Rusiya Prezidenti Vladimir Putin

Putin Asiya-Sakit Okean bölgəsi liderlərinin görüşündə çıxış edib: əsas məqamlar

25
(Yenilənib 20:06 16.07.2021)
Rusiya lideri Vladimir Putin ASOİƏ sammitində bildirib ki, Rusiya antiböhran tədbirlərinin reallaşdırılması təcrübəsi ilə bölüşməyə hazırdır.

BAKI, 16 iyul – Sputnik. Rusiya Prezidenti Vladimir Putin deyib ki, pandemiya şəraitində Asiya-Sakit okeanı bölgəsi ölkələrində rəqəmsallaşma sahəsində əməkdaşlığın dərinləşdirilməsi məsələsi pandemiya şəraitində daha da aktuallaşıb.

“Pandemiya şəraitində Asiya-Sakit okeanı bölgəsi dövlətlərinin rəqəmsallaşma sahəsindəki qarşılıqlı fəaliyyətinin dərinləşməsi daha da aktuallıq kəsb edir”, - Asiya-Sakit Okean İqtisadi Əməkdaşlıq (ASOİƏ, APEC) liderlərinin videokonfrans formatında keçirilən qeyri-formal görüşündə Putin söyləyib.

Rusiya lideri qeyd edib ki, Rusiya “rəqəmsal gündəmlə bağlı əməkdaşlığa daha geniş rakursdan baxmağı” təklif edir.

Pandemiyanın nəticələri

Ümumilikdə, Rusiya prezidentinin sözlərinə görə, RF-də koronavirus pandemiyasının yaratdığı çətinliklər artıq keçilib və iqtisadiyyat bərpa olunub.

“Demək olar ki, ümumilikdə pandemiyanın nəticələrinə qalib gəlmişik və ümumi iqtisadiyyatımız bərpa olunub”, - Putin deyib.

V.Putin qeyd edib ki, iqtisadiyyat və sosial sahənin bərpası vaksinasiya tempindən asılıdır.

“Qlobal iqtisadiyyatın bərpası, yoluxmaların yeni dalğaları ilə bağlı risklərin azaldılması, sosial sahədə neqativ meyllərə qalib gəlmək dünya miqyasında vaksinasiyadan asılıdır”, - Putin deyib.

O vurğulayıb ki, pandemiya ASOİƏ iştirakçılarının istisnasız olaraq hamısına ciddi zərbə vurub.

Rusiyanın COVID-19-la mübarizəsi

Dünyada epidemioloji situasiya mürəkkəb olaraq qalır, yeni çağırışlar da mümkündür, Vladimir Putin hesab edir.

“Heç bir ölkə koronavirusun yeni alovlanmasından, onun yeni, daha ciddi ştammlarının yayılmasından sığortalanmayıb, testlərə, vaksinlərə, dərmanlara və müdafiə vasitələrinə əlçatanlıq problemi, onların ədalətli bölüşdürülməsi məsələsi həll olunmayıb”, - o deyib.  

Prezident Rusiyada COVID-19-la mübarizədə uğurlar barədə də danışıb.

Ümumilikdə pandemiyanın nəticələrini dəf etdiklərini bildirən V.Putin əlavə edib ki, Moskva antiböhran həlləri ilə bölüşməyə hazırdır.

O xatırladıb ki, ölkədə əhalinin məşğulluğunun və gəlirlərinin qorunmasına, biznesin dəstəklənməsinə, itkilərin azaldılmasına, daha çox ziyan görmüş sahələrə yardım edilməsinə istiqamətlənmiş tədbirlər kompleksi reallaşdırılıb.

“Biz ASOİƏ üzrə partnyorlarımızla əhalinin, o cümlədən əmək miqrantlarının kütləvi immunlaşdırılması, xəstəlikdən sağalanların bərpa və reabilitasiyası kimi aktual istiqamətlərdə sıx əməkdaşlığa hazırıq”, - Rusiya lideri əlavə edib.

Putin deyib ki, Rusiya koronovirusla mübarizə üzrə koordinasiyalı fəaliyyət barədə görüşün yekun sənədini dəstəkləyir.

Rusiya vaksinləri

Rusiyanın koronavirus əleyhinə bütün vaksinləri təhlükəsiz və etibarlıdır, Putin söyləyib.

“Qeyd edim ki, Rusiyada koronavirus əleyhinə artıq dörd vaksin hazırlanaraq tətbiq olunur. Hamısı təhlükəsiz və etibarlıdır”, - Putin bildirib.

O qeyd edib ki, Rusiyanın ilk “Sputnik V” vaksininin yüksək keyfiyyətini artıq onu rəsmən təsdiqləmiş 70 dövlət etiraf edib.

“Bizim preparatların texnologiyanın transferi əsasında xaricdə istehsalını da aktiv təşkil edirik... “Sputnik V”nin ildə ümumilikdə 800 milyon dozadan çox həcmdə istehsalı üzrə müqavilələr bağlanıb”, - o deyib.

Putin vurğulayıb ki, Rusiya Asiya-Sakit okeanı bölgəsində vaksinlərin istehsalı üçün yeni güclərin yaradılması, onların istehsalı və tədarükünə mane olan inzibati və digər maneələrin aradan qaldırılması üçün birgə işin vacib olduğunu hesab edir.

Eləcə də oxuyun:

25
Teqlər:
iqtisadiyyat, vaksin, çıxış, APEC, Vladimir Putin
İl-76 təyyarəsi, arxiv şəkli

Rusiyada nüvə müharibəsi ehtimalı üçün "Məhşər günü təyyarəsi" yaradılacaq

195
Bu təyyarələr yerüstü və peyk infrastrukturunun düşmən tərəfindən sıradan çıxarıldığı təqdirdə ölkənin ali rəhbərliyinin təxliyəsi və qoşunların havadan idarə olunması üçün lazımdır

 

BAKI, 26 iyul — Sputnik. Voronejdə geniş gövdəli İl-96-400M təyyarəsi əsasında nüvə müharibəsi olduğu təqdirdə qoşunların idarə olunması üçün yeni uçuş aparatının yaradılmasına başlanıb.

Sputnik Azərbaycan Rusiya mediasına istinadən xəbər verir ki, bu cür "Məhşər günü təyyarələri" vaxtilə İl-86 sərnişin təyyarələrinin əsasında hazırlanmış və hazırda istifadədə olan İl-80 təyyarələrini əvəz edəcək.

İl-96-400M laynerlərinin uçuş məsafəsi əvvəlki versiya ilə müqayisədə iki dəfə artırılacaq. Ümumilikdə Rusiya ordusunun sərəncamına "Zveno-3S" layihəsi çərçivəsində iki ədəd bu cür hava komanda məntəqəsi təhvil veriləcək.

Təyyarədə istifadə olunacaq radiorabitə kompleksi altı min kilometr radiusda əmrləri yerüstü və sualtı raket atəşi qurğularına ötürməyə imkan verəcək.

Bu təyyarələr yerüstü və peyk infrastrukturunun düşmən tərəfindən sıradan çıxarıldığı təqdirdə ölkənin ali rəhbərliyinin təxliyəsi və qoşunların havadan idarə olunması üçün lazımdır.

195
Arxeoloji qazıntılar

Xəzər xaqanlığı xalqlarının oturaq həyat tərzini sübut edən faktlar aşkar olunub

1131
(Yenilənib 12:22 26.07.2021)
Əldə olunmuş tapıntılar köçəri hesab edilən insanların həyətyanı heyvandarlıqla məşğul olduğunu, dənli bitkilər yetişdirdiklərini sübut edir.

BAKI, 26 iyul — Sputnik. Belqorod Dövlət Milli Tədqiqat Universitetinin (BelDU MTU) arxeoloqları Xəzər xaqanlığı tayfalarının VIII – X əsrlərə aid yaşayış məskənlərində qazma işləri apararkən saxsı qabların, gil örtüyünün qırıntılarını və müxtəlif heyvan sümüklərini aşkar ediblər.

Sputnik Azərbaycan Rusiya mediasına istinadən xəbər verir ki, əldə olunmuş tapıntılar köçəri hesab edilən insanların əkinçilik və həyətyanı heyvandarlıqla məşğul olduğunu, at, iri və xırdabuynuzlu mal-qara, donuz saxladıqlarını, dənli bitkilər yetişdirdiklərini sübut edir.

"Arxeoloqlarımızın əldə etdikləri nəticələr müasir Belqorod vilayəti ərazisində olmuş Saltov-Mayatsk mədəniyyəti nümayəndələrinin oturaq həyat tərzi keçirməsi ilə bağlı mülahizələri təsdiq edir", – deyə BelDU MTU pedaqoji institutunun tarix-filologiya fakültəsinin dekanı Andrey Papkov bildirib.

VII əsrdən X əsrə qədər xəzərlər Şərqi Avropa çöllərində əhəmiyyətli qüvvəyə çevrilir. Onlar özündə çoxsaylı bolqar, alan, hun tayfalarını özündə birləşdirirdi.

VIII əsrdə xəzərlər "Xəzər xaqanlığı" adlı geniş bir dövlət yaradırlar ki, onun da hakimiyyəti Şərqi Avropa xalqlarının böyük hissəsini əhatə edirdi. IX əsrdə xəzərlərin başçıları iudaizmi qəbul edir. Bu, daxili müharibələrə və xəzərlərin zəifləməsinə gətirir.

Xəzər xaqanlığının süqutu X əsrə, Kiyev knyazı Svayotoslavın yürüşü və onların əsas qalalarının məhv edildiyi dövrə təsadüf edir.

Xəzər xaqanlığına dair arxeoloji tapıntılar xəzəryanı bölgələrdə etnik cəhətdən yekcins olmayan əhali tərəfindən yaradılmış Saltov-Mayatsk mədəniyyətinə aiddir.

Bir qayda olaraq Saltov-Mayatsk mədəniyyətinə Podonye çölü, Azovyanı, Taman, Şərqi Krım, Aşağı Volqaboyu və Xəzəryanı Dağıstan əraziləri şamil olunur. Bununla yanaşı, çöl tayfalarının əksəriyyəti köçəri həyat tərzi keçirməkdə davam edirdi.

2021-ci ildə arxeoloqlar Belqorod vilayəti ərazisində iki abidəni tədqiq ediblər. Bunlar Veydelev rayonu ərazisində, Urayeva çayı dərəsində yerləşən "Şpenqarevo kəndi-1" və Alekseyevsk şəhər dairəsində, Qara Kalitva çayının yuxarı axarı boyunca yerləşən "Oturaq kənd-1" yaşayış məskənləridir.

Bir neçə gün ərzində tədqiqatçılar "Şpenqarevo kəndi-1" ərazisində tabaşir qatını yumağa və mədəni qata çıxmağa nail olublar. Burada onlar saxsı qabların, gil örtüyünün qırıntılarını və müxtəlif heyvan sümüklərini aşkar ediblər. Bundan əlavə taxıl və ağac kömür qalıqlarının aşkar edilməsi üçün ərazidən qrunt nümunələri götürülüb.

"Oturaq kənd-1" yaşayış məskənində isə qalınlığı 1,5 m olan mədəni qat aşkar olunub. Burada tapılmış ən qiymətli tapıntılar arasında dəmir biz və metal bıçaq fraqmenti var. Bundan sonra tədqiqatçılar aşkar edilmiş tapıntıları tədqiq etməlidirlər.

Həmçinin oxuyun:

* Beşbarmaq dağının sirri – Pir, inanc yeri və qədim istehkam

Şəkidəki məsciddə xanın qəbri aşkarlandı

Şəkidə alban döyüşçülərin qəbirləri aşkarlanıb

1131
Ənvər Əliyev -- AMEA-nın Coğrafiya instutunun Ekocoğrafiya şöbəsinin müdiri

Quraqlığın qarşısını almaq üçün hansı işlər görülməlidir - Ənvər Əliyev açıqlayır

0
(Yenilənib 19:04 26.07.2021)
AMEA-nın Coğrafiya instutunun Ekocoğrafiya şöbəsinin müdiri Ənvər Əliyev deyib ki, Azərbaycanda bu istiqamətdə müəyyən problemlər var, lakin bu sahənin inkişafına xüsusi diqqət yetirilməlidir
Ənvər Əliyev: “Yeraltı sulardan qənaətlə istifadə edilməlidir”

“Quraqlığın əsas mənbəyi planetdə əhalinin sayının artmasıdır”. Sputnik Azərbaycan xəbər verir ki, bunu Trend-ə açıqlamasında AMEA-nın Coğrafiya instutunun Ekocoğrafiya şöbəsinin müdiri Ənvər Əliyev deyib.

Onun sözlərinə görə, planetə il ərzində düşən yağıntının miqdarı ortalama 1020 mm, cəmi buxarlanma isə 1000 mm-dir. Nəzərə almalıyıq ki, insan sayı artırsa, enerjiyə, suya olan tələbat da artır.

"O ki qaldı Azərbaycana, ilk növbədə onu deyim ki, suvarma suyunda itkinin qarşısını almaq üçün kanallar mütləq beton olmalıdır. Çünki torpaq kanallar suyu yarıdan çox itkiyə verir. Eyni zamanda çoxillik bitkilər damcı, birillik bitkiləri isə yağış yağdırma üsulu ilə suvarılmalıdırr. Damcı üsulunda hər ağacın dibinə indiqatorlar yerləşdirilməlidir ki, lazımi nəmişlik yaranandan sonra su avtomatik olaraq dayansın. Digər bitkilərin suvarılması da mütləq nəzarət çərçivəsində həyata keçirilməlidir. Azərbaycanda bu istiqamətdə müəyyən problemlər var, lakin bu sahənin inkişafına xüsusi diqqət yetirilməlidir. Digər tərəfdən Böyük Qafqazın cənub yamacı tamamilə çay yataqlarıdır. Bu sulardan səmərəli istifadə üçün müvafiq yerlərdə bəndlər, kiçik anbarlar tikməklə, həmin ərazidəki rayonların su ehtiyacını təmin etmək olar. Bu işlərə təcili başlamaq lazımdır. 15-20 il bundan əvvəl 34 belə su hövzəsinin tikintisi planlaşdırılmışdı, lakin proses çox zəif gedir, hətta demək olar ki, getmir. Eyni zamanda yeraltı sulardan da qənaətlə istifadə edilməlidir”.

Ənvər Əliyevin fikirlərinə audiofaylda qulaq asa bilərsiniz

0