Neft buruğu, arxiv şəkli

Yeni neft bumu: Rusiya qədər qazanacaq

47
(Yenilənib 11:51 12.07.2021)
Tələbat artır, OPEC+ müqaviləsi isə hələ qüvvədədir, hərçənd məhdudiyyətləri tədricən aradan qaldırırlar. Ancaq gündə dörd milyon bareldən çox hasilat hələ də bu razılaşma çərçivəsində yolverilən deyil.

Neft və təbii qazın qlobal qiymətləri çoxillik maksimumu üstələyib. Və son bir neçə günü nəzərə alsaq, bu rəqəmlər daha da yüksək görünür. Bəs sonra? Enerji qiymətlərini proqnozlaşdırmaq çətin işdir, ancaq baş verənləri müzakirə etmək maraqlıdır.

İndi mövcud "kotirovka"ların nə qədər sabit olması daha önəmlidir, çünki bazar qanunlarına görə, yüksək qiymətlər əlavə tədarükü və bazarın sonrakı sakitliyini stimullaşdırmalıdır. Bəs bu necə baş verəcək? Sualın cavabı RİA Novosti-nin dərc etdiyi Aleksandr Sobkonun materialında.

Bu kontekstdə neft və təbii qaz bazarında vəziyyət həm oxşar, həm də fərqlidir. Oxşarlıq ondandır ki, əlavə təkliflərin potensial mənbələrindən biri – ABŞ-da şist nefti və mayeləşdirilmiş qazın hasilatıdır. Fərq isə yüksək qiymətlərə verilən reaksiyanın sürətində özünü göstərir, neftdə hər şey daha sürətlə baş verir.

Gəlin, elə neftdən başlayaq. Burada qiymətlərin yüksək olmasının səbəbi məlumdur. Tələbat artır, OPEC+ müqaviləsi isə hələ də qüvvədədir, hərçənd məhdudiyyətləri tədricən aradan qaldırırlar. Ancaq gündə dörd milyon bareldən çox hasilat hələ də bu razılaşma çərçivəsində yolverilən deyil. Eyni zamanda, OPEC+ sərhədlərindən kənarda və şist hasilatında təklif, ehtimal ki, son illərdə müşahidə olunan investisiya qıtlığı nəticəsində aşağı düşüb.

Bu fonda Amerika şist neftinə maraq get-gedə artır. Hadisələrin inkişafının standart məntiqi aydındır, son illərin bazar taktikası da onun ətrafında qurulur: həddən artıq bahalı neft şist neftinin hasilatını stimullaşdırır, bu isə təklifin artmasına və qiymətlərin enməsinə səbəb olur.

Müvafiq olaraq, bazarda kəsir və ya bolluq yaranan vaxt OPEC+ qrupu hasilatı elə tənzimləməlidir ki, (yəni, azaldıb-artırmalıdır ki) qiymət hamı üçün məqbul səviyyədə olsun (bunun hansı səviyyədə olması ayrı məsələdir, ancaq deyək ki, təxminən 60-65 dollar civarında), lakin şistin inkişafını məhdudlaşdırsın. Nəzəri olaraq hər şey aydındır. Praktikada isə mütəmadi olaraq (və elə indi də) OPEC+ iştirakçıları arasında bu yanaşma çərçivəsində mübahisələrin ortaya çıxdığı müşahidə olunur.

Düzdür, indi qiymətləri yüksək səviyyədə saxlamağın tərəfdarlarının (yəni OPEC+ tərəfindən istehsalın artırılmasına tələsməməyə çağıranların) öz arqumenti var: şistin bərpası açıq-aşkar ləng gedir və Amerika hasilatı demək olar ki, artmır. İşləyən qurğuların sayı bu günə kimi koronavirusdan sonrakı geriləmənin yalnız 40%-ni kompensasiya edə bilib.

