Rusiya prezidenti Vladimir Putin, 30 iyun 2021-ci il

Putin canlı yayımda vətəndaşların suallarını cavablandırır

7678
,
Bu il əsas diqqət vətəndaşların vasitəçilər olmadan prezidentə müraciət edə bildikləri mobil tətbiq vasitəsilə gələn suallara yönəldiləcək.

BAKI, 30 iyun — Sputnik. Rusiya Prezidenti Valdimir Putin canlı yayımda bu ölkənin vətəndaşlarının suallarını cavablandırır.

Putin qeyd edib ki, lokdaunun olmaması üçün Rusiya regionlarında məcburi vaksinasiya tətbiq edir. O qeyd edib ki, infeksiyanın yayılmamasını qarşısını yalnız vaksinasiya hesabına almaq olar.

O bildirib ki, ÜST-ün tövsiyələrinə əsasən, adi hallarda yenidən vaksinasiya 12 aydan sonra, pandemiya şəraitində isə 6 ay sonra  məsləhət görülür.

Rusiya prezidenti Vladimir Putin “Sputnik V” vaksini ilə peyvənd olunub.
""Sputnik V" ilə peyvənd olundum. Ordumuz da “Sputnik V” vurdurur. Axı mən həm də Ali Baş Komandanam”, - deyə Putin bildirib.

Cenevrə görüşü barədə sualı cavablandıran Rusiya Prezidenti Vladimir Putin bildirib ki, ABŞ prezidentindən çox şey asılıdır: “ABŞ-dan olan alimlər və analitiklər öz siyasi rəhbərliyinə və sinfinə məsləhətlər verirlər: Birqütblü dünyanın vaxtı keçib, dünya dəyişir. Sanksiyalara baxmayaraq Rusiya inkişaf edir, onun yüksək müdafiə qabiliyyəti var. Bəzi mövqelərə görə isə bizim göstəricilərimiz ABŞ-ı üstələyir. Asiya ölkələri də inkişaf edir.
Tərəfdaşlar bütün bunları anlayırlar, ona görə də Cenevrədəki görüş lazım idi. Digər tərəfdən, onlar öz mövqelərini qorumaq istəyirlər, buna görə də sanksiyalar və təxribatlar olur”.
Putin ümid edib ki, ABŞ-la da daxil olmaqla, münasibətlər normal məcraya qədəm qoyacaq. Rusiya Prezidenti ümid edib ki, Birləşmiş Ştatlar digər ölkələrə olan münasibətini dəyişəcək.

 

Xəbər real vaxt rejimində yenilənir.

 

Üç saatlıq efir

Ölkə başçısı ənənəvi olaraq sərbəst rejimdə Rusiya vətəndaşlarını narahat edən məsələlərlə bağlı suallara cavab verəcək. V.Putinin canlı yayımdakı çıxışı Rusiyanın "Birinci", "Rossiya1", "Rossiya 24", "NTV", "OTR", "Mir" telekanalları, eləcə də "Mayak", "Vesti FM" və "Radio Rosii" radiostansiyaları vasitəsilə translyasiya olunur. Putinlə birbaşa yayıma üç saat efir vaxtı ayrılıb.

İndiyə kimi prezidentə 545 min sual ünvanlanıb. Rusiya vətəndaşları bu sualları call-center (316 mindən çox), xüsusi mobil tətbiq (45 mindən çox), sayt vasitəsilə (51 mindən çox) və SMS yolu ilə (11 mindən çox ) göndəriblər.

Pandemiya, vaksinasiya kampaniyası və məhududlaşdırmalarla bağlı suallarla yanaşı, Rusiya vətəndaşlarını təhsil, xüsusən də, məktəblərin əlçatanlığı və yeni tədris ilinə hazırlıqla bağlı məsələlər də narahat edir. Eləcə də iqtisadiyyat, pensiya, Mənzil Kommunal Təsərrüfatı və yolların vəziyyəti barədə sualların üstünlük təşkil edəcəyi gözlənilir.

"Vasitəçilərsiz"

Rusiya Prezidentinin mətbuat katibi Dmitri Peskov Putinlə birbaşa yayımın keçirilməsinin yeni formatı barədə məlumat verib. Onun sözlərinə görə, əsas diqqət vətəndaşların "vasitəçilərsiz", birbaşa prezidentə müraciət edə bildikləri mobil tətbiq vasitəsilə gələn suallara yönəldiləcək. Yəni, bu il studiya variantı olmayacaq.

