* AZƏRBAYCAN *
Sputnik V peyvəndi, arxiv şəkli

EMA "Sputnik V" peyvəndi ilə bağlı tənqidi fikir bildirməyib

19
(Yenilənib 21:12 04.06.2021)
"Biz EMA-nın işinin texniki hissəsini "Sputnik V"-yə qarşı dezinformasiya kampaniyasında qarşılaşdığımız bir sıra siyasi açıqlamalardan ayrı tutmaq istəyirik".

BAKI, 4 iyun — Sputnik. Dərman Vasitələri üzrə Avropa Agentliyi (EMA) Rusiyanın COVID-19 əleyhinə "Sputnik V" peyvəndinin araşdırılması zamanı nə istehsal, nə də klinik mərhələdə hər hansı bir tənqidi fikir bildirməyib. Bu barədə Rusiya Birbaşa İnvestisiyalar Fondunun (RBİF) rəhbəri Kiril Dmitriyev Sankt-Peterburq Beynəlxalq İqtisadi Forumu (SPIEF-2021) çərçivəsində keçirilmiş brifinqdə məlumat verib.

O, qurumun texniki mütəxəssislərinin məsələyə peşəkarlıqla yanaşdıqlarını bildirib.

"Biz EMA-nın işinin texniki hissəsini "Sputnik V"-yə qarşı dezinformasiya kampaniyasında qarşılaşdığımız bir sıra siyasi açıqlamalardan ayrı tutmaq istəyirik", – deyə RBİF-in rəhbəri bəyan edib.

Onun sözlərinə görə, Rusiya preparatının qeydiyyat tarixi EMA-dan asılıdır. Dmitriyev, həmçinin qiymətləndirmə prosesinin siyasiləşdirilməyəcəyinə ümid etdiyini də bildirib.

Qeyd edək ki, 2020-ci ilin avqust ayında Rusiyanın Səhiyyə Nazirliyi Qamaleya Tədqiqat Elektrokimya və Texnologiya Mərkəzi tərəfindən hazırlanmış COVID-19 əleyhinə dünyada ilk peyvənd olan "Sputnik V"-ni qeydiyyata alıb. Preparat artıq 66 ölkədə istifadə üçün təsdiqlənib.

"Sputnik V" vaksini

"Sputnik V" – insan adenoviral vektorlarının sübut edilmiş və yaxşı öyrənilmiş platforması əsasında yaradılıb. Rusiyada peyvənd olunmuş 3,8 milyon şəxsin nəticələrinin analizinə əsasən, preparatın effektivliyi 97,6%-dir. RBİF və Qamaleya Mərkəzi tərəfindən əvvəllər verilən məlumata görə, bu, "Lancet" tibbi jurnalının öncədən yayımladığı rəqəmdən (91,6%) yüksəkdir.

Preparat bu ilin mart ayının 4-dən etibarən EMA-da ekspertiza prosesinə cəlb olunub. Sözügedən qurum koronavirus peyvəndlərinin Avropa bazarında istifadəsinin təsdiqlənməsi işi ilə məşğul olur.

Sankt-Peterburq Beynəlxalq İqtisadi Forumu

2021-ci il iyunun 2-si, çərşənbə günü Rusiyanın şimal paytaxtında start götürüb. Tədbirdə Azərbaycanı Baş nazirin müavini Şahin Mustafayevin rəhbərlik etdiyi nümayəndə heyəti təmsil edir.

İyunun 2-dən 5-nə kimi davam edəcək forumda iştirakçılar dünya və Rusiya iqtisadiyyatının aktual problemləri, sosial və texnoloji inkişaf məsələlərini müzakirə edəcəklər.

Eləcə də oxuyun:

  • Azərbaycanda "Pfizer" vaksininin tətbiqinə başlanacaq - Tarix açıqlandı

  •  İki məşhur vaksinin müqayisəli ölüm göstəriciləri: etibarı düzəltmək istəyirdi...

  •  COVID əleyhinə vaksinin üçüncü dozası: o kimlərə vurula bilər?

19
Teqlər:
Sankt-Peterburq Beynəlxalq İqtisadi Forumu, tənqid, Rusiya, Avropa, Sputnik-V peyvəndi
Mövzu:
Yeni tip koronavirus pandemiyası (701)
Yusif Eyvazov və Anna Netrebko, arxiv şəkli

Yusif Eyvazov Anna Netrebkodan niyə övladının olmadığını açıqladı

600
Rusiyada yaşayan məşhur azərbaycanlı opera müğənnisi karyeraya necə başlamasından, həyat yoldaşı ilə tanışlığından və niyə ondan uşaq sahibi ola bilməməsindən danışıb.

