Moskvadakı Lujniki stadionundakı COVID-19 mərkəzində tibb işçisi

Dünyanın ən iri miqrant vaksinasiyası mərkəzi neçə çalışır?

35
(Yenilənib 10:13 09.07.2021)
Moskvada əcnəbilər üçün yeni peyvəndlənmə mərkəzi açılıb. Burada həm müxtəlif şirkətlərin əməkdaşlarından təşkil olunmuş qruplara, həm də ayrı-ayrı şəxslərə peyvənd vurulur. Prosedur necə təşkil olunub, bunun üçün nələr lazımdır – bu barədə Sputnik-in icmalında oxuyun.

BAKI, 9 iyul — Sputnik. İyunun 29-da Moskva hökuməti əcnəbi fəhlələlərin koronavirusa qarşı peyvənd olunması kampaniyasına başlayıb. Proqram çərçivəsində Rusiya paytaxtında iki peyvəndlənmə məntəqəsi aaçılıb: Saxarovo kəndindəki miqrasiya mərkəzində və "Sadovod" ticarət mərkəzinin ərazisində. Bundan bir həftə sonra isə, iyulun 6-da Moskva meri Sergey Sobyanin "Lujniki" olimpiya kompleksində yeni peyvəndlənmə mərkəzini (PM) açıq elan edib.

Məsələ bundadır ki, iyulun 15-ə qədər Moskvanın ticarət, xidmət və ictimai iaşə sahəsində çalışan şirkətləri ən azı əməkdaşlarının 60%-ni peyvəndləməlidir. Lakin "Sadovod" və "Saxarovo" peyvəndlənmə məntəqələrinin buraxılış gücü sutkada 4 min nəfər təşkil edirdi. "Lujniki" PM-in buraxılış qabiliyyəti isə gündə 15 min nəfərdir.

"Turistlərə peyvənd vurmayacağıq. Yalnız leqal şəkildə uzun müddət burada olan əcnəbi vətəndaşlara. Pasport, sığorta nömrəsi, əmək müqaviləsi, əgər varsa, iş üçün patent kimi sənədlər lazımdır. Əgər tələbə müraciət edirsə, biz təhsil almasını təsdiq edən sənəd istəyirik", - deyə Moskvanın 191 saylı poliklinikasının baş həkimi Mariya Sokolova bildirib.

Peyvəndin qiyməti 1300 rubldur. Özəl şəxslər nağd hesablaşma zamanı mümkün riskdən qorunmaq üçün peyvəndin qiymətini yerində, onlayn şəkildə ödəyə bilərlər.

"Biz birkomponentli "Sputnik Layt" peyvəndindən istifadə edirik. Bu, Qamaleya mərkəzi tərəfindən hazırlanmış tamamilə təhlükəsiz peyvənddir. Onun tərkibində insan üçün patogen virus yoxdur və hüceyrədaxili və humoral immunitet yaradır (bakterial patogenlərdən orqanizmin müdafiəsi üçün zəruri olan immunitet – red.)".

Kompleksin sahəsi 145 hektardır. Təşkilatçıların sözlərinə görə, peyvəndlənmə mərkəzi üçün bu cür geniş ərazi xüsusi olaraq seçilib. Əcnəbilərin bilavasitə peyvəndlənməsi üçün idman arenasının iki sektoru ayrılıb – tribuna altındakı zallar, azarkeşlər üçün C və D zonaları. Bundan əlavə, bir sıra otaqlarda peyvəndlərin saxlandığı soyuducu kameralar, habelə fərdi mühafizə və dezinfeksiya vasitələri olan anbarlar da var.

Məntəqə əcnəbi vətəndaşların peyvəndlənməsi üçün nəzərdə tutulub. Lakin bura rusiyalılar da gələ bilərlər. Mərkəz hər gün, istirahət günü olmadan səhər saat 10-dan axşam saat 22.00-a qədər işləyir. "Lujniki"nin girişində könüllülər növbə çəkir, gələnlərə yol göztərirlər.

