Rusiya Prezidenti Vladimir Putin

Putin: "Anam gündüzlər mənə baxmaq üçün gecə gözətçisi işləyirdi"

64
(Yenilənib 18:05 01.06.2021)
Rusiya prezidenti qeyd edib ki, uşaqların tərbiyəsi valideynlərdən böyük səy, çox vaxt və ürək yanğısı istəyir. Bununla belə, prezidentin sözlərinə görə, ailədə uşaqların olması həmişə toy-bayramdır.

BAKI, 1 iyun — Sputnik. Rusiya Prezidenti Vladimir Putin anasının ona gündüzlər daha çox diqqət ayıra bilmək üçün gecələr gözətçi işlədiyini bildirib. Sputnik Azərbaycan Rusiya mediasına istinadla xəbər verir ki, dövlət başçısı bu barədə xatirələrini "Valideyn şöhrəti" ordeni ilə təltif olunan çoxuşaqlı ailələrlə söhbətdə bölüşüb.

"Mənim anam da adi işlərlə məşğul olmaq məcburiyyətində idi: xəstəxanada dayə işləyirdi, gecələr gözətçilik edirdi ki, gündüzlər mənimlə vaxt keçirsin", – deyə Putin yada salıb.

O qeyd edib ki, uşaqların tərbiyəsi valideynlərdən böyük səy, çox vaxt və ürək yanğısı istəyir. Bununla belə, prezidentin sözlərinə görə, ailədə uşaqların olması həmişə toy-bayramdır.

Putin bütün ailələri 1 iyun – Uşaqların Beynəlxalq Müdafiəsi Günü münasibətilə də təbrik edib.

Qeyd edək ki, Vladimir Putin dövlət qurumlarını çoxuşaqlı ailələrə dəstəyi artırmağa çağırıb. Ölkə başçısı bu istiqamətdə görülən tədbirlərin davam etdiriləcəyini də bildirib.

Beynəlxalq Uşaqlar Günü

Uşaqların Beynəlxalq Müdafiəsi Günü — 1 iyun 1950-ci ildə aylin BMT Baş Assambleyası tərəfindən qeyd olunması qərara alınıb. Həmin gün təşkil olunan "Qadınların Beynəlxalq Konfransı"nda uşaq hüquqlarının təmin edilməsi ilə bağlı təkliflər səslənib və elə həmin tədbirdə də 1 iyun tarixini uşaqların beynəlxalq müdafiəsinə həsr etmək qərarı verilib. Bundan sonra iyunun 1-i Uşaqların Beynəlxalq Müdafiəsi Günü kimi tarixə düşüb. Dünyanın əksər ölkələrində olduğu kimi, bu gün Azərbaycanda da qeyd edilir.

Həmçinin oxuyun:

  • Danışır uşaqlar! – Atatürkün şəkillərini sevirəm, top oğlanlar üçündür, villa alacam
  • 1 iyun Uşaqların Beynəlxalq Müdafiəsi Gününə həsr olunmuş tədbir
  • Uşaqların mətbuat konfransı - Jurnalistlər bu dəfə onlara sualları ünvanladı

     

64
Teqlər:
1 iyun - Uşaqların Beynəlxalq Müdafiəsi günü, uşaqlar, Vladimir Putin
 S7 Airlines aviaşirkətinin sərnişin təyyarəsi, arxiv şəkli

Mahaçqaladan Bakıya birbaşa aviareys olacaq

51
S7 Airlines aviaşirkəti Dağıstan Respublikasından Azərbaycana ilk uçuşunu iyulun 4-də həyata keçirəcək.

 

BAKI, 19 iyun — Sputnik. İyulun 4-dən etibarən Mahaçqala ilə Bakını birbaşa aviareys bağlayacaq. Mahaçqala hava limanının mətbuat xidmətindən bildirildiyinə görə, biletlər artıq satışdadır.

Mahaçqaladan Bakıya ilk uçuş iyulun 4-ü Bakı vaxtı ilə 02:05-ə S7 Airlines aviaşirkətinin təyyarəsi ilə həyata keçirilməlidir.