BAKI, 23 iyun — Sputnik. Xalq artisti Yusif Eyvazov müğənni Valeriyanın "Aramızda qalsın" adlı layihəsinə qonaq olub. Azərbaycanlı solist proqramda həyat yoldaşı, Rusiyanın Xalq artisti Anna Netrebkodan niyə övlad sahibi ola bilmədiyinə aydınlıq gətirib.

Peşə seçimi

Uşaq vaxtı mahnı oxumurdum. Oxumaq istədiyimi anlayanda isə təxminən 17-18 yaşım vardı. Bizim ailədə texnoloq və həkimlər üstünlük təşkil edir. Amma mənim bu peşələrə marağım yox idi. Atam onun yolu ilə getməyimi istəyirdi. Hazırlaşıb universitetə daxil oldum. Ali məktəbdə oxuduğum vaxt Şən və Hazırcavablar Komandası ("KVN") yaratmışdılar, mən də üzv oldum. Amma yaxşı "KVN"-çi ola bilmədim.

Çıxışlarımızdan birində mahnı oxumaq lazım idi. Həmin vaxt məni müşayiət edən pianoçu xanım səsimin olduğunu görüb məsləhət verdi ki, Üzeyir Hacıbəyov adına Bakı Musiqi Akademiyasına daxil olum. Ancaq valideynlər bu fikirdə idilər ki, mahnı oxumaqla ailə dolandırmaq olmaz, ona görə də məni bu fikirdən daşındırmağa çalışdılar. Buna baxmayaraq, konservatoriyaya daxil oldum və qərara gəldim ki, estrada müğənnisi olum. Heç indi də notları yaxşı bilmirəm.

Anatoli Qusev adlı bir pedaqoq var, İtaliyada təhsil almış ilk bakılıdır. İndiyə kimi onunla dostluq edirik. İldə bir dəfə Bakıya gəlirdi. Növbəti səfərlərin birində onun yanına getdim. O, mənə dedi: "Əgər oxumaq istəyirsənsə, İtaliyaya getməlisən".

Valideynlərimin məni xaricə göndərmək imkanı yox idi. Onlar mənim İtaliyaya getmək istəyimi sakit qarşıladılar, fikirləşdilər ki, bir müddət sonra bu həvəsim keçəcək. Amma keçmədi. Axırda atam məcbur olub məni İtaliyaya göndərmək üçün tələb olunan dörd min dolları düzəltdi. İki ay İtaliyada yaşayandan sonra bir qəpiyim də qalmamışdı. Evə qayıda bilməzdim. Onda 20 yaşım var idi. İndiki kimi yadımdadır, 1997-ci il idi, qərara gəldim ki, baristalıq edim. Sutkada cəmi dörd saat yatsam da, o dövr həyatımın ən gözəl vaxtları idi. Yaxşı qazanırdım. Bütün Avropanı gəzdim.

İlk çıxış

Bu, İtaliyada baş verdi. Əməlli-başlı biabırçılıq oldu. Üç saat oxudum, hər şey normal idi, ancaq yuxarı not götürmək istəyəndə alınmadı. Xəcalət içində səhnəni tərk etdim. Bu, mənim üçün böyük biabırçılıq idi. Ancaq xaraktercə tez ruhdan düşən insan deyiləm. Bütün dünya mənə deyirdi ki, səndən ifaçı olmaz.

Anna Netrebko ilə tanışlıq

Milanda tanış olduğumuz vaxt o mənə dedi ki, burada heç nə öyrənə bilməyib. Fikirləşdim ki, ya dəlidir, ya da dahi. Bir həftədən sonra onun çıxışını izləyəndə başa düşdüm ki, dahi vokalistdir. Bilirdim ki, premyeradan sonra ayrılacağıq. Agent də ona yaxınlaşmağı qadağan eləmişdi. O vaxt "WhatsApp" yox idi, biz əsasən, elektron poçt vasitəsilə ünsiyyət saxlayırdıq. Premyeradan sonra məni otağından qovdu, səhəri gün isə yazdı ki, artıq mənə olan həvəsi keçib. O, Vyanaya uçdu, amma biz yazışmağa davam elədik.

Sonra o yenidən çıxış etmək üçün Milana gəldi. Xahiş elədim ki, əlavə bir neçə gün də qalsın, razılaşdı. Ayrılıq anı çətin keçdi: başa düşürdüm ki, bəlkə də biz bir daha görüşməyəcəyik. O gedəndən sonra darıxmağa başladım. Onda mənim 35 yaşım var idi, həyatım barədə demək olar ki, fikirləşmirdim. Anna həyatıma yeni nəfəs gətirmişdi. 2014-cü ildə Vyanaya getdim və orada qaldım.

Netrebkonun həyat yoldaşı olmaq...