"Lujniki"dən əlavə, Moskvada peyvəndlənmə mərkəzləri 25 şəhər poliklinikasında da açılıb ki, buraya da əvvəlcədən telefonla qəbula yazılmaq olar. Lakin məhz "Lujniki" koronavirusa qarşı peyvənd olunmaq istəyən əcnəbilər arasında ən populyar məntəqəyə çevrilib. "Lujniki" peyvəndlənmə korpuslarından birinin rəhbəri Mariya Sokolovanın fikrincə, səbəb – mərkəzin rahat yerdə yerləşməsi, habelə prosedurun asan və tez həyata keçirilməsindədir.

"Bizim burada üç korpusumuz var, hüquqi şəxslər (şirkət əməkdaşları üçün – red.) və fiziki şəxslər üçün. Həm işəgötürənlərin buraya gətirdiyi əcnəbi fəhlələrdən ibarət mütəşəkkil qrupları, həm də müstəqil şəkildə peyvənd vurmağa qərar vermiş şəxsləri peyvəndləyirik. Peyvənd vurdurmaq üçün yaxşı əhval lazımdır, bundan sonra zəruri sənədləri götürüb gəlirsiniz və C və ya D sektoru qarşısında sizi inzibatçı qarşılayaraq gözləmə zalına ötürəcək. Burada siz cəmi bir neçə dəqiqə olacaqsınız, sonra isə sənədlərin doldurulması zonasına keçəcəksiniz", - deyə Sokolova bildirib.

"Lujniki"də dövlət xidmətləri mərkəzlərinin və Moskva əmək və əhalinin sosial müdafiəsi departamentinin əməkdaşları çalışırlar. Onlar sənədləri və pevəndlənmə barədə sertifikata daxil edilmiş məlumatları yoxlayırlar. Sertifikat dərhal verilir. 21 gündən sonra isə mobil telefon nömrəsinə QR kod göndəriləcək.

QR kodun sms vasitəsilə alınması bu yaxınlarda tətbiq olunub. Ona görə də Avrasiya İqtisadi Birliyi ölkələrinin yaşamaq üçün icazəsi rəsmiləşdirilmiş, lakin artıq peyvənd olunmuş vətəndaşları kodun mos.ru mobil tətbiqindən yüklənməsi zamanı problemlə qarşılaşıblar. Belə ki, sistem Rusiya ərazisində işləmək üçün patentin nömrəsini tələb edir. Halbuki, AİB ölkələri vətəndaşları üçün bu gərək deyil.

"Biz artıq bu cür müraciətlərlə toqquşmuşuq. Bu cür hallarda saytın texniki xidmətinə müraciət etmək və peyvəndlənmə barədə sertifikatın fotoşəklini də qoşmaq lazımdır", - deyə Sputnik-in müxbirinə Moskva hökumətinin nümayəndələri bildiriblər.

Kompleksdə 25 həkim və 99 tibb bacısı çalışır, peyvəndlənmə yerləri bir-birindən 1,5-2 metr məsafədədir. Hər bir zal ayrı-ayrı giriş və çıxış məntəqələri ilə təchiz olunub ki, insanlar bir-biri ilə qarşılaşmasınlar. Burada yeganə mənfi cəhət odur ki, işin bu cür təşkili zamanı peyvənd olunanlar heç də həmişə həkimləri və tibb bacılarını eşitmirlər. Ona görə də hər bir tibb işçisinin əlində göy rəngli kiçik bayraq var – peyvəndlənmə yeri boşalanda tibb işçiləri onların vasitəsilə insanlara işarə verirlər.

