Rusiya Federasiyası Prezidenti yanında vətəndaş cəmiyyətinin inkişafı və insan haqları üzrə Şuranın sədri Valeriy Fadayev, arxiv şəkli

Vəkil Abdullayevin öldürülməsi: İndi əsas olan hadisəyə milli çalar verməməkdir

3334
Saxlanılma zamanı Abdullayevin başına atəş açan YPX əməkdaşı Aleksandr Qusev heç yerə çıxmamaq barədə iltizam verməkdə təcridxanadan azad edilib. Təqsirləndirilən şəxsə qarşı həbs qətimkan tədbiri niyə dəyişdirildi və bu istintaqın gedişi üçün nə deməkdir?

BAKI, 9 iyun — Sputnik. Rusiyada Novosibirskdə 19 yaşlı Vəkil Abdullayevin ölümü işi üzrə istintaq davam edir.

Saxlanılma zamanı Abdullayevin başına atəş açan YPX əməkdaşı Aleksandr Qusev heç yerə çıxmamaq barədə iltizam verməklə təcridxanadan azad edilib. Təqsirləndirilən şəxsə qarşı həbs qətimkan tədbiri niyə dəyişdirildi və bu istintaqın gedişi üçün nə deməkdir?

Sputnik-in müxbiri Danara Kurmanova məsələni şərh etmək üçün Rusiya Federasiyası Prezidenti yanında vətəndaş cəmiyyətinin inkişafı və insan haqları üzrə Şuraya müraciət edib.

"Qusevin istintaq təcridxanasında olmamasına baxmayaraq, o hələ də ehtiyatsızlıqdan ölümə səbəb olma maddəsi ilə ittiham olunur. İş DİN və şəxsən Rusiya Federasiyasının İstintaq Komitəsinin sədri Aleksandr Bastrıkinin nəzarəti altındadır. İndi əsas olan – vəziyyəti daha da gərginləşdirməmək və hadisəyə milli çalar verməməkdir", - deyə Rusiya Federasiyası Prezidenti yanında vətəndaş cəmiyyətinin inkişafı və insan haqları üzrə Şuranın hüquq mühafizə orqanlarına vətəndaş nəzarəti şurasına cavabdeh üzvü Kiril Kabanov bildirib.

"Biz bu hadisəyə milli çalar verəndə yanlış davranırıq. Nəzərə almaq lazımdır ki, kimlərəsə milli vəziyyəti çalxalamaq sərfəlidir. ", - deyə o, Sputnik-ə bildirib.

YPX müfəttişi Aleksandr Qusev mayın 28-də Moşkovo qəsəbəsi rayonundakı avtoyolda qanunu pozmuş 19 yaşlı azərbaycanlını saxlayarkən, müstəntiqlərin bildirdiklərinə əsasən, həmin şəxs öz yoldaşını polisdən qurtarmağa cəhd edəndə təsadüfən onun başına atəş açıb. İki gündən sonra Abdullayev xəstəxanada keçinib.

"Bizdə olan Cinayət Məcəlləsinə (qəsdən adam öldürməmə görə məsuliyyət) görə insanlar həbsdə olmurlar, bu, ümumi praktikadır. Ona görə də heç yerə çıxmamaq barədə iltizam qərarı – hər hansı azadetmədir. Bu yenə də azadlığın məhdudlaşdırılmasıdır", - deyə Kirill Kabanov bildirib.

Rusiya Federasiyası Prezidenti yanında vətəndaş cəmiyyətinin inkişafı və insan haqları üzrə Şuranın sədri Valeriy Fadayev isə hesab edir ki, müfəttişin cəzadan yayınacağına dair şayiələr istintaqın işinə mane olur

"Əgər məhkəmə qərar versə ki o (Qusev – nümunə. red) cinayət törədib, o cəzalandırılcaq. Şübhəsiz. İstintaq işi hələ tam başlamayıb, amma niyəsə onun cəzalandırılmaması ilə bağlı söz-söhbətlər gəzir. Bu düzgün deyil. İstintaqa öz işini görmək üçün vaxt verin. Bu aktyor Yefermovla bağlı hadisəyə bənzəyir, onda da hamı qışqırırdı: "O, cəza almayacaq – buraxacaqlar!" Lakin ona səkkiz il verdilər", - deyə o Sputnik-ə bildirib.