"Bu mobil tətbiq ölkəmizin istənilən vətəndaşına faktiki olaraq telejurnalist və ya radiojurnalist kimi, arada heç bir vasitəçi olmadan öz sualını qeydə ala, ətraf dünyadan nə istədiyini ifadə edə və ya sualını yazılı formada göndərə bilər. İnsanlar birbaşa ölkə başçısı, öz prezidentləri ilə ünsiyyət yarada bilərlər", – deyə o vurğulayıb.

Prezidentin mətbuat katibi onu da qeyd edib ki, Putinin "bütün problemləri, ölkənin coğrafiyasını birləşdirən bütün mövzuların palitrasını görə bilmək imkanı olacaq".

Əvvəl necə idi?

Ötən il pandemiya səbəbindən ənənəvi formatda söhbət baş tutmamışdı, ancaq prezidentin 2020-ci ilin dekabrında keçirdiyi geniş mətbuat konfransında vətəndaşların ölkə başçısına bir neçə sual ünvanlamaq imkanı olmuşdu.

Sonuncu dəfə prezidentlə ənənəvi formatda canlı yayım 2019-cu ilin 20 iyununda keçirilmişdi. Həmin vaxt Rusiya prezidenti 4 saat 8 dəqiqə ərzində 81 suala cavab vermiş, ümumilikdə isə 1,5 milyon müraciət daxil olmuşdu.

Rusiya liderinin ölkə vətəndaşları ilə sözügedən formatda ünsiyyəti 2001-ci ilin sonlarında təşkil olunub. Həmin vaxtdan etibarən 2004 və 2012-ci illər istisna olmaqla, ardıcıl şəkildə hər il keçirilib. Bu müddət ərzində Vladimir Putin Rusiya vətəndaşları ilə 13 dəfə prezident kimi, 4 dəfə isə Baş nazir kimi canlı şəkildə ünsiyyət qurub.

Statistikaya əsasən, ölkə başçısına bir neçə yüz mindən (2001-ci ildə) bir neçə milyona qədər müraciət daxil olur. İlk beş canlı efir üç saatdan az çəkib, ancaq 2007-ci ildən etibarən proqramın müddəti üç saatı ötüb. Bu dövrə kimi ən uzun müddətli canlı yayım proqramı 2013-cü ildə baş tutub – 4 saat 47 dəqiqə.

7678
Uran-6

Rusiyanın döyüş robotları insanların həyatını yaxşılaşdırır

24
(Yenilənib 22:11 31.07.2021)
Sülhsevər Rusiya rəsmən 2030-cu ilə qədər NATO üçün əsas hərbi təhlükə kimi qəbul olunub. Odur ki, "tərəfdaşların" qarşısını yüksək texnologiyalara əsaslanan vasitələrlə almağa məcburdur.

BAKI, 31 iyul — Sputnik. Döyüş şəraitində müstəqil hərəkət edə bilən, süni intellektli robotlar artıq Rusiya ordusunun bugünüdür. Getdikcə daha aktiv şəkildə qoşunlara tətbiq edilən robotlaşdırılmış silah kompleksləri təkcə təlimlər zamanı deyil, istənilən döyüş şəraitində də istifadə olunur.

Qərb hərbi dairəsində (QHD) mühəndis-istehkam qoşunlarının robotlaşdırılmış texnikanın tətbiqi ilə müşayiət olunan iri miqyaslı üç günlük təlimləri iyulun 30-da başa çatıb. Təimlər Rusiya Federasiyasının altı subyektini, 12 poliqon və Oka çayının bir hissəsini əhatə edib. Təimlərə 8 min nəfərdən çox hərbi qulluqçu və 1500 ədəd hərbi texnika, o cümlədən robotlaşdırılmış texniki "Uran-6" minadan təmizləmə və "Uran-14" yanğınsöndürmə kompleksləri cəlb olunub.

QHD-də keçirilən təlim epizodlarının birində, Nijeqorodsk vilayətindəki Mulino poliqonunda mühəndis-istehkam bölmələri hava desant qoşunları ilə birlikdə tikililərin sıx olduğu şəhər şəraitində "Uran" seriyalı robotların dəstəyi ilə hücum əməliyyatlarını məşq ediblər. Təlim zamanı bölmələr Suriyada qazandıqları döyüş təcrübəsini tətbiq ediblər.