Boeing 737-800 176 sərnişin tutur. Azərbaycan paytaxtına reyslər hər həftə şənbədən bazara keçən gecə həyata keçiriləcək.

Azərbaycana gələn bütün 1 yaşdan 18 yaşadək olan sərnişinlərin uçuşdan əvvəl 72 saat ərzində verilmiş COVID-19-a dair PCR testinin neqativ nəticəsini təsdiq edən rəsmi sənəd təqdim etməlidirlər.

Yaşı 18-dən yuxarı olan sərnişinlərin tam vaksinasiya olunması və ya COVID-19 xəstəliyindən sağalması barədə müvafiq ölkənin verdiyi rəsmi sənədin (COVID Pasport) və uçuşdan əvvəl 72 saat ərzində verilmiş COVID-19-a dair PCR testinin neqativ nəticəsini təsdiq edən rəsmi sənəd təqdim etməlidirlər.

S7 aviaşirkəti iyunun 15-dən Samaradan Bakıya aviareyslər həyata keçirir.

Həmçinin aviaşirkət iyunun 23-dən Krasnoyarsk-Bakı-Krasnoyarsk marşrutu üzrə uçuşlar həyata keçirəcəklər.

Azərbaycanda fvqustun 1-dək xüsusi karantin rejimi qüvvədədir. Quru yolla beynəlxalq sərnişin daşımaları praktiki olaraq kəsilib, avianəqliyyat isə yalnız xüsusi uçuşlar həyata keçirir.

51

"Vahid Rusiya" Dumaya seçkilərdə namizədlər siyahısını təsdiqlədi

14
(Yenilənib 21:34 19.06.2021)
Dövlət Dumasına seçkilərdə “Vahid Rusiya” partiyasına Sergey Şoyqu və Sergey Lavrov liderlik edəcəklər.

BAKI, 19 iyun - Sputnik. Rusiyanın hakim “Vahid Rusiya” Partiyasının bu gün keçirilən qurultayında Dövlət Dumasına seçkilərdə federal siyahıda liderlərin beşliyini və namizədlərin siyahısını təsdiqləyib.

Qurultay federal və təkmandatlı dairələrdən Dumaya namizədlərin siyahısını da təsdiq edib.

Rusiya prezidenti Vladimir Putinin təklifi ilə federal siyahıya müdafiə naziri Sergey Şoyqu, xarici işlər naziri Sergey Lavrov, “Kommunarka” xəstəxanasının baş həkimi Denis Protsenko, Ümumrusiya Xalq Cəbhəsinin Mərkəzi Qərargahının həmsədri Yelena Şmelyova və Uşaq hüquqları üzrə ombudsman Anna Kuznetsova daxil edilib.

Siyahı 57 regional qrupa bölünüb.

Vladimir Putinin qurultayda çıxışı

Rusiya prezidenti Vladimir qurultay iştirakçıları qarşısında çıxış edib. 

RF prezidenti Vladimir Putin seçki kampaniyasının məsuliyyətli dövr olduğunu, parlamentin formalaşmasının dövlətin həyatında vacib mərhələ olduğunu bəyan edib.

"Seçki kampaniyası həmişə sınaqdır və ümumilikdə siyasi sistemin möhkəmliyinin yoxlanılmasıdır. "Vahid Rusiya"nın burada da xüsusi rolu var. Lider partiya açıq, rəqabətli siyasi yarış atmosferinin yaradılmasında nümunə olmağa borcludur", - o bildirib.

Rusiya Dövlət Dumasına seçkilər

2021-ci il iyunun 17-də Rusiya prezidenti Vladimir Putin 2021-ci il sentyabrın 19-na VIII çağırış RF Dövlət Dumasına seçkilərin təyin edilməsi barədə fərman imzalayıb. Onlar Rusiyada regional və bələdiyyə orqanlara seçkilərlər bir yerdə vahid səsvermə günündə keçiriləcək.

Həmçinin oxuyun:

Putin seçki kampaniyası, vaksinasiya və demoqrafik çuxur barədə

14