Eləcə də oxuyun:

  • Peyvənd müharibəsi: Avropa "Sputnik V" ilə necə mübarizə aparır

  • Koronavirus keçirmiş şəxslərin bir doza vaksin vurdurması kifayətdir - Nazir müavini

  • "Delta" ştammı Azərbaycana da gələcək - ÜST nümayəndəsi qorxunc virus barədə

  • Avropa İttifaqı Rusiya ilə COVID-19 sertifikatları üzrə əməkdaşlıq etməyə hazırdır

35
Teqlər:
COVID-19, epidemiya, Koronavirus, vaksinasiya, Rusiya, miqrantlar, Sputnik-V peyvəndi
Mövzu:
Yeni tip koronavirus pandemiyası (731)
Uran-6

Rusiyanın döyüş robotları insanların həyatını yaxşılaşdırır

24
(Yenilənib 22:11 31.07.2021)
Sülhsevər Rusiya rəsmən 2030-cu ilə qədər NATO üçün əsas hərbi təhlükə kimi qəbul olunub. Odur ki, "tərəfdaşların" qarşısını yüksək texnologiyalara əsaslanan vasitələrlə almağa məcburdur.

BAKI, 31 iyul — Sputnik. Döyüş şəraitində müstəqil hərəkət edə bilən, süni intellektli robotlar artıq Rusiya ordusunun bugünüdür. Getdikcə daha aktiv şəkildə qoşunlara tətbiq edilən robotlaşdırılmış silah kompleksləri təkcə təlimlər zamanı deyil, istənilən döyüş şəraitində də istifadə olunur.

Qərb hərbi dairəsində (QHD) mühəndis-istehkam qoşunlarının robotlaşdırılmış texnikanın tətbiqi ilə müşayiət olunan iri miqyaslı üç günlük təlimləri iyulun 30-da başa çatıb. Təimlər Rusiya Federasiyasının altı subyektini, 12 poliqon və Oka çayının bir hissəsini əhatə edib. Təimlərə 8 min nəfərdən çox hərbi qulluqçu və 1500 ədəd hərbi texnika, o cümlədən robotlaşdırılmış texniki "Uran-6" minadan təmizləmə və "Uran-14" yanğınsöndürmə kompleksləri cəlb olunub.

QHD-də keçirilən təlim epizodlarının birində, Nijeqorodsk vilayətindəki Mulino poliqonunda mühəndis-istehkam bölmələri hava desant qoşunları ilə birlikdə tikililərin sıx olduğu şəhər şəraitində "Uran" seriyalı robotların dəstəyi ilə hücum əməliyyatlarını məşq ediblər. Təlim zamanı bölmələr Suriyada qazandıqları döyüş təcrübəsini tətbiq ediblər.

Mühəndis-istehkam qoşunlarının öz xüsusiyyətləri var – dağıtmaq və tikmək. Bununla yanaşı Rusiya ordusunda tərkibində onlarla səyyar hücum robotlarının olduğu ilk bölmələr də yaradılır və onların döyüş şəraitində tətbiqi təkcə poliqonlarla məhdudlaşmır.

Ötən həftə Rusiyanın "Soratnik" döyüş robotu tərəfindən suriyalı terrorçuların məhv edildiyi video yayılıb. 7 tonluq zirehli, tırtıllı maşın Suriyadakı Rusiya Xüsusi əməliyyat qüvvələrini dəstəkləyib – gündüz və gecə saatlarından ayrı-ayrı yaraqlıları və "cihadçı"ların nəqliyyat vasitələrini dəqiqliklə məhv edib.

Bundan bir qədər əvvəl Rusiyanın müdafiə naziri Sergey Şoyqu ölkədə süni intellektlə təchiz olunmuş, müstəqil şəkildə döyüşə bilən robotların kütləvi istehsalının başlandığını deyib: "Artıq təkcə təcrübə nümunələri deyil, həqiqətən fantastik filmlərdə göstərilə biləcək robotlar meydana gəlib".

Qoşunların bu cür maşınlarla təchiz olunması prioritet istiqamətlərdən biridir. Rusiya Müdafiə nazirliyində döyüş robotlarının tətbiqinə cavabdeh olan xüsusi idarə yaradılıb. Rusiyada süni intellektin inkişafı yeni mərhələyə qədəm qoyur və bu, zamanın tələbidir. Ən yeni silah və qoşun növərinin hamısında avtomatlaşdırılmış sistemlərin rolu sürətlə artır.

