Rusiya paytaxtında təşkil olunmuş iki peyvənd məntəqəsində

Moskvada miqrantlar necə peyvənd olunurlar

21
Rusiya paytaxtında təşkil olunmuş iki peyvənd məntəqəsində bir gün ərzində dörd min əmək miqrantını vaksinasiyaya cəlb etmək mümkün olub.

BAKI, 1 iyul — Sputnik. İki tibb məntəqəsinə nəqliyyatla çatdırılma, minimum bürokratiya, mehriban münasibət və ən əsası pulsuz vaksinasiya - Rusiya paytaxtında əmək miqrantları üçün peyvənd kampaniyasının necə başladığını Sputnik-in reportajından oxuyun.

İyunun 29-da Moskvada əmək miqrantları üçün koronavirusa qarşı vaksinasiya proqramına start verilib. Bu prosesin başlanması üçün bir neçə gün əvvəl Rusiya Prezidenti Vladimir Putin sərəncam imzalayıb.

Xarici vətəndaşların vaksinasiyası Moskvada koronavirusla mübarizə kampaniyası çərçivəsində həyata keçirilir. Paytaxt rəhbərliyi 18 iyun tarixindən etibarən ticarət, xidmət və iaşə sahəsindəki şirkətlərə işçilərinin ən azı 60 faizinin peyvənd olunması barədə tapşırıq verib. Moskvada məxsusi olaraq miqrantlar üçün - Saxarovo kəndindəki miqrasiya mərkəzində və "Sadovod" ticarət mərkəzinin ərazisində iki genişmiqyaslı peyvənd məntəqəsi açılıb.

© Sputnik / Vitaliy Belousov
"Sadovod" ticarət mərkəzinin ərazisində iki genişmiqyaslı peyvənd məntəqəsi

Bu məkanlar hər gün səhər saat 8-dən axşam saat 20-yə kimi fasiləsiz işləyir.

"Sadovod" ticarət mərkəzində təşkil edilmiş peyvənd məntəqəsinin kuratoru, 175 saylı Moskva şəhər poliklinikasının baş həkimi Andrey Federukun Sputnik-ə verdiyi məlumata görə, əslində əcnəbilərin vaksinasiyası pulludur, ancaq həmin vəsaiti miqrantlar özü ödəmir.

"Vaksinasiyanın qiyməti – 1300 rubldur. Bu, yeni, birkomponentli "Sputnik Layt" peyvəndidir. Əmək miqrantlarının vaksinasiya olunması üçün şirkətlər xarici əməkdaşlarının siyahısını şəhər administrasiyasına verir və müqavilə imzalanır, tarix, vaxt müəyyənləşdirilir və miqrantlar mütəşəkkil formada peyvənd mərkəzlərinə aparılır", – deyə o bildirib.

Moskvadakı şirkətlər əcnəbi əməkdaşlarını avtobuslarla "Sadovod"a gətirirlər. Avtobuslar yarım saatlıq intervallarla mərkəzin qapılarına yaxınlaşır. "Sadovod" peyvənd mərkəzi – çox da böyük olmayan çadır düşərgəsidir. Onun girişinin qarşısında tibb bacıları və polislər keşik çəkirlər. Peyvənd olunmaq istəyənlərin əvvəl hərarəti ölçülür. Hüquq-mühafizə orqanlarının əməkdaşları maska taxılması və sosial məsafəyə riayət olunmasına ciddi nəzarət edirlər. Bütün bunlar vaksinasiyadan əvvəl yoluxma riskini minimuma endirmək üçündür.

Bir gün ərzində iki peyvənd məntəqəsindən təxminən 4 min əcnəbi keçib ki, onların da bəzilər artıq koronavirusa yoluxmuş şəxslərdir.

© Sputnik / Vitaliy Belousov
"Sadovod" ticarət mərkəzinin ərazisində iki genişmiqyaslı peyvənd məntəqəsi

"Qanda antitellərin olması vaksinasiya üçün əks-göstəriş hesab edilmir", – deyə Andrey Fedoruk vurğulayır.

Tibb işçisi Farndun Yaqubov miqrantlara vaksinasiyanın məqsədini izah edir. O bildirir ki, "Sputnik layt" peyvəndi koronavirusun hazırda bütün dünyada yayılmağa başlayan Hindistan ştammına qarşı da effektlidir.

Rus dilində yaxşı danışa bilməyən bəzi miqrantlarla isə o, doğma tacik dilində danışır.

"Mən Bryansk vilayətindəki tibb kollecində oxumuşam. 2017-ci ildə təhsilimi başa vurandan sonra Moskvaya gəlib işləməyə başladım. Pandemiya başlayanda isə lap əvvəldən COVID briqadasının tərkibinə daxil oldum, indi də burada işləyirəm", – deyə Yaqubov bildirir.

Moskva rəhbərliyi hələlik pilot rejimdə həyata keçirilən əmək miqrantlarının vaksinasiya prosesini sürətləndirmək məqsədilə tələb olunan sənədlərin siyahısını minimuma endirib. Məsələn, bu məqsədlə Avrasiya İqtisadi Birliyinə üzv ölkələrin vətəndaşlarının pasport məlumatları kifayət edir. Digər miqrantlar isə Rusiyada müvəqqəti yaşayış icazəsi də daxil olmaqla bir sıra başqa sənədləri də təqdim etməlidirlər.