Mühəndis-istehkam qoşunlarının öz xüsusiyyətləri var – dağıtmaq və tikmək. Bununla yanaşı Rusiya ordusunda tərkibində onlarla səyyar hücum robotlarının olduğu ilk bölmələr də yaradılır və onların döyüş şəraitində tətbiqi təkcə poliqonlarla məhdudlaşmır.

Ötən həftə Rusiyanın "Soratnik" döyüş robotu tərəfindən suriyalı terrorçuların məhv edildiyi video yayılıb. 7 tonluq zirehli, tırtıllı maşın Suriyadakı Rusiya Xüsusi əməliyyat qüvvələrini dəstəkləyib – gündüz və gecə saatlarından ayrı-ayrı yaraqlıları və "cihadçı"ların nəqliyyat vasitələrini dəqiqliklə məhv edib.

Bundan bir qədər əvvəl Rusiyanın müdafiə naziri Sergey Şoyqu ölkədə süni intellektlə təchiz olunmuş, müstəqil şəkildə döyüşə bilən robotların kütləvi istehsalının başlandığını deyib: "Artıq təkcə təcrübə nümunələri deyil, həqiqətən fantastik filmlərdə göstərilə biləcək robotlar meydana gəlib".

Qoşunların bu cür maşınlarla təchiz olunması prioritet istiqamətlərdən biridir. Rusiya Müdafiə nazirliyində döyüş robotlarının tətbiqinə cavabdeh olan xüsusi idarə yaradılıb. Rusiyada süni intellektin inkişafı yeni mərhələyə qədəm qoyur və bu, zamanın tələbidir. Ən yeni silah və qoşun növərinin hamısında avtomatlaşdırılmış sistemlərin rolu sürətlə artır.

Gələcəyə sıçrayış

Rusiyanın hava-kosmik qüvvələri, hərbi dəniz qüvvələri və quru quşunları üçün döyüş robotları hazırlayan bir neçə müdafiə sənayesi müəssisəsi uzaq gələcəkdə baş verə biləcək silahlı münaqişələrdə qələbəni təmin edir.

Yuxarıda adı qeyd olunan "Soratnik" ilk dəfə "Armiya-2016" beynəlxalq harəbi-texniki forumunda nümayiş olunub. Bu maşın qoşunların, kəşfiyyat qruplarının dəstəklənməsi, ərazidə patrul fəaliyyəti və obyektlərin mühafizəsi, minalardan və maneələrdən təmizləmə, rabitənin daha uzaq məsafələrə ötürülməsi, sursatların və yanacağın çatdırılması üçün nəzərdə tutulub.

Bu robot güclü silahlarla təchiz olunub: 40 və 30 mm-lik qumbaraatanlar, 12,7 və 7,62 mm-lik pulemyotlar, dörd ədəd idarə olunan raket və "Şmel" reaktiv odsaçanı. "Soratnik" gücləndirilmiş istehkamlara hücum və müxtəlif xüsusi əməliyyatlar zamanı xüsusilə effektivdir. Zərurət olduqda döyüş meydanında olan iki ədəd "Soratnik" bir-biri ilə məlumat mübadiləsi də edə bilərlər. Bu avtomatlaşdırılmış döyüş sistemi bütün sutka boyu və istənilən iqlim şəraitində fəaliyyət göstərməyə qadirdir. 40 km/saat sürətlə hərəkət edən maşın əlavə yanacaq doldurulmadan, birdəfəyə 400 km məsafə qət edə bilər.

"Uran-9" tırtıllı həmlə maşını da döyüş şəraitində sınaqdan çıxarılıb. İlk dəfə geniş ictimaiyyətə 2018-ci ildə, Moskvada keçirilən Qələbə paradında təqdim olunub. O, kəşfiyyat aparılması, qoşunlarıa atəş dəstəyi və düşmənin döyüş texnikasının məhv edilməsi üçün nəzərdə tutulub. 12 ton kütləsi olan bu vahiməli, zirehli maşın "Ataka" idarəolunan silah kompleksi ilə təchiz olunub: tank əleyhinə raketlər, "Şmel" reaktiv odsaçanları, 30 mm-lik top, 7,62 mm-lik pulemyot. Bu döyüş maşını "stels" tipli müdafiə sistemi, lazer şüalanması barədə xəbərdarlıq sistemi və digər unikal xüsusiyyətlərə də malikdir. Onun Qərbdə analoqu yoxdur. İxtisaslaşmış "The National Interest" məcmuəsi Rusiya texnologiyalarının sözsüz üstünlüyünü qeyd edir.

Tam formatlı tanklara gəldikdə, "Uralvaqonzavod" müəssisəsi T-72B3 tankı əsasında iki ədəd robotlaşdırılmış dronun hazırlanması ilə məşğuldur. "Rostex" dövlət korporasiyası T-14 "Armata"nın süni intellektlə təchiz olunmuş, robotlaşdırılmış versiyasını yaradıb (atəş açılması barədə qərarı insan verir). Birinci halda söhbət hazırkı T-72 tanklarının modernləşdirilməsindən gedir ("Şturm" layihəsi). Robotlaşdırılmış tanklar maksimum səyyardır və mühafizə olunub (o cümlədən radio-elektron mübarizə vasitələri), komandanlıqla rabitə kanalları isə şifrələnib.

"Armata"nın əsasında yaradılmış pilotsuz, tırtıllı T-14 tankı iyulda keçirilmiş test sınaqlarından uğurla çıxıb. Ekspertlər tam robotlaşdırılmış əsas döyüş tanklarının yaradılmasını Rusiyanın müdafiə sənayesinin əsl sıçrayışı adlandırırlar. Bu maşın demək olar ki, bütün işləri özü görür, insana isə maşının seçdiyi hədəfin məhv edilməsini təsdiq etmək qalır. Yəqin ki, süni intellektli əsas döyüş tankının ixrac versiyası da hazırlanacaq.

Tank bölmələrinin Suriyada tətbiqi döyüş meydanında eyni zamanda bir neçə – yüngül, orta və ağır robotlaşdırılmış kompleksin eyni vaxtda varlığınının zəruri olduğunu sübuta yetirdi. Robotlaşdırılmış tanklar bir-birini atəşlə dəstəkləməli, davamlı şəkildə şəbəkədə bir-biri ilə əlaqədə olmalı, məlumat mübadiləsi aparmalıdırlar. Çoxfunksiyalı robotlaşdırılmış bölmələr Rusiya ordusunda 2025-ci ilə qədər yaradılacaq. Digər tərəfdən, tezliklə Rusiya tankların məhv edilməsi üçün raketlərlə silahlanmış pilotsuz uçuş aparatını da sınaqdan çıxaracaq.

Bu qəbildən olan silahlar sırasında "Poseydon" sualtı sistemi ayrıca yer tutur. Mübaliğəsiz demək olar ki, nüvə mühərrikli bu aparat istnilən hədəfin və ümumilikdə təcavüzkar dövlətin məhv edlməsinə zəmanət verir.

Hazırda qüvvədə olan dövlət silahlanma proqramına uyğun olaraq (2027-ci ilə qədər) Rusiyada üç sualtı qayıq inşa olunacaq ki, onların da hər birinin göyərtəsində 6 ədəd "Məhşər günü torpedosu" olacaq.

Avtomatlaşdırmanın əhəmiyyəti

Döyüş robotları insan həyatını qorumağa xidmət edir və onlar daha tez düzgün qərar qəbul etməyə, düşmən üzərində bütün döyüş şəraitlərində - quruda, havada və dənizdə "kəmiyyətlə deyil, bacarıqla" qələbəni təmin etməyə qadirdirlər.

Robotlaşdırılmış texnika komplekslərinin inkişafı və döyüşdə tətbiqi konsepsiyasına uyğun olaraq, 2025-ci ilə qədər olan dövrdə silahların və hərbi texnikanın ümumi strukturunda robotların payı 30%-ə çatacaq.

Bu sistemlərin böyük bir hissəsi tamamilə səyyar şəkildə süni intellekt tərəfindən idarə olunacaq. Rusiyalı prpoqramçılar, konstruktor və mühəndislər tezliklə tam avtomatlaşdırılmış döyüş robotları yaradacaqlar. Yəni döyüş meydanından məlumatın əldə olunması və mürəkkəb aparatın səyyar qərar qəbul etməsi sistemi tezliklə bir alqoritmdə qapanacaq.

Robotlaşdırmanın son mərhələsi qoşunların vahid idarəetmə sisteminin yaradılmasıdır. Rusiya yüksək texnologiyalara əsaslanan silahlar sahəsində liderdir. Lakin "tərəfdaşlar" bu sahdə Rusiyaya çatmaq və ötüb keçmək üçün milyardlarla dolları əsirgəmirlər.

Yaxın on il ərzində Pentaqon təkcə gələcək kiber-mühariblərə hazırlıq işlərinə 2,4 mlrd. dollar vəsait xərcləmək niyyətindədir. ABŞ setesentirk – bölmələrin vahid şəbəkədə birləşdiriməsi əsasında döyüş əməliyyatlarını hədəfə alıblar və cidd-cəhdlə silahlı qüvvələrini, onlar trəfindən müasir hərbi texnologiyaların tətbiqi vasitələrini modernləşdirirlər.

Pentaqon üçün perspektiv süni intellekt sistemlərinin işlənib hazırlanması ilə DARPA agentliyi məşul olur. Bu qurum hər il səyyar robotlar arasında "yarışlar" keçirir (2015-ci ildən sonra qapalı rejimdə). Bu cür maşınların döyüş meydanında təyinatı düşmənin yüksək texnologiyaların köməyi ilə məhv edilməsidir. Sülhsevər Rusiya rəsmən 2030-cu ilə qədər NATO üçün əsas hərbi təhlükə kimi qəbul olunub. Odur ki, Rusiya "tərəfdaşların" qarşısını yüksək texnologiyalara əsaslanan, səmərəli və başa düşülən vasitələrlə almağa məcburdur.

24

Putinlə Ərdoğan telefon söhbəti zamanı barədə razılıq əldə etdilər

2577
(Yenilənib 16:53 31.07.2021)
Vladimir Putin yanğınların söndürülməsi üçün Rusiyanın Türkiyəyə hərtərəfli yardım etməyi davam etdirəcəyini təsdiqləyib. Rəcəb Tayyib Ərdoğan göstərilən əməli yardıma görə minnətdarlığını bildirib.

BAKI, 31 iyul - Sputnik. Rusiya prezidenti Vladimir Putin ilə Türkiyə lideri Rəcəb Tayyib Ərdoğan arasında telefon danışığı olub. Bu barədə rəsmi Kreml məlumat yayıb.

Söhbət zamanı Türkiyənin cənubunda baş verən meşə yanğınları səbəbindən yaranmış fövqəladə hal müzakirə edilib. İki ölkənin bu təbii fəlakətlə mübarizədə qarşılıqlı fəaliyyətinin vacibliyi vurğulanıb.

Vladimir Putin yanğınların söndürülməsi üçün Rusiyanın Türkiyəyə hərtərəfli yardım etməyi davam etdirəcəyini təsdiqləyib. Rəcəb Tayyib Ərdoğan göstərilən əməli yardıma görə minnətdarlığını bildirib.

Prezidentlər Rusiya-Türkiyə çoxplanlı əməkdaşlığının aktual mövzularını əhatəli şəkildə nəzərdən keçiriblər. İkitərəfli hökumətlərarası komissiyanın bu ərəfədə keçirilmiş iclasının yekunları müsbət qiymətləndirilib. Ticari-iqtisadi, energetika və digər sferalarda əldə olunmuş razılaşmaların həyata keçirilməsinə qarşılıqlı əhval-ruhiyyə ifadə olunub.

Müxtəlif səviyyələrdə təmasların davam etdirilməsi barədə razılıq əldə edilib.

Qeyd edək ki, son 3 gündə Türkiyədə 85 yerdə meşə yanğını qeydə alınıb. Bu yanğınlardan 75-i artıq nəzarət altına alınıb. Yanğın nəticəində 4 nəfər dünyaını dəyişdi. Türkiyəyə yardım məqsədi ilə Rusuya da təyyarələr göndərib.

Türkiyədə baş vermiş meşə yanğınlarının söndürülməsi prosesində qardaş ölkəyə dəstək məqsədilə göndərilən Fövqəladə Hallar Nazirliyinin (FHN) yanğınsöndürmə qüvvələrinin ilk dəstəsi hazırda Türkiyənin Dalaman şəhərindədir. FHN-in Dövlət Yanğından Mühafizə Xidmətinin rəis müavini Rza Xudiyev bildirib ki, Türkiyəyə göndərilən şəxsi heyətin sayı 100 nəfərdir.

Həmçinin oxuyun:

Rusiya təyyarələri Türkiyənin cənubunda meşə yanğınlarını söndürür

 

2577
Azərbaycan Respublikası Vəkillər Kollegiyasının üzvü Əkrəm Həsənov

Hüquqşünas: “Problemli kreditlərin artım tendensiyası bütün dünyada müşahidə olunur”