Gələcəyə sıçrayış

Rusiyanın hava-kosmik qüvvələri, hərbi dəniz qüvvələri və quru quşunları üçün döyüş robotları hazırlayan bir neçə müdafiə sənayesi müəssisəsi uzaq gələcəkdə baş verə biləcək silahlı münaqişələrdə qələbəni təmin edir.

Yuxarıda adı qeyd olunan "Soratnik" ilk dəfə "Armiya-2016" beynəlxalq harəbi-texniki forumunda nümayiş olunub. Bu maşın qoşunların, kəşfiyyat qruplarının dəstəklənməsi, ərazidə patrul fəaliyyəti və obyektlərin mühafizəsi, minalardan və maneələrdən təmizləmə, rabitənin daha uzaq məsafələrə ötürülməsi, sursatların və yanacağın çatdırılması üçün nəzərdə tutulub.

Bu robot güclü silahlarla təchiz olunub: 40 və 30 mm-lik qumbaraatanlar, 12,7 və 7,62 mm-lik pulemyotlar, dörd ədəd idarə olunan raket və "Şmel" reaktiv odsaçanı. "Soratnik" gücləndirilmiş istehkamlara hücum və müxtəlif xüsusi əməliyyatlar zamanı xüsusilə effektivdir. Zərurət olduqda döyüş meydanında olan iki ədəd "Soratnik" bir-biri ilə məlumat mübadiləsi də edə bilərlər. Bu avtomatlaşdırılmış döyüş sistemi bütün sutka boyu və istənilən iqlim şəraitində fəaliyyət göstərməyə qadirdir. 40 km/saat sürətlə hərəkət edən maşın əlavə yanacaq doldurulmadan, birdəfəyə 400 km məsafə qət edə bilər.

"Uran-9" tırtıllı həmlə maşını da döyüş şəraitində sınaqdan çıxarılıb. İlk dəfə geniş ictimaiyyətə 2018-ci ildə, Moskvada keçirilən Qələbə paradında təqdim olunub. O, kəşfiyyat aparılması, qoşunlarıa atəş dəstəyi və düşmənin döyüş texnikasının məhv edilməsi üçün nəzərdə tutulub. 12 ton kütləsi olan bu vahiməli, zirehli maşın "Ataka" idarəolunan silah kompleksi ilə təchiz olunub: tank əleyhinə raketlər, "Şmel" reaktiv odsaçanları, 30 mm-lik top, 7,62 mm-lik pulemyot. Bu döyüş maşını "stels" tipli müdafiə sistemi, lazer şüalanması barədə xəbərdarlıq sistemi və digər unikal xüsusiyyətlərə də malikdir. Onun Qərbdə analoqu yoxdur. İxtisaslaşmış "The National Interest" məcmuəsi Rusiya texnologiyalarının sözsüz üstünlüyünü qeyd edir.

Tam formatlı tanklara gəldikdə, "Uralvaqonzavod" müəssisəsi T-72B3 tankı əsasında iki ədəd robotlaşdırılmış dronun hazırlanması ilə məşğuldur. "Rostex" dövlət korporasiyası T-14 "Armata"nın süni intellektlə təchiz olunmuş, robotlaşdırılmış versiyasını yaradıb (atəş açılması barədə qərarı insan verir). Birinci halda söhbət hazırkı T-72 tanklarının modernləşdirilməsindən gedir ("Şturm" layihəsi). Robotlaşdırılmış tanklar maksimum səyyardır və mühafizə olunub (o cümlədən radio-elektron mübarizə vasitələri), komandanlıqla rabitə kanalları isə şifrələnib.