Özbəkistandan gəlmiş əmək miqrantı Nazirə Toşboltayeva deyir ki, sənədləri toplamaq və peyvənd olunmaq asan başa gəldi. "Özümü də yaxşı hiss edirəm", – deyə o əlavə edib.

© Sputnik / Vitaliy Belousov
Tibb işçisi "Sadovod" ticarət mərkəzinin ərazisində peyvənd vurur

Özbəkistanlı aşpaz Xusanboy Erkabayev də vaksinasiya prosesindən razı qalıb.

"Hamıya peyvənd olunmağı məsləhət görürəm. Lazımdır, çünki COVID hər yerdə gəzir. Çox sürətlə keçdi. Ən əsası isə bizi mehribanlıqla qarşıladılar. Bu çox vacibdir".

Bunu eşidən tibb bacısı Yekaterina Borisova, "Bəs necə? Başqa cür ola da bilməz! Çünki onlar yad ölkədədirlər, biz onlara hər şeyi bircə-bircə izah edirik. Yeri gəlmişkən, miqrantlarla işləmək asandır. Hər beş dəqiqədə bir nəfəri peyvənd edirik", - deyə söhbətə qarışır.

Çadır düşərgəsinin çıxışında isə miqrantları tibb bacısı Olqa qarşılayır və vaksinasiya ilə bağlı onların bütün suallarına cavab verir. Bir də mütləq hər bir miqranta xoş gün arzulayır.

"Prinsipcə, tibb sahəsində çalışanlar insanlara yaxşı münasibət bəsləyirlər, biz isə xaricilərlə işləyirik, onlara qarşı daha da diqqətli olmağa çalışırıq. İstəyirik ki, mümkün olduğu qədər daha çox insan peyvənd olunsun və vəziyyət normallaşsın", – deyə o bildirir.

Eləcə də oxuyun:

21
Teqlər:
vaksinasiya, miqrant, Moskva
Azərbaycan və Türkiyə hərbçiləri Karsda QIŞ-21 təlim zamanı

Peskov Azərbaycan Türkiyənin müştərək ordu yaratması barədə söhbətlər haqqında

20
Rusiya prezidentinin mətbuat katibi deyib ki, Türkiyə və ya Azərbaycan prezidentlərinin bu barədə hər hansı fikri məlum deyil.

BAKI, 29 iyul — Sputnik. Kreml ümid edir ki, Azərbaycan və Türkiyə arasında münasibətlərin inkişafı bölgədə sabitliyə zərər vurmayacaq. Sputnik Azərbaycan Rusiya mediasına istinadən xəbər verir ki, bunu Rusiya prezidentinin mətbuat katibi Dmitri Peskov deyib.

Bir müddət əvvəl Türkiyə parlamentinin rəhbəri Mustafa Şəntop bildirib ki, Türkiyə ilə Azərbaycan müştərək türk ordusu yaratmaq barədə danışıqlar aparırlar.

Belə bir layihəyə Kremlin münasibəti və həmin layihənin Rusiya və onun müttəfiqləri üçün potensial təhlükə olub-olmayacağı barədə suala cavabında Peskov bildirib: "Təbii ki, Azərbaycan və Türkiyə ikitərəfli münasibətləri inkişaf etdirirlər. Bu yenə də, onların suveren işləridir. Vacib olan odur ki, bu, bölgədə sabitlik ab-havasına və hadisələrin proqnozlaşdırıla bilən olmasına zərər vurmasın. Bununla bağlı bizim həm türkiyəli, həm də azərbaycanlı tərəfdaşlarla mütəmadi əlaqələrimiz var".

Rusiya prezidentinin mətbuat katibi onu da deyib ki, bu ölkələrin icra hakimiyyətlərinin – Türkiyə və ya Azərbaycan prezidentlərinin bu barədə hər hansı fikirləri məlum deyil.

Həmçinin oxuyun:

* Moskva Azərbaycanın NATO təlimlərinə qatılmasına münasibət bildirdi

* Kreml Paşinyanın sərhədə Rusiya hərbçilərini yerləşdirmək təklifinə reaksiya verdi

20
Agile Spirit 2021 təlimi

Moskva Azərbaycanın NATO təlimlərinə qatılmasına münasibət bildirdi

747
(Yenilənib 18:44 29.07.2021)
Putinin sözçüsü deyib ki, onlar üçün vacib olan bu cür təlimlərin ssenarilərinin Rusiyaya münasibətdə hansısa pərdələnmiş hərəkətləri nəzərdə tutmamasıdır.

BAKI, 29 iyul — Sputnik. Kremldə hesab edirlər ki, NATO-nun Gürcüstandakı təlimləri diqqətlə izlənilməli olan mövzudur. Belə bir açıqlama ilə Rusiya prezidentinin mətbuat katibi Dmitri Peskov çıxış edib.