Rusiya İstintaq Komitəsi yaydığı məlumatda qeyd edib ki, "Toyota" olan digər şəxslərə qarşı da cinayət işi başladılıb.

Novosibirsk azərbaycanlılarının milli-mədəni muxtariyyətinin rəhbəri Rasim Babayev isə qeyd edir ki, diaspora nümayəndələrini istintaqın işi qane edir. O, əmindir ki, həmyerlilərin əksəriyyəti bu məsələdə qanun aliliyəinə inanır: "Yalnız mənim həmvətənlərim deyil, hər kəs qəzəblənə bilər... İstintaq orqanları, vəkillər, İstintaq komitəsi məsələni araşdıracaq... Bu insidentə milli çalar vermək lazım deyil. Cinayət var – o araşdırılır və bu işə nöqtəni məhkəmə qoyacaq".

Abdullayevin həlak olmasına dair cinayət işi

Səs-küylü insident mayın 28-də baş verib: YPX müfəttişi Aleksandr Qusev Moşkovo qəsəbəsi rayonundakı avtoyolda qanunu pozmuş 19 yaşlı azərbaycanlını saxlayarkən, müstəntiqlərin bildirdiklərinə əsasən, həmin şəxs öz yoldaşını polisdən qurtarmağa cəhd edəndə təsadüfən onun başına atəş açıb. İki gündən sonra Abdullayev xəstəxanada keçinib.

Polis nəfəri istintaq təcridxanasına aparılıb, onun barəsində səlahiyyətlərini aşmaqla əlaqədar cinayət işi açılıb. Cümə günü məlum olub ki, RF İK rəhbəri Aleksandr Bastrıkinin göstərişinə əsasən novosibirskli polis heç yerə çıxmamaq barədə iltizam verməkdə təcridxanadan azad edilib. O hələ də şübhəli statusundadır, bütün istintaq hərəkətləri davam etdirilir.

Həmçinin novosibirskli polislərə qarşı güc işlətməkdə şübhəli bilinən iki nəfər saxlanılıb. Məhz bu şəxslərlə qarşıdurma Abdullayevin həlak olmasına gətrib çıxarıb. Novosibirsk Mərkəzi rayon məhkəməsi tərəfindən şənbə günü 19 yaşlı Vəkil Abdullayevlə birlikdə olan və qanunu pozmaqda şübhəli bilinən iki nəfər barəsində həbs qətimkan tədbiri seçilib.
Onların barəsində avqustun 4-dək həbs qətimkan tədbiri seçilib. İstintaq davam edir.

Həmçinin oxuyun:

* Abdullayevin həlak olmasına dair cinayət işi: hazırda nə məlumdur

3334
Vladimir Putin, arxiv şəkli

Putin ABŞ-la münasibətlər, NATO, Suriya böhranı digər məsələlər barədə

1162
RF lideri Vladimir Putin NBC telekanalına müsahibə verib. Müsahibənin mətni Kremlin saytında dərc olunub.

BAKI, 14 iyun - Sputnik. Rusiya prezidenti Vladimir Putin bəyan edib ki, ABŞ-da RF-Birləşmiş Ştatlar münasibətləri son illər kəskin daxili siyasi mübarizəyə qurban verilib. Bu barədə o, NBC telekanalına müsahibəsində deyib.

"Fikrimcə, Birləşmiş Ştatlarda son illər görülən iş ancaq bu olub ‒ Rusiya-Amerika münasibətləri ABŞ-ın özündə daima kəskin daxili siyasi mübarizəyə qurban verilib", - dövlət başçısı bildirib.

NATO-da söz sahibi kimdir

Müsahibə zamanı NATO ilə bağlı suala cavab verən Rusiya lideri alyansda formal olaraq kollektiv qərar qəbul olunmalı halda, Vaşinqtonun fikrinin prioritet kəsb etdiyini deyib.