"Armata"nın əsasında yaradılmış pilotsuz, tırtıllı T-14 tankı iyulda keçirilmiş test sınaqlarından uğurla çıxıb. Ekspertlər tam robotlaşdırılmış əsas döyüş tanklarının yaradılmasını Rusiyanın müdafiə sənayesinin əsl sıçrayışı adlandırırlar. Bu maşın demək olar ki, bütün işləri özü görür, insana isə maşının seçdiyi hədəfin məhv edilməsini təsdiq etmək qalır. Yəqin ki, süni intellektli əsas döyüş tankının ixrac versiyası da hazırlanacaq.

Tank bölmələrinin Suriyada tətbiqi döyüş meydanında eyni zamanda bir neçə – yüngül, orta və ağır robotlaşdırılmış kompleksin eyni vaxtda varlığınının zəruri olduğunu sübuta yetirdi. Robotlaşdırılmış tanklar bir-birini atəşlə dəstəkləməli, davamlı şəkildə şəbəkədə bir-biri ilə əlaqədə olmalı, məlumat mübadiləsi aparmalıdırlar. Çoxfunksiyalı robotlaşdırılmış bölmələr Rusiya ordusunda 2025-ci ilə qədər yaradılacaq. Digər tərəfdən, tezliklə Rusiya tankların məhv edilməsi üçün raketlərlə silahlanmış pilotsuz uçuş aparatını da sınaqdan çıxaracaq.

Bu qəbildən olan silahlar sırasında "Poseydon" sualtı sistemi ayrıca yer tutur. Mübaliğəsiz demək olar ki, nüvə mühərrikli bu aparat istnilən hədəfin və ümumilikdə təcavüzkar dövlətin məhv edlməsinə zəmanət verir.

Hazırda qüvvədə olan dövlət silahlanma proqramına uyğun olaraq (2027-ci ilə qədər) Rusiyada üç sualtı qayıq inşa olunacaq ki, onların da hər birinin göyərtəsində 6 ədəd "Məhşər günü torpedosu" olacaq.

Avtomatlaşdırmanın əhəmiyyəti

Döyüş robotları insan həyatını qorumağa xidmət edir və onlar daha tez düzgün qərar qəbul etməyə, düşmən üzərində bütün döyüş şəraitlərində - quruda, havada və dənizdə "kəmiyyətlə deyil, bacarıqla" qələbəni təmin etməyə qadirdirlər.

Robotlaşdırılmış texnika komplekslərinin inkişafı və döyüşdə tətbiqi konsepsiyasına uyğun olaraq, 2025-ci ilə qədər olan dövrdə silahların və hərbi texnikanın ümumi strukturunda robotların payı 30%-ə çatacaq.

Bu sistemlərin böyük bir hissəsi tamamilə səyyar şəkildə süni intellekt tərəfindən idarə olunacaq. Rusiyalı prpoqramçılar, konstruktor və mühəndislər tezliklə tam avtomatlaşdırılmış döyüş robotları yaradacaqlar. Yəni döyüş meydanından məlumatın əldə olunması və mürəkkəb aparatın səyyar qərar qəbul etməsi sistemi tezliklə bir alqoritmdə qapanacaq.

Robotlaşdırmanın son mərhələsi qoşunların vahid idarəetmə sisteminin yaradılmasıdır. Rusiya yüksək texnologiyalara əsaslanan silahlar sahəsində liderdir. Lakin "tərəfdaşlar" bu sahdə Rusiyaya çatmaq və ötüb keçmək üçün milyardlarla dolları əsirgəmirlər.

Yaxın on il ərzində Pentaqon təkcə gələcək kiber-mühariblərə hazırlıq işlərinə 2,4 mlrd. dollar vəsait xərcləmək niyyətindədir. ABŞ setesentirk – bölmələrin vahid şəbəkədə birləşdiriməsi əsasında döyüş əməliyyatlarını hədəfə alıblar və cidd-cəhdlə silahlı qüvvələrini, onlar trəfindən müasir hərbi texnologiyaların tətbiqi vasitələrini modernləşdirirlər.

Pentaqon üçün perspektiv süni intellekt sistemlərinin işlənib hazırlanması ilə DARPA agentliyi məşul olur. Bu qurum hər il səyyar robotlar arasında "yarışlar" keçirir (2015-ci ildən sonra qapalı rejimdə). Bu cür maşınların döyüş meydanında təyinatı düşmənin yüksək texnologiyaların köməyi ilə məhv edilməsidir. Sülhsevər Rusiya rəsmən 2030-cu ilə qədər NATO üçün əsas hərbi təhlükə kimi qəbul olunub. Odur ki, Rusiya "tərəfdaşların" qarşısını yüksək texnologiyalara əsaslanan, səmərəli və başa düşülən vasitələrlə almağa məcburdur.

24

Putinlə Ərdoğan telefon söhbəti zamanı barədə razılıq əldə etdilər

2577
(Yenilənib 16:53 31.07.2021)
Vladimir Putin yanğınların söndürülməsi üçün Rusiyanın Türkiyəyə hərtərəfli yardım etməyi davam etdirəcəyini təsdiqləyib. Rəcəb Tayyib Ərdoğan göstərilən əməli yardıma görə minnətdarlığını bildirib.

BAKI, 31 iyul - Sputnik. Rusiya prezidenti Vladimir Putin ilə Türkiyə lideri Rəcəb Tayyib Ərdoğan arasında telefon danışığı olub. Bu barədə rəsmi Kreml məlumat yayıb.

Söhbət zamanı Türkiyənin cənubunda baş verən meşə yanğınları səbəbindən yaranmış fövqəladə hal müzakirə edilib. İki ölkənin bu təbii fəlakətlə mübarizədə qarşılıqlı fəaliyyətinin vacibliyi vurğulanıb.

Vladimir Putin yanğınların söndürülməsi üçün Rusiyanın Türkiyəyə hərtərəfli yardım etməyi davam etdirəcəyini təsdiqləyib. Rəcəb Tayyib Ərdoğan göstərilən əməli yardıma görə minnətdarlığını bildirib.

Prezidentlər Rusiya-Türkiyə çoxplanlı əməkdaşlığının aktual mövzularını əhatəli şəkildə nəzərdən keçiriblər. İkitərəfli hökumətlərarası komissiyanın bu ərəfədə keçirilmiş iclasının yekunları müsbət qiymətləndirilib. Ticari-iqtisadi, energetika və digər sferalarda əldə olunmuş razılaşmaların həyata keçirilməsinə qarşılıqlı əhval-ruhiyyə ifadə olunub.

Müxtəlif səviyyələrdə təmasların davam etdirilməsi barədə razılıq əldə edilib.

Qeyd edək ki, son 3 gündə Türkiyədə 85 yerdə meşə yanğını qeydə alınıb. Bu yanğınlardan 75-i artıq nəzarət altına alınıb. Yanğın nəticəində 4 nəfər dünyaını dəyişdi. Türkiyəyə yardım məqsədi ilə Rusuya da təyyarələr göndərib.

Türkiyədə baş vermiş meşə yanğınlarının söndürülməsi prosesində qardaş ölkəyə dəstək məqsədilə göndərilən Fövqəladə Hallar Nazirliyinin (FHN) yanğınsöndürmə qüvvələrinin ilk dəstəsi hazırda Türkiyənin Dalaman şəhərindədir. FHN-in Dövlət Yanğından Mühafizə Xidmətinin rəis müavini Rza Xudiyev bildirib ki, Türkiyəyə göndərilən şəxsi heyətin sayı 100 nəfərdir.

Həmçinin oxuyun:

Rusiya təyyarələri Türkiyənin cənubunda meşə yanğınlarını söndürür

 

2577
Kişi Tokio-2020 Olimpiya Oyunlarının installyasiyasının qarşısından keçir

Koreya ilə Belarus liderlərini birləşdirən dəyər ermənilərin təbiətin məhvinə sevinməsi