və Liviyadakı münaqişələrdən bəhs etmiş Rusiya, ABŞ, İtaliya və Hindistan nümayəndələri olublar.

2020-ci ildə RT mükafatını Rusiya, Suriya və Hindistandan olan hərbi müxbirlər alıblar.

RT telekanalı Khaled Alkhateb International Memorial Awards mükafatını RT Arabic ilə əməkdaşlıq etmiş 25 yaşlı jurnalist Xalid əl-Xətibin xatirəsinə ehtiram əlaməti olaraq təsis edib. O, 2017-ci ildə Suriyanın Xoms əyalətində silahlılar tərəfindən raket zərbəsi nəticəsində həlak olub. Öz reportajlarında Xalid Suriya hökumət qüvvələrinin silahlılarla döyüşlərini işıqlandırıb. 2018-ci ildə Rusiya prezidenti Vladimir Putin Xalid əl-Xətibin ölümündən sonra “Şücaətə görə” medalı ilə təltif olunması barədə fərman imzalayıb. Medal Khaled Alkhateb International Memorial Awards mükafatının ilk təqdimatı zamanı onun ailəsinə təqdim edilib.

Xalid əl-Xatib adın beynəlxalq mükafat üçün müraciətlər qəbul olunmağa başlayıb
Münaqişə zonalarından ən yaxşı işlərə görə jurnalistlərə təqdim olunan növbəti mükafat mərasiminə start verilib.

RT telekanalı Khaled Alkhateb International Memorial Awards — münaqişə zonalarından ən yaxşı işlərə görə hər il jurnalistlərə təqdim olunan beynəlxalq mükafat mərasiminə müraciətlərin qəbuluna başlayıb. Mükafat 2017-ci il iyulun 30-da Suriyada həlak olmuş jurnalist Xalid əl-Xatibin xatirəsinə ehtiram olaraq təsis edilib. Xalid əl-Xətib RT Arabic ilə əməkdaşlıq edib. Bu il mükafat dördüncü dəfə təqdim olunacaq.

Mükafat üç kateqoriyada təqdim olunur:

"Münaqişə zonasından ən yaxşı iş: Uzun video",

"Münaqişə zonasından ən yaxşı iş: Qısa video",

"Münaqişə zonasından ən yaxşı iş: Mətn".

Khaled Alkhateb International Memorial Awards — 2021 mükafatının qalibləri 200 min Rusiya rublu həcmində pul mükafatı alacaqlar.

Müraciəti award.rt.com saytına təqdim etmək olar. Qaliblər noyabrın 30-da elan ediləcək.

Birinci il mükafatlar İraq, İrlandiya və Sinqapurdan olan iştirakçılara təqdim olunub. Mükafatların münsiflər heyətinə rusiyalı və əcnəbilər, o cümlədən, İradə Zeynalova və Yevgeni Poddubnı daxil olublar.

2019-cu ildə mükafata 25 ölkədən ola işlər namizəd olub. Müsabiqənin laureatları Suriya, İraq və Liviyadakı münaqişələrdən bəhs etmiş Rusiya, ABŞ, İtaliya və Hindistan nümayəndələri olublar.

2020-ci ildə RT mükafatını Rusiya, Suriya və Hindistandan olan hərbi müxbirlər alıblar.

RT telekanalı Khaled Alkhateb International Memorial Awards mükafatını RT Arabic ilə əməkdaşlıq etmiş 25 yaşlı jurnalist Xalid əl-Xətibin xatirəsinə ehtiram əlaməti olaraq təsis edib. O, 2017-ci ildə Suriyanın Xoms əyalətində silahlılar tərəfindən raket zərbəsi nəticəsində həlak olub. Öz reportajlarında Xalid Suriya hökumət qüvvələrinin silahlılarla döyüşlərini işıqlandırıb. 2018-ci ildə Rusiya prezidenti Vladimir Putin Xalid əl-Xətibin ölümündən sonra “Şücaətə görə” medalı ilə təltif olunması barədə fərman imzalayıb. Medal Khaled Alkhateb International Memorial Awards mükafatının ilk təqdimatı zamanı onun ailəsinə təqdim edilib.

7
Пульт дистанционного управления телевизором

CBC teleradio şirkətində kadr dəyişiklikləri baş verib