"NATO soyuq müharibə dövründə meydana gəlib, lakin bu gün o niyə mövcuddur, çox da aydın deyil... Biz ondan çıxış edirik ki, bu hərbi təşkilatdır, lakin onlar Birləşmiş Ştatların müttəfiqləridir, yəqin ki, vaxtaşırı müttəfiqlərlə görüşmək lazımdır. Lakin mən orada necə bir diskussiya getdiyini təsəvvür edirəm. Aydındır ki, hər şey konsensusla həll olunur, lakin yenə də bir düzgün fikir var, digərləri isə belə desək, çox da düzgün deyillər", - prezident vurğulayıb.

Suriya böhranından çıxış üçün atılacaq addımlar

Putin bəyan edib ki, Suriya üzrə bütün fəaliyyət oradakı vəziyyətin sabitləşdirilməsinə yönəldilməlidir və humanitar yardım təşkil olunmalıdır.

"Bütün bizim məcmu hərəkətlərimiz vəziyyəti sabitləşdirməyə, onu normal məcraya istiqamətləndirməyə yönəldilməlidir. Rusiyanın dəstəyilə Suriya hakimiyyəti ölkə ərazisinin 90 faizdən çoxunda nəzarəti bərpa edib. İndi sadəcə heç bir siyasi kontekstdən asılı olmayaraq  insanlara humanitar yardımı təşkil etmək lazımdır", - dövlət başçısı qeyd edib.

Afroamerikalıların hüquqları və ekstremizm

Rusiya prezidenti ölkəsinin afroamerikalıların öz hüquqları uğrunda mübarizəsini dəstəklədiyini, lakin indi müşahidə olunan istənilən növ ekstremizmə qarşı olduğunu bildirib.

"Biz həmişə afroamerikalıların öz hüquqları uğrunda mübarizəsinə anlayışla yanaşmışıq və bunun müəyyən kökləri, əsasları var. Lakin eyni zamanda, kiminsə hər hansı xeyirxah məqsədlərdən çıxış etməsinə baxmayaraq, əgər bu hansısa əndazəni aşırsa, ekstremizm elementləri alırsa, biz, əlbəttə ki, bunu alqışlaya bilmərik. Və burada bizim buna çox sadə yanaşmamız var: biz afroamerikalıların öz hüquqları uğrunda mübarizəsini dəstəkləyirik, lakin biz indi hərdən təəssüf ki, müşahidə etdiyimiz istənilən ekstremizm növlərinə qarşıyıq", - Putin vurğulayıb.

Müsahibənin geniş mətni ilə Kremlin saytında tanış olmaq mümkündür.

1162
Sputnik V vaksini, arxiv şəkli

Rusiya istehsalı olan "Sputnik V"-nin ilk partiyası Türkiyəyə çatdırılıb

34
Bununla da Çin istehsalı “Sinovac”, Almaniya istehsalı “Biontex” peyvəndindən sonra “Sputnik V” vaksini Türkiyədə kütləvi tətbiq ediləcək üçüncü vaksin olacaq.

BAKI, 14 iyun - Sputnik. Yeni növ koronavirus (COVID-19) infeksiyasına qarşı Rusiya istehsalı “Sputnik V” peyvəndinin ilk partiyası bu gün Türkiyəyə çatdırılıb.

Sputnik Türkiyə xəbər verir ki, “Sputnik V” peyvəndinin ilk partiyasını daşıyan təyyarə Ankara Esenboğa hava limanına enib.

Bununla da Çin istehsalı “Sinovac”, Almaniya istehsalı “Biontex” peyvəndindən sonra “Sputnik V” vaksini Türkiyədə kütləvi tətbiq ediləcək üçüncü vaksin olacaq.

Qeyd edək ki, Türkiyənin səhiyyə naziri Fəxrəddin Qoca iyun ayının sonunadək Türkiyəyə 30 milyon doza “Sputnik V”nin idxal ediləcəyini bildirib. O, hələ aprel ayında Türkiyənin 6 ay ərzində 50 milyon doza "Sputnik V" alacağını demişdi. 

 “Sputnik V”nin Türkiyədə istehsalı üçün də iki ölkə arasında müqavilə imzalanıb.

Türkiyədən Rusiyaya təşəkkür 

Türkiyə səhiyyə naziri Fahrettin Koca may ayında koronavirusla mübarizədə dəstək üçün Rusiyaya təşəkkür edib.

"Rusiyanın "Sputnik V" vaksini hazırlanmağa başlayandan bəri biz onun tədarükü üçün əlaqə qurmuşuq. İndi bu vaksinin tədarükü üçün razılaşma imzalanıb. Mən bu razılaşmaya görə Rusiya hökumətinə təşəkkürümü bildirirəm", - Koca jurnalistlərə deyib. 

O əlavə edib ki, Türkiyə müxtəlif koronavirus vaksinlərindən 270 milyon doza sifariş verib, bu isə ölkə əhalisinin sayından üç dəfə çoxdur. 

Sputnik V vaksini

Fevralın 2-si "The Lancet" elmi jurnalı "Sputnik V" koronavirusa qarşı peyvənd preparatının klinik sınaqlarının üçüncü mərhələsinin nəticələrini dərc edib.

Kliniki sınaqların üçüncü mərhələsində "Sputnik V" yüksək effektivlik, immunogenlik və təhlükəsizlik göstəriciləri nümayiş etdirib.

Həm peyvənd, həm də plasebo vurulmuş 19866 könüllünün analiz təhlilləri göstərir ki, hər iki dozadan sonra peyvəndin effektivliyi 91,6 faiz təşkil edir. Preparat vurulandan sonra yalnız 78 koronavirusa yoluxma hadisəsi öz təsdiqini tapıb.

Tədqiqatın vacib bir hissəsi də 60 yaşdan yuxarı könüllülərin sınaqlarda iştirakı ilə bağlı idi (peyvənd qrupunda ən yaşlı iştirakçının 87, plasebo qrupunda isə 84 yaşı olub). Yaşlılar üçün təhlükəsizlik göstəriciləri yüksək olub. 60 yaşdan yuxarı 2144 könüllü üçün effektivlik 91,8% təşkil edib ki, bu da 18-60 yaş arası könüllülər qrupunda əldə edilən məlumatlardan statistik olaraq fərqlənmir.

Qeyd edək ki, Rusiya Səhiyyə Nazirliyi "Sputnik V" peyvəndini 2020-ci ilin avqust ayında qeydə alıb. Vaksin Rusiyanın Qamaleya adına Epidemiologiya və Mikrobiologiya Elmi Tədqiqat Mərkəzi tərəfindən RBİF-nin dəstəyi ilə işlənib hazırlanıb. Bu, dünyada COVID-19-un profilaktikası üçün ilk qeydiyyata alınmış preparatdır.

34
Нападающий сборной Швеции Александер Исак

AVRO-2020: İspaniya İsveç arasında çempionatın ilk qolsuz heç-heçəsi qeydə alındı

0
(Yenilənib 01:07 15.06.2021)
Futbol üzrə Avropa çempionatında E qrupunda ilk turdan sonra birinci yerə gözlənilmədən Slovakiya millisi çıxıb.

BAKI, 15 iyun - Sputnik. AVRO-2020-də E qrupunda ilk görüşünə çıxan İspaniya yığması öz meydanında İsveçlə qarşılaşıb.

Sevilyadakı Olimpiya Stadionunda təşkil olunmuş görüş heç-heçə ilə yekunlaşıb - 0:0. Bu, AVRO-2020-də yeganə qolsuz matç olub.

E qrupunda turun digər görüşündə Slovakiya Polşanı 2:1 hesabı ilə məğlub edib.

İspaniya yığması Avropa çempionatının növbəti oyununda iyunun 19-da Sevilyada Polşa yığması ilə qarşılaşacaq. İsveç millisi iyunun 18-də Sankt-Peterburqda slovaklarla oynayacaq.

0