Anna güclü qadındır, amma mənə onunla yaşamaq asandır. O, kişinin yanında heç vaxt güclü tərəflərini göstərməz. Bu mənada eynilə azərbaycanlı xanımlara bənzəyir. O, heç vaxt kişini alçatmaz. Alçaldılmağa qətiyyən göz yummazdım. Mənim üçün qəbuledilməz iki şey var: xəyanət və hörmətsizlik. Biz ailə qurduğumuz vaxt hamı deyirdi: "Bu, Netrebkonun əridir". Bunu normal qarşılayırdım, bilirdim ki, bundan qaçmaq mümkün deyil, çünki o, ulduzdur. Başladım öz üzərimdə işləməyə. Anna mənim həyatımda ilhamverici qüvvədir. Biz bir-birimizdən çox şey öyrənmişik. İndi mənim yanımdakı qadın yeddi il bundan əvvəlki Anna deyil. Əgər mən ona 25-30 yaşında rast gəlsəydim, yəqin heç bir il də birlikdə yaşaya bilməzdik. Biz onunla övladı dünyaya gələndən sonra tanış olmuşduq. O, axtardığını məndə tapmışdı.

Niyə Netrebkodan övladı yoxdur

Şükür Allaha ki, Tyaqo eynən Annaya bənzəyir. O, xeyirxah və mehriban uşaqdır. İlk dəfə məktəbdə olanda mənə ata dedi. Çox təsirlənmişdim. Həmin an başa düşdüm ki, o mənim ögey deyil, elə doğma oğlumdur. Onun mənim qanımdan, canımdan olmadığını ağlıma belə gətirmirəm. O, həm də mənim ən yaxın dostumdur.

Tyaqo – bizim yeganə övladımızdır, başqa uşağımız olmadı. Anna ilə genetik cəhətdən uyuşmazlığımız var, yəni ayrı-ayrılıqda uşaq sahibi ola bilərik, amma birlikdə bu mümkün deyil. Hər şeyi sınaqdan keçirtsək də, alınmadı. Hətta mənə surroqat anadan övlad sahibi olmaq da təklif edildi. Amma başqa qadından olan övlad istəmirəm. Ona görə də qərar verdik ki, hər şey necə varsa, o cür də qalsın...

600
Britaniya Hərbi Dəniz Qüvvələrinə məxsus Defender

Rusiya Britaniya gəmisinin hərəkəti ilə bağlı təhqiqata çağırır

364
(Yenilənib 19:08 23.06.2021)
Rusiya MN Britaniya gəmisinin Qara dənizdə təhlükəli hərəkətlərini BMT konvensiyalarının pozulması kimi dəyərləndirib.

BAKI, 23 iyun — Sputnik. Rusiya Müdafiə Nazirliyi (MN) Böyük Britaniyanı Qara dənizdə gəmi insidenti ilə bağlı təhqiqat aparmağa çağırıb.

APA-nın xəbərinə görə, bu barədə Rusiya Müdafiə Nazirliyinin yaydığı bəyanatda bildirilib.

Rusiya MN bu gün Qara dənizdə Britaniya Hərbi Dəniz Qüvvələrinə məxsus "Defender" minadaşıyan gəmisinin təhlükəli hərəkətlərini BMT konvensiyalaırnın kobud şəkildə pozulması kimi qiymətləndirib.

Qara dənizdə insident

Bu gün Qara dəniz donanması Rusiya Federal Təhlükəsizlik Xidmətinin Sərhəd Xidməti ilə birlikdə Britaniya Hərbi Dəniz Qüvvələrinə məxsus "Defender" tipli minadaşıyan gəminin Qara dənizdə sərhədi pozduğunu aşkarlayıb. Sərhəd keşikçi gəmisi xəbərdarlıq atəşi açıb, Su-24M bombardmançı təyyarəsi isə xəbərdarlıq məqsədli bomba atıb.

364
Эмблема ЕВРО-2020

AVRO-2020-nin 1/8 finalının bütün cütlükləri məlum olub

3
(Yenilənib 01:35 24.06.2021)
Futbol üzrə Avropa çempionatının pley-off mərhələsinin birinci raundu şənbə günü, iyunun 26-da start götürür.

11 şəhərdə keçirilən futbol üzrə Avropa çempionatının 1/8 final mərhələsinin bütün qarşılaşmaları məlum olub.

İyunun 23-də AVRO-2020-nin qrup mərhələsi başa çatıb. 1/8 final Amsterdamda Danimarka-Uels və Londonda İtaliya-Avstriya oyunları ilə start götürür.

Avropa çempionatının 1/8 finalının digər cütlükləri belədir:

27 iyun

Niderland - Çexiya (Budapeşt)

Belçika - Portuqaliya (Sevilya)

28 iyun

Xorvatiya - İspaniya (Kopenhagen)

Fransa - İsveçrə (Buxarest)

29 iyun

İngiltərə - Almaniya (London)

İsveç - Ukrayna (Qlazqo)

3