"Bu, bir daha sübut edir ki, NATO özünün hərbi infrastrukturu ilə bizim sərhədlərimiz ətrafındadır, özü də təkcə sərhədlər ətrafında deyil, bilavasitə sərhədlərimizdədir. Bu, əlbəttə, bizim tərəfimizdən diqqətlə izlənməli mövzudur", - deyə Peskov bildirib.

"NATO-nun Rusiya sərhədlərinə yaxınlaşması onu özünün təhlükəsizliyinin təmin olunması üçün tədbirlər görməyə vadar edir", - deyə o vurğulayıb.

"Bu barədə həm prezident, həm müdafiə naziri, həm də nümayəndələrimiz ən yüksək səviyyələrdə danışıblar", - deyə Peskov əlavə edib.

Prezidentin mətbuat katibi onu da deyib ki, Kreml NATO təlimlərinin ssenarisinin Rusiya əleyhinə pərdələnmiş hərəkətlər anlamana gəlməməsinin vacib olduğunu hesab edir.

Çərşənbə axşamı Gürcüstanda 15 ölkədən, o cümlədən Azərbaycandan olan 2,5 min hərbi qulluqçunun iştirakı ilə NATO-nun çoxmillətli Agile Spirit təlimləri başlanıb.

"Azərbaycan suveren dövlətdir, biz Azərbaycanla münasibətlərimizə dəyər veririk. Bu, tərəfdaş münasibətlərdir, münasibətlərin gələcək də inkişaf etdirilməsi üçün siyasi iradə var. Əlbəttə, bizim üçün vacibdir ki, bu cür təlimlərin ssenariləri bizim ölkəmizə münasibətdə... hansısa pərdələnmiş hərəkətləri nəzərdə tutmasın", - deyə Peskov Azərbaycanın bu təlimlərində iştirakına Kremlin münasibəti barədə suala cavab olaraq bildirib.

O, əlavə edib ki, "təlimlərin ssenariləri NATO-da, Alyansda tərtib olunur. Alyans isə əsas rəqib qismində kimi gördüyünü gizlətmir".

11:20

Müdafiə Nazirliyi NATO-nun Gürcüstandakı təlimlərinə qatılan hərbiçilərin sayını açıqladı

Azərbaycandan Gürcüstanda NATO-nun təlimlərində iştirak edəcək hərbiçilərin sayı bəlli olub.

Bu barədə Sputnik Azərbaycan-a Müdafiə Nazirliyinin mətbuat xidmətinin rəhbəri, polkovnik Vaqif Dərgahlı məlumat verib. Onun sözlərinə görə, NATO-nun Gürcüstanda keçirdiyi hərbi təlimlərdə Azərbaycandan iki nəfər hərbiçi müşahidəçi qismində iştirak edəcək.

Dərgahlı Azərbaycan tərəfindən təlimlərə qatılan hərbiçilərin sayının belə az olmasını qabaqcadan nəzərdə tutulan planla izah edib. 

Qeyd edək ki, Gürcüstanda ABŞ-la birgə "Agile Spirit 2021" ("Çevik ruh") çoxmillətli hərbi təlimlər bu gündən start götürüb. İyulun 26-da başlanan təlimlər avqustun 6-dək davam edəcək.

ABŞ ordusunun Mətbuat xidmətinin məlumatına əsasən, hərbi manevrlərdə 15 müttəfiq və tərəfdaş ölkə - Gürcüstan, Estoniya, Almaniya, Latviya, Litva, Polşa, Rumıniya, İspaniya, Türkiyə, Ukrayna, Böyük Britaniya, ABŞ, Kanada, İtaliya və Azərbaycandan 2500-ə yaxın hərbi heyət iştirak edir.

Təlimlərin keçirilməsində məqsəd ABŞ, Gürcüstan, müttəfiqlər və regional tərəfdaşların hərbi qüvvələrinin hazırlığının və qarşılıqlı fəaliyyət səviyyəsinin yüksəldilməsidir.

"Agile Spirit 2021" təlimləri komanda-qərargah, çöl şəraitində keçiriləcək və batalyonlar səviyyəsində atış tapşırıqları icra olunacaq. Təlimlərdə iştirak edəcək ABŞ texnikası artıq Gürcüstandadır.

Məlumat üçün bildirək ki, "Agile Spirit" hərbi təlimləri Gürcüstanda 2011-ci ildən etibarən ABŞ və NATO ilə əməkdaşlıq çərçivəsində hər il keçirilir.

Həmçinin oxuyun:

* Gürcüstanda Agile Spirit 2021 təlimləri: hədəflər və vasitələr

* Zakir Həsənov NATO-nun Quru Qoşunları Komandanlığının Qərargah rəisi ilə görüşüb

* Rusiyanın Xəzər, Baltik və Şimal donanmalarının gəmiləri Qara dənizə nə üçün göndərilib

* Pentaqonun Defender Europe manevrləri və NATO-nun Baltops təlimləri – kimə qarşı?

747
Şəhriyar Məmmədyarov

Şəhriyar Məmmədyarov Levon Aronyan yenidən eyni turnirdə oynayacaqlar