Yəni, bu dəfə Amerikanın şist istehsal edən şirkətləri, əslində gizli şəkildə OPEC + qrupuna qatılaraq istehsalı artırmağa yox, yüksək qiymətlər fonunda borcları paylamağa və pay sahiblərinə pullarını qaytarmağa üstünlük verdilər. Ancaq onlar üçün də 75-80 dollarlıq neft hasilatı artırmağı düşünmək üçün onsuz da kifayət qədər cazibədar qiymətdir.

Bu və ya digər şəkildə ortada üç qeyri-müəyyən məqam var. Birincisi, OPEC+ təşkilatının daxilində yeni fikir ayrılığı yaranıb ki, bu da həm mövcud məhdudiyyətlərin uzadılması, həm də münaqişə ilə nəticələnə bilər və hasilatın artırılmasına gətirib çıxarar. İkincisi, yüksək neft qiymətidir ki, bu da ABŞ-da istehsalın artmasına təkan verə bilər. Üçüncüsü isə İran amilidir.

Təbii qaz bazarı da bundan daha az maraq kəsb etmir – burada qiymətlər daha yüksəkdir və çoxillik maksimumlar səviyyəsinə çatır.

Səbəblər çoxdur və indi bunları açıq görmək olur. Bununla belə, hələ yarım il bundan əvvəl bazarda tamamilə əks tendensiya müşahidə olunurdu. İndi mayeləşdirilmiş qaz Asiyaya gedir, Avropada karbon dioksidin emissiya kvotalarının qiymətləri artır (bu, enerji istehsalında kömürdən qaza keçidi stimullaşdırır). Bundan başqa, "Qazprom" tədarükü məhdudlaşdırır. Daha doğrusu, Avropaya çox qaz göndərmir.

Burada biz gələcək tələb və təklif tarazlığını proqnozlaşdırmağı öhdəmizə götürmürük, tərəzinin hər iki gözünün də öz qeyri-müəyyənlikləri var – xüsusən də gözlənilməz hava faktoru təbii qazda böyük rol oynayır. Ancaq şist istehsalı kontekstində neft sektoru ilə paralellər aparmaq maraqlı görünür.

Zaman-zaman belə bir fikir səsləndirilir: təbii qazın qiymətinin həddən artıq yüksək olması qeyri-sabit xarakter daşıyır, belə ki, qiymət yüksək olsa, ABŞ bütün dünyaya öz şistini göndərəcək. Yalnız bir istisna hal da var: hər şeyin daha sürətlə baş verdiyi (çıxartdın, istifadə elə, ya istismar et, ya da ixracı azalt) neft bazarından fərqli olaraq, əlavə mayeləşdirilmiş qaz zavodlarının tikilməsi üçün minimum dörd ilə ehtiyac var.

ABŞ-da yerli qaz qiymətləri də kifayət qədər artıb, ancaq bu qiymətlərlə belə, amerikalı mayeləşdirilmiş qaz ixracatçıları dünya bazarında yaxşı qazanc əldə edirlər.

Və əgər neftçilər istəsələr, hazırkı neft qiymətləri dalğasını sürətlə yaxalaya bilərlər, ancaq qaz sferasında bunun baş verməsi mümkün deyil.

Son illər dünya səviyyəli mütəxəssislər arasında məşhur bir mülahizə var: "Qazprom" ABŞ-da yeni mayeləşdirilmiş qaz zavodlarının inşasını stimullaşdırmamaq üçün Avropada yüksək qiymətlərin qarşısını almağa çalışır.

Doğrudan da, əksər hallarda "Qazprom" Avropaya ixracatı mümkün qədər artırmağa çalışır. Bu məntiqlə ixrac həcmindəki artım özlüyündə bir məqsəd deyil, yuxarıda qeyd olunan vəziyyətdən qaynaqlanan nəticədir.

Ancaq indi vəziyyət dəyişib: "Qazprom", ehtimal ki, "Şimal axını-2"-nin işə düşəcəyini gözləyir və bu səbəbdən də Ukrayna ərazisindən keçməklə tədarükü artırmağa çalışmır, çünki sonradan eyni həcmdə qazı "öz" boru kəməri ilə ixrac edə bilər. Eyni zamanda, Avropa anbarlarındakı qaz çatışmazlığı gələcəkdə "Şimal axını- 2"-nin istifadəyə verilməsinə qarşı siyasi müqavimət ehtimalını azaldır. Bu və ya digər şəkildə əvvəllər işləyən konsepsiya artıq işə yaramır. Eyni zamanda, "Qazprom" qazın həddən artıq yüksək qiymətlərindən əlavə qazanc əldə edir.

Bununla belə, bu günə qədər ABŞ-dakı mayeləşdirilmiş qaz zavodları üçün yeni investisiya qərarlarının qəbul edilməsinin şahidi olmuruq, hərçənd belə layihələrin bəzilərinə başlanılmışdı. Ancaq qlobal tələb və təklifin uzunmüddətli tarazlığında, ABŞ-ın yeni mayeləşdirilmiş qazı hər bir halda əhəmiyyətli paya sahibdir. Odur ki ABŞ-da yeni mayeləşdirilmiş qaz zavodlarının tikintisinə başlanması mümkündür, ancaq onların bazara təsiri yalnız bir neçə ildən sonra baş verə bilər.

47
Kosmos, arxiv şəkli

Rusiya kosmik zibilin Yerə düşməsi proqnozunu verən sistem yaratmağı təklif edib

1130
Kosmik tullantıların planetimizin ərazisinə necə gəldi düşərək texnogen faciələr yaratmaması üçün yeni həll düşünülüb.

BAKI, 25 iyul — Sputnik. Rusiyanın "Dəqiq cihazqayırma sistemləri" elmi-texniki korporasiyası daşıyıcı raketlərin pilləkənlərini, sürətləndirici blokları və peykləri bucaq əksetdiriciləri ilə təmin etməyi təklif edib. Bu əksetdiricilər onların Yerə düşməsini yüksək dəqiqliklə proqnozlaşdıra biləcəklər. Bu barədə RİA Novosti-yə müəssisənin baş konstruktoru Vladimir Pasınkov bildirib.

"Bizdə hazırda yeni texnoloji həll var - "priamida" sinfindən olan kiçik qabaritli retroreflektor sistem. O, 4 bucaq əksetdiricisindən ibarətdir. Sistem çox yüngüldür - 40 qram. Biz "Roskosmos"a onu daşıyıcı raketlərin pilləkənlərinə, sürətləndirici bloklara və peyklərə quraşdırmağı təklif edəcəyik", - Pasınkov MAKS-2021 Beynəlxalq aviasiya-kosmik salonunda deyib.

Onun sözlərinə görə, bu onların orbitdən çıxması anını müəyyən etməyə və Yerə düşmə sahəsini yüksək dəqiqliklə proqnozlaşdırmağa imkan verəcək. Bununla da, iri kosmik texnika fraqmentlərinin Yerə düşməsi ilə bağlı texnogen fəlakətlərin qarşısını almaq mümkün olacaq.

MAKS-2021 aviasalonu 20-25 iyul aralığında Moskva ətrafındakı Jukovskidə keçirilir.

RİA Novosti MAKS-2021 aviasalonunun baş, Sputnik agentliyi isə rəsmi informasiya tərəfdaşıdır.

Həmçinin oxuyun:

"Rostex" MAKS-2021 aviakosmik salonu üçün yeni hərbi təyyarənin şəkillərini yayıb

MAKS-2021 aviasalonu: mülki və hərbi aviakosmik yeniliklər

MAKS-2021 aviasalonunun açılışı belə keçdi

1130
ABŞ, Gürcütsan və Bolqarıstan ordularının birgə təlimi, arxiv şəkli

Gürcüstanda Agile Spirit 2021 təlimləri: hədəflər vasitələr

23
ABŞ və alyansın hərbi manevrləri nə Gürcüstan xalqının təhlükəsizliyi üçün narahatlığı, nə də "itirilmiş əraziləri geri qaytarmaq" istəyini özündə əks etdirir.

 

BAKI, 24 iyul — Sputnik. Gürcüstan Müdafiə Qüvvələri ilə ABŞ Ordusunun Avropa və Afrikadakı Agile Spirit 2021 birgə təlimləri 26 iyul - 6 avqust tarixlərində beş təlim nöqtəsində - poliqonda və Vaziani hava limanında, Senaki aviabazasında, Orfololo və Sorta təlim meydançalarında baş tutacaq. Artıq ABŞ ordusunun zirehli avtomobilləri hava və dəniz yolu ilə Gürcüstana çatdırılıb ki, bu da faktiki olaraq manevrlərin "benefisiarı" sayılır.

Agile Spirit-in 2021-ci il deklarativ məqsədi – 15 iştirakçı ölkənin qoşunları arasında "operativ uyğunlaşdırmanı" artırmaqdır ki, bu da heç bir əhəmiyyət kəsb etmir. Çünki ortada uyğunlaşdırılmalı xüsusi bir şey yoxdur. Təlimlərin sayı çox deyil və faktiki olaraq iki tərəf – Amerika və Gürcüstan iştirak edir. 2500 iştirakçıdan 700-ü Amerika, 1600-ü isə Gürcüstan hərbçiləridir. Əgər yerdə qalan 200 "süngü"nü digər iştirakçı ölkələrin sayına bölsək, hər bayrağa cəmi 20 nəfər düşər.

Bu cür təmsil olunma, çətin ki, "Tərəfdaşlıqdan keçən güc" devizi altında təşkil olunan çoxmillətli döyüş əməliyyatlarının keyfiyyətini artırsın. Aydın məsələdir ki, təlimlərin əsl məqsədi Amerika hərbi komandanlığı tərəfindən regional əməliyyatlar teatrının öyrənilməsi və Cənubi Qafqazdakı Rusiya Federasiyası və müttəfiqlərinə qarşı yeni təxribatlardır. ABŞ və tərəfdaşlarının növbəti güc nümayişinin yalnız və yalnız Rusiyaya ünvanlandığını anlamaq üçün Qafqazın coğrafi xəritəsinə baxmaq kifayətdir.

Amerika ordusu bu komanda heyətləri ilə təmsil olunur: ABŞ-ın Avropadakı Xüsusi Əməliyyatları, 21-ci Müharibə Dəstək Teatrı, 7-ci Ordu, 173-cü Hava-Desant Briqadası, 1-ci Piyada Briqadası, ABŞ-ın Avropadakı Hərbi Hava Qüvvələri, Corciya Milli Qvardiyası və başqaları... Bu komandanlıqların tabeliyindəki bütün qoşunlar qəfildən Gürcüstanda peyda olsalar, hər şey baş verə bilər.

Agile Spirit 2021 proqramına briqadaların komanda məntəqələrində qarşılıqlı fəaliyyət, batalyon səviyyəsində döyüş atəşi ilə poliqon təlimləri ("real təlim şəraitində") daxil edilib.

Ən nəzərəçarpan epizodlar - Gürcüstan, Böyük Britaniya və Polşanın iştirakı ilə hava-desant əməliyyatı və Gürcüstan, ABŞ, Böyük Britaniya, Rumıniya və Polşanın Sorta poliqonunda xüsusi əməliyyat qüvvələrinin bəzi birgə hərəkətləridir.

Qalan iştirakçıların - Azərbaycan, Almaniya, Latviya, Litva, Estoniya, Kanada, İtaliya, İspaniya, Türkiyə və Ukraynanın nə işlə məşğul olacağı hələ məlum deyil. Lakin alyans rəsmi olaraq Rusiyanı 2030-cu ilədək əsas hərbi təhlükə hesab edir və "varyaqlar"ın Gürcüstanda olması üçün konseptual və taktiki əsas budur.

Onuncu "ruh"

Agile Spirit 2021 manevrləri dinc əhalisinin təhlükəsizliyinə birbaşa təhdiddir. Məsələn, estoniyalı tərəfdaşlar təlim zonasında meşələri tez-tez yandırırlar, Ukrayna əsgərləri təsadüfən gürcü kəndlərini atəşə tuta bilərlər, Amerika xüsusi təyinatlıları isə kənd təsərrüfatı müəssisələrinə basqın etməyə alışıblar. Hər şeydən əvvəl isə Gürcüstan zirehli texnika kolonnaları Senaki-Leselidze və Xaşuri-Axalsixe-Vale avtomobil yollarını bağlaya bilər.

Agile Spirit təlimləri dinc, nisbətən çiçəklənən Gürcüstanda 2011-ci ildən bəri keçirilir və hazırki təlimlər sayca onuncudır. 2018-ci ildən bu yana Agile Spirit təlimləri hər iki ildən bir keçirilir (2020-ci ildə pandemiya nəticəsində təlimlər baş tutmayıb).

ABŞ və alyansın hərbi manevrləri nə Gürcüstan xalqının təhlükəsizliyi üçün narahatlığı, nə də "itirilmiş əraziləri geri qaytarmaq" istəyini özündə əks etdirir. Xarici qoşunlar on illərdir ki, "dəstək bazaları" şəbəkəsi yaratmaq, sabitliyi pozmaq üçün Gürcüstandan istifadə edir və bununla da yalnız Cənubi Qafqazdakı hərbi-siyasi gərginliyin artmasına xidmət edirlər.

Vaşinqton inadla Tbilisini Moskva ilə ikinci silahlı qarşıdurmaya itələyir, halbuki 2008-ci ilin avqustunda "Təmiz Sahə" Gürcüstan əməliyyatının nəticələrini hələ heç kim yaddan çıxarmayıb.

Müstəqil Gürcüstanın "NATO kursu" ilə getməyə, yenidən silahlanmağa və "əməliyyat uyğunluğunu "inkişaf etdirməyə daha yüz il haqqı var, ancaq Gürcüstanın nöqteyi-nəzərindən "üsyankar" qonşularının təhlükəsizliyi Rusiyanın iqtisadi və hərbi gücü tərəfindən möhkəmləndirilib.

Moskva Tbilisi ilə NATO arasında yaxınlaşma təhlükəsi barədə bir neçə dəfə açıq xəbərdarlıq edib və RF Silahlı Qüvvələri Baş Qərargahının qarşılıqlı strateji planlaşdırması heç kimə sirr deyil.

Alyansın Gürcüstan dağlarındakı manevrləri bütün iştirakçılar üçün ağır itki və nəticələrə gətirib çıxara bilər. Bir də ki, ümumiyyətlə, hərbiləşdirmə heç vaxt ölkələrin inkişafına və çiçəklənməsinə töhfə verməyib.

Yenidən silahlanma və "qoparılış"

3,9 milyon əhalisi olan kiçik və yoxsul Gürcüstan dünya hərbi güc reytinqində Çad və Zimbabvedən sonra 92-ci yerdədir.

Gürcüstan ordusunun 20 000 fəlaiyyətdə olan hərbçisi var. Quru qoşunlarında döyüşqabiliyyətli dörd briqada mövcuddur, silahlanmasına 163 tank, təxminən 156 özüyeriyən texnika və yedəkli silah, 50 raket qurğusu var. Üç il ərzində tank və artilleriya sayı əhəmiyyətli dərəcədə azalıb, lakin Gürcüstan müasir və bahalı NATO standartları ilə ayaqlaşaraq hava hücumundan müdafiə sistemini uğurla inkişaf etdirir. Və nədənsə yüzlərlə tank əleyhinə raket alır.

Heç kim bu respublikanı təhdid etməsə də, kifayət qədər silahı var (hava məkanına nəzarət obyektləri - Qara dənizin qərb hissəsi və Rusiyanın cənubu daxil olmaqla, qonşu ölkələr – 470 kilometrə qədər radius əhatə edir).

Gürcüstan ərazisinin qərbdən şərqə qədər uzunluğu 440 kilometr, şimaldan cənuba isə 200 kilometrə çatmır. İnkişaf etmiş hava hücumundan müdafiə sisteminə yüz milyonlarla lari xərcləməyin heç bir mənası yoxdur, bu yalnız ABŞ və NATO qoşunlarının Qafqazdakı genişmiqyaslı əməliyyatı zamanı yerləşdirilməsi üçün lazım gələ bilər.

Gürcüstan təkcə Amerika istehsalı olan "Javelin" Tank Əleyhinə Raket Kompleksinə 75 milyon dollardan çox vəsait xərcləyib, ancaq belə məlum olub ki, bu da kifayət etmir və silahın yeni partiyasına ehtiyac var.

Tbilisinin Rusiya sərhədləri yaxınlığında NATO hərbi potensialından hər hansı bir şəkildə istifadə etmək planları təəccüb doğurur.

Alyansa üzv ölkələrin keçmiş Yuqoslaviya, Liviya, Əfqanıstan, İraq və Suriyada apardıqları son hərbi əməliyyatların nəticələri yalnız NATO-nun "təcrübə" ölkələrinin regional sabitliyi və milli təhlükəsizliyi ilə uyğunsuzluğundan xəbər verir. Gürcüstanı həqiqi təhdidlər isə yalnız ABŞ və Şimali Atlantika Alyansından gözləyir.

Rusiya xarici işlər naziri Sergey Lavrov iyulun 23-də bəyan etdi: "Yaxın qonşularımızı, bizə qardaş xalqları "ya Qərb, ya Rusiya Federasiyası" şəklində seçim etməyə məcbur qoyaraq ətrafımızda qeyri-stabillik kəməri yaratmağa çalışırlar"..

Dağıdıcı düşmənçilik məntiqinin kökündə Qərb tərəfdaşlarının tətbiq etdiyi silahlanma, Gürcüstanın Rusiyadan "qoparılması, Qərblə qarşılıqlı öhdəliklər olmadan hərbi-siyasi "münasibətlər" dayanır – yəni, dalana aparan yol...

Eləcə də oxuyun:

23

Bir il gecikən açılış, prezidentin qətli, milyarderin göyə uçusu

0
(Yenilənib 15:24 25.07.2021)
Ötən həftənin ən əhəmiyyətli hadisələri dünya agentliklərinin fotomüxbirləri tərəfindən kentə köçürülüb. Ən parlaq kadrlara Sputnik Azərbaycan-ın fotolentində baxın.

Təbii fəlakətlər, pandemiya əleyhinə tədirlərə qarşı etirazlar, Kann kinofestivalı, Qurban bayramı, MAKS-2021 beynəlxalq aviasalonu, dünyada ilk pilotsuz suborbital uçuş zamanı New Shepard Blue Origin raketinin buraxılışı və əlbəttə ki, Tokio Olimpiadasının açılışı - son günlər hadisə və olaylarla zəngindir.

Tokio Olimpiadasının açılışını düz bir il gözləmək laızm gəldi.

Həftənin ən şokedici hadaislərindən isə Haiti prezidentinin qətlə yetirilməsini göstərmək olar.

Ötən həftə dünyada nə baş verdiyini görmək üçün sizə dünyanın müxtəlif yerlərindən toplanmış şəkillərə baxmağı sizə təklif edirik.

0
  • © AFP 2021 / Gent Shkullaku

    Albaniya müsəlmanları Tiranadakı İskəndər bəy meydanında Qurban bayramı namazı zamanı.

  • © AP Photo / Bryan Daniels / Bootleg Fire Incident Command

    Ayı balası ABŞ-ın Oreqon ştatında Butleq yanğınında təhlükəsizlik zabiti onu gördükdən sonea ağacdan tutur.

  • © AFP 2021 / Armend Nimani

    Kosovonun Priştina şəhərinin su basmış meydanında qarmaq atan kişi.

  • © REUTERS / Blue Origin

    Biznesmen Ceff Bezos və pilot Uolli Fank New Shepard Blue Origin raketində uçuşdan sonra kapsuldan çıxırlar.

  • © AP Photo / Michael Probst

    Solda Almaniyanın Erfştadt-Blessem ərazisində zərər dəymiş qəsr.

  • © AFP 2021 / Valerie Baeriswyl

    Haitili rəqqaslar ölkənin keçmiş prezidenti Jovanel Moizin dəfn mərasimində çıxış edirlər.

  • © AFP 2021 / Joaquin Sarmiento

    Kolumbiyanın Medelyin əyalətində nümayişçilərin polislə toqquşması.

  • © AFP 2021 / Arif Ali

    Pakistanın Lahor şəhərində Badşahi məscidində Qurban bayramı namazından sonra selfi çəkdirənlər.

  • © AFP 2021 / Str / JIJI Press

    Yaponiyanın "mé" art-qrupu tərəfindən yaradılmış hava şarı Tokionun Yoyogi parkı üzərində.

  • © AP Photo / Matias Delacroix

    Haitinin Port-o-Prens şəhərində xoruz döyüşləri.

  • © REUTERS / Ricardo Arduengo

    Haitinin Kap-Aityen şəhərində ərzaq satıcıları.

  • © AP Photo / Damian Dovarganes

    Los-Ancelesin Echo-Park rayonunda Sanset bulvarında lourayder üçtəkərli avtomobil sürür.

  • © REUTERS / Antara Foto / Raisan Al Farisi

    İndoneziyanın Qərbi Yava əyalətindəki Bandunq şəhərində Qurban bayramı namazı.

  • © REUTERS / Pascal Rossignol

    Azadlıq heykəli kostyumunda olan nümayişçi Parisdə prezident Emmanuel Makron tərəfindən elan olunmuş koronavirusla yeni mübarizə metodlarına qarşı aksiyada.

  • © AP Photo / Yorgos Karahalis

    Yunan polisi Afinanın mərkəzində vaksinasiya əleyhinə etiraz edənləri qözyaşardıcı qazla qovur.

  • © REUTERS / Johanna Geron

    Amanda Ford və Barbara Vittorelli 74-cü Kann kinofestivalında.

  • © Sputnik / Alexey Maishev

    MAKS-2021 aviasalonunda pilotaj qrupu MiQ-29 təyyarələrində yay proqramını yerinə yetirirlər.

  • © Sputnik / Evgeny Biyatov

    Rusiyada Dövlət Kreml sarayında peşəkarlar arasında Latın Amerikası rəqsləri üzrə Dünya kubokunun iştirakçıları.

  • © Sputnik / Alexey Maishev

    MAKS-2021 avisalonunda Checkmate yeni hərbi təyyarəsinin təqdimatı.

  • © AP Photo / Oded Balilty

    İsrailli ərəblər Qurban bayramı zamanı Qan-Ha-Şloşa milli parkında.

  • © REUTERS / Amir Cohen

    Qüdsdə milli matəm günündə yəhudilər Ağlama Divarı önündə.

  • © AP Photo / Michael Probst

    İki qız Almaniyanın Travemyund şəhərində Baltik dənizin çimərliyində xüsusi hazırlanmış şezlonqda.

  • © AFP 2021 / Prakash Singh

    Hindistan Konqres partiyasının üzvləri Dehlidə təhlükəsizlik əməkdaşları tərəfindən saxlanılıblar.

  • © Sputnik / Alexey Filippov

    Tokioda XXXII Yay Olimpiya oyunlarının açılışı zamanı atletlərin paradı.

  • © Sputnik / Grigory Sysoev

    Yapon Mahina Mazda Tokio Yay Olimpiya oyunları ərəfəsində